Ўзбекистонда қурилаётган коттеж типидаги уйлар, архив сурат

Арзон уйларнинг нархи 85 млн сўмдан бошланиши маълум бўлди

45189
(Янгиланган 17:15 02.02.2018)
Ҳозирда арзон уйларнинг дастлабки лойиҳалари ва қурилиш жойлари аниқланмоқда

ТОШКЕНТ, 6 дек — Sputnik. Самарқанд вилояти туманларида 1 758 та янгиланган лойиҳадаги намунавий уйлар қурилади, деб хабар қилмоқда "Зарафшон" нашри.

Нашрга кўра, Ўзбекистон Республикаси Президентининг 2016 йил 21 октябрдаги "2017-2021 йилларда қишлоқ жойларда янгиланган намунавий лойиҳалар бўйича арзон уй-жойлар қуриш дастури тўғрисида"ги қарорига асосан мазкур йўналишдаги ишлар кенг кўламда давом эттирилиб, қишлоқ аҳолисининг турмуш шароитини янада яхшилашга эътибор қаратилмоқда.

"Президент қарори асосида 2017 йил дастурида қишлоқ жойларида намунавий лойиҳаларни такомиллашган, энерготежамкор, оптимал ечимларга эга, камқийматли, уйга муҳтож оилаларга мўлжалланган арзон нархларда якка тартибдаги уй-жойлар намуналарининг учта турини қуриш назарда тутилган", — деб таъкидлаган нашрга берган интервьюсида "Қишлоқ қурилиш инвест" инжиниринг компанияси вилоят филиали директори Акмал Шукуров.

Шукуровнинг сўзларига кўра, биринчи тури бўйича уч ёки тўрт йўлакли алоҳида ошхона, ювиниш хонаси ва қўшимча бинолари бўлган умумий майдони 42,4 метр квадратдан иборат 2 хонали ҳамда 52,4 метр квадратни ташкил этувчи 3 хонали уйлар қуриш режалаштирилган. Иккинчи тури бўйича аҳоли зич жойлашган массивларда 2 сотих майдондаги ер участкасида бир қаватли икки ва уч хонали арзон уйлар қурилади. Ҳовли қисмида болалар ўйингоҳи, уй эгалари дам олишлари учун шароитлар эътиборга олинган.

Таъкидланишича, канализация тизими алоҳида чиқиндихонага уланади. Сув таъминоти қийин бўлган ҳудудларда эса ҳар бир хонадонга алоҳида қўшимча зарурий бинолар қурилиши мумкин. Сув таъминоти яхши бўлган ва марказлашган канализация тизими мавжуд ҳудудларга 3 қаватли 24 хонадонли уй-жойлар қурилиши ҳам назарда тутилган.

Учинчи тури бўйича эса ҳар бирига алоҳида 4 сотих майдонга эга 2 қаватли қўшиб қурилган 4 хонали 2 хонадонга мўлжалланган уйлар қурилади. Бунда биринчи қаватда зал, ошхона, ювиниш хонаси, айвон, қозонхона ва бошқа хоналар режалаштирилган. Иккинчи қаватда ота-она ва болалар учун 3 та ётоқхона, ювиниш хонаси ва йўлак лойиҳалаштирилган. Ҳовли қисмида қурилаётган намунавий уйлардаги каби дарвозахона, кириш эшиги, омборхона ва бошқа қўшимча бинолар бўлади. Бундан ташқари, ҳовлисида болалар ўйнаши, хонадон соҳибларининг дам олиши, дарахт, экин ва гуллар парваришлаши учун 81 квадрат метр жой қолади.

2 сотих майдонда уй-жойлар қуриладиган массивларда эни 13 метрли ички кўчалар, уй-жойлар оралиқ қисмида хўжалик мақсадлари учун 4 метрли йўлаклар қурилади.

2009 йилда қабул қилинган қишлоқ жойларда намунавий лойиҳалар бўйича якка тартибдаги уй-жойлар қуриш дастури доирасида уй қурувчининг дастлабки бадали 25 %ни ташкил этган бўлса, янги дастур бўйича биринчи ва иккинчи турдаги уйлар учун 15% миқдорида дастлабки тўлов амалга оширилади.

Қарор асосида бундай уйларнинг қурилиши аҳолига жуда катта қулайлик яратади. Дастлабки ҳисобларга кўра, биринчи турдаги 2 қаватли 4 йўлакли 16 хонадонли уй-жойларнинг 2 хонаси нархи 85 миллион сўм, 3 хонали эса 100,7 миллион сўмни, иккинчи турдаги аҳоли зич жойлашган туманларда 2 сотих майдондаги ер участкасида барпо этиладиган бир қаватли 2 хонали уйлар 101,5 миллион сўмни, бир қаватли 3 хонали уйлар 118,7 миллион сўмни, учинчи турдаги 4 сотих майдондаги ер участкасида барпо этиладиган 4 хонали уйлар эса 181,8 миллион сўмни ташкил этмоқда.

Бунда биринчи ва иккинчи турдаги уй-жойларга 15 %лик бошланғич тўлов белгиланган бўлиб, қолган қисми 7 фоизлик имтиёзли давр билан 15 йилга уй эгаси номига кредит ажратилади.

Учинчи турдаги 4 сотихли 4 хонали уйларнинг нархи 181,8 миллион сўмни ташкил этиб, биринчи тўлов сифатида уй нархининг 25 % миқдорида бадал пули тўланади. Яъни, хонадон соҳиби 45,5 миллион сўм атрофида биринчи тўловни тўлаши лозим бўлади. Қолган қисми учун 15 йилга 7 %лик имтиёзли кредит ажратилади.

Уй-жойларга электр, газ, ичимлик сув тармоқлари тортиш ва ички йўлларни қуриш республика бюджети ҳисобидан бажарилади.

"Ўтган йилларда намунавий лойиҳадаги уйларнинг молиявий томонлари билан асосан "Қишлоқ қурилиш банк" ТИФ Миллий банки, "Ипотекабанк" шуғулланган бўлса, янги қарор асосида Халқ банки, "Асакабанк" ва "Ўзсаноатқурилишбанк" каби молия муассасалари ҳам жалб этилди", — деб маълум қилган суҳбатдош.

Нашр хабарига кўра, Самарқанд вилояти туманларида барча турдаги уйлардан 1 758 та янгиланган лойиҳадаги намунавий уйлар қурилади. Шу жумладан, Паст Дарғом туманида 182 та, Пахтачида 52 та, Жомбойда 102 та, Нарпай туманида 72 та, Иштихонда 102 та, Булунғурда 57 та, Каттақўрғон туманида 77 та, Нуробод, Қўшработ ва Пайариқда 42 тадан, Тайлоқда 152 та, Оқдарёда 372 та, Самарқанд туманида 319 та, Ургутда 145 та уйлар қурилиши режалаштирилган.

Хабарда айтилишича ҳозирда бундай уйларнинг дастлабки лойиҳалари ва қурилиш жойлари аниқланмоқда.

45189
Теглар:
Жомбой, сўм, миллион, коттеджлар, арзон уйлар, Самарқанд, Ўзбекистон
Мать с младенцем

Ўзбекистонда чақалоқ савдоси авж олишининг 3та асосий сабаби санаб ўтилди

175
Уч йиллик ҳолатлар таҳлили шуни кўрсатганки, ўз чақалоғини сотган аёлларнинг 31%и оғир ижтимоий аҳволда эканлиги сабабли ушбу жиноятга қўл урган. Аёлларнинг 17%и шу иш орқали ҳомиласини яширмоқчи бўлган, 52 %и эса бу ишни моддий манфаат кўзлаб, амалга оширган.

ТОШКЕНТ, 5 дек - Sputnik. Ўзбекистонда сўнгги уч йилда чақалоқ савдосидан 114та бола жабр кўрган. Бу ҳақда Одам савдосига ва мажбурий меҳнатга қарши курашиш Миллий комиссиясининг навбатдаги йиғилишида маълум қилинди.

Ўзбекистон Олий Мажлиси Сенати Раиси, Миллий Комиссия раиси Танзила Нарбаева олиб борган ушбу мажлисда республикада чақалоқ савдосининг олдини олиш, унинг келиб чиқиш сабаблари, омиллари ва мавжуд муаммолар муҳокама қилинди.

Хусусан, Норбоеванинг таъкидлашича, Ўзбекистонда сўнгги уч йилда чақалоқ савдосидан 114та бола жабр кўрган бўлса, уларнинг 89%и 1 ёшгача бўлган болалардир.

Мажлисда оналар нима сабабдан ушбу мудҳиш жиноятга қўл уришлари сабаблари ҳам айтиб ўтилди.

2027-2020 йиллардаги ҳолатлар таҳлили шуни кўрсатганки, ўз чақалоғини сотган аёлларнинг 31%и оғир ижтимоий аҳволда эканлиги сабабли ушбу жиноятга қўл урган.

Аёлларнинг 17%и шу иш орқали ҳомиласини яширмоқчи бўлган, 52 %и эса бу ишни моддий манфаат кўзлаб, амалга оширган.

175
Гули Мурадова с мужем

Британиялик лорднинг рафиқаси Гули Мурадова сиёсий карьерани бошлаш ҳақида ўйламоқда

765
(Янгиланган 15:09 05.12.2020)
Мурадованинг таъкидлашича, у ҳозирда Оксфорд университетида етакчилик бўйича таҳсил олмоқда ҳамда ўзбекистонлик аёллар учун лидерлик ва гендер тенглик масалаларида бепул онлайн-дарслар ўтиб келмоқда.

ТОШКЕНТ, 5 дек - Sputnik. Британиялик лорд Муҳаммад Илтаф Шейхнинг рафиқаси, келиб чиқиши ўзбекистонлик бўлган Гули Мурадова сиёсий карьерага қадам қўйиш ниятидалигини маълум қилди.

У бу ҳақда яқинда тожикистонлик Даун синдромига чалинган болалар учун Эзгу ирода элчиси мақомини олганидан сўнг, Sputnik Ўзбекистон мухбирига маълум қилди.

"Катта сиёсатга қадам қўйиш режам бор. Буни инкор этмайман, аммо ҳаммасини вақт кўрсатади. Лорд жаноблари менга ҳамиша сиёсатда аёллар кўп бўлиши керак, деб такрорлайдилар. У киши аёллар ҳукуматда, раҳбар лавозимларида кўпроқ кўришни, гендер тенглик бўлишини истайдилар", - деди Гули Мурадова, "сиёсатчи бўлиш ниятингизга лорд қандай муносабатда", деган саволга жавобан.

Мурадованинг таъкидлашича, у ҳозирда Оксфорд университетида етакчилик бўйича таҳсил олмоқда ҳамда ўзбекистонлик аёллар учун лидерлик ва гендер тенглик масалаларида бепул онлайн-дарслар ўтиб келмоқда.

765
Каннабис в Узбекистане: будет ли легализован медицинский препарат

Ўзбекистонда техник каннабис етиштириш учун тўланадиган бож миқдори тасдиқланди

104
(Янгиланган 20:17 05.12.2020)
Эслатиб ўтамиз, илгарироқ Қишлоқ хўжалиги вазирлиги техник каннабис иқтисодий ва экологик жиҳатдан Ўзбекистон иқлимига мос ўсимлик ҳисобланиб, унинг ўзига хос жиҳатлари мавжудлиги борасида маълумот берган эди.

ТОШКЕНТ, 5 дек - Sputnik. Техник каннабис етиштириш билан шуғулланиш учун тўланадиган бож миқдори тасдиқланди, деб хабар бермоқда Қишлоқ хўжалиги вазирлиги ахборот хизмати.

Ўсимликни етиштириш учун 3000 та базавий ҳисоблаш миқдори (БҲМ), импорт (экспорт), қайта ишлаш, сақлаш, сотиш (чиқариш), сотиб олиш ва ташиш учун - буларнинг ҳар бири учун 200 БҲМ (тахминан 44,6 миллион сўм)дан тўғри келади.

Ушбу турдаги фаолият билан шуғулланиш учун лицензиялар олиш мақсадидаги божлар миқдори 2020 йил 3 декабрдаги ЎРҚ-653-сонли "Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида"ги Қонунининг 17-моддасида кўрсатилган.

Лицензиялар Ўзбекистон Республикаси Қишлоқ хўжалиги вазирлиги томонидан берилади.

Эслатиб ўтамиз, илгарироқ Қишлоқ хўжалиги вазирлиги техник каннабис иқтисодий ва экологик жиҳатдан Ўзбекистон иқлимига мос ўсимлик ҳисобланиб, унинг ўзига хос жиҳатлари мавжудлиги борасида маълумот берган эди.

Жумладан, вазирлик изоҳига кўра:

- каннабис энг тез ўсувчи экинлардан бири бўлиб, пахта билан солиштирганда, 1 гектардан 4 баробар кўп целлюлоз олинади;

- ўсимликка қишлоқ хўжалиги кимёвий препаратларини нисбатан камроқ ишлатилади ҳамда сувни анча кам талаб қилади;

- атроф-муҳитни ифлосланишлардан тозалаш имконини беради;

- айланмадан чиқиб қолган ерларни тиклаш учун тупроқдан кадимий ва бошқа заҳарли моддаларни чиқариб олишда ниҳоятда фойдали;

- 110 кун ичида ўсимлик 2-3 метрга етади ва бу бир мавсумда бир нечта ҳосил олиш имконини беради;

- жаҳонда 40 дан ортиқ давлатларда техник каннабисдан саноат мақсадларида фойдаланиб келинмоқда.

104