Одноклассники UZCARD тўлов тизими билан бирлашмоқда

Одноклассникидаги гуруҳларга энди пул ўтказиш мумкин

117
Пул ўтказмаларини профиль расми остида пайдо бўлган ҳавола орқали амалга ошириш мумкин

ТОШКЕНТ, 6 дек — Sputnik. Одноклассники ижтимоий тармоғи ушбу тармоқда мавжуд барча гуруҳларга фойдаланувчилар томонидан пул ўтказиш созланмасини яратди. Пул ўтказмасини исталган гуруҳга юбориш мумкин. Созланма орқали гуруҳ томонидан кўрсатилаётган хизматлар учун пул тўлаш, миннатдорчилик билдириш, гуруҳ ривожланишини қўллаб-қувватлаш ёки ҳайрия сифатида пул ўтказиш мумкин, деб хабар қилмоқда Одноклассники ижтимоий тармоғи матбуот-хизмати.

Пул ўтказмаларини профиль расми остида пайдо бўлган ҳавола орқали амалга ошириш мумкин.

Хизматдан фойдаланиш учун гуруҳ маъмурияти пул тушиши керак бўлган банк картаси рақамини киритишлари ва СМС-авторизациядан ўтишлари керак бўлади. Пўл ўтказмалари ҳақидаги маълумот гуруҳ созланмаларининг "Пул ўтказмалари" бўлимида акс эттирилади. Гуруҳ бошқарувчиси эса кўрсатилган банк картасига пул келиб тушгани ҳақида хабарномани ёқиш имкониятига эга. Келажакда пул ўтказмалари учун комиссия тўловини пул ўтказувчилардан пул олувчиларга юклаш режалаштирилган.

MasterCard ва Maestro карталаридан пул ўтказилганда комиссия тўлови олинмайди.

117
Теглар:
тўлов, ок, одноклассники, Россия, Ўзбекистон
Медицинский сотрудник устанавливает капельницу в стационаре для больных с коронавирусной инфекцией

Ўзбекистонда коронавирус: 14 август асосий хабарлари

567
Бир сутка давомида 498 кишида коронавирус аниқланди, Ўзбекистонда коронавирус инфекцияси қайд этилганлар сони 33 821 нафарни ташкил қилмоқда.

ТОШКЕНТ, 14 авг — Sputnik. Sputnik Ўзбекистон республикадаги эпидемиологик вазият тўғрисида асосий хабарларни тўплади.

Бир сутка давомида 498 кишида коронавирус аниқланди, Ўзбекистонда коронавирус инфекцияси қайд этилганлар сони 33 821 нафарни ташкил қилмоқда.

Янги касалланиш ҳолатларининг 127 нафари Тошкент вилоятида, 105 нафари Тошкент шаҳрида, 12 нафари Хоразм вилоятида, 8 нафари Андижон вилоятида, 3 нафардан Қашқадарё ва Фарғона вилоятларида ҳамда 2 нафари  Қорақалпоғистон Республикасида тана ҳарорати кўтарилганлиги учун профилактика мақсадида ҳамда коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Даволаниш кўрсаткичи

Бугуннинг ўзида 612 нафар бемор тузалиб, ўз уйларига кузатилди. Республика бўйлаб жами соғайганлар сони 27 825 нафарга етди.

Айни пайтда 5 776 нафар беморга белгиланган стандартлар бўйича даво чоралари кўрилмоқда.

Ўлим ҳолатлари

Кун давомида коронавирусга чалинган 4 нафар бемор –  Шайхонтоҳур туманида яшаган 71 ёшли М.О. (эркак) ҳамда Яккасарой туманида яшаган 51 ёшли У.П. (эркак), Олмазор туманида яшаган 72 ёшли А.Я. (эркак) ҳамда Яккасарой туманида яшаган 36 ёшли Ф.Р. (эркак) вафот этди.

Ўзбекистонда жами 220 киши пандемия қурбони бўлди.

Контракт тўлови бўйича енгилликлар

Талабаларга контракт тўлови бўйича енгилликлар берилди.

Пандемия шароитида аҳолининг тўлов қобилияти пасайиши ҳисобга олиниб, фарзанди тўлов-шартнома асосида ўқийдиган оилаларга қатор енгилликлар берилди.

Олий ва ўрта махсус таълим вазирлиги пандемия даврида контракт нархлари борасида келиб тушган мурожаатларни инобатга олиб, Молия вазирлиги билан бирга таклифлар ишлаб чиқди.  2020/21 ўқув йилида амалдаги базавий тўлов-контракт миқдори учун кундузги шаклда ўқийдиган барча талабаларга 10 фоиз чегирма берилади. Бу ҳақда батафсил.

Метро ишга тушади

15 августдан бошлаб, Тошкент метрополитени фаолияти қайта йўлга қўйилади. Тошкент метрополитенининг “Ўзбекистон”, “Чилонзор” ва “Юнусобод” линиялари доимий иш режимида фаолият юритишни бошлайди.

Авиа ва темир йўл қатнови

Ўзбекистонда 15 августдан маҳаллий авиақатновлар ва темир йўл қатновлари бошланади.

Маҳаллий авиақатновлар ва темир йўл қатновини ташкил этишда доимий равишда ҳар бир авиақатнов ва темир йўл қатновидан олдин тегишли ҳаво кемаси ва темир йўл вагонлари (шу жумладан, ҳар бир ўриндиқни) тўлиқ дезинфекциядан ўтказиш ҳамда ҳавосини зарарсизлантириш тизимини жорий этиш чоралари кўрилади.

Дунё саломатлиги

Дунё бўйлаб инфекцияни юқтириб олган кишиларнинг сони 20,9 миллиондан ошди, 760 минг киши вафот этди, 13 миллион киши тузалди. Энг кўп ҳолатлар АҚШда (5,2 млн), Бразилияда (3,2 млн), Ҳиндистонда (2,5 млн).

567
Мавзу:
COVID-19 умумжаҳон пандемияси
Национальная валюта Узбекистана — сум

Кундузги шаклда ўқийдиган барча талабаларга 10 % чегирма берилади

244
Пандемия шароитида аҳолининг тўлов қобилияти пасайиши ҳисобга олиниб, фарзанди тўлов-шартнома асосида ўқийдиган оилаларга қатор енгилликлар берилди.

ТОШКЕНТ, 14 авг — Sputnik. Талабаларга контракт тўлови бўйича енгилликлар берилди.

Пандемия шароитида аҳолининг тўлов қобилияти пасайиши ҳисобга олиниб, фарзанди тўлов-шартнома асосида ўқийдиган оилаларга қатор енгилликлар берилди.

Олий ва ўрта махсус таълим вазирлиги пандемия даврида контракт нархлари борасида келиб тушган мурожаатларни инобатга олиб, Молия вазирлиги билан бирга таклифлар ишлаб чиқди. Унга кўра:

- 2020/21 ўқув йилида амалдаги базавий тўлов-контракт миқдори учун кундузги шаклда ўқийдиган барча талабаларга 10 фоиз чегирма берилади;

- ОТМлар томонидан етим, чин етим, ногирон бўлган талабаларга ҳамда ижтимоий ҳимояга муҳтож, «темир дафтар» рўйхатидаги оилалар фарзандлари бўлган талабаларга контракт тўловларини қоплаш учун манзилли моддий ёрдам кўрсатилади. Бунда ОТМлар мавжуд маблағлари ҳисобидан талабаларнинг ижтимоий ҳолатидан келиб чиқиб, 4 млн сўмгача молиявий ёрдам кўрсатиш имкониятига эга бўлади;

- Қуролли Кучлар сафида муддатли ҳарбий хизматни ўтаган ва ОТМларда тўлов-контракт шакли асосида ўқиётган 4 минг нафардан зиёд талабага шартнома миқдорининг 35 фоизини тўлаш орқали моддий ёрдам кўрсатилади. Ушбу моддий ёрдам бир талабага бир йилда 2,4 млн.сўмдан 3,4 млн.сўмгача миқдорни ташкил этади.

Қўшимча қилинишича, ОТМларда таълим олиш (ўзининг, 26 ёшга тўлмаган фарзандларининг ёки эрининг (хотинининг) таълим олиши) учун тўловларга йўналтириладиган, солиқ солиниши лозим бўлган иш ҳақи ва бошқа даромадлари даромад солиғидан озод қилинган бўлиб, бунда бир нафар талаба учун контракт тўлаган оилага бир йилда 770 минг сўмдан 1 млн 177 минг сўмгача маблағ даромад солиғидан имтиёз шаклида қайтади.

Тўлов-шартнома асосида ўқийдиган талабаларга шартнома шартларини бажаришда бериладиган чегирмалар ҳисобига давлат бюджетига ортиқча юк тушмаслиги учун олий таълим муассасаларида ўқув жараёнига тегишли харажатлар нормативлари қайта кўриб чиқилади ҳамда уларда қўшимча таълим хизматларни кўрсатиш ҳисобига бюджетдан ташқари маблағларни жалб қилиш орқали чегирма харажатларини қоплаш чоралари кўрилади.

244
Мавзу:
COVID-19 умумжаҳон пандемияси
“Талибан” снова наступает: в Афганистане произошла серия терактов

Толиблар Тожикистон чегараси яқинида ҳужум уюштирди

262
Толибларнинг Тожикистон чегараси яқинида Афғонистон армияси кучларига қуролли ҳужуми муваффақиятсизлик билан якун топди.

ТОШКЕНТ, 15 авг — Sputnik. Тожикистон билан чегарада афғон ҳарбийлари толиблар ҳужумини қайтарди, деб хабар қилди Sputnik Тожикистонга афғон миллий армиясининг 217-"Помир" корпуси матбуот-котиби.

Террорчилар 14 август куни 6.30да Бадахшон провинциясининг Куф-Аб уезди ҳудудида армия ва полиция кучларига ҳужум уюштирган.

Афғонистон ҳарбийлари ҳаракатлари натижасида 10 нафар жангари ўлдирилган, 6 нафари жароҳатланган, 4 нафари асир олинган.

Жангарилардан 1 та гранатомет, 1та Калашников автомати ва бошқа қуроллар олиб қўйилган.

Муваффақиятсиз ишғолдан сўнг, толиблар чекинган. Афғонистон армияси томонидан бўлган йўқотишлар ва/жароҳатланганлар ҳақида маълумотларга аниқлик киритилмаган.

262