Ўзбекистонда сайловлардан кейинги ҳолат

Ўҳў! Сўнгги 7 кун ичида Ўзбекистон аҳлини ҳайратга солган 5 хабар

8322
(Янгиланган 13:28 10.12.2016)
Sputnik Ўзбекистон нашри эълон қилган янги рукндан декабр ойи бошида ўзбек аҳли-ю, дунё ҳамжамиятини чексиз ҳайратлантирган 5 янгилик ўрин олган

ТОШКЕНТ, 7 дек — Sputnik, Дилшода Раҳматова. Декабр ойининг бошланиши ўзгача кечди: Ўзбекистонда рўй бераётган оламшумул воқеалардан табиат ҳам "тутаб" кетиб, қиш мавсумининг биринчи кунларида об-ҳаво ҳарорати нақ 20 даража иссиқни ташкил қилди!

Sputnik Ўзбекистон нашри декабрнинг биринчи ҳафтасида ҳамюртларимизни ҳайратга солган хабарларни эслашга қарор қилди.

1. Валюта ислоҳотлари — Тасаввур қилинг, энди чет элга чиқмоқчи бўлсангиз, 10 минг $ валютани олиб чиқишингиз, 2 минг $гача бўлган валютани эса, ҳатто, декларацияда кўрсатиб ўтмаслигингиз мумкин… Давлат порталида валюта соҳасини эркинлаштириш ҳақидаги қонун лойиҳасида худди ана шу ҳақда гап боради. Нима ҳам дердик, бу ўзбек жамоатчилигини беҳад хурсанд қилиб юборган хабарлардан бири бўлди…

АҚШ доллари
© Sputnik / Максим Богодвид
АҚШ доллари

2. Атамбаев Ўзбекистонни ГЭС қуришга чақирди — Ким айтди Ўзбекистон сув танқислиги муаммоси қаршисида, деб? Мана, Қирғизистон айнан ўз қўшниси учун атай ГЭС қураётганини эълон қилди. "Биз бугун Юқори-Норин каскади ва Қамбарота-1" бўйича ишлашимиз керак. Агар Ўзбекистон ушбу қурилишнинг таъсисчиларидан бири бўлса, айни муддао бўларди. Ахир бу ГЭС Ўзбекистон эҳтиёжлари учун қурилмоқда" дея баёнот қилди Атамбаев. Айтганча, у расмий Бишкек бундан буёғига фақат ўз ҳарбий кучларига таянишини ва, шу боис, Россия ҳарбий базалари мамлакатдан чиқариб юборилишини ҳам қўшимча қилди. Хуллас, биргина ўзбеклар ҳайратда қолгани йўқ…

База строителей Верхне-Нарынского каскада ГЭС
Sputnik / Всеволод Тарасевич
Юқори Норин каскад ГЭС қурилиш базаси

3. Эрдўғон Путинни доллардан воз кечишга чақирди. Доллар васвасаси бутун дунёни қамраб олган бўлса — ўз йўлига. Туркия президенти эса дунё мамлакатларига босим ўтказишнинг ўзига хос йўлини ўйлаб топган "ғанимга" муносиб жавоб қайтариш усулини "кашф қилди". У яқиндагина ярашиб олган ҳамкасби — Россия президенти Путинга — ўзаро савдода маҳаллий валюталарга ўтиш таклифини билдирди. Эрдўғоннинг сўзларига кўра, унинг ушбу қарорини Хитой ва Эрон "чапак чалиб" кутиб олган.

Россия президенти В. Путин ва Туркия президенти Ражаб Тойиб Эрдўғон
© Sputnik / Алексей Дружинин
Россия президенти В. Путин ва Туркия президенти Ражаб Тойиб Эрдўғон

 

4. Шавкат Мирзиёевнинг ғалабаси - Ўзбекистонда муддатидан олдин ўтказилган президент сайловлари дунё ҳамжамияти эътиборида бўлди: сайлов жараёнини 600га яқин халқаро кузатувчилар кузатди. Уларнинг аксарияти "бу сайловлардан ўрганадиган нарсамиз кўп бўлди", дея эътироф этди. Ўзбекистон фуқаролари Шавкат Мирзиёевнинг ишончли ғалабаси билан бирга янги президент томонидан сўзланган биринчи нутқни ҳам гулдурос қарсаклар билан қарши олишди. "Худойи Таоло бундай лавозимни халқ олдида синов учун берди", "Ниятим, оёғим ердан узилмасдан, халқ истак-ниятларини амалга ошириш", "Халқнинг бахтлилигини кўриш ва халқни рози қилиш учун бутун борлиғим билан ҳаракат қилишга тайёрман" — бу гаплар самимий ва юракдан айтилди. Ўзбекистон катта ўзгаришлар остонасида!

Ситуация после выборов президента в Республике Узбекистан
© Sputnik / Валерий Мельников
Ўзбекистоннинг янги сайланган президенти Шавкат Миромонович Мирзиёев

5. Ўзбекистон 27 давлат учун виза тартибини бекор қилди — Ўзбекистон бир эмас, икки эмас, балки 27 давлатга виза тартибини бекор қилгани оламшумул янгилик бўлди. Фақат тожикистонликлар рўйхатдан ўзларини топа олмай бир оз каловланиб қолишганини айтмаганда, ҳамда 50 долларлик тўлов ҳам айримларга бир оз кўпдек туюлганини инобатга олмаганда, ҳаммаси рисоладагидек. Аммо тарихий обидаларимизга бир қур назар ташлашни хоҳлайдиганлар учун бу тўлов оғирлик қилмайди, деб умид қиламан.

Самарканд, мавзолей Гур Эмир (Тамерлана)
Михаил Генис
Гўри Амир мақбараси, Самарқанд

Айтганча, яна бир хабар — Россияда "Эшак" номли ресторан очилгани ҳам кўпчилик томонидан ҳайрат ила қарши олинди. Россиялик артист Светлаков "Эшак" номи билан бутун бошли ресторанлар тармоғини очмоқда. Ҳайратланганлар орасида ресторанга нега бундай ном берилганига тушунмай, "Нима, ресторан ўз мижозларига "эшшакдай хизмат қиладими?" дея савол ташлаганлар ҳам бўлди. Хуллас, камина бу саволга жавоб бера олмайди. Ана шунақа гаплар…

8322
Теглар:
ўзбеклар, меҳмонхона, эшак, виза, сайловлар, доллар, АҚШ, ГЭС, президент, Эрдўғон, Атамбаев, Шавкат Мирзиёев, Ўзбекистон
Свадебные кольца

Ўзбекистонда никоҳга кириш муддатини узайтириш таклиф этилмоқда

420
Таъкидланишича, ҳозирги кунда ФҲДЁга ариза топширганидан сўнг бир ой ўтиб оила қуриш мумкин. Ваҳоланки, бу муддатда икки ёш ҳатто бир-бирини таниб олишга ҳам улгурмайди, дейилади хабарда

ТОШКЕНТ, 27 фев - Sputnik. Жиноят ишлари бўйича Юнусобод тумани суди, Фуқаролик ишлари бўйича Мирзо Улуғбек туманлараро суди, Тошкент туманлараро маъмурий суди ҳамда Тошкент туманлараро иқтисодий суди томонидан жиноятларни жиловлаш, жиноятчилик профилактикасини янада такомиллаштириш борасида амалга оширилган ишлар юзасидан брифинг ташкил қилинди, деб хабар беради ЎзА.

Маълум қилинишича, Фуқаролик ишлари бўйича Мирзо Улуғбек туманлараро судида 2020 йил давомида жами 11 276 фуқаролик иши тамомланган. Кўрилган ишларнинг 7393 таси битимларга доир низолар бўлса, 1485 таси никоҳдан ажратиш билан боғлиқ бўлган. Қолганларини меҳнат, мулк ҳуқуқи ва бошқалар ташкил этган.

"Ажрашишнинг асосий сабабларидан бири – аксарият ёшларимиз оила қуришга тайёр эмас. Ажримлар сонини камайтиришга эришиш ва мустаҳкам оилани шакллантириш учун никоҳга кирувчиларга эътибор кучайтирилиши мақсадга мувофиқ", — дейилади хабарда.

Тадбирда никоҳга кириш жараёнини мураккаблаштириш зарурлиги таклиф этилган.

Таъкидланишича, ҳозирги кунда ФҲДЁга ариза топширганидан сўнг бир ой ўтиб оила қуриш мумкин. Ваҳоланки, бу муддатда икки ёш ҳатто бир-бирини таниб олишга ҳам улгурмайди.

Шу боис никоҳга кириш муддатини бир ой эмас, уч ойга узайтириш лозимлиги таъкидланган. Никоҳдан ўтиб, сўнг фарзандини тирик етим қилгандан кўра, уч ойлик муддатда бир-бирига маъқул келмаса, ўз йўлида давом этгани маъқул.

420
Председатель объединения VETERAN Талъат Мурадов

Муродов афғон урушида бедарак кетган яна олти аскар қабрлари топилганини маълум қилди

614
VETERAN бирлашмаси раиси Талъат Муродов Афғонистонда жанг қилган ветеранлар коронавирус пандемияси вақтида қандай қўллаб-қувватлангани, Афғонистон Ислом Республикаси ҳудудида уруш вақтида бедарак йўқолган жангчиларни қидириш ишлари қандай кечаётгани ҳақида гапирди

Талъат Муродовнинг сўзларига кўра, коронавирус пандемияси вақтида VETERAN бирлашмаси ўз ходимларини қўллаб-қувватлаш учун бир қанча чоралар кўрган.

"Биргаликда биз кучмиз!" жамғармаси билан биргаликда бирлашма пандемия давомида Ўзбекистонда истиқомат қилувчи афғон жангчиларига ёрдам бериб келган.

"Ўтган йилнинг май ойида республикамизда рўй берган фожиа - Сардоба сув омборида юз берган ўпирилиш вақтида бизнинг 18 нафар ходимимиз ҳам жабр чеккан. Бирлашмамиз томонидан уларга янги буюмлар: пойабзал, иссиқ кийим-кечак, ёпинчиқлар етказиб берилди, сабаби, улар бошпанасиз қолишган эди", — деб ҳикоя қилди Талъат Муродов Sputnik Ўзбекистон мухбирига берган интервьюсида.

Афғонистондаги урушда Ўзбекистондан 65 000 нафар ветеранлар иштирок этган, улардан 2000 нафари ногирон бўлиб қайтишган, кейинчалик ногиронлар сони 5000 нафарга етган, 1 565 минг ўзбек ўғлонлари бу урушда ҳалок бўлишган, 33 нафари бедарак кетган. Мустақиллик йилларида бедарак кетган ҳисобланган аскарларнинг тўрт нафари тирик топилган ва ватанга қайтарилган. Аммо 29 нафар аскар топилган эмас, уларни ота-оналари, яқинлари ҳалигача кутишади. Ўтган йилнинг ёз фаслида Ўзбекистон ҳукумати афғон урушида бедарак кетган аскарларни қидириш ишларини молиялаштириш ҳақида қарор қабул қилган.

Муродовнинг айтишича, жорий йил февраль ойининг бошида байналминал жангчилар қўмитаси вакилларидан иборат делегация Афғонистонга учган. Афғонистонда ташкил этилган учрашувлар натижасида делегация аъзоларига тўртта қабр кўрсатилган. Шунингдек, татар диаспораси томонидан яна иккита қабр аниқлангани маълум қилинган.

"Бедарак йўқолган аскарларни қидириш ишлари олиб бориляпти ва сўнгги аскарни топгунга қадар давом эттирилади", - деди Муродов.

Эслатиб ўтамиз, бугун Тошкент шаҳрида афғон уруши ветеранлари "Байналминал-жангчи" орденлари билан тақдирландилар.

614
Мавзу:
Афғонистон: 30 йил тинчлик илинжида

Бутина америка турмаларидаги қийноқлар ҳақида гапирди

613
(Янгиланган 18:07 27.02.2021)
Бутинанинг айтишича, уни карцерга ўтказиб, у ерда тўрт ой давомида ушлаб туришган, гарчи халқаро стандартлар бўйича карцерда 15 кундан ортиқ ушлаш мумкин бўлмаган.

ТОШКЕНТ, 27 фев — Sputnik. Америка қамоқхонасидан озод қилинган россиялик, жамоатчилик палатаси аъзоси Мария Бутина "НТВ" учун суратга олинган фильмда америка турмасида бошидан кечирганлари ҳақида сўзлади.

"Рўй берган воқеаларни холокостга қиёслаш мумкин, ахир бу миллатингиз туфайли таъқиб эди-да. Ҳозир эса россиялик ватандошларимизни ҳам худди шундай миллати ва фуқаролиги учун таъқиб қилишмоқда", - деди у.

Бутинанинг айтишича, уни карцерга ўтказиб, у ерда тўрт ой давомида ушлаб туришган, гарчи халқаро стандартлар бўйича карцерда 15 кундан ортиқ ушлаш мумкин бўлмаган.

"Тунда ҳар 15 дақиқада светни ёқишиб: "Are you окay?" (Яхшимисан?) деб сўрашади. То уларга жавоб бермагунингга қадар сени уйғотаверишади", - деди Бутина.

Бундан ташқари, Бутинани аллақандай препаратлар қабул қилишга мажбур этмоқчи бўлишган.

"Улар одамни урмайди, шунчаки руҳан қийнашади, психотроп препаратлар ичишга мажбур этишади, чунки улар таъсирида тергов қилиш осонроқ", - дейди Мария.

Бутинанинг айтишича, кунига беш маҳалдан назоратчилар унинг камерасига келиб, контрабанда борлиги гумони остида уни яланғоч қилиб ечинтиришган.

Россияликнинг сўзларига кўра, камерада деярли ҳеч қачон свет ўчирилмаган. Боз устига, назоратчилар ҳамиша баланд чийилдоқ овоз чиқишини таъминлаб берганлар.

"Яъни улар ҳамиша шу чийилдоқ овоз билан ҳам мўртлашиб қолган руҳиятингизга таъсир ўтказишади. Иродангизни тамомила синдиришади", - деб хотима қилди Бутина.

Бутина 2018 йилнинг июлида қўлга олинган ва "ноқонуний чет эл агенти бўлиш мақсадида тил бириктирув" айблови билан 18 ойга қамалган. 2019 йилнинг октябрида Бутина озодликка чиқарилган ва Россияга депорт қилинган эди.

613