Шавкат Мирзиёев

Ўзгаришлар остонасидаги Ўзбекистон

1667
(Янгиланган 13:32 07.12.2016)
Sputnik ўзбекистон мухбири Ўзбекистоннинг сайланган Президенти Шавкат Мирзиёевнинг ички ва ташқи сиёсатда қандай йўл тутиши мумкинлиги ҳақида экспертларнинг фикрлари билан қизиқди

ТОШКЕНТ, 6 дек — Sputnik, Курилкин Антон. Sputnik  мухбири экспертлар билан Ўзбекистоннинг сайланган Президенти Шавкат Мирзиёевнинг дастлабки қадамлари ҳақида суҳбатлашди

Дастлабки қадамлар

Сентябр ойи бошида Бош вазир Шавкат Мирзиёевга Ўзбекистон Президенти вазифасини бажариш топширилди. Сайловгача бўлган муддат ичида у кўплаб масалаларни ҳал қилишга эришди: Қирғизистон билан чегараларни делимитация қилиш бошланди, Тожикистон билан муносабатлар яхшиланиши томон қадам ташланди.

Тошкентда Ислом ҳамкорлик ташкилоти саммитининг ўтказилиши доирасида Ислом тараққиёт банки томонидан Ўзбекистон иқтисодиётига киритиладиган 1,4 миллиард доллар миқдоридаги инвестициялар бўйича келишувларга эришилди.

Текстил саноати ҳамда озиқ-овқат маҳсулотлари кўргазмалари ўтказилиши давомида Россия билан кўплаб савдо ва ҳамкорлик шартномалари имзоланди, сайловдан бир ҳафта олдин эса Россия ва Ўзбекистон ҳарбий-техник ҳамкорлик шартномасини имзолади.

Ички сиёсатда ҳам кўплаб ишлар амалга оширилди — бир неча ой ичида юз минглаб фуқаролар мурожаат қилган виртуал қабулхона ташкил этилди. Расмий статистикага кўра, виртуал қабулхонага қилинган мурожаатларнинг аксарияти ижобий ҳал этилди.

Ва яна бир энг муҳим янгилик — қатор иқтисодий муаммоларни ҳал қилувчи ва экспорт чекловларини бартараф қилувчи Президентнинг "Валюта сиёсатининг устувор йўналишлари ҳақида"ги қонун лойиҳаси муҳокамага қўйилди.

Халқ орасида мазкур қонун лойиҳаси "валюта" ислоҳоти дея аталмоқда — чунки мазкур лойиҳанинг асосий мақсади валютани эркин алмаштиришга рухсат бериш ва сўм курсини бозор кўрсаткичлари асосида ўрнатишга ўтишдир.

Ташқи сиёсат: ҳамкорлик йўли

РФА шарқшунослик институти директори,  МДХМИ профессори Сергей Лузяниннинг Sputnik Ўзбекистонга айтишича, сайланган Президентнинг биринчи навбатдаги вазифаси кадрлар масаласини ҳал қилишдан иборат бўлади. Бу ташқи сиёсатда ҳам акс этади.

Жамоани шакллантириш якунлангач, деди Лузянин, Шавкат Мирзиёев Ўзбекистоннинг ташқи сиёсатида бошқа давлатлар билан муносабатлар ҳамда халқаро ташкилотлар – масалан, КХШТ билан ҳамкорлик масалаларига эътибор қаратади. Россия ва Хитой билан муносабатлар жуда муҳим ўрин тутади.

"Россия-Ўзбекистон стратегик ҳамкорлиги сақланиб қолади. Пекин ҳам муҳим ҳамкор ҳисобланади, айниқса иқтисодий ва инвестицион соҳада. АҚШ ва ЕИ борасида эса мураккаброқ", — деди эксперт.

Лузяниннинг айтишича, Москва билан муносабатларда асосий мавзу хавфсизлик масаласи ва Ўзбекистоннинг собиқ совет маконидаги интеграцион жараёнлар — КХШТдаги иштироки бўлади. Пекин билан муносабатларда эса, экспертнинг фикрича, биринчи ўринда иқтисодий ва инвестицион лойиҳалар туради.

Қўшнилар билан муносабатлар яхшиланиши ҳам давом этади. Кун тартибида сув-экология масаласи туради ва экспертнинг фикрига кўра, мазкур масала ҳал этилади.

Сув муаммоларини ҳал этишда жамоавий шаклдаги тадбирлар – масалан, Шанхай ҳамкорлик ташкилоти муҳим рол ўйнаши мумкин, деб ҳисоблайди Лузянин. Сув масаласида Тожикистонда Роғун ГЭСининг қурилиши бошланиши муҳим ўрин тутади.

Лузяниннинг фикрича, бу масалада Тошкентнинг ён беришини кутиш мумкин. Экспертнинг изоҳлашича, Шавкат Мирзиёев бу масала билан Бош вазирлик лавозимида узоқ йиллар шуғулланган ва мазкур лойиҳани ипидан-игнасигача билади ҳамда унинг барча жиҳатларини ўрганиб чиққан.

"Мирзиёев Раҳмон билан муносабатларни яхшилаб боради. Бу терроризм ва Афғонистондаги тожик толибларига қарши кураш учун керак", — деди эксперт.

Ички сиёсат: иқтисодий ислоҳотлар устуворлиги

Мустақил эксперт Юлий Юсуповнинг Sputnik Ўзбекистонга билдиришича, бошланган валюта ислоҳоти иқтисодиётдаги улкан ислоҳотларнинг бошланишини англатади. Иқтисодчининг айтишича, валюта курсини либераллаштириш ортидан ташқи савдо ва банк фаолияти либераллаштирилишини кутиш мумкин. Бизнес юритиш борасидаги маъмурий тўсиқларни олиб ташлаш ва бизнес муҳитини яхшилаш давом этади.

Сайланган Президентнинг сайловолди дастуридан ҳам ана шу масалалар ўрин олганди. Юсуповнинг фикрича, ислоҳотлар ҳозирча умумлаштирилган ҳолда бўлиб, меъёрий ҳужжатларни ишлаб чиқиш жараёни бормоқда.

"Тизимли ислоҳотлар ҳозирча умумий кўринишда белгиланган. Улар қандай тарзда ўтказилиши ҳозирча ноаниқ. Ҳарҳолда, ислоҳотлар билан боғлиқ меъёрий ҳужжатлар декабр-январ ойларида пайдо бўлса керак", — деди эксперт.

МДҲ институти Марказий Осиё ва Қозоғистон бўлими мудири Андрей Грозин ҳам тез орада иқтисодий ислоҳотлар ўтказилишини билдирди.

"Дастлаб мамлакатнинг иқтисодиётини яхшилашга киришилади, зеро Мирзиёевнинг сайловолди пойгасида айнан мана шу устувор вазифа этиб белгиланганди. 15 йил давомида иқтисодиёт билан шуғулланиб келган инсон бу вазифани уддалай олади, деб ўйлайман", — деди Грозин.

Ҳақиқатан ҳам Президент вазифасини бажариш даврида Шавкат Мирзиёев ўз иқтисодий дастурининг аксарият бандларини амалга оширишни бошлади.

Шу билан бирга унинг сайловолди дастурида суд тизимини ислоҳот қилиш ҳамда демократия ва туризмни ривожлантириш бандлари ҳам ўрин олган.

Ва Президентнинг куни кеча "Ўзбекистон Республикаси сайёҳлик соҳасини ривожлантиришни тезлаштириш чора-тадбирлари тўғрисида"ги Фармони сайланган Президент дарҳол сўздан амалий ишга ўтганини кўрсатмоқда.

1667
Медицинские работники одевают средства индивидуальной защиты перед входом в красную зону

Ўзбекистонда коронавирус: 25 май асосий хабарлари

668
(Янгиланган 20:47 25.05.2020)
Бугуннинг ўзида республика бўйлаб 42 нафар бемор тузалиб, реабилитацияга кузатилди. Соғайиш кўрсаткичи 81,7 фоиз.

ТОШКЕНТ, 25 май — Sputnik. Sputnik Ўзбекистон республикада коронавирус билан боғлиқ бўлган асосий хабарларни тўплади.

Бир сутка давомида 39 кишида коронавирус аниқланди, сўнгги маълумотларга кўра, Ўзбекистонда коронавирус инфекцияси қайд этилганлар сони 3 189 нафарни ташкил қилмоқда.

Даволаниш кўрсаткичи

Бугуннинг ўзида 42 нафар бемор тузалиб, реабилитацияга кузатилди. Жами соғайганлар сони  2 607 нафар. Соғайиш кўрсаткичи 81,7 фоиз.

Айни пайтда 569 нафар беморга белгиланган стандартлар бўйича даво чоралари кўрилмоқда.

Яна бир хавфли ҳудуд

Тошкент вилоятининг Паркент туманига кириш ва чиқиш, туман ичида ҳаракатланиш чекланди.

Коронавирус инфекцияси тарқалишига қарши чора сифатида, Паркент туманига кириш ва чиқиш чекланди. Туман ҳудудини хавфли инфекциядан батамом тозалашда туман ҳокимлиги, СЭОМ, ИИБ, ҳарбийлар ва бошқа мутасадди ташкилотлар томонидан муҳим ишлар амалга оширилмоқда.

Бюджет

Бош давлат санитария инспектори Нурмат Отабеков коронавирус билан касалланган беморларга давлат бюджетидан ажратилган маблағлар бўйича маълумот берди. Хусусан, даволанган 2492 нафар беморга 80,491 млн сўм сарфланган. Шунингдек, карантинга олинганларга сарфланган маблағ ҳам кўрсатилган.

“Ипотека банк” ходимида коронавирус

Тошкендаги “Ипотека банк” бош бошқармаси ходимида коронавирус аниқлангани маълум бўлди.

Қайд этилишича, фуқаро яқин 20 кун ичида ўзи ва оила аъзолари меҳмонга бормаган, қўни-қўшниларникига ҳам чиқмаган. Унинг яшаш манзили бўйича мулоқотда бўлган барча оила аъзолари белгиланган тартибда карантинга олинди. Ходим билан яқин алоқада бўлган 25 нафар ходимлар карантинга олинган.

Ватандошларга ёрдам

Ўзбекистоннинг Москвадаги элчихонаси Россия ҳудудида бўлиб турган ватандошларни қўллаб-қувватлаш учун қатор тадбирларни амалга оширмоқда. 25 мартдан 23 майга қадар Москва шаҳри хостелларида оғир аҳволда қолган Ўзбекистон фуқароларининг яшаши ва овқатланиши тўлаб берилди. Бу мақсадларга 5,7 млн рубль сарфланди.

Мингдан ортиқ талабага озиқ-овқат етказиб берилди. Элчихонага ёрдам сўраб мурожаат қилган моддий қийин аҳволда қолган 217 та оила 2 ҳафталик озиқ-овқат билан таъминланди.

Инсонпарварлик ёрдами

Сеулдаги Ўзбекистон элчихонаси Жанубий Корея компанияси Suwan TPL кўмагида Ўзбекистонга сал кам икки тонна инсонпарварлик ёрдамини юборди.

Ўзбекистон Соғлиқни сақлаш вазирлиги эҳтиёжлари учун Сеулдаги дипломатик ваколатхонаси коронавирус инфекциясига қарши курашда юқори технологияли тиббий ускуналар: шприц насослари, кўчма рентген аппаратлари ва бошқа зарур воситалар кўринишидаги инсонпарварлик ёрдамини фаол жалб этишда давом этмоқда.

Кейинги юк чартер рейсини ташкил этиш билан умумий оғирлиги 17 тонна бўлган 135 минг доллардан ортиқ инсонпарварлик юкининг қолган қисми юборилади.

Дунё саломатлиги

COVID-19 дунёнинг деярли барча давлатга етиб борди. БССТнинг сўнгги маълумотларига кўра, дунёда янги коронавирус инфекциясини юқтириб олган кишиларнинг сони 5,4 миллиондан ошди, 345 минг киши вафот этди. Қарийиб 2,2 миллион киши соғайди.

 

668
Мавзу:
COVID-19 умумжаҳон пандемияси
Расул Кушербаев, депутат

Расул Кушербаевга босим ўтказилганми: прокуратура ўрганиш натижаларини маълум қилди

460
(Янгиланган 21:14 25.05.2020)
Бош прокуратура Кушербаев билан боғлиқ воқеалар юзасидан олиб борилган ўрганиш натижасини маълум қилди.

ТОШКЕНТ, 25 май — Sputnik. Ўзбекистон Олий Мажлиси Қонунчилик палатаси депутати Расул Кушербаевга сиёсий фаоллиги сабабли босим ўтказилганлиги ҳақида оммавий ахборот воситаларида кенг тарқалган ва қизғин муҳокамаларга сабаб бўлган хабарлар юзасидан Бош прокуратурада депутатнинг бевосита иштирокида ўрганиш ўтказилди.

Хабар айтилишича, Расул Кушербаев билан Бош прокуратурада ўтказилган суҳбатда баён этилган ҳар бир маълумот марказий маҳкаманинг ўзида ишга алоқадор шахсларни жалб қилган ҳолда, тегишли ҳужжатларни кўздан кечириш йўли билан тўлиқ текширилди.

“Ўрганиш натижаларига кўра, депутат Расул Кушербаевга прокуратура органлари томонидан бирор босим ёки тазйиқ ўтказилганлигини тасдиқловчи объектив далиллар аниқланмади”,  - дейилади хабарда.

Таъкидланишича, Давлат геология ва минерал ресурслар қўмитаси ҳузуридаги Кон-геология фаолиятини назорат қилиш инспекцияси томонидан Янгийўл туманидаги “Қўшёғоч Олтин Файз Балиқлари” МЧЖга ажратилган балиқчилик ҳавзасидан қум-шағал аралашмасини ноқонуний олиб чиқиб кетиш ҳолати юзасидан ўтказилган текшириш ҳужжатлари чора кўриш учун прокуратура органларига тақдим этилган.

Мазкур ҳужжатлар асосида 2020 йил 24 январда Жиноят кодексининг 167-моддаси 3-қисми “а банди билан жиноят иши қўзғатилиб, Янгийўл тумани прокуратураси томонидан дастлабки тергов ўтказилган.

Тергов давомида аниқланишича, ушбу жамият раҳбари Ж.З. акаси Б.Қ. билан жиноий тил бириктириб, балиқчилик фаолиятини ташкил этиш учун ажратилган 11,8 гектар ер майдонидан 600 миллион сўмлик 57,2 минг куб метр қум-шағал аралашмасини қазиб олган. Улар тегишли лицензияга эга бўлмаса-да, қонунга зид равишда мазкур қум-шағал аралашмасини сотиб юбориб талон-торож қилган ҳамда бу орқали давлатга жуда кўп миқдорда зарар етказган.

Шу сабабли Ж.З.га Жиноят кодексининг 167-моддаси 3-қисми “а” банди билан айблов эълон қилиниб, ишнинг унга тегишли қисми 2020 йил 4 май куни жиноят ишлари бўйича Янгийўл туман судига юборилган.

Терговдан яширинганлиги сабабли, айбланувчи Б.Қ.га қидирув эълон қилинган.

“Қидирувда бўлган Б.Қ. томонидан ижтимоий тармоқларда эълон қилинган видеомурожаатда ушбу жиноят иши тергови давомида гўёки “Қўшёғоч Олтин Файз Балиқлари” МЧЖ депутат Расул Кушербаевга тегишли эканлиги ҳақида кўрсатмалар олишга уриниш бўлганлиги ҳақида уйдирмадан иборат хабарлар тарқатилган”, - дейилади хабарда.

Қайд этилишича, жиноят иши Бош прокуратурада ўрганилганда, иш бўйича депутат Расул Кушербаевга оид бирор масала муҳокама қилинмаганлиги, унга алоқадор маълумот тўпланмаганлиги ёки у билан боғлиқ тергов ҳаракатлари ўтказилмаганлиги маълум бўлди.

Бош прокуратура ходимлари томонидан Ж.З. билан холис ўтказилган суҳбат давомида, у терговда ундан Расул Кушербаев ҳақида ҳеч қандай маълумот сўраб-суриштирилмаганлигини, у ҳақида савол берилмаганлигини, унга қарши кўрсатма бериш талаби билан тазйиқ ўтказилмаганлигини билдирган.

Бош прокуратура ижтимоий тармоқларда тарқатилган бу хабарларни аҳоли орасида обрў қозонган жамоатчилик вакиллари номидан ўз мақсадлари йўлида фойдаланиб, тергов натижасига таъсир ўтказишга ҳамда ҳуқуқни муҳофаза қилувчи органларга ишончсизлик уйғотишга қаратилган уриниш деб баҳолайди.

Таъкидланишича, Расул Кушербаевнинг Бош прокуратурада ўтказилган суҳбатда ўзига нисбатан босим сифатида баҳолаган бошқа важлари ҳам ўзининг иштирокида тўлиқ текширилиб, унга, шу жумладан, фаолияти билан боғлиқ равишда таъсир кўрсатиш ёки босим ўтказиш ҳолатлари аниқланмаган.

Бош прокуратуранинг билдиришича, мазкур важлар Расул Кушербаевнинг шахси ва ишчанлик обрўсига алоқадорлиги сабабли уларнинг тафсилотлари очиқланмайди. Депутат Бош прокуратурада ўтказилган ўрганиш натижалари билан таништирилган.

Маълум қилинишича, келгусида ҳуқуқни муҳофаза қилувчи органлар томонидан депутатнинг сиёсий фаолияти билан боғлиқ ҳар қандай тазйиқ ёки босим ўтказилишининг олдини олишга қаратилган аниқ чоралар белгиланди. Жумладан, Б.Қ.га нисбатан жиноят иши устидан алоҳида назорат ўрнатилди.

460

АҚШ яна бир муҳим шартномадан чиқмоқда - бу дунёга қандай хавф солади

0
(Янгиланган 22:28 25.05.2020)
АҚШ 1987 йилда имзоланган очиқ осмон шартномасидан чиқишини маълум қилди. Бу ҳақда президент Дональд Трамп эълон қилди.

Москвада Вашингтон бу айбловларни рад этди ва Россия томони ўз навбатида шартномадан чиқиб кетиш нияти йўқлигини билдирди.

Видеомизда Дональд Трамп халқаро хавфсизлик соҳасидаги яна бир муҳим келишувни қандай қилиб ўлдиргани ҳақида маълумот берамиз.

0