Лола Каримова, архив сурат

Лола Каримова Ислом Каримов фондининг илк лойиҳаси ҳақида хабар қилди

1473
Лола Каримова Фейсбук ижтимоий тармоғидаги саҳифасида Бухоро вилояти, Қоракўл туманида жойлашган иккита мактаб реконструкцияси "Сен ёлғиз эмассан" хайрия фонди томонидан амалга оширилгани, бироқ у бу хайрли ишни Ислом Каримов фондининг илк иши сифатида тақдим этмоқчилиги ҳақида хабар қилган

ТОШКЕНТ, 15 дек — Sputnik. Лола Каримова бу ҳақда ўз саҳифасида шундай ёзган: Бухоро вилояти Қоракўл туманида жойлашган иккита умумтаълим мактаб қайта таъмирлаш ишларидан сўнг ўқувчилар учун ўз эшикларини очди. Мазкур мактаблардаги капитал реконструкция ишлари "Сен Ёлғиз Эмассан" Фонди томонидан амалга оширилган эди, аммо отамнинг хотираларини ёдга олиб ва холис ниятларимиз рамзи сифатида ушбу хайрли ишни биз Ислом Каримов Фондининг биринчи лойиҳаси сифатида тақдим этмоқчимиз".

Хабарга кўра, 5 гектарга тенг умумий майдонда жойлашган 5- ва 43-сонли мактабларни таъмирлаш ишлари Фонд томонидан мазкур йилнинг май ойида бошлаб юборилган. 1961 ва 1980 йилларда қурилган иккала мактабнинг бинолари жуда эскирган бўлиб, анча ёмон аҳволда бўлган. Қайта таъмирлаш ишлари биноларнинг деворлари ва фундаментини мустаҳкамлашдан бошланган. Қўшимча қилиб мажлислар ва спорт заллари, мактаб ҳовлиларида футбол, волейбол, баскетбол, гандбол ва теннис майдончалари барпо этилган.

341та бола таҳсил олаётган 43-мактаб учун қўшимча 5та ўқув синфлари қуриб битказилган. Энди ўқувчилар қўшни мактаб синфларида эмас, балки ўз мактабларида бемалол дарс ўтишлари мумкин. 711та ўқувчига эга 5-мактаб учун янги гимнастика зали ва ошхона барпо этилган.

Барча корпусларнинг девор ва пойдеворлари мустаҳкамланиб, хоналарни иситиш ва канализация тизимлари янгиланиб, сув қувурлари ва ёнғин ҳавфсизлиги тизими ўтказилган.

Мактабдаги ўқув ва маъмурий хоналар замонавий мебеллар билан жиҳозланиб, компьютер техникалари билан таъминланган. Кимё, физика, биология, информатика, меҳнат хоналари ҳам зарур анжомлар билан жиҳозланган.

"Шу фурсатдан фойдаланиб Ислом Каримов Фонди номидан барча ўқувчи, мураббий ва ота-оналарни мактабларнинг очилиши билан чин дилдан самимий қутлайман. Барчамизга маълумки инсоннинг келажагига пойдевор айнан мактабда солинади. Бу икки маскан кўплаб иқтидорли йигит ва қизларни етиштиради деб астойдил умид қиламан. Таълим жараёни самарали кечиши учун биз бу ерда барча қулай шароитларни яратишга ҳаракат қилдик. Ушбу мактаблар битирувчилари билан ҳали бутун Ўзбекистонимиз фаҳрланишига тилакдошман. Оқ йўл сизга, азиз болалар!", — деб ёзган Лола Каримова ўз хабарида.

Ислом Каримов жамоатчилик хайрия фондига Ўзбекистон мустақиллиги асосчиси ва биринчи Президенти Ислом Каримовнинг хотираси ва ҳаётда амал қилган тамойилларини абадийлаштириш мақсадида асос солинган.
Ислом Каримов Фондининг бирламчи вазифалари мамлакатимиз ҳамда ҳорижда Ўзбекистоннинг тарихий, маданий ва адабий меросини тарғиб қилишга мўлжалланган дастурларни амалга оширишдан иборат.

Фонд томонидан ёшларнинг интеллектуал ва ижодий салоҳиятини ривожлантиришга, олий ўқув юрти ва мактаб мураббийлари ҳамда тиббиёт ходимларининг касбий малакаларини оширишга йўналтирилган турли илмий-маърифий, маданий дастур ва лойиҳалар амалга оширилади.

1473
Теглар:
Лола Каримова, лойиҳа, Ислом Каримов фонди, Лола Каримова-Тиллаева, Ўзбекистон
Мавзу:
Ислом Каримов таваллуд топган кун муносабати билан ўтказилаётган тадбирлар (25)

COVID-19 бемори билан мулоқотда бўлганларни карантинда сақлашнинг тартиби жорий этилди

68
Коронавирус юқтириб олган беморлар билан алоқада бўлган шахслар уй шароитида карантинда сақланади. Карантинда сақлаш муддати 14 кундан 10 кунга қисқартирилади.

ТОШКЕНТ, 8 июл — Sputnik. Ўзбекистонда коронавирус юқтириб олган беморлар билан мулоқот қилган шахсларни карантинда сақлашнинг янги тартиби жорий этилди.

Янги тартиб:

  • коронавирус инфекциясини юқтириб олган беморлар билан алоқада бўлган шахслар уй шароитида карантинда сақланади;
  • карантинда сақлаш муддати 14 кундан 10 кунга қисқартирилади ҳамда 10 кун муддатда коронавирус инфекциясини аниқлаш бўйича тест натижалари манфий бўлган тақдирда карантиндан чиқарилади;
  • тест натижалари мусбат бўлган тақдирда, беморда коронавируснинг клиник белгилари кузатилса, шифохонага жойлаштирилади, касаллик аломатларсиз ўтаётган бўлса, уй шароитида даволанишга ўтказилади (уй шароитида даволашнинг имкони бўлмаса, белгиланган тартибда тиббиёт муассасасида даволашга ўтказилади).
68
Теглар:
Ўзбекистон, коронавирус
Карантин в Узбекистане

Ўзбекистонда 1 августга қадар карантин чоралари кескин кучайтирилади

337
(Янгиланган 13:05 08.07.2020)
Ўзбекистон ҳудудида 10 июлдан 1 августга қадар карантин чоралари кескин кучайтирилади: автотранспорт ҳаракати ва йирик жамоат объектлари фаолияти чекланади.

ТОШКЕНТ, 8 июл - Sputnik. Ўзбекистонда коронавирус билан боғлиқ эпидемиологик вазиятнинг ёмонлашуви туфайли карантин чоралари кескин кучайтирилади. Бу ҳақида Республика Махсус комиссияси хабар қилмоқда. 

Хусусан, 2020 йил 10 июлдан 1 августга қадар республика миқёсида:

  • автотранспорт воситаларининг ҳаракати чекланди;
  • давлат органлари ва ташкилотларининг асосий иш фаолиятига таъсир этмаган ҳолда қонунчиликда белгиланган тартибда меҳнат таътилига чиқарилиши, қолган қисмининг меҳнат фаолиятини максимал даражада масофадан туриб (онлайн ёки дистанцион тарзда) ташкил этилиши белгиланди;
  • давлат органлари, ташкилотлар ва корхоналарда йиғилишлар ўтказиш тақиқланди, зарур ҳолларда йиғилишларни видеоконференцалоқа режимида ўтказиш белгиланди;
  • ҳудудлар ўртасида автотранспорт воситалари қатнови тақиқланди (қишлоқ хўжалиги маҳсулотларини етиштирувчи ташкилотларга тегишли хизмат ва шахсий автотранспорт воситаларининг ҳаракати бундан мустасно);
  • томоша, маданий-кўнгилочар ва бошқа оммавий тадбирларни ўтказиш тақиқланди;
  • тўй ҳамда бошқа оилавий маросимларни ўтказиш тақиқланди;
  • 65 ёшдан ошган шахсларнинг жамоат жойларида, шунингдек, аҳолининг кўчаларда ва майдонларда уч кишидан ортиқ бўлиб ҳаракатланиши чекланди.

Ундан ташқари қуйидаги жамоат объектлар фаолияти тўхтатилди:

- парклар ва истироҳат боғларидаги аттракционлар;

- буюм бозорлари ва буюмлар савдоси билан шуғулланувчи йирик дўконлар;

- спорт заллари, фитнес клуб, тренажер ва бассейнлар;

- ташкилий-ҳуқуқий ва мулкчилик шаклидан қатъи назар мактабгача таълим ташкилотлари, ўқув курслари ва ҳар қандай тўгараклар;

- умумий овқатланиш объектлари (ресторан, кафе, ошхона, чойхона) (етказиб бериш (кейтеринг) хизмати бундан мустасно);

- санаторийлар, пансионатлар, болалар оромгоҳлари, меҳмон уйлари, пляжлар ва бошқа дам олиш масканлари;

Шунингдек, халқаро авиақатновлар ва юк ташувлар учун янги тартиблар белгиланди:

- халқаро авиақатновлар хорижий давлатлардаги эпидемиологик вазиятни таҳлил қилган ҳолда икки бараварга қисқартирилади;

- халқаро юк ташувларни амалга оширадиган автотранспорт воситалари хайдовчилари мажбурий тартибда коронавирус инфекциясини аниқлаш бўйича тест топширади.

Лекин айрим саноат ва йирик қурилиш объектлари фаолиятини давом эттиришига қуйидаги шартлар асосида рухсат берилади:

* тегишли объектлар ҳудуди тўлиқ карантинга олинади;

* объектлар ҳудудида санитария ва гигиена қоидаларига тўлиқ риоя этилиши таъминланади;

* санитария-эпидемиологик осойишталик марказлари билан биргаликда тегишли объектларда санитария-гигиена тадбирлари амалга ошириб борилади;

* объектларга кириш-чиқиш жойларини пирометрлар ва антисептик воситалар, дезинфекцион “тўшак”лар билан жиҳозлаш;

* ходимлар томонидан ижтимоий масофа (2 метр)ни сақлаган ҳолда фаолият юритилишини таъминлаш.

337

Саудия ҳукумати Ҳаж мавсумида Каъбани қўл билан ушлашни тақиқлади

7
(Янгиланган 14:41 08.07.2020)
Саудия Арабистони ҳукумати бўлғуси Ҳаж мавсумида зиёратчиларга Каъбани қўл билан ушлашни тақиқлади.

ТОШКЕНТ, 8 июл — Sputnik. Саудия Арабистони ҳукумати келгуси Ҳаж мавсумида зиёратчиларга Каъбани қўл билан ушлашни тақиқлади. РИА Новости хабарига асосан.

Бу йил Ҳаж мавсуми 28 июлдан 2 августгача ўтказиш мўлжалланган.

“Каъбани ўпиш ёки уни қўл билан ушлашга уриниш тақиқланади”, - дейилган Саудия Арабистони Ҳаж ва умра ишлари бўйича вазирликнинг хабарида.

Хавфсизлик мақсадида Каъба тўсиқлар билан ўраб қўйилади.

Ҳам мавсумида зиёратчилар Каъбани 7 маротаба айланиш (тавоф) чоғида Каъбани ўпиш ёки уни қўли билан ушлашга ҳаракат қилишади.

Диний тадбирларни амалга ошириш вақтида мусулмонлар сони бир вақтнинг ўзида 50 кишидан ошмаслиги керак, улар ниқобда ва ижтимоий масофани сақлаши талаб этилади.

Арофат тепалигида зиёратчилар шаҳарчасида чодирлар орасидаги масофа 1,5 метрдан кам бўлмаслиги талаб этилади. Зиёратчиларга муқаддас Замзам суви ҳам фақат бир марталик идишлардан берилади.

Бундан аввал, Саудия Арабистони ҳукумати бу йилги Ҳаж мавсуми хорижлик зиёратчиларсиз ўтиши эълон қилинганди. Ҳар йили 2 миллиондан ортиқ зиёратчи иштирокида ўтган Ҳажда бу йил 10 минг нафар мусулмон қатнашади. 

Саудия Арабистони араб давлатлари ичида коронавирусга чалинганлар сони бўйича энг юқори давлат бўлиб ўтмоқда. Мамлакатда 217 мингдан ортиқ киши вирус юқтириб олган, улардан 2 мингдан ортиқ киши вафот этиб, 154 мингдан ортиқ киши соғайган.

7
Мавзу:
COVID-19 умумжаҳон пандемияси