Рустам Азимов

Рустам Азимов нега Тожикистонга боради

3932
(Янгиланган 20:47 20.12.2016)
Бош вазир ўринбосарининг ташрифидан асосий мақсад ўзаро савдо-иқтисодий алоқаларни муҳокама қилишдир

ТОШКЕНТ, 20 дек — Sputnik. Ўзбекистон бош вазирининг ўринбосари Рустам Азимов ҳамкорликнинг турли масалаларини муҳокама қилиш учун 26 декабр куни Душанбега ташриф буюради, деб хабар бермоқда Sputnik Тожикистон.

Музокараларнинг асосий мавзуси икки давлат ўртасидаги савдо-иқтисодий алоқалар бўлади.

Тожикистон томонидан музокараларда бош вазир ўринбосари Давлатали Саид иштирок этади. Тожикистон вазирлар маҳкамасидаги манбанинг Sputnikка айтишича, музокаралар учун мавзулар жуда кўп. Айрим масалалар юзасидан якуний қарорлар қабул қилиниши ҳам мумкин.

"Хусусан, мамлакатларимиз ўртасида темир йўл ва автобус қатновини ташкил этиш бўйича келишувга эришилиши мумкин, божхона идоралари ўзаро ҳамкорликни амалга оширишга киришишган. Виза тартиби мавзуси муҳокама қилинади, лекин ҳозирча бу борада аниқ бир нарса дейиш қийин", — деди манба.

Эслатиб ўтамиз, икки давлат ўртасида 2010 йилда виза тартиби жорий этилган.

Тожикистон ҳукумати Ўзбекистонда ишлаб чиқарилган маҳсулотлар кўргазмасини ўтказишни режалаштирмоқда. Мамлакатлар ўртасидаги ҳамкорликни илк марта олий даражада бўлиб ўтадиган бизнес-форум мустаҳкамлаши кутилмоқда. 

Бундан ташқари, ўзаро талабалар алмашинуви, шунингдек, санъаткорларнинг гастроллари борасида ҳам келишувларга эришилиши мумкин.

Марказий Осиё бўйича эксперт Александр Шустовнинг фикрича, икки давлат орасидаги муносабатларнинг илиқлашувида Шавкат Мирзиёевнинг улкан ҳиссаси бор, чегараолди муаммоларининг ҳал қилиниши эса бутун минтақадаги мамлакатлар учун манфаатли бўлган барқарорликнинг мустаҳкамланишига олиб келади.

3932
Заключенный

Энди президент ўз ташаббуси билан исталган маҳкумни афв этиши мумкин

255
Ўзбекистонда президент томонидан ўз ихтиёрига кўра маҳкумни ёки жазони ўтаб бўлган шахсни афв этиш тартиби белгиланди.

ТОШКЕНТ, 27 янв — Sputnik. Президент томонидан ўз ихтиёрига кўра маҳкумни ёки жазони ўтаб бўлган шахсни афв этиш тартиби белгиланди. Бу ҳақда Адлия вазирлининг “Ҳуқуқий ахборот” каналида маълум қилинди.

Фармонга кўра, президентнинг ислоҳотларни ҳуқуқий таъминлаш ва ҳуқуқни муҳофаза қилиш фаолиятини мувофиқлаштириш масалалари бўйича маслаҳатчиси бўлинмаларининг Фуқаролик, афв этиш ва сиёсий бошпана бериш масалалари бўйича шўъбаси – Ўзбекистон президентининг ҳуқуқни муҳофаза қилувчи ва назорат органлари фаолиятини мувофиқлаштириш масалалари бўйича маслаҳатчиси бўлинмаларининг фуқаролик ва афв этиш шўъбаси этиб ўзгартирилди.

Эндиликда президент маҳкумнинг ёки жазони ўтаб бўлган шахснинг афв этишни сўраб ёзган илтимосномаси мавжуд ёки мавжуд эмаслигидан қатъи назар ўз ташаббуси билан исталган маҳкумни ёки жазони ўтаб бўлган шахсни афв этиши мумкин.

Бу ҳақда Шўъбага президентнинг топшириқ хати юборилади.

Шўъба президентдан топшириқ хатини олган кундан эътиборан 1 иш куни ичида президент ҳузуридаги Афв этиш масалалари бўйича Комиссияси аъзоларига мажлис ўтказилиши куни ва жойи ҳақида хабар беради.

Комиссия мажлиси якунида бўйича Шўъба томонидан маҳкумларни ёки жазони ўтаб бўлган шахсларнинг шахсини ва ҳужжатларини ўрганиш учун ишчи гуруҳлар шакллантирилади ва уларнинг жойларга чиқиши ташкил этилади.

Ишчи гуруҳ Комиссия муҳокамасига киритиш учун ҳужжатлари ажратиб олинган маҳкумлардан ёки жазони ўтаб бўлган шахслардан уларга нисбатан афв этиш масаласи кўриб чиқилишига эътирози йўқлиги ҳақида розилик хати олади. Розилик хатига зарур ҳужжатлар илова қилинади.

Маҳкум ёки жазони ўтаб бўлган шахс розилик хатини ёзмаган тақдирда, унинг ҳужжатлари Комиссиянинг муҳокамасига киритилмайди.

Комиссия ишчи гуруҳ томонидан тақдим этилган  ҳужжатларни муҳокама қилиб, афв этилиши мумкин бўлган маҳкумлар ёки жазони ўтаб бўлган шахслар бўйича баённома қарорини қабул қилади ва президентга таклиф киритади.

Комиссиянинг маҳкумни ёки жазони ўтаб бўлган шахсни афв этишга тавсия қилишни рад этганлиги, уларга келгусида афв этишни сўраб илтимоснома билан мурожаат қилишга монелик қилмайди.

255
Теглар:
афв, президент фармони, президент
Вакцинация от коронавируса

Ўзбекистонда 4617 киши Хитой вакцинаси билан эмланди

69
(Янгиланган 16:14 27.01.2021)
Ўзбекистонда Хитой вакцинаси кўнгиллиларда синовдан ўтмоқда. 1 февралдан тиббиёт ходимларини оммавий эмлаш жараёнларига тайёрлаш бошланади.

ТОШКЕНТ, 27 янв - Sputnik. Ўзбекистонда 4617 киши коронавирусга қарши эмланди, деб хабар қилди Коронавирусга қарши кураш штаби аъзоси Ботир Қурбонов АОКАда.

Маълум бўлишича, Ўзбекистонда тиббиёт ходимларини махсус “Хавфсиз иммунизация” шартлари бўйича тайёргарликдан ўтказиш бўйича вакцинаторлар рўйхати шакллантирилган ва 1 февралидан тиббиёт ходимларини оммавий эмлаш жараёнларига тайёрлаш бўйича бўйича тренинг ва семинарлар бошланади.

Хитойнинг "Ayhui Zhifei Longcom Biopharmaceutical” компанияси томонидан ишлаб чиқилган, янги коронавирус рекомбинант вакцинасининг III фаза клиник синовларини ўтказиш доирасида Ўзбекистонга 5000 дона вакцина олиб келинган. 

2020 йилнинг 12 декабридан бошлаб 2021 йил 27 январига қадар 9583 нафар кўнгиллилар тиббий кўрик ва суҳбатдан ўтказилган ва 4617 нафар кўнгилли вакцинация амалга оширилди, дейилган хабарда.

Маълумот учун, Ўзбекистонда коронавирус инфекцияси қайд этилганлар сони 78 510 нафар. Уларнинг 98,0 физи (76 997 нафар) бутунлай тузалди.

Айни пайтда тиббиёт муассасаларида даволанаётган 892 нафар бўлиб,  бемордан 158 нафари оғир, 32 нафари эса ўта оғир ва 702 нафари енгил шаклда даволанмоқда. Коронавирусдан соғайиш кўрсаткичи — 86 %. 

69
Автомобильная дорога, ведущая к городу Душанбе

Тожикистон ФВҚ минус 50 даража совуқ бўлиши ҳақида огоҳлантирди

842
(Янгиланган 19:43 27.01.2021)
Тожикистон Фавқулодда вазиятлар қўмитаси аҳолини минус 50 даража қаттиқ совуқ бўлиши ҳақида огоҳлантирди.

ТОШКЕНТ, 27 янв — Sputnik. Тожикистон Фавқулодда вазиятлар қўмитаси аҳолини қаттиқ совуқ бўлиши ҳақида огоҳлантирди, деб хабар қилди Sputnik Тожикистон.

Тожикистон метеорология агентлигининг хабар беришича, республиканинг тоғли ва тоғ олди ҳудудларида 29 январга қадар совуқ об-ҳаво бўлиши кутилмоқда.

Кечаси баъзи туманларда термометр минус 16-21 даражагача тушади, ТБАОнинг шарқий қисмида 36-41 даража совуқ бўлиши кутилади. Помирнинг шарқий қисмида - Булункулда ҳарорат 51-53 даражагача пасаяди.

Фавқулодда вазиятлар қўмитаси фуқароларга хавфсизлик чораларига риоя қилиш зарурлиги ҳақида эслатди.

Аввалроқ, январь бошида Тожикистонга минус 40 даражадаги Сибир совуғи келиши ҳақида хабар бергандик.

842
Теглар:
ФВВ, совуқ, об-ҳаво, Тожикистон