Имзо, архив сурат.

Тўрт йил ичида мактабгача таълим тизими такомиллаштирилади

822
(Янгиланган 02:09 31.12.2016)
2200 та мактабгача таълим муассасаларининг моддий-техника базасини мустаҳкамлаш, жумладан қишлоқ аҳоли пунктларида янги мактабгача таълим муассасаларини қуриш, уларни замонавий талабларга жавоб берадиган ускуналар, ўқув-методик қўлланмалар, мультимедиа ресурслари билан таъминлаш учун жами 2,2 триллион сўм маблағ ажратилиши кўзда тутилмоқда

ТОШКЕНТ, 31 дек — Sputnik. Ўзбекистон президенти расмий сайтида 2017-2021 йилларда мактабгача таълим тизимини янада такомиллаштириш тўғрисида Президент қарори эълон қилинди.

Ҳужжатга расмий шарҳда айтилишича, бугунги кунда мактабгача таълим муассасаларининг таълим дастурлари ва ўқув-тарбиявий режаларига қўйилган давлат талабларини такомиллаштириш долзарб масалалигича қолмоқда. Аксарият мактабгача таълим муассасаларининг моддий-техника базаси замон талабларига жавоб бермайди. Болаларни мактабгача таълимга қамраб олиш кўрсаткичи ҳамон пастлигича қолмоқда.

Мавжуд муаммоларни амалий бартараф этиш мақсадида ушбу қарор қабул қилинди. Дастур асосида кенг кўламли комплекс тадбирларни амалга ошириш кўзда тутилган:

болаларнинг ҳар томонлама интеллектуал, ахлоқий, эстетик ва жисмоний ривожланиши учун илғор хорижий тажрибаларни инобатга олган ҳолда зарур шарт-шароитлар яратиш;
мактабгача таълим муассасалари учун педагог кадрларни тайёрлаш ва малакасини ошириш ўқув режа ва дастурларини замонавий педагогик технология ва методларни инобатга олган ҳолда такомиллаштириш;

2200 та мактабгача таълим муассасаларининг моддий-техника базасини мустаҳкамлаш, жумладан қишлоқ аҳоли пунктларида янги мактабгача таълим муассасаларини қуриш, уларни замонавий талабларга жавоб берадиган инвентарь, ускуналар, ўқув-методик қўлланмалар, мультимедиа ресурслари билан таъминлаш. Ушбу тадбирларни амалга ошириш учун жами 2,2 триллион сўм маблағ ажратилиши кўзда тутилмоқда.

Қарор билан белгиланган комплекс тадбирларнинг амалга оширилиши натижасида қуйидагиларга эришилади:

юқори сифатли мактабгача таълимни таъминлаш, болаларни сифатли мактабга тайёрлашни тубдан яхшилаш, таълим-тарбия жараёнига муқобил дастурларни жорий этишга;
болаларни мактабга тайёрлашнинг муқобил шакли бўлган 6100 та қисқа муддатли гуруҳлар ташкил этишга;
3-6 ёшдаги мактабгача таълим муассасаларига қамраб олинмаган болаларни уларнинг ота-оналарини методик қўлланмалар билан таъминлаш орқали мактаб таълимига тайёрлашни ташкил этишга;

мактабгача таълим муассасалари тармоғини 50 та янги қурилиш ҳамда мавжуд муассасаларнинг 1167 тасини реконструкция қилиш ва 983 тасини мукаммал таъмирлаш орқали кенгайтиришга;

қишлоқ жойлардаги мактабгача таълим муассасаларида ота-оналар бадал тўловини 30 фоизгача камайтиришга;
болаларнинг мактабгача таълимга қамровини 1,5 баробарга оширишга.
Дастурнинг самарали амалга оширилиши унда кўзда тутилган кўрсаткичлар ижросининг боришини тизимли мониторинг қилиб бориш орқали давлат органларининг доимий назоратида бўлади.

Қарорнинг амалга оширилиши давлат сиёсатининг асосий устувор йўналишларидан бири сифатида республиканинг узлуксиз таълим тизимини янада ислоҳ қилиш борасидаги ривожланиш йўлининг узвий ва босқичма-босқичлигини таъминлайди.

822
Теглар:
президент қарори, имзо, боғчалар, мактабгача таълим, қарор
Ўзбекистон ҳарбий разведкачилари Покистонда ўтказилган халқаро мусобақада ғолиб бўлди

Ўзбекистон ҳарбий разведкачилари яна бир халқаро мусобақада тенгсизликни намоён этишди

315
Покистонда ўтказилган халқаро мусобақада Ўзбекистон ҳарбий разведкачилари шоҳсупанинг юқори поғонасига кўтарилишди

ТОШКЕНТ, 4 мар — Sputnik. Покистонда ўтказилган “4-Покистон армиясининг жамоавий руҳи халқаро мусобақаси”да (4-th International PATS Competition) Ўзбекистон ҳарбий разведкачилари шоҳсупанинг юқори поғонасига кўтарилишди. Бу ҳақда Мудофаа вазирлиги матбуот хизмати хабар қилмоқда.

Ўзбекистон ҳарбий разведкачилари Покистонда ўтказилган халқаро мусобақада ғолиб бўлди
Мудофаа вазирлиги матбуот хизмати
Ўзбекистон ҳарбий разведкачилари Покистонда ўтказилган халқаро мусобақада ғолиб бўлди

Мусобақа 2021 йилнинг 24 февраль кунидан 3 март кунига қадар 5 та давлат ўртасида ўтказилган. Уни Қозоғистон, Ҳиндистон, Марокко, Индонезия, Тожикистон давлатлари вакиллари кузатиб боришди.

Ушбу мусобақага Шри-Ланка, Туркия, Иордания ва халқаро майдонда кучли саналган Ўзбекистон Мудофаа вазирлиги ҳарбий разведкачилари ҳам таклиф этилган.

Ўзбек ҳарбий разведкачилари Покистоннинг иссиқ ва қийин шароитларида ўз куч-қудратини намоён этиш мақсадида ўтган йиллар мобайнида ўтказилган армия ўйинлари натижалари, улардаги ютуқ ва камчиликлардан олинган юқори тажрибаларига таянишган. Алоқа тайёргарлиги, ҳарбий топография, отиш ва тиббий тайёргарлик, махсус сигналлар бериш ва оптик воситаларни қўллаш, нотаниш ҳудудларни рекогносцировка қилиш бўйича назорат машғулотларини аъло бажаришган.

Ўзбекистон ҳарбий разведкачилари Покистонда ўтказилган халқаро мусобақада ғолиб бўлди
Мудофаа вазирлиги матбуот хизмати
Ўзбекистон ҳарбий разведкачилари Покистонда ўтказилган халқаро мусобақада ғолиб бўлди

Таъкидлаш жоизки, Ўзбекистон ҳарбий разведкачилари Буюк Британияда ўтказилган “Кембриж патрули” мусобақасида 120 та давлат ичида 2018 йилда иккинчи ва 2019 йилда биринчи, Қозоғистонда ҳарбий разведкачилар ўртасида ўтказилган “Алтын уки” халқаро мусобақасида мезбон жамоадан кейинги фахрли иккинчи, 2020 йилда эса Россияда ўтказилган Халқаро армия ўйинларида мезбон жамоадан кейинги иккинчи ўринни эгаллаб, ўзининг ҳар томонлама устунлигини кўрсатиб келишган.

315

Внуково аэропорти Ўзбекистондан парвозлар апрель-май ойида қайта тикланишига умид қилмоқда

378
Внуково аэропортининг шерикликдаги эгаси Виталий Ванцев жорий йил апрель-май ойлариданоқ биринчи навбатда Ўзбекистон ва Тожикистон билан авиақатнов тикланишига умид борлигини маълум қилди.

ТОШКЕНТ, 4 мар — Sputnik. Россиянинг Внуково аэропорти жорий йилнинг апрель-май ойлариданоқ қатор йўналишлар бўйича парвозлар қайта тикланишига умид қилмоқда. Бу ҳақда директорлар кенгаши раҳбари, аэропортнинг шерикликдаги эгаси Виталий Ванцев маълум қилди.

Ванцев биринчи навбатда Ўзбекистон ва Тожикистон билан авиақатнов тикланишига умид билдирди.

“Биз апрель-май ойларидан ҳар ҳолда ҳамкорларимиз – МДҲ мамлакатлари билан очилишини (авиақатнов – таҳр.) кутяпмиз, аввало, Ўзбекистон ва Тожикистон билан. У ерда эпидемиологик вазият бизга қараганда анча яхшироқ. Билганингиздек, бизда ҳам у барқарорлашмоқда, шунинг учун бу икки бозор биз учун очилишига умид бор”, - деди Виталий Ванцев. Унинг сўзларидан РИА Новоси иқтибос келтирган.

Внуково аэропорти август-сентябрь ойига келиб барча халқаро йўналишлар бўйича парвозларнинг тўлиқ тикланишига умид қилмоқда.

“Халқаро рейслар очилиши билан йўловчилар оқими тикланишига умид қиляпмиз.  Ўйлайманки, ҳар ҳолда барча халқаро йўналишлар очилади, эҳтимол, август-сентябрь ойига келиб”,  - деди у.

Эслатиб ўтамиз, аввалроқ Ўзбекистон ташқи ишлар вазири Абдулазиз Камилов Москвага ташрифи давомида россиялик ҳамкасби Сергей Лавров билан учрашиб, икки мамлакат ўртасида мунтазам авиақатновларни тиклаш масаласини муҳокама қилгани хабар қилинган эди. Бундан ташқари, Ўзбекистон транспорт вазири ўринбосари Жасурбек Чориев ҳукумат Россия махсус комиссиясига мунтазам парвозларни қайта тиклашни таклиф қилиб, мурожаат йўллаганини маълум қилган эди. У жорий йил март-апрель ойида бирор бир ижобий жавоб бўлишига умид билдирилаётганини таъкидлаган эди.

378
Шавкат Мирзиёев поздравил Узбекистан с Днем конституции

Мирзиёев бир гуруҳ аёлларни байрам муносабати билан тақдирлади

136
(Янгиланган 20:25 04.03.2021)
Президент 8 март байрами арафасида бир гуруҳ аёлларни фахрий унвон, орден ва медаллар билан мукофотлади. Улар орасида актрисалар Гавҳар Зокирова ва Лола Элтоева ҳам бор.

ТОШКЕНТ, 4 мар — Sputnik. Ўзбекистон президенти Шавкат Мирзиёев 8 март – Халқаро хотин-қизлар куни муносабати билан бир гуруҳ аёлларни фахрий унвон, орден ва медаллар билан мукофотлади.

Улар мамлакатда олиб борилаётган туб ислоҳотларда фаол қатнашиб, янги Ўзбекистонни барпо этиш, халқ фаровонлигини юксалтириш йўлида ташаббус ва ибрат кўрсатиб келаётганлари учун ушбу мукофотларга лойиқ кўрилган.

“Ўзбекистонда хизмат кўрсатган ёшлар мураббийси” фахрий унвони билан Ўзбекистон Вазирлар Маҳкамаси ҳузуридаги Дин ишлари бўйича қўмитанинг хотин-қизлар билан ишлаш бўлими бошлиғи Фарида Абдураҳимова, Қорақалпоғистон тиббиёт институти ректори, Олий Мажлис Сенати аъзоси  Орал Атаниязова тақдирланган.

"Саодат" журнали бош муҳаррири Мунаввархон Усмонова "Ўзбекистонда хизмат кўрсатган маданият ходими" фахрий унвони билан мукофотланган.

Тўрт киши "Фидокорона хизматлари учун" ордени билан тақдирланган. Улар орасида Ўзбек Миллий академик драма театри актрисаси Гавҳар Зокирова ҳам бор.

24 киши "Меҳнат шуҳрати" орденига лойиқ кўрилган. Улар орасида Тўрақўрғон тумани ҳокими Зулайҳо Маҳкамова ҳам бор.

"Дўстлик" орденига 31 киши муносиб кўрилган. Тақдирланганлар орасида Ўзбек Миллий академик драма театри актрисаси Лола Элтаева ҳам бор.

7 киши II даражали "Соғлом авлод учун" ордени, яна 7 киши II даражали "Саломатлик" ордени, 4 киши "Соғлом турмуш" медали, 4 киши "Содиқ хизматлари учун" медали, 9 киши "Келажак бунёдкори" медали билан, 33 киши "Шуҳрат" медали билан тақдирланган.

Қуйида тақдирланганларнинг тўлиқ рўйхати билан танишиш мумкин.

136