Президент республики Узбекистан Ислам Каримов. Архив сурат

Ислом Каримов хайрия фонди хорижда ўқиш учун биринчи танлов эълон қилди

1364
(Янгиланган 20:14 08.01.2017)
Ислом Каримов номли хайрия жамоат фонди Европа ва АҚШ ОТМларида магистр даражасида таълим олиш учун биринчи танловни эълон қилди.

ТОШКЕНТ, 8 янв — Sputnik. Ислом Каримов хайрия жамоат фонди Европа ва АҚШ ОТМларида таълим олиш учун биринчи танловни эълон қилди, дейилган фонд расмий саҳифасида.  

Танловда Ўзбекистон ва чет элдаги ОТМларни бакалавр даражасини муваффақиятли битирган, хорижий тилларни биладиган иқтидорли ва истеъдодли йигит-қизлар иштирок этиши мумкин.

Танлов қуйидаги мутахассисликлар бўйича ўтказилади: табиий фанлар (қайта тикланувчи энергия манбалари, кимё), сув ва ер ресурсларини бошқариш, машинасозлик технологиялари, озиқ-овқат технологиялари, озиқ-овқат хавфсизлиги, озиқ-овқат ишлаб чиқариш ва маркетинги, архитектура (шаҳарсозлик, тарихий обидаларни муҳофаза этиш ва қайта тиклаш), дизайн (маҳсулот дизайни, саноат ва меъморчилик дизайни) ва рассомчилик.

Хабарда айтилишига кўра, Ислом Каримов Фонди грантлари юқордаги мутахассисликлар бўйича Европа ва АҚШ ОТМларининг магистратура босқичида таҳсил олиш учун тақдим этилади.

Чет элда икки йилгача бўлган ўқиш ва яшаш харажатларини Фонд тўлалигича ўз зиммасига олади. Танловда иштирок этиш учун ҳужжатлар иш кунлари соат 9-00 дан 13-00 гача Тошкент шаҳри, Мирзо Улуғбек тумани, Мовароуннаҳр кўчаси, 24-уйда қабул қилинади. Маълумотлар учун тел: +99895 1980122.

Ислом Каримов Фонди Ўзбекистоннинг тарихий, маданий ва адабий меросини тарғиб қилишга мўлжалланган дастурларни амалга оширишдан иборатдир. Шунингдек, Фонд ёшларнинг интеллектуал ва ижодий салоҳиятини ривожлантиришга, олий ўқув юрти ва мактаб мураббийлари ҳамда тиббиёт ходимларининг касбий малакаларини оширишга йўналтирилган турли илмий-маърифий, маданий дастур ва лойиҳаларни амалга оширади.

1364
Мавзу:
Ислом Каримов таваллуд топган кун муносабати билан ўтказилаётган тадбирлар (25)

Ўзбекистонда коронавирус: 2 июль асосий хабарлари

109
(Янгиланган 20:43 02.07.2020)
Бугуннинг ўзида 119 нафар бемор тузалиб, реабилитацияга кузатилди. Республика бўйлаб жами соғайганлар сони 5847 нафарга етди.

ТОШКЕНТ, 2 июл — Sputnik. Sputnik Ўзбекистон республикадаги эпидемиологик вазият тўғрисида асосий хабарларни тўплади.

Бир сутка давомида 325 кишида коронавирус аниқланди, Ўзбекистонда коронавирус инфекцияси қайд этилганлар сони 8996 нафарни ташкил қилмоқда.

Янги касалланиш ҳолатлари: 77 нафари Тошкент шаҳрида (шундан 30 нафари коронавирусга чалинганлар билан мулоқотда бўлиб, карантинга олинган фуқаролар орасида, 47 нафари аҳоли орасида), 4 нафари Тошкент вилоятида (барчаси аҳоли орасида), 8 нафари Сирдарё вилоятида (шундан 6 нафари коронавирусга чалинганлар билан мулоқотда бўлиб, карантинга олинган фуқаролар орасида, 2 нафари аҳоли орасида), 3 нафари Қашқадарё вилоятида (барчаси карантинга олинган фуқаролар орасида) аниқланган.

Даволаниш кўрсаткичи

Бугуннинг ўзида 119 нафар бемор тузалиб, реабилитацияга кузатилди. Республика  бўйлаб жами соғайганлар сони 5847 нафарга етди.

Айни пайтда 3122 нафар беморга белгиланган стандартлар бўйича даво чоралари кўрилмоқда. 18 нафар оғир, 7 нафар ўта оғир аҳволда.

РНК тест

Ўзбекистонда коронавирус РНКсини аниқлайдиган тест ишлаб чиқилди.

COVID-19 РНКсини ажратишга мўлжалланган диагностик тўплам ЎзР ФА Ўсимлик моддалари кимёси институти ходимлари томонидан ишлаб чиқилган. Таъкидланишича, унинг клиник синовлари Соғлиқни сақлаш вазирлиги лабораторияларида, шу жумладан, Санитария-эпидемиологик осойишталик агентлигининг махсус лабораториясида ўтказилган ва ижобий натижаларни кўрсатди.

Чегарада қолган фуқаролар

ТИВ Қозоғистон чегарасида тўпланган ўзбекистонликлар ҳақида баёнот берди. Қозоғистон чегарасида тўпланган ўзбекистонликлар масаласи Ўзбекистоннинг Москва ва Нур-Султон шаҳарларидаги элчихоналари, Қозон ва Ақтау шаҳарларидаги бош консулхоналари томонидан назоратга олинган.

Ўзбекистон Ташқи ишлар вазирлиги Оператив штаби ахборотига кўра, Россия-Қозоғистон чегараси “Маштаково” ва “Сагарчин” назорат-ўтказиш пунктлари яқинида Ўзбекистон фуқаролари тўплангани кузатилмоқда.

"Мазкур масала мамлакатимизнинг Москва ва Нур-Султон шаҳарларидаги элчихоналари, Қозон ва Ақтау шаҳарларидаги бош консулхоналари томонидан назоратга олинган, Россия ва Қозоғистоннинг ваколатли органлари билан музокаралар олиб борилмоқда", - дейилади хабарда.

ТИВ Оператив штаби ушбу вазият тўғрисида маълумотни Республика махсус комиссиясига киритди.

Шошилинч чоралар

“Жаҳон банки иштирокида “Ўзбекистонда коронавирус COVID-19 инфекциясига қарши шошилинч чоралар кўриш” лойиҳасини амалга ошириш чора-тадбирлари тўғрисида” президент қарори қабул қилинди. Қарор билан “Ўзбекистонда коронавирус COVID-19 инфекциясига қарши шошилинч чоралар кўриш” лойиҳаси параметрлари тасдиқланди.

Лойиҳанинг мақсади Ўзбекистонда коронавирус инфекциясига қарши шошилинч чоралар кўриш учун соғлиқни сақлаш тизимини мустаҳкамлаш, карантин тадбирлари амал қилиши даврида кам таъминланган оилалар ва ишсизларга вақтинчалик нафақалар бериш тизимини кенгайтиришдан иборат.

Лойиҳанинг умумий қиймати 106 757,1 минг долларни ташкил этади.

Дунё саломатлиги

Сўнгги маълумотларга кўра, инфекцияни юқтириб олган кишиларнинг сони 10,7 миллиондан ошди, 516 минг киши вафот этди. Энг кўп ҳолатлар АҚШда (2,6 млн), Бразилияда (1,4 млн), Россияда (653 минг).

109
Мавзу:
COVID-19 умумжаҳон пандемияси
Григорий Лукьянов

“Нозик ўйин”: эксперт АҚШнинг Ўзбекистон ва ЕОИИ ўртасидаги ҳамкорлигига муносабати ҳақида

140
(Янгиланган 20:06 02.07.2020)
Илгари Қўшма Штатлар Евроосиё интеграциясининг истиқболлари бўйича бир неча бор ишончсиз муносабат билдирган, ҳозир эса улар кутмоқда ва вазиятни кузатмоқда, деб ҳисоблайди сиёсат ва бошқарув департаменти (НИУ ВШЭ) катта ўқитувчиси Григорий Лукьянов.

"КоммерсантЪ" нашри ёзишича, АҚШ Давлат котиби Майкл Помпео ва Марказий Осиёнинг беш давлатидаги ҳамкасблари ўртасидаги музокаралардан сўнг, АҚШ Давлат департаменти АҚШнинг Марказий Осиё республикаларига таъсир ўтказиш учун Москва билан рақобат қилмаслигини кўрсатди. Хусусан, АҚШ Давлат департаменти Ўзбекистон ва Евроосиё иқтисодий иттифоқи ўртасидаги ҳамкорликка қарши эмас.

Сиёсат ва бошқарув департаменти (НИУ ВШЭ) катта ўқитувчиси Григорий Лукьянов АҚШ Давлат департаменти томонидан бир неча бор Евросиё интеграциясининг истиқболлари ва айрим давлатларининг, шу жумладан Марказий Осиёнинг ЕОИИдаги иштирокига шубҳа билан қараганини эслатди.

“Менимча, ҳозирги шароитда позиция тубдан ўзгармади. Ўзбекистон ЕОИИда кузатувчи давлат сифатида иштирок этмоқда. Ўйлайманки, АҚШ аввалгидек, ҳозирги пайтда авж олиб бораётган постсовет ҳудудидаги интеграция субъектлари билан яқинлашиш жараёни яқин орада сусайишини кутмоқда. Бу шароитда АҚШ яна бир бор "Биз айтгандик-ку", дея айтиши мумкин. Шунинг учун улар одатда кутилганидан ҳам нозикроқ ўйин олиб боришади. Улар расмий сиёсий мунозараларда Ўзбекистон раҳбариятига жиддий маънавий босим ўтказмайдилар. Кутишади ва вазиятни кузатиб боришади”, - деди эксперт.

Мутахассиснинг батафсил изоҳини Sputnik подкастида тинглашингиз мумкин.

"Тонкая игра": эксперт об отношении США к сотрудничеству Узбекистана и ЕАЭС
140
Мавзу:
Ўзбекистон ва ЕОИИ – интеграция истиқболлари