Ўзбекистон фуқароси паспорти, архив сурат

Ўзбекистон паспорти "энг кучли" паспортлар рейтингида 72-ўринда

605
(Янгиланган 16:12 17.01.2017)
passportindex.org сайтида дунёнинг энг кучли паспортлари рейтинги эълон қилинди. Ўзбекистон "паспорт кучи" рейтингида 72 ўринда қайд этилди

ТОШКЕНТ, 17 янв — Sputnik. Паспорт "кучи" ҳужжат соҳиби визасиз нечта давлатларда бўла олиши мумкинлигига қараб белгиланган.

passportindex.org сайти томонидан эълон қилинган рейтингга кўра, Марказий Осиё давлатларида энг кучли паспорт сифатида — Қозоғистон паспорти қайд этилган. Қозоғистон паспортига эга фуқаролар дунёнинг 69та давлатига визасиз бора олишлари айтиб ўтилган.

Таққослаш учун, Қирғизистон паспортига эга фуқаролар визасиз 58та давлатга бориш имконига эга бўлсалар, Тожикистон ва Ўзбекистон паспортлари соҳиблари — 54та давлатда бўла оладилар.

Ушбу рейтингнинг биринчи ўрнини Германия эгаллаган (Германия фуқаролари визасиз тартибда дунёнинг 157та давлатида бўлиш имкониятига эгалар).

Рейтингнинг иккинчи поғонаси эса Швеция ва Синагпур ўртасида тақсимланган (156та давлат).

Дания, Финляндия, Франция, Испания, Швейцария, Норвегия, Буюк Британия ва АҚШ рейтингнинг учинчи поғонасида турибди (155та давлат).

Тўртинчи ўринни эса Италия, Нидерландлар, Бельгия, Австрия, Люксембург, Португалия ва Япония давлатлари ўртасида "бўлиб олинган". Ушбу давлатлар фуқаролари 154та мамлакатга визасиз бориш ҳуқуқига эга.

2017 йилнинг куч жиҳатдан қуйи поғонани эгаллаган паспорти эса — Афғонистон паспорти эканлиги маълум қилинган.

Афғонистон фуқароси паспортига эга шахслар атиги 23та давлатга визасиз бора олишлари мумкинлиги учун, ҳужжатга рейтингнинг энг қуйи — 95-поғонаси ажратилган.

605
Теглар:
рейтинг, паспорт, Ўзбекистон
МВД и Нацгвардия провели совместные учения

Мирзиёев Миллий гвардия ўқув марказларига оид қарорни имзолади

100
Шавкат Мирзиёев “Ўзбекистон Республикаси Миллий гвардиясининг ўқув марказлари фаолиятини такомиллаштириш бўйича қўшимча чора-тадбирлар тўғрисида”ги қарорни имзолади.

ТОШКЕНТ, 5 мар — Sputnik. “Ўзбекистон Республикаси Миллий гвардиясининг ўқув марказлари фаолиятини такомиллаштириш бўйича қўшимча чора-тадбирлар тўғрисида”ги президент қарори қабул қилинди. 

Қарорга кўра:

- Нукус шаҳрида Миллий гвардиянинг Қорақалпоғистон Республикаси минтақавий ўқув маркази ташкил этилди;

- Миллий гвардиянинг Фарғона ўқув маркази Фарғона минтақавий ўқув марказига, Даштобод ўқув маркази эса Миллий гвардиянинг Жиззах минтақавий ўқув марказига айлантирилди.

Мазкур минтақавий ўқув марказларида ҳарбий хизматчи ва ходимларни бошланғич тайёрлаш, қайта тайёрлаш ва уларнинг малакасини ошириш бўйича ўқув жараёни қуйидаги ҳудудларга тақсимланган ҳолда таъминланади:

- Миллий гвардиянинг Фарғона минтақавий ўқув маркази – Тошкент шаҳри, Тошкент, Фарғона, Андижон ва Наманган вилоятларида хизмат қилаётган ҳарбий хизматчи ва ходимлар учун;

- Миллий гвардиянинг Жиззах минтақавий ўқув маркази – Сирдарё, Жиззах, Самарқанд, Қашқадарё ва Сурхондарё вилоятларида хизмат қилаётган ҳарбий хизматчи ва ходимлар учун;

- Миллий гвардиянинг Қорақалпоғистон Республикаси минтақавий ўқув маркази – Қорақалпоғистон Республикаси, Хоразм, Навоий ва Бухоро вилоятларида хизмат қилаётган ҳарбий хизматчи ва ходимлар учун.

Минтақавий ўқув марказларининг раҳбар ва педагоглар таркибини қайта тайёрлаш ва уларнинг малакасини ошириш Миллий гвардиянинг Ҳарбий-техник институтида ҳамда бошқа вазирлик ва идораларнинг олий, олий ҳарбий ва ихтисослаштирилган таълим муассасаларида амалга оширилади.

Эслатиб ўтамиз, ўтган ҳафтада президент Шавкат Мирзиёев “Ўзбекистон Республикаси Миллий гвардияси Қўриқлаш бош бошқармасининг фаолиятини сифат жиҳатидан янги босқичга кўтариш чора-тадбирлари тўғрисида”ги қарорни имзолаганди.

100
Казахстанская авиакомпания SCAT получила разрешение на выполнение полетов по маршруту Актау-Ургенч-Актау.

Қозоғистон авиакомпанияси Ўзбекистонга парвозларни бошлайди

257
(Янгиланган 14:52 05.03.2021)
Қозоғистон парвозлар барча санитария-эпидемиология талабларини ҳисобга олган ҳолда ва авиакомпания сайтида эълон қилинган жадвалга мувофиқ амалга оширилишини таъкидлади.

ТОШКЕНТ, 5 мар — Sputnik. Қозоғистон Индустрия ва инфратузилмани ривожлантириш вазирлигининг фуқаролик авиацияси қўмитаси матбуот хизмати келаси душанба, 8 мартдан бошлаб маҳаллий SCAT авиакомпанияси самолётлари “Актау-Урганч” йўналишида ҳафтасига икки маротаба парвозларни йўлга қўйишини маълум қилди.

Рейслар душанба ва чоршанба кунлари Боинг-737 самолётларида амалга оширилади.

Шу билан бирга, парвозлар барча санитария-эпидемиология талабларини ҳисобга олган ҳолда ва авиакомпания сайтида эълон қилинган жадвалга мувофиқ амалга оширилишини таъкидланди.

Эслатиб ўтамиз, ўтган ҳафтада Ўзбекистон Транспорт вазири – “Uzbekistan airways” АЖ бошқарув раиси Илхом Маҳкамов Қозоғистон Республикаси Индустрия ва инфратузилмаларни ривожлантриш вазири Бейбут Атамкулов билан телефон орқали мулоқот ўтказганди.

Унда эпидемиологик вазиятдан келиб чиқиб, Ўзбекистон ва Қозоғистон ўртасида йўловчи автобуслари қатновларини тезроқ тиклаш муҳимлиги қайд этилди. Шунингдек, икки мамлакат ўртасида мунтазам авиапарвозлар сонини ошириш, янги қатнов йўналишларини очиш масалалари муҳокама этилди. 

257
Мавзу:
COVID-19 умумжаҳон пандемияси

Ўзбекистон ҳаётида аёллар ҳиссаси

0
Ўзбекистон ижтимоий ва иқтисодий ҳаётида аёллар ҳиссаси йил сайин ортиб бормоқда. Бошқарув тизимида аёллар ишлаётган корхоналар улуши 26%дан ошган. 
© Sputnik

Бугунги кунда Ўзбекистонда 17 миллиондан ортиқ аёллар яшайди. Сўнгги йилларда аёллар ўртача умр давомийлиги ўсиб, ўртача 77,4 ёшни ташкил қилди. 

Айтиш жоизки, соғлиқни сақлаш ва таълим соҳалари, маошлар нисбатан паст бўлишига қарамасдан, аёлларнинг фидокорона меҳнати туфайли муваффақиятли кун кечирмоқда. Ушбу соҳаларда банд бўлган фуқароларнинг 75%дан ортиғи аёллардир. Хизмат кўрсатиш ва савдо соҳаси ходимларининг ҳам ярмидан кўпи аёллардир.  

Ўзбекистонда сўнгги йилларда яққол кўзга ташланаётган тенденциялардан бири бу - бошқарув соҳаларида аёллар сони ошиб бораётганидир. Статистик маълумотларга кўра, аёллар таъсисчи бўлган хусусий фирмалар улуши 24 %дан ва бошқарув тизимида ишлаётган корхоналар улуши 26%дан ошган. Шунингдек Олий Мажлис палаталарида ҳам аёллар улуши 24 (Сенат) ва 33(Қонунчилик палатаси) фоизни ташкил қилмоқда. 

Батафсил инфографикамизда танишинг.

0