Гулнора Каримова, архив сурат

Ўҳў!: дараги чиққан Гулнора Каримова ёхуд ҳафтанинг энг муҳим хабарлари

22513
(Янгиланган 18:04 21.01.2017)
Ўзбекистонликлар томонидан сўнгги кунлар давомида "Ўҳў!" дея қарши олинган янгиликлар рўйхатини эътиборингизга ҳавола қиламиз

Демак, бугунги хабарларда эркаклар қовоқ солиб, аёллар чапак чалиб қарши олган янги қонун, Туркия томонидан террорчиликда айбланган Машарипов, 29 яшар ўғлини мэр қилиб тайинлаб, сўнгра халқини ўчмайдиган свет билан таъминлаган Эмомали Раҳмон ҳақида сўз боради.

1. Ажрашаётган эркак ўз оиласини уй билан таъминлаши керак бўлади

Янгилик интернет фойдаланувчилари орасида қизғин муҳокамага сабаб бўлди. Қизиғи, эркаклар "энди уйланадиганлар сони камаяди", деган фикрни илгари суришган бўлса, аёлларнинг аксарияти "бизнинг ҳақ-ҳуқуқларимизни ҳам ўйлайдиганлар бор экан" дея ўз хурсандчиликларини яширмадилар.

Хабар остида "Ўзбекистонда ҳам Европа давлатларида каби "никоҳ шартномаси"ни жорий қилиш вақти келди шекилли", дея изоҳ қолдирганлар ҳам топилди. Хуллас, сиз ҳам ушбу хабарни ўқиб, бошқалар билан фикрлашишингиз мумкин.

2. Туркияда Ўзбекистон фуқароси террорчиликда айбланди

Туркия президентининг буйруғига асосан амалга оширилган махсус операция натижасида Истанбулдаги тунги клубга қуролли ҳужумни амалга оширган шахс қўлга олинди. Лақаби Абу Муҳаммад Хуросоний бўлган Машариповнинг Ўзбекистон фуқароси эканлиги маълум қилинди. Машарипов тунги клубга ҳужум қилганидан афсусланмаслигини билдирган.

 

Подозреваемый в расстреле посетителей ночного клуба Reina Абдулгадир Машарипов
AA/
Машарипов, олти йил муқаддам Ўзбекистонни тарк этган. Террорчилар рўйхатида турган

3. Турсуной Содиқованинг вафоти

Андижонлик шоиранинг вафоти минглаб қалбларни ларзага солди. "Халқ учун фидойилик қилиб муҳаббат улашган инсон Халқ қалби ва хотирасида мангу қолажак. Илоҳим жойлари жаннатдан бўлсин…" Хабарга интернет фойдаланувчиларининг аксарияти ана шундай фикр билдирган.

Турсуной Содиқова
Стрингер
Турсуной Содиқова

4. Гулнора Каримова билан кўришган адвокат иқрори

Ўзбекистоннинг Биринчи президенти Ислом Каримовнинг тўнғич қизи атрофидаги узунқулоқ гаплар ҳамон тингани йўқ. Айрим ОАВлар "Гулнора Каримова вафоти" ҳақида ҳар ой хабар қилишни одат тусига айлантирган, ҳатто. Женевалик адвокат Грегуар Манжа эса Гулнора билан декабр ойида кўришганини айтди.

 

Гульнара Каримова
© Sputnik / Валерий Левитин
Гулнора Каримова
5. Тожикистондан Роғун ГЭСи ҳақида навбатдаги "хушхабар"

Тожикистон президенти Эмомали Раҳмон Душанбени 20 йилга яқин муддат бошқариб келган Махмадсаид Убайдуллоевни ишдан олиб, унинг ўрнига 29 яшар ўғлини мэр этиб тайинлади. Бу хабар тожикистонликлар орасида катта шов-шув кўтаргач, орадан икки кун ўтиб, Раҳмон, республикадаги барча хонадонни 24 соат ўчмайдиган свет билан таъминлади.

Строительство Рогунской ГЭС
Роғун ГЭСи қурилиши жараёнидан сурат

Куни кеча Тожикистон ҳукумати Роғун ГЭСи ҳақидаги янги хабарни эълон қилди. Маълум қилинишича, Роғун ГЭСи "уйқудаги аждаҳо" деб аталадиган Сарез кўли намунасида қурилар эмиш…

22513
Теглар:
Гулнора Каримова, террорчи, Рустам Азимов, Ўзбекистон, Истанбул
В рамках гуманитарной операции «Мехр-4» из Афганистана в Узбекистан возвращены 24 соотечественника

“Меҳр-4”: Афғонистондан 24 нафар ўзбекистонлик қайтарилди

176
(Янгиланган 17:58 03.03.2021)
“Меҳр-4” операцияси доирасида 24 нафар фуқаро Афғонистондан Ўзбекистонга қайтарилди. Улар тиббий кўрикдан ўтказилиб, Термиз туманидаги даволаш ва соғломлаштириш маркази биносига жойлаштирилган

ТОШКЕНТ, 3 мар — Sputnik. “Меҳр-4” операцияси доирасида Афғонистондан 24 нафар ўзбекистонлик ватанга қайтарилди. Бу ҳақда Сурхондарё вилояти ИИБ ахборот хизмати хабар қилмоқда.

Таъкидланишича, улар Афғонистон ва Покистон ҳудудларида ташкил этилган халқаро террорчилик ташкилоти сафларига қўшилиб қолишган. Кейинчалик Афғонистон ҳудудига ўтишган ва ушбу ҳудудда яшашган.

Афғонистоннинг ҳамкор ташкилотлари кўмагида олиб келинган ушбу шахслар Сурхондарё вилоятининг Термиз тумани ҳудудида жойлашган “Айритом” чегара пости орқали кутиб олинган. Маҳаллий ОАВларнинг ёзишича, олиб келинганлардан 19 нафарини болалар ташкил этмоқда, 4 нафар бола етим. 

Улар тиббий кўрикдан ўтказилиб, вилоят ҳокимияти, Давлат хавфсизлик хизмати вилоят бошқармаси, вилоят Ички ишлар бошқармаси ҳамда соғлиқни сақлаш муассасалари раҳбарлари иштирокида Термиз туманидаги даволаш ва соғломлаштириш маркази биносига жойлаштирилган.

В рамках гуманитарной операции «Мехр-4» из Афганистана в Узбекистан возвращены 24 соотечественника
Пресс-служба УВД Сурхандарьинской области
В рамках гуманитарной операции «Мехр-4» из Афганистана в Узбекистан возвращены 24 соотечественника

Эслатиб ўтамиз, 2019 йилда май ойида  “Меҳр-1”  инсонпарварлик операцияси доирасида 156 нафар ўзбекистонлик, асосан, аёллар ва болалар Суриядан қайтарилган эди. Кейинчалик “Меҳр-2" операцияси амалга оширилиб, Ироқдан 64 нафар ўзбекистонлик бола мамлакатга олиб келинди. Ўтган йил декабрь ойида “Меҳр-3” доирасида яна 98 нафар ўзбекистонлик аёллар ва болалар Ватанга қайтарилди.

176
Туристы в Узбекистане

Ўзбекистонда моддий аҳволи оғир аёлларга бепул саёҳат уюштирилмоқда

122
Айни кунда республиканинг барча ҳудудларида ижтимоий, ҳуқуқий ва психологик қўллаб-қувватлашга муҳтож, билим ва касб ўрганишга эҳтиёжи ва иштиёқи бор бўлган ишсиз хотин-қизлар муаммоларини ҳал этиш бўйича тизимли чора-тадбирлар амалга оширилмоқда

ТОШКЕНТ, 3 мар - Sputnik. Касаба уюшмалари Федерацияси "Аёллар дафтари"га кирган хотин-қизлар учун бепул саёҳатлар ташкил этмоқда. Бу ҳақда Sputnik Ўзбекистон мухбирига Ўзбекистон касаба уюшмалари Федерацияси Матбуот хизмати раҳбари Муҳаббат Ўрмонбекова хабар қилди.

Хусусан, Касаба уюшмалари Федерацияси томонидан республиканинг турли ҳудудларида яшовчи, "Аёллар дафтари"га кирган аёллар учун Хоразм вилоятидаги тарихий обидалар бўйлаб бепул саёҳатлар ташкил этилмоқда.

Эслатиб ўтамиз, Касаба уюшмалари Федерацияси раиси мутасаддилигида Маҳалла ва оилани қўллаб-қувватлаш вазирлиги ҳамда тегишли масъул ташкилотлар раҳбарлари таркибида "Аёллар муаммоларини тизимли равишда ҳал этиш, уларни ижтимоий қўллаб-қувватлаш бўйича республика комиссияси" фаолияти йўлга қўйилиб, "Аёллар дафтари"ни шакллантириш ишлари амалга оширилмоқда.

Айни кунда республиканинг барча ҳудудларида мазкур дафтарга киритилган ижтимоий, ҳуқуқий ва психологик қўллаб-қувватлашга муҳтож, билим ва касб ўрганишга эҳтиёжи ва иштиёқи бор бўлган ишсиз хотин-қизлар муаммоларини ҳал этиш бўйича тизимли чора-тадбирлар амалга оширилмоқда.

Хусусан, "Аёллар дафтари"га 30 ёшдан ошган 9 тоифадаги, яъни ижтимоий ҳимояга муҳтож бўлган ишсиз, боқувчисини йўқотган эҳтиёжманд, ижтимоий ёрдамга муҳтож I ва II гуруҳ ногиронлиги бўлган, уй-жойини таъмирлашга муҳтож I гуруҳ ногиронлиги бўлган, нотурар жойларда истиқомат қилаётган, қарамоғида бир ва ундан ортиқ I ёки II гуруҳ ногиронлиги бўлган фарзандлари мавжуд ёлғиз аёллар, шунингдек, тиббий ҳимоя, ҳуқуқий ёрдам ва психологик маслаҳатга муҳтож эҳтиёжманд аёллар аниқланиб, уларга жойида амалий ёрдам кўрсатилмоқда.

Республика даражасида ҳал этиладиган муаммолар бўйича эса "Йўл хариталари" тузилиб, кўплаб масалаларга ечим топилмоқда.

122
Президент Узбекистана принял делегацию ОАЭ

Мирзиёев БАА энергетика вазирини қабул қилди кўриб чиқилган масалалар

150
(Янгиланган 20:31 03.03.2021)
Шавкат Мирзиёев Бирлашган Араб Амирликлари энергетика ва инфратузилма вазири Суҳайл ал-Мазруий бошчилигидаги делегацияни қабул қилди.

ТОШКЕНТ, 3 мар — Sputnik. Ўзбекистон президенти Шавкат Мирзиёев Бирлашган Араб Амирликлари энергетика ва инфратузилма вазири Суҳайл ал-Мазруий бошчилигидаги делегацияни қабул қилди.

Президент Узбекистана принял делегацию ОАЭ
Пресс-служба президента Узбекистана
Президент Узбекистана принял делегацию ОАЭ

Учрашувда кўп қиррали Ўзбекистон-БАА ҳамкорлигини янада кенгайтиришнинг долзарб масалалари кўриб чиқилди.

Суҳбатда хусусий инвестицияларни жалб қилган ҳолда, шу жумладан қишлоқ хўжалиги маҳсулотларини етиштириш ва қайта ишлаш, Амирликлар бозори ва учинчи мамлакатларга етказиш бўйича агросаноат тармоғида қўшма лойиҳаларни илгари суришга алоҳида эътибор қаратилди.

Муқобил энергиядан фойдаланиш соҳасида, энергетика ва бошқа муҳим инфратузилма объектларини модернизация қилиш, замонавий меҳмонхона мажмуаларини барпо этиш бўйича йирик лойиҳаларни фаол ишлаб чиқиш ва амалга оширишни давом эттиришга, шунингдек, янги ишбилармонлик ташаббуслари доирасида инвестициялар портфелини кенгайтириш ва молиявий-техник кўмак дастурларини рўёбга чиқаришга келишиб олинди.

Бундан ташқари, таълим соҳасида самарали ҳамкорликни кенгайтириш ҳамда Бирлашган Араб Амирликларининг етакчи ташкилотлари иштирокида бошқарув соҳасида миллий кадрларни тайёрлаш муҳим экани таъкидланди.

150
Теглар:
БАА, Тошкент, Шавкат Мирзиёев, Ўзбекистон