Ўзбекистоннинг Биринчи президенти Ислом Каримов, архив сурат

ОАВ: Ўзбекистон Ислом Каримов таваллуд кунини нишонлашга тайёргарлик кўрмоқда

1160
(Янгиланган 13:47 25.01.2017)
Таълим муассасалари, ҳарбий қисмлар, меҳнат жамоалари ва маҳаллаларда ушбу сана муносабати билан турли маданий-маърифий тадбирлар, хотира кечалари ўтказилаётгани таъкидланган

ТОШКЕНТ, 25 янв — Sputnik. Ўзбекистондаги маҳаллий оммавий ахборот воситалари хабарига кўра, шу кунларда Ўзбекистоннинг барча ҳудудларида мамлакатнинг Биринчи Президенти Ислом Каримов таваллуд топган кун — 30 январь санасини нишонлашга тайёргарлик кўрилмоқда.

Таълим муассасалари, ҳарбий қисмлар, меҳнат жамоалари ва маҳаллаларда ушбу сана муносабати билан турли маданий-маърифий тадбирлар, хотира кечалари ўтказилаётгани таъкидланган.

Хусусан, Самарқанд давлат университетида ўтказилган ана шундай тадбирда Ислом Каримов ҳаёти ва фаолияти, бой маънавий мероси ҳақида сўз юритилган.

Ўзбекистоннинг Биринчи президенти Ислом Каримов 2016 йилнинг 2 сентябрида инсульт оқибатида вафот этган эди.

Илгарироқ Ўзбекистоннинг Биринчи Президенти Ислом Абдуғаниевич Каримовнинг туғилган куни муносабати билан 2017 йил 30 январда "Оқсарой" қароргоҳи музей сифатида ишлай бошлаши ҳақида хабар қилган эдик.

1160
Теглар:
музей, 30 январ, Оқсарой, Ислом Каримов
Мавзу:
Ислом Каримов таваллуд топган кун муносабати билан ўтказилаётган тадбирлар (25)
Водный канал, протекающий рядом с многоэтажными домами в Ташкенте

Қибрайдаги “Қонли ариқ” воқеаси юзасидан ҳокимлик расмий баёнот берди

70
(Янгиланган 10:33 09.03.2021)
Тошкент вилояти ҳокимлиги Қибрай туманидаги “Қонли ариқ” воқеаси юзасидан расмий баёнот берди. Кушхона раҳбари муаммони 5 кун ичида ҳал қилиши керак.

ТОШКЕНТ, 9 мар — Sputnik. Ижтимоий тармоқларда тарқалган Тошкент вилояти Қибрай тумани “Ўнгқўрғон” маҳалласидаги фермер хўжаликлари ўртасидан ўтган ариқдан ҳар куни икки маҳал қон оқиши ҳақидаги хабар юзасидан Тошкент вилояти ҳокимлиги расмий баёнот берди.

Ўрганишлар натижасига кўра, “Обод Савдо Бизнес” МЧЖга қарашли кушхонадан ҳосил бўлган оқова сувлар зах ариққа оқизилганлиги аниқланган.

Хокимият Ташобласти дал комментарий по поводу кровавых рек в Кибрае
Хокимият Ташобласти дал комментарий по поводу "кровавых рек" в Кибрае

Ушбу ҳолат юзасидан 2021 йил 26 февраль куни Экология ва атроф-муҳитни муҳофаза қилиш соҳасидаги назорат бўйича Қибрай тумани инспекцияси томонидан 20/21-сонли огоҳлантириш хати берилган. Унда “Табиатни муҳофаза қилиш тўғрисида”ги қонуннинг 19-моддаси, “Сув ва сувдан фойдаланиш тўғрисида”ги қонуннинг 18, 19, 99-моддалари талаблари бузилиши рўй берган.

Бунинг оқибатида айбдорлар Маъмурий жавобгарлик тўғрисидаги кодекснинг 72-моддаси 1-қисми (сув захираларини муҳофаза қилиш қоидаларини бузиш) билан маъмурий жавобгарликка тортилишига сабаб бўлади.

Корхона бинолари 2014 йилда “Нур Фаррух” фермер хўжалигидан “Обод Савдо Бизнес” МЧЖ таасаруфига ўтган ва Қибрай тумани ҳокимининг 2014 йил 9 декабрдаги 2494-сонли қарори қабул қилинган. Ушбу ихтисослашган сўйиш корхонаси 2018 йил ишга туширилган, лекин ҳужжатлар кўздан кечирилганда, айнан ихтисослашган сўйиш корхонаси учун тегишли ташкилотларнинг хулосалари мавжудлиги тақдим қилинмаган.

Оқова сувлар ва кушхона ҳудудидан чиқаётган оқовалар учун қилинган ўралар гидроизоляцияланган (бетондан ясалган) бўлиб, лекин оқоваларни йиғмасдан, аксинча оқовалар далага ва зах ариққа туширилган.

Хокимият Ташобласти дал комментарий по поводу кровавых рек в Кибрае
Хокимият Ташобласти дал комментарий по поводу "кровавых рек" в Кибрае

Қайд этилишича, “Обод Савдо Бизнес” корхонаси томонидан оқова сувларни ўрадан тортиб олиб кетилиши учун шартнома ҳамда маиший чиқиндиларни олиб кетиш учун ҳам «Тоза ҳудуд» билан шартнома тузилмагани аниқланган. Шунингдек, кушхонани ювиш вақтида чиққан қон аралаш сувлар ва сўйилган мол ошқозонидан чиққан ем қолдиқлари бинонинг орқа дала қисмига чиқарилиши оқибатида тартибсиз ҳолатга келиб қолган.

Натижада “Аҳолининг санитария-эпидемиологик осойишталиги тўғрисида”ги қонуннинг 16-моддаси бузилган. Давлат ветеринария қўмитасининг 2018 йил 27 июлдаги ихтисослашган сўйиш корхоналарига нисбатан вақтинчалик ветеринария санитария қоида ва меъёрларини тасдиқлаш ҳақидаги 25-сонли қарори талаблари бузилган.

Вилоят ҳамда туман СЭО ва ЖСБ мутахассислари тамонидан ушбу аниқланган ҳолат ва тартиббузарликларни зудлик билан бартараф қилиш чораларини кўриш, кушхонадан чиқаётган оқовалар учун махсус гидроизоляцияланган ўра қурилиши назоратга олинган.

“Ҳозирги кунда юқоридаги камчиликларни бартараф этиш учун кўрсатмалар берилиб, кушхонадан чиқадиган оқова сувларни зах ариққа оқизилиши тўхтатилди. Ўрнатилган қувурлар ковлаб олинди. Камчиликларни 5 кун муддат ичида бартараф этиш бўйича корхона раҳбаридан тушунтириш хати олинди”, -  дейилган хабарда.

Қибрай туман экология ва атроф-муҳитни муҳофаза қилиш инспекцияси томонидан корхона томонидан атроф-муҳитга етказилган зарар ҳисобланиб, тегишли ташкилотларга тақдим этилади.

Эслатиб ўтамиз,  аввал бу ҳолатни Ветеринария давлат қўмитаси ўрганиб, “Обод Савдо Бизнес” МЧЖ раҳбарларини огоҳлантирган эди.

70
Денежные купюры: доллары США. Архивное фото

Япония Ўзбекистонга 2та кредит ажратади

348
Япония коронавирус пандемиясининг салбий таъсирига қарши курашиш учун тезкор ёрдам сифатида 15,0 миллиард япон йенаси миқдоридаги маблағ 15 йил муддатга 4 йиллик имтиёзли давр билан ажратади.

ТОШКЕНТ, 8 мар — Sputnik. “Япония халқаро ҳамкорлик агентлиги иштирокида “Ўзбекистонда шаффоф ва кенг бозор иқтисодиётига ўтишни ривожлантириш сиёсатини қўллаб-қувватлаш” лойиҳасини амалга ошириш
чора-тадбирлари тўғрисида”ги ҳукумат қарори лойиҳаси тайёрланди.

Лойиҳа доирасида ЯХҲА томонидан ажратиладиган қарз маблағлари Ўзбекистон Республикаси республика бюджети харажатларини молиялаштириш учун йўналтирилиши режалаштирилган.

Лойиҳа доирасида ўтказилган қарз музокаралари бўйича эришилган натижалар: музокоралар давомида ЯХҲА ушбу қарз маблағлари иккита траншда ажратилишини маълум қилди:

- Коронавирус пандемиясининг салбий таъсирига қарши курашиш учун тезкор ёрдам сифатида 15,0 миллиард япон йенаси миқдоридаги маблағ 15 йил муддатга 4 йиллик имтиёзли давр билан ажратиш учун Жахон банки ЯХҲА билан биргаликда ислоҳотлар матрицаси ишлаб чиқилиб, Ўзбекистон Республикасида амалга оширилди;

- Ривожлантириш сиёсатини қўллаб-қувватлаш учун 195,0 миллион АҚШ доллар миқдоридаги маблағ 25 йил муддатга 7 йиллик имтиёзли давр билан ажратилиш мақсадида ЯХҲА томонидан энергетика соҳасида ислоҳотлар матрицаси ишлаб чиқилган бўлиб, Энергетика вазирлиги томонидан ҳамда “Иссиқлик электр станциялари” АЖ томонидан бажарилиши кутилмоқда.

348
Теглар:
ташқи қарз, коронавирус пандемияси, коронавирус, Япония, Ўзбекистон
Флаги Ирана и Узбекистана

Ўзбекистон ва Эрон алоқаларни янада ривожлантиришни муҳокама қилди

12
Ўзбекистон ташқи ишлар вазири ўринбосари Фурқат Сидиқов Эрон ТИВ раҳбари Жавад Зариф билан икки мамлакат ўртасидаги алоқаларни ривожлантириш истиқболларини муҳокама қилди.

ТОШКЕНТ, 9 мар — Sputnik. Ўзбекистон ташқи ишлар вазири ўринбосари Фурқат Сидиқов Теҳрон шаҳрида Эрон Ислом Республикаси ташқи ишлар вазири Муҳаммад Жавад Зариф билан учрашди. Бу ҳақда ТИВ матбуот хизмати хабар қилмоқда.

Суҳбат давомида Ўзбекистон-Эрон алоқаларини ривожлантириш истиқболлари муҳокама қилинди. Бунинг учун савдо-иқтисодий, инвестиция, сайёҳлик ва бошқа соҳаларда муҳим салоҳият мавжудлиги таъкидланди.

Икки томонлама сиёсий мулоқот фаоллашгани ҳамда иқтисодий дипломатия соҳасида ҳамкорликнинг сезиларли даражада ўсгани қайд этилди.

Таъкидланишича, Жавад Зариф Ўзбекистонда давлат ва жамият қурилиши, ишбилармонлик ва инвестицион муҳитни такомиллаштириш, минтақада дўстлик ва яхши қўшничиликни мустаҳкамлаш соҳасида амалга оширилаётган кенг кўламли ислоҳотларни юқори баҳолади.

Афғонистондаги тинчлик жараёнини қўллаб-қувватлаш бўйича Ўзбекистоннинг саъй-ҳаракатлари алоҳида қайд этилди.

Эрон томони Тошкент шаҳрида бўлиб ўтадиган “Марказий ва Жанубий Осиё: минтақавий боғлиқлик. Таҳдидлар ва имкониятлар” мавзусидаги халқаро конференцияга таклиф қилинди.

Суҳбат давомида томонларни қизиқтирган минтақавий ва халқаро масалалар ҳам кўриб чиқилди.

12
Теглар:
Жавад Зариф, ҳамкорлик, Эрон, Ўзбекистон