Ўзбекистон президенти Шавкат Мирзиёев, архив сурат

Ўҳў: Янги "Маҳалла" вазирлиги ва Мирзиёевнинг интернетни "портлатган" фармони

6252
(Янгиланган 17:42 14.02.2017)
Бу ҳафта ушбу рукндан Самарқандда эшак сўйган "бизнесмен"ларнинг суд қилиниши, "Дайди" фильми ижодкорларидан навбатдаги "доҳиёна" изоҳ ҳамда бошқа қизиқарли янгиликлар ўрин олди

ТОШКЕНТ, 14 фев — Sputnik. Ўзбекистонда ҳар бир ҳафта янгиликларга бой бўлмоқда. Қай бирини эътиборингизга ҳавола қилишга ҳам шошиб қоламиз баъзан. Демак, ўтган ҳафтада ўзбекистонликларни кўпроқ ажаблантирган, хурсанд қилган ва ўйлантирган хабарлар билан танишинг, марҳамат.

1. Шавкат Мирзиёев пенсияларни ва талабалар стипендияларини нақд пулда бериш қарорини имзолади

Ўзбекистон президенти мазкур ҳужжатга имзо чекиб, ўзбекистонлик аксарият пенсионерларнинг пластик карточка билан боғлиқ ҳамда бошқа муаммоларини ҳал қилди. Қарорга мувофиқ, 1-февралдан бошлаб пенсия ва нафақа тўловлари фақат нақд пулда берилади. Бундан ташқари узоқ ва тоғли ҳудудларда яшовчи аҳоли ойлик маошлари, шунингдек олий таълим масканлари талабаларининг стипендияларининг 50%и нақд пулда тўланиши керак

Узбекские денежные знаки - сум
© Sputnik
Узбекские денежные знаки - сум

 

2. Хоразм вилояти электромобилларга ўтишга ҳозиргарлик кўрмоқда

Хитой ҳукумати яқинда электромобиллар қувват олиши учун мамлакатда 800 мингдан зиёд пунктлар қуришни режалаштирганини эълон қилди. Хитой пунктлар қуриш билан овора бир пайтда Хоразм электромобиллар ишлаб чиқариш билан андармон, айрим намуналар ҳатто йўлларда ҳаракатланмоқда

Зарядка аккумуляторов электромобиля.
© Sputnik / Евгений Биятов
Зарядка аккумуляторов электромобиля.

3. Эмомали Раҳмон табиий офатлар сабабли саросимага тушди

Январ ойида Тожикистонда кўчкилар оқибатида 13 инсон нобуд бўлди. Шу сабабдан Фавқулодда вазиятлар бўйича давлат комиссияси мажлисини чақирган Раҳмон олимларга тоғли ҳудудлардан ўтувчи автомагистралларда янги ҳимоя қурилмаларини барпо этиш ва барча хавфли ҳудудлар мудофаасини кучайтириш бўйича янги режалар ишлаб чиқишни буюрди

Расчистка дороги от снежных завалов, архивное фото
© Sputnik / Владимир Иванов
Расчистка дороги от снежных завалов, архивное фото

4. Эшак сўйган бизнесменлар суд қилинди

Самарқанд шаҳрида юзлаб эшакларнинг суяклари аниқлангач, маҳаллий аҳоли бу ҳайвонларнинг гўшти қаерга кетгани билан қизиқди, ИИББ ходимлари эса ушбу ҳолатни содир этган шахсларни топиш учун суриштирув ишларини бошлаб юборишди…

Хабарга кўра,  "эшак бизнеси"га Самарқанд вилоятининг 5 нафар фуқароси жалб қилинган. Ушбу воқеа содир этилиши тарихи ва суд гуруҳ аъзоларини қандай жазога тортгани ҳақида қуйидаги иловада ўқишингиз мумкин.

Устранение ослиного могильника у водоема в Самарканде
Устранение ослиного могильника у водоема в Самарканде
5. Ўзбекистонда "Маҳалла" вазирлиги ташкил этилдими?

Ўзбекистон президенти Шавкат Мирзиёев маҳалла институтини такомиллаштириш тўғрисидаги фармонни имзолади.

Фармон шарҳида фуқаролар ўзини ўзи бошқариш органларининг жамиятдаги ўрни ва ролини янада кучайтириш, уларни жойларда халқнинг чинакам маслакдоши ва кўмакдошига айлантириш; жамиятда ўзаро ҳурмат, меҳр-оқибат ва ҳамжиҳатлик муҳитини шакллантиришда, миллий ва умуминсоний қадриятларни асраб-авайлаш ҳамда ривожлантиришда маҳаллаларнинг аҳамияти ва нуфузини янада ошириш каби мақсадлар маҳалла институтини янада такомиллаштиришнинг устувор йўналишлари этиб белгилангани айтилган.

Ҳужжатга кўра, Республика кенгаши раисининг биринчи ўринбосари мақоми, маиший таъминоти, тиббий ва транспорт хизматидан фойдаланиш борасидаги шарт-шароитларига кўра – вазирга, Республика кенгаши раисининг ўринбосари – вазир ўринбосарига тенглаштирилган.

6. Наврўз Наврўздек бўлсин!

Ўзбекистон президентининг "Биз бу йил Наврўзни халқ сайли қиламиз. Ана шуни ҳамма билсин. Биз ҳозирдан тайёргарлик қилайлик. Ҳамма район ҳокимлари эшитсин — далаларда, боғларда сайл бўлади. Сайлда ҳаммамиз қатнашамиз", деган гапи интернет оламини "портлатган" хабарлардан бири бўлди. Ишонч ҳосил қилиш учун хабарга ўзбекистонликлар томонидан қолдирилган изоҳларни ўқишингиз мумкин!

Зрители на городском празднике Навруз в Ташкенте
© Sputnik / /Стрингер
Зрители на городском празднике Навруз в Ташкенте

7. Ўзбек режиссёридан навбатдаги "лағмон"

Ўтиб бораётган ҳафтада ўзбек киноижодкорлар томонидан яратилган блокбастер жанрида суратга олинган "Дайди" фильмининг премьераси Голливуд актёри Морган Фриман сабабли қолдирилган эди. Маҳаллий ОАВ вакилларининг мурожаатига фильм режиссёри Сирожбек Абдуллаев фильмдаги Морган Фримен эмас, балки унинг Ўзбекистондаги ўхшаш чеҳраси, яъни қиёфадоши эканлигини маълум қилиб, қуйидаги суратни тақдим этган.

Это не Морган Фриман
Бу Морган Фримен эмас, унинг қиёфадоши

Офарин, фантазёр!

6252
Теглар:
Дайди, ўзбек кино, Морган Фриман, Наврўз, маҳалла, Шавкат Мирзиёев
Автомобильное движение в городе

Тошкентда йўл-транспорт тизимини яхшилаш учун қандай ишлар режалаштирилган

33
(Янгиланган 11:08 25.02.2021)
Пойтахтда йўл-транспорт тизимини яхшилаш уч босқичда амалга оширилади. Биринчи босқичда шаҳардаги 3 та кўчаларда янги ўтиш жойлари очилади ва йўл кенгайтирилади.

ТОШКЕНТ, 25 фев — Sputnik. Тошкент шаҳрида йўл-транспорт тизимини яхшилаш юзасидан амалга ошириладиган лойиҳалар уч босқичда амалга оширилади. Бу ҳақда Транспорт вазирлиги матбуот хизмати хабар қилмоқда.

Қайд этилишича, президент Шавкат Мирзиёевнинг Тошкент шаҳрида йўл-транспорт инфратузилмасини такомиллаштириш ва янги йўллар қуришга оид топшириғига асосан Транспорт вазирлиги, Тошкент шаҳар ҳокимлиги, ИИВ Йўл ҳаракати хавфсизлиги Бош бошқармаси ва “Kalyon ulastirma” компанияси билан ҳамкорликда қуйидаги уч босқичда ишлар амалга оширилиши кўзда тутилган.

Биринчи босқич. 3 та кўчаларда тез муддатда янги ўтиш жойларини очиш ва йўлни кенгайтириш ишлари амалга оширилади:

  • Себзор кўчаси бўйлаб Абдулла Қодирий кўчаси кесишмасидаги йўл ўтказгичдан тушгандан сўнг, Зулфияхоним кўчасига ўтиш учун асосий қатнов қисмидан маҳаллий йўлга янги ўтиш жойини очиш;
  • Тошкент халқа автомобил йўлининг 11-километрида (Тўсин бозор қаршисида) 250 метр масофада йўлни кенгайтириш;
  • Ал-Хоразмий – Катта Қаъни кўчалари чорраҳасида айланма ҳаракатни ташкил этиш;

Иккинчи босқич. 3 та кўчаларнинг транспорт ўтказиш қобилиятини ошириш бўйича тадбирларни ҳаётга татбиқ этиш режалаштирилган:

  • Чоштепа - Янги Сергели кўчалари кесишмасида ўтказувчанликни ошириш мақсадида, кесишмани кенгайтириш (параметрларини ўзгартириш);
  • Тошкент халқа автомобил йўли – Самарбону кўчалари кесишмасида маҳаллий йўлни кенгайтириш ҳисобига ўтказувчанликни ошириш;
  • Мустақиллик – Паркент кўчалари кесишмасида яшил худуд хисобидан янги йўл очиш режалаштирилган.

Учинчи босқич. 6 та кўчаларда транспорт оқими ўрганилиб, таҳлил натижаларидан келиб чиққан ҳолда бир қатор тадбирларни амалга ошириш режалаштирилган.

Булар:

- Юнусобод туманидаги Қорақамиш кўчасини Тошкент халқа автомобил йўли билан боғлаш учун янги йўл қуриш;

- Муқумий – Лутфий - Сеул - Нурафшон кўчалари кесишмаси параметрларини ўзгартириш йўли билан ўтказувчанликни ошириш;

- Тошкент ҳалқа автомобил йўли - Амир Темур кўчалари кесишмасида айланма ҳаракатли чорраҳани оддий чорраҳа турига ўтказиш йўли билан ўтказувчанликни ошириш;

- Шота Руставели – Миробод - Шаҳрисабз кўчалари кесишмасида айланма ҳаракатли чорраҳани оддий чорраҳа турига ўтказиш йўли билан ўтказувчанликни ошириш.

- Кичик халқа автомобил йўли бўйлаб “CRAFERS” корхонаси қаршисида янги қайрилиб олиш жойини очиш;

- Сеул – Новза – Бунёдкор кўчалари кесишмасида канал устидаги кўприкни кенгайтириш хисобига кесишма ўтказувчанлигини ошириш режалаштирилган.

  • Cписок улиц и перекрёстков Ташкента, где будет пересмотрена организация движения
    Пресс-служба Минтраса Узбекистана
  • Cписок улиц и перекрёстков Ташкента, где будет пересмотрена организация движения
    Пресс-служба Минтраса Узбекистана
  • Cписок улиц и перекрёстков Ташкента, где будет пересмотрена организация движения
    Пресс-служба Минтраса Узбекистана
1 / 3
Пресс-служба Минтраса Узбекистана
Cписок улиц и перекрёстков Ташкента, где будет пересмотрена организация движения

Эслатиб ўтамиз, аввалроқ президент Шавкат Мирзиёев мутасаддиларга тирбандликлар юзага келаётган ўндан ортиқ кўчада қисқа муддатларда қўшимча ҳаракат йўналишларини очиш бўйича топшириқ берган эди.

33
Теглар:
йўллар, Тошкент
Кто может попасть в зону отдыха Шоввозсой - ответ Узбекистон темир йуллари

“Ўзбекистон темир йўллари” “Шоввозсой” дам олиш маскани юзасидан расмий муносабат билдирди

105
Компания ижтимоий тармоқларда тарқалаётган “Угам-Чотқол” миллий табиат боғи тасарруфидаги дам олиш маскани ҳақидаги хабарлар асоссиз ва нохолис эканини маълум қилди.

ТОШКЕНТ, 25 фев — Sputnik. “Ўзбекистон темир йўллари” АЖ Тошкент вилояти ҳудудида жойлашган Угам-Чотқол миллий табиат боғи тасарруфидаги “Шоввозсой” дам олиш маскани ҳақидаги хабарлар юзасидан расмий муносабат билдирди.

Аввалроқ ижтимоий тармоқларда дам олиш маскани Ўзбекистон раҳбарияти учун қурилгани ҳақида хабардар пайдо бўлган эди.

Компания бу асоссиз ва нохолис хабарлар эканини маълум қилди.

Хабарда билдиришича, Ўзбекистон Вазирлар маҳкамасининг 2010 йилдаги қарорига асосан, Угам-Чотқол миллий табиат боғи тасарруфидаги “Шоввозсой” ўрмон хўжалиги ерлари “Ўзбекистон темир йўллари” компаниясига темирйўлчилар ва уларнинг оила аъзолари, компаниянинг хорижий ҳамкорлари, мамлакат аҳолиси ва чет эллик сайёҳлар учун замонавий экотуризм масканини барпо этиш ва мавжуд экотизимни сақлаб қолиш мақсадида ажратилган.

Бу ерда 2011 йилдан бошлаб, яъни 10 йил давомида босқичма-босқич қурилиш ва бунёдкорлик ишлари олиб борилган. Барча инвестициялар темир йўл компаниясининг бюджетдан ташқари маблағлари, жумладан даромадлари ҳисобидан амалга оширилган.

Компания маълумотларига қараганда, ўтган ўн йил давомида дам олиш маскани қурилишига сарфланган инвестициялар ҳажми 495 миллиард сўмни ташкил этди. Шу билан бир қаторда, миллий боғ ҳудудида табиат ва ҳайвонот оламини сақлаш ва ривожлантириш учун зарур инфратузилмалар яратилди, объектгача электр тармоқлари тортилди, автомобиль йўли ва кичик сув омбори барпо этилди.

Кто может попасть в зону отдыха Шоввозсой - ответ Узбекистон темир йуллари
Узбекистон темир йуллари
Кто может попасть в зону отдыха "Шоввозсой" - ответ "Узбекистон темир йуллари"

Айни пайтда “Ўзбекистон темир йўллари” АЖ тасарруфидаги “Назарбек”, “Чимён”, “Хожикент”, “Омонхона” каби дам олиш масканлари, шунингдек, “Шоввозсой” мажмуаси ҳам компанияда фаолият юритаётган қарийб 90 минг темирйўлчилар ва аҳолига сифатли хизматларни кўрсатиб келмоқда.

“Ушбу дам олиш ва соғломлаштириш масканларида “Ўзбекистон темир йўллари” АЖ билан шартнома ва йўлланмалар асосида, темирйўлчилар билан бир қаторда, Ўзбекистон Республикаси Президенти Администрацияси, Вазирлар Маҳкамаси, турли вазирлик, идора ва давлат ташкилотлари, маҳаллий ҳокимликлар, шунингдек, республикамиз аҳолиси ва чет эллик инвесторлар, ҳамкорлар ва сайёҳларга экотуризм ва экстремал туризм, саломатликни мустаҳкамлаш ва қайта тиклаш хизматлари кўрсатиб келинмоқда”, - дейилган расмий хабарда.

Компания телеграм каналида дам олиш масканида ҳордиқ чиқараётган инсонлар тасвирланган видеоролик эълон қилинган.

"Шоввозсой" дам олиш учун ажойиб жой. Дам олиш зонаси Угам-Чотқол давлат биосфера қўриқхонасининг қўриқланадиган ҳудудида жойлашган. Бу ерда табиат қўйнида оила, ҳамкасб ва дўстлар билан унутилмасда ҳордиқ чиқариш учун барча зарур шароитлар яратилган", — дейилади ролик изоҳида.

105
Теглар:
“Шоввозсой” дам олиш маскани

Қўқонда ёш аёл товламачиликка қўл урди

21
Аёл фуқарога ўзи билан бирга жинсий алоқа қилганлиги акс этган видео борлиги айтган ва катта пул талаб қилган. У бу ишга ўзининг вояга етмаган жиянини ҳам тортган.

ТОШКЕНТ, 25 фев — Sputnik. Фарғона вилояти Қўқон шаҳрида товламачиликка қўлга турган 25 ёшли аёл ушланди. Бу ҳақда Миллий гвардия матбуот хизмати хабар қилмоқда.

Маълум қилинишича, Хўқандий мавзесида яшовчи “Барно” исмли аёл фуқаро Т.М.га ўзи билан бирга жинсий алоқа қилганлиги акс этган видео борлиги айтган. Аёл видеони ўчириб ташлашлик учун ундан икки минг доллар талаб қилган. Агар сўраган пулини бермаса, видеони тарқатиб юбориши ва яқинларига кўрсатишини айтиб қўрқитган.

Ҳамкорликда ўтказилган тезкор тадбирда аёл ва унинг вояга етмаган жияни Ш.Р.лар биргаликда товламачилик йўли билан фуқаро М.Т.дан 2 минг долларни олган вақтида далилий ашёлар билан қўлга олинган.

“Россиядаги эрингга юбораман”: оилали аёлни шантаж қилган товламачи жиноят устида ушланди

Дастлабки ўрганишлар давомида “Барно” исмли аёл Қўқон шаҳрида яшовчи 1996 йилда туғилган фуқаро Қ.О. эканлиги маълум бўлган.

Ҳозирда ҳолат юзасидан суриштирув ишлари давом этмоқда.

21
Теглар:
товламачи, Қўқон