ДТП в Ташкенте

Кучли ёмғир оқибатида ЙТҲ содир бўлди...

268
(Янгиланган 15:39 23.02.2017)
Тошкентда ёмғир ёғиши оқбатида яна бир бор кўчаларни сув босиб, йўл қаерда ариқ қаердалиги кўринмай қолди.

ТОШКЕНТ, 21 фев — Sputnik. Охирги кунларда бўлиб ўтган ёғингарчилик натижасида Тошкент кўчаларида улкан кўлмаклар пайдо бўлди. Лойқа сўв остида на йўл кўринада на чуқур ёки ариқ, деб ёзади podrobno.uz.

Ана шундай кўлмак устида автомобил ҳайдаб ўтаётган ҳайдовчилардан бири нохуш ҳолатга тушиб қолди. Унинг автомобили олдинги ғилдираги билан улкан чуқурга (ёки ариққа) тушиб кетди.

ДТП в Ташкенте
ДТП в Ташкенте

Бир неча йилдан бери Тошкент кўчаларида ҳар баҳор ва кузда такрорланаётган сув босиш ҳолати, албатта жуда ачинарли…   

 

268
Педиатр, иммунолог-аллерголог, соведущий программы Жить Здорово  Андрей Продеус

Машҳур педиатр болаларга ниқоб тақиш нима учун хавфли эканини тушунтириб берди

47
Япония педиатрлари уюшмаси ота-оналарни коронавирус инфекциясининг тарқалишига қарамай, икки ёшгача бўлган болалар учун ниқоб кийиш хавфли эканлиги ҳақида огоҳлантирди.

ТОШКЕНТ, 28 май - Sputnik. Педиатр, иммунолог-аллерголог, "Жить здорово" дастурининг бошловчиларидан бири, профессор, медицина фанлари доктори Андрей Продеус ёш болаларга ҳимоя ниқобларини тақиш қанчалик мақсадга мувофиқ эканлиги ҳақида гапирди.

Япония педиатрлари уюшмаси ота-оналарни коронавирус инфекциясининг тарқалишига қарамай, икки ёшгача бўлган болалар учун ниқоб кийиш хавфли эканлиги ҳақида огоҳлантирди.

Машҳур педиатр Андрей Продеус сўзларига кўра, бу фикр нафақат япон мутахассислари, балки бутун дунё педиатрлари томонидан ҳам қўллаб-қувватланмоқда.

Гап шундаки, ниқоб тақиш нафас олиш муаммоларига олиб келиши мумкин. Ҳатто катталар ҳам бу каби муаммоларни бошидан кечиришади, болаларни эса гапирмаса ҳам бўлади, дейди мутахассис.

"Шунга кўра, бу тавсия жуда оқилона. Болаларда вирусга сезувчанлик камроқ, чунки коронавирус илашадиган ва кўприк орқали ўтиб ҳужайраларга кириб борадиган рецепторлар болада катталарга қараганда камроқ бўлади, айниқса бу рецепторлар гипертония, ошиқча вазн билан оғриган кекса одамларда кўп бўлади", - деди педиатр Sputnik радиосига.

Шу билан бирга Продеус, ниқоб одамни вирусдан ҳимоя қилишига шубҳа қилди. Унинг сўзларига кўра, ҳаммаси аксинча - шахсий ҳимоя воситаларини айнан касаллик ташувчиси тақиши керак.

Бундай ҳолда, ниқоб тақиш атрофдаги одамларни ҳимоя қилишга ёрдам беради, деб ҳисоблайди мутаҳассис.

Агар 5 ёшдан 7 ёшгача бўлган ёши каттароқ бола ҳақида гапирадиган бўлсак, у инфекция манбаи бўлса, гавжум жойларда ниқоб тақиш тавсия этилади.

Мутахассиснинг тўлиқ шарҳини радиоподкастда тингланг.

Известный педиатр объяснил, почему малышам опасно носить защитные маски от COVID-19
47
Дезинфекционная обработка в подъезде жилого дома

Эътиборсиз ҳайдовчилар туфайли 100 нафарга яқин фуқаро карантинга олинди

122
(Янгиланган 16:21 28.05.2020)
Россиядан келган ҳайдовчилар белгиланган санитария қоидаларига риоя қилмасдан, чегара-назорат пости автотураргоҳидан уйига чиқиб кетишган.

ТОШКЕНТ, 28 май — Sputnik. Андижонда коронавирусга чалинган ҳайдовчиларнинг эътиборсизлиги  100 нафарга яқин фуқаронинг карантинга олинишига сабаб бўлди. Бу ҳақда Соғлиқни сақлаш вазирлиги хабар қилмоқда.

Маълум бўлишича, 22 май куни Балиқчи туманида яшовчи 50 ёшли Р.Р. Избоскан туманида яшовчи 32 ёшли шериги Б.Қ. билан  биргаликда халқаро юк ташиш автомашинасида Россиядан Тошкент вилояти Қибрай тумани ҳудудидаги чегара-назорат постига етиб келган.

Шу куннинг ўзида ўрнатилган тартиб бўйича постдаги СЭОМ ходимлари томонидан ҳар икки ҳайдовчидан коронавирус инфекциясига суртма олинган. Эртасига, 23 май куни Б.Қ. да гумон натижа қайд этилганлиги учун такроран таҳлил топширган, Р.Р.да эса касаллик аниқланмаган.

Лекин ҳайдовчилар белгиланган санитария қоидаларига риоя қилмасдан, чегара-назорат пости автотураргоҳидан уйига  чиқиб кетишган.

Шундан сўнг ҳуқуқни муҳофаза қилувчи орган вакиллари билан ўтказилган тезкор қидирув ва эпидемиологик суриштирув натижасида ҳар икки ҳайдовчининг ҳам ўз уйларидан топилган.

Шу орада дастлаб таҳлил натижалари гумон қилинган Б.Қ.да ҳам, у билан доимий мулоқотда бўлган иккинчи ҳайдовчи Р.Р.да ҳам  коронавирус инфекцияси тасдиқланган.

Эпидемиологик суруштирув натижасида Избоскан ва Балиқчи туманида Р.Р. ва Б.Қ. билан мулоқотда бўлган барча 100 нафарга яқин фуқаролар 14 кунлик тиббий кузатувга олинган.

Вазирлик яна бир бор барчадан уй карантини қоидаларига қатъий амал қилишни, жамоат жойларида бўлганда ёки коронавирус инфекцияси аломатларини ўзида сезганда дарҳол ўзини яккалаб, шифокорга мурожаат қилишни сўраган.

122
Гималайские горы

Одамлар “учар гилам”да парвоз қиляптими? видео

30
(Янгиланган 19:38 28.05.2020)
Дрон ёрдамида тасвирга олинган видео икки суткада 14 миллион марта томоша қилинди. Интернет фойдаланувчилари бу янги оптик иллюзияни кўриб, ҳайратга тушмоқда.

ТОШКЕНТ, 27 май — Sputnik. Интернетда янги оптик иллюзия қаттиқ муҳокама қилинмоқда.

Twitter чоп этилган бу қисқа видео дрон ёрдамида Ҳимолай тоғларида тасвирга олинди. Видеони кўрган фойдаланувчилар гўёки одамлар “учар гилам”да парвоз қилаётганини кўришди.

Видеода эса тоғли йўлда юк машинада одамларни кетаётгани акс этган. Ракурс туфайли, машина ҳавода парвоз қилиб кетаётганга ўхшайди.

Бу роликни саноқли кунлар ичида 14 миллион марта томоша қилинди.

30