Ягона ойна хизмати. Архив сурат

Ўзбекистондаги "Ягона дарча" марказида 86 турдаги давлат хизматлари кўрсатилади

11786
(Янгиланган 15:06 13.04.2017)
2017-2020 йилларда "Ягона дарча" марказлари орқали кўрсатиладиган 16 турдаги давлат хизматлари босқичма-босқич кўпайтирилиб, 86 турга етказилади. Бундай хизмат турларининг 34 таси эса жорий йилда амалга оширилади

ТОШКЕНТ, 13 апр — Sputnik. Ўзбекистондаги "Ягона дарча" марказида 86 турдаги давлат хизматлари кўрсатилади, деб хабар қилди "Зарафшон" нашри.

Ўзбекистон президентининг 2017 йил 1 февралдаги "Тадбиркорлик субъектларига давлат хизматларини кўрсатиш механизмларини такомиллаштиришга доир қўшимча чора-тадбирлар тўғрисида"ги қарорига асосан "Ягона дарча" марказлари туман ҳокимликлари тузилмасидан адлия органлари тасарруфига ўтказилган эди.

Унга кўра, 2017-2020 йилларда "Ягона дарча" марказлари орқали кўрсатиладиган 16 турдаги давлат  хизматлари босқичма-босқич кўпайтирилиб, 86 турга етказилади. Бундай хизмат турларининг 34 таси эса жорий йилда амалга оширилади.

"Вазирлар Маҳкамасининг 2017 йил 9 февралдаги қарори билан тадбиркорлик субъектларини – юридик ва жисмоний шахсларни рўйхатдан ўтказишнинг мутлақо янги тартиби ўрнатилди, – дейди вилоят адлия бошқармаси бўлим бошлиғи Мақсуд Қурбонов. – Мазкур қарорга асосан 2017 йил 1 апрелдан бошлаб юридик шахсни рўйхатдан ўтказишда эски услубдаги устав нусхаси, банк, маҳаллий ҳокимият қарори, муҳр ва штамп, уларнинг нусхалари каби олти турдаги ҳужжатлар ўрнига таъсис ҳужжатлари ва ариза берилади, холос. Ҳозиргача якка тартибдаги тадбиркорликни ташкил этиш учун икки иш куни ва 7 турдаги ҳужжат талаб қилинган бўлса, эндиликда фақат ариза билан 30 дақиқа ичида тадбиркор сифатида давлат рўйхатидан ўтиш мумкин.

Яна бир афзаллиги шундаки, якка тартибдаги тадбиркорлар интернет тармоғи орқали рўйхатдан ўтганда тўланадиган давлат божлари энг кам иш ҳақининг бир баробари ўрнига ярим баробар миқдорида белгиланди.

Тадбиркорлик субъектларини давлат рўйхатидан ўтказишдаги янги тартибнинг жорий этилиши ишлаб чиқариш ҳажмининг ортиши ва ишбилармонларнинг кўпайишига ёрдам беради.

Масалан, Оқдарё тумани "Ягона дарча" марказидан жорий йил 20 январдан 1 мартгача 605 та тадбиркорлик субъекти давлат рўйхатидан ўтказилди ва тумандаги жами тадбиркорлар сони 7 мингдан ошди.

Шунингдек, 2016 йилда марказга 16 турдаги давлат хизматлари бўйича келиб тушган 238 та аризанинг 99 %и тўлиқ қаноатлантирилган бўлса, жорий йилнинг ўтган ойларида тадбиркорларга 29 та ана шундай давлат хизматлари кўрсатилди.

"Юқоридаги қарорга асосан 1 апрелдан жорий этилган рўйхатга олишнинг янги тартиби бир қатор афзалликларга эга, – дейди Оқдарё туман "Ягона дарча" маркази директори Ислом Нарзуллаев. – Жумладан, энди рўйхатдан ўтказувчи органга қоғоз шаклидаги ҳужжатларнинг асл нусхалари тақдим этилмайди. Рўйхатдан ўтувчи субъект ҳужжатларини интернет орқали топширганда рўйхатдан ўтказишда тўланадиган давлат божи миқдори икки баробар қисқаради".

Қолаверса, бизнесни рўйхатдан ўтказишни аризачига қулай вақтда бошлаш, тўхтатиш ёки давом эттириш мумкин.

Бунда ҳужжатларда электрон рақамли имзо бўлиши талаб этилмайди. Якка тартибдаги тадбиркорлар ўз фаолиятини вақтинчалик тўхтатиб туриш ёки қайта тиклаш тўғрисидаги аризани автоматлаштирилган тизим орқали топширишлари мумкин бўлади.

Шунингдек, қайта ташкил этиш тўғрисидаги ахборотни босма оммавий ахборот воситаларида эълон қилиш тўғрисидаги талаб бекор қилинади.

Бу ҳам тадбиркорларнинг ортиқча оворагарчилиги ва маблағини тежашга ёрдам беради.

11786
Теглар:
ягона дарча
Народная артистка Узбекистана Шафоат Рахматуллаева

Ўзбекистон халқ артисти Шафоат Раҳматуллаева соғлиғи ҳақида маълумот берилди

252
(Янгиланган 18:49 27.10.2020)
Аввалроқ ижтимоий тармоқларда актриса Шафоат Раҳматуллаева оғир аҳволда жонлантириш бўлимида ётганлиги ҳақидаги хабар тарқалган эди.

ТОШКЕНТ, 27 окт — Sputnik. Маданият вазирлиги Ўзбекистон халқ артисти Шафоат Раҳматуллаеванинг саломатлигидан хавотирланишга асос йўқлигини маълум қилди.

Вазирлик матбуот хизмати хабарига кўра, актричанинг аҳволи яхшиланган, ҳозир у Фарғона вилояти юқумли касалликлар шифохонасининг оддий палатасида муолажа олмоқда.

“Онахон актрисамиз Шафоатхон Раҳматуллаева тезроқ тузалиб кетишларига тилакдошмиз”, - дейилган хабарда.

Эслатиб ўтамиз, Шафоат Раҳматуллаева ўз ижодий фаолияти давомида 150 дан зиёд турли характердаги ранг-баранг, катта-кичик ва бетакрор ролларни ижро этган.

У меҳнат фаолиятини Сирдарё вилоят мусиқали драма театрида актёр сифатида бошлаган. 1971 йилдан Ҳамза номидаги Қўқон шаҳар ўзбек давлат мусиқали драма театрида фаолиятини давом эттирган.

1975 йилдан яна Олим Хўжаев номидаги Сирдарё вилоят мусиқали драма театрида ижодий фаолиятини давом эттириб, 30 дан зиёд бош ва етакчи ролларни маҳорат билан ижро этган.

2002 йилдан ҳозиргача Ҳамза номидаги Қўқон шаҳар мусиқали драма театрида фаолият кўрсатиб,  театр репертуаридаги қатор спектаклларда бош ва кичик роль образларини маромига етказиб ижро этган.

Раҳматуллаева театрдаги фаолияти билан бир қаторда кино ва видеофильмларда ҳам қатор роллар ижро этди. “Масхарабоз”, “Оқ бино оқшомлари”, “Орзу ортида”, “Ўзимдан-ўзимгача”, “Севгинатор”, “Йиғламагин” каби фильмларда ролларни маромига етказиб ижро этиб, кино ихлосмандлари орасида ҳам шуҳрат қозонган.

Бугунги кунда у 100 га яқин ёш ижодкорларни етиштириб, уларга ўз маслаҳатлари билан устозлик қилиб келмоқда.

252

Ўзбекистонда COVID: 27 октябрь асосий хабарлари

283
(Янгиланган 19:51 27.10.2020)
Сутка давомида 214 кишида коронавирус аниқланди, Ўзбекистонда коронавирус инфекцияси қайд этилганлар сони 65 881 нафарни ташкил қилмоқда.

ТОШКЕНТ, 27 окт — Sputnik. Sputnik Ўзбекистон республикадаги эпидемиологик вазият тўғрисида асосий хабарларни тўплади.

Бир сутка давомида 214 кишида коронавирус аниқланди, Ўзбекистонда коронавирус инфекцияси қайд этилганлар сони 65 881 нафарни ташкил қилмоқда.

Янги касалланиш ҳолатларининг: 99 нафари Тошкент шаҳрида, 11 нафари Жиззах вилоятида, 6 нафари Тошкент вилоятида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Соғайиш кўрсаткичи

Бугуннинг ўзида 168 нафар бемор тузалди. Республика бўйлаб жами соғайганлар сони 63 044 нафарга етди. Соғайиш кўрсаткичи 95 фоиз.

Айни пайтда 2 281 нафар беморга белгиланган стандартлар бўйича даво чоралари кўрилмоқда.

Ўлим ҳолатлари

Кун давомида коронавирусга чалинган 4 нафар бемор вафот этди.

Ўзбекистонда жами 556 киши пандемия қурбони бўлди.

3 та автобус

22 октябрь куни фуқароларни РФдан олиб келиш мақсадида “Uzautotrans service” корхонаси томонидан 3 та автобус Екатеринбург шаҳрига жўнаб кетган эди. Автобуслар манзилга етиб борди.

Екатеринбург, Челябинск, Тюмень шаҳарларидан жами 150 нафар фуқаролар Ўзбекистонга олиб келинмоқда. Айни дамда Қозоғистон ҳудудида бўлган автобуслар бир неча соатлардан сўнг Ўзбекистонга кириб келади.

Дунё саломатлиги

Дунё бўйлаб инфекцияни юқтириб олган кишиларнинг сони 43,8 миллиондан ошди, 1,2 миллион ортиқ киши вафот этди, 32,2 миллион киши тузалди. Энг кўп ҳолатлар АҚШда (9,0 млн), Ҳиндистонда (7,9 млн), Бразилияда (5,4 млн).

283
Мавзу:
COVID-19 умумжаҳон пандемияси

Эртага Ўзбекистонга Волгабўйидан совуқ антициклон киради

489
Илиқ ва совуқ ҳаво оқимларининг босимлари тафовути республика ҳудуди бўйича шамолнинг тезлиги секундига 17-22 метргача кучайишига олиб келади

ТОШКЕНТ, 27 окт - Sputnik. Эртага республика шимолига Россиянинг Европа қисми (Москва области)дан Волгабўйи орқали совуқ антициклон кира бошлайди, деб хабар бермоқда Ўзгидромет.

Эртага, 28 октябрда совуқ ҳаво бутун республика ҳудудига тарқалади, ҳарорат фони 8-10 даража пасаяди.

Аксарият вилоятларда кундузги ҳаво ҳарорати 10-13 даража атрофида бўлади. Кучсиз, асосан қор кўринишидаги ёғинлар мамлакатнинг тоғли ва баланд тоғли ҳудудларида кузатилиши мумкин.

Илиқ ва совуқ ҳаво оқимларининг босимлари тафовути республика ҳудуди бўйича шамолнинг тезлиги секундига 17-22 метргача кучайишига олиб келади.

Совуқ ҳаво оқимининг таъсири 29 октябрда ва 30 октябрда кечаси сақланиб туради, 30 октябрда кундузи антициклон шимоли-шарққа чекина бошлайди ва ҳаво аста-секин исийди.

29 ва 30 октябрь кунлари тунги ҳаво ҳарорати 0-3 даража илиққача тушади, айрим жойларда ҳавода биринчи аёз кузатилади — ҳарорат 1-2 даража совуқ бўлади. 29 октябрда кундузи 10-13 даража илиқ атрофида бўлади, 30 октябрда эса бироз — 13-16 даражагача исийди. Бу кунларнинг ҳарорати октябрь ойи учун хос бўлган меъёрий қийматлардан 7-9 даражага паст бўлади.

31 октябрда Ўзбекистон ҳудудига Эрон томондан иссиқ ҳаво кира бошлайди. Тунги аёз тўхтайди, кундузи эса ҳарорат 18 даража, айрим жойларда ундан ҳам юқори бўлади.

489