Ёмғир

Ўзбекистонда ёмғирли об-ҳаво бўлиши кутиляпти

1502
(Янгиланган 18:59 04.05.2017)
6-9 май кунлари Ўзбекистонда момақалдироқ бўлиши ва ёмғир ёғиши кутилмоқда, 8-9 май кунлари эса ҳаво 35 даража исийди

ТОШКЕНТ, 4 май — Sputnik. Синоптикларнинг хабар беришича, Ўзбекистонда дам олиш кунлари ҳаво иссиқ бўлади, аммо республика бўйлаб кучли ёмғир ёғиши кутилмоқда.

Қорақалпоғистон ва Хоразм вилоятида ҳаво ўзгариб туради, айрим жойларда бироз ёмғир ёғиши, момақалдироқ бўлиши мумкин. Ҳарорат кечаси 12-17 даража, кундузи 28-33 даража иссиқ бўлади.

Бухоро ва Навоий вилоятларида ҳаво ўзгариб туради, 6-7 май кунлари айрим жойларда бироз ёмғир ёғиши, момақалдироқ бўлиши мумкин. 8-май ёғингарчиликсиз кечади. 9-май куни айрим туманларда ёмғир ёғиб, момақалдироқ бўлади. Ҳарорат кечаси 12-17 даражани ташкил қилади, 6-7-май кунлари кундузи 25-30 даража иссиқ бўлади, 8-9-май кунлари 30-35 даражагача исийди.

Тошкeнт, Самарқанд, Жиззах, Сирдарё вилоятларида 6-7 май кунлари айрим жойларга ёмғир ёғиши кутилмоқда. 8-май куни кечаси ва эрталаб айрим туманларда ёмғир ёғади, момақалдироқ бўлади, кундузи ёғингарчиликсиз кечади. 9-май куни айрим туманларда ёмғир ёғиб, момақалдироқ бўлади. Ҳарорат кечаси 12-17 даража атрофида бўлади. Кундузи 28-33 даража иссиқ бўлади.

Қашқадарё ва Сурхондарё вилоятларида 6-7-май кунлари айрим жойларга ёмғир ёғади, момақалдироқ бўлиши кутлмоқда. 8 май куни ёғингарчиликсиз кечади. 9 май куни айрим туманларда ёмғир ва момақалдироқ бўлиши кутилмоқда. Ҳарорат кечаси 13-18, 6-7-май кунлари кундузи — 27-33, 8-9-май кунлари 30-35 даража иссиқ бўлади.

Андижон, Наманган, Фарғона вилоятларида ҳаво ўзгариб туради. 6-7 май кунлари айрим жойларга ёмғир ёғади. Момақалдироқ бўлиши мумкин. 8-май куни кечаси ва эрталаб айрим туманларда ёмғир, момақалдироқ бўлиши, кундузи эса ёғингарчиликсиз кечиши кутилмоқда. 6 ва 9-май кунлари кундузи 27-32, 7-8-май кунлари 23-28 даража иссиқ бўлади.

Рeспубликанинг тоғли ҳудудларида ҳаво ўзгариб туради, айрим жойларда ёмғир ёғиши, момақалдироқ бўлиши мумкин. Ҳарорат кечаси 7-12, кундузи 18-23 даража иссиқ бўлади.

Гидрометеорология хизматининг хабар беришича, 5-7 май кунлари Ўзбекистоннинг тоғ олди ва тоғли ҳудудларида сел келиши хавфи кузатилади.

Бизнинг Telegramдаги ўзбекча каналимизга обуна бўлинг ва энг янги хабарларни биринчи бўлиб ўқинг.

1502
Теглар:
чақмоқ, 8-9 май, ёмғир, об-ҳаво

Қашқадарёда тун давомида рекорд даражада коронавирус аниқланди

21
Ўзбекистонда аниқланган коронавирус ҳолати тун давомида 168 тага кўпайди. Аксарияти Қашқадарёда аниқланди.

ТОШКЕНТ, 8 июл — Sputnik. Ўзбекистонда аниқланган коронавирус ҳолати тун давомида 168 тага кўпайди. Шундан 161 таси Қашқадарёда аниқланди.

“2020 йил 8 июль соат 10:00 ҳолатига кўра, Ўзбекистонда коронавирус инфекцияси қайд этилганлар сони 10 838 (+168) нафарни ташкил этмоқда”, - дейилган Соғлиқни сақлаш вазирлиги хабарида.

Янги касалланганларнинг 161 нафари Қашқадарё вилоятида (шундан 127 нафари коронавирусга чалинганлар билан мулоқотда бўлиб, карантинга олинган фуқаролар орасида, 34 нафари аҳоли орасида), 7 нафари Наманган вилоятида (шундан 3 нафари коронавирусга чалинганлар билан мулоқотда бўлиб, карантинга олинган фуқаролар орасида, 4 нафари аҳоли орасида) аниқланган.

Шу пайтга қадар 6 811 нафар коронавирус инфекциясига чалинган фуқаролар соғайган.

Ҳозирда мамлакатда 3 986 нафар бемор даволамоқда. Улардан 24 нафари оғир, 13 нафари эса ўта оғир аҳволда. Жами 41 та ўлим ҳолати кузатилган.

21
Теглар:
Қашқадарё, коронавирус
Ученики в президентской школе в Хиве

Мактабларда “Тарбия” фани жорий этилади

113
“Одобнома”, “Ватан туйғуси”, “Миллий истиқлол ғояси ва маънавият асослари” ҳамда “Дунё динлари тарихи” фанларини бирлаштирган ҳолда “Тарбия” фани жорий этилади.

ТОШКЕНТ, 7 июл — Sputnik. “Умумий ўрта таълим муассасаларида “Тарбия” фанини босқичма-босқич амалиётга жорий этиш чора-тадбирлари тўғрисида” Ҳукумат қарори қабул қилинди.

Қарорга мувофиқ, умумий ўрта таълим муассасаларида “Одобнома”, “Ватан туйғуси”, “Миллий истиқлол ғояси ва маънавият асослари” ҳамда “Дунё динлари тарихи” фанларини бирлаштирган ҳолда “Тарбия” фани  1–9-синфларда – 2020/2021 ўқув йилидан, 10–11-синфларда эса 2021/2022 ўқув йилидан бошлаб фанларга ажратилган умумий соатлар доирасида босқичма-босқич амалиётга жорий этилади.

“Тарбия” фанидан дарсликлар ва ўқув-методик мажмуалар янги ўқув йили бошлангунга қадар чоп этилиб, жойларга етказилади.

2020 йил июль ойидан бошлаб янги ўқув йили бошлангунга қадар умумтаълим мактабларидаги “Бошланғич таълим”, “Миллий ғоя ва ҳуқуқ”, “Тарих” ва “Диншунослик” мутахассислигига эга фан ўқитувчилари учун халқ таълими ходимларини қайта тайёрлаш ва уларнинг малакасини ошириш ҳудудий марказларида “Тарбия” фанидан онлайн шаклда мақсадли малака ошириш курслари ташкил этилади.

“Тарбия” фанидан дарсликлар ва ўқув мажмуаларини харид қилиш ва етказиб бериш харажатлари республика бюджети ва халқ таълими вазирлиги ҳузуридаги Республика мақсадли китоб жамғармаси маблағлари ҳисобидан қопланади.

Қарор билан умумий ўрта таълим муассасалари ўқувчилари учун “Тарбия” фани концепцияси тасдиқланди.

113