Лола Исламовна Каримова-Тилляева

Лола ва Татьяна Каримовалар ишчи ташриф билан Москвага келишди

1161
(Янгиланган 15:32 25.05.2017)
Улар Москвада британиялик таниқли ҳайкалтарош Пол Дэй билан Ислом Каримов хиёбони лойиҳасини муҳокама қилишди

ТОШКЕНТ, 25 май — Sputnik. Ўзбекистоннинг Биринчи президенти Ислом Каримовнинг қизи Лола Каримова-Тиллаева ижтимоий тармоқдаги саҳифасида онаси Татьяна Каримова билан биргаликда Москвага ташриф буюргани ҳақида маълум қилди.

"Ҳозирда ижодий гуруҳимиз билан Москвадамиз. Ўтган йилнинг ноябрь ойида Ислом Каримов номи берилган Москва марказидаги хиёбон ва ҳайкалнинг лойиҳасини Москва шаҳар бошқарув органларига тақдим этиш учун ташриф буюрдик.

Бу лойиҳа устида иш олиб бориш биз учун жуда катта шараф ва масъулиятдир. Мазкур хиёбон шаҳарнинг чиройли жойларидан бири бўлиб қолишини истаймиз. Шу сабабли ушбу лойиҳа устида иш олиб боришга Лондоннинг чинакам безаги бўлмиш "Британия учун жанг" монументал иншооти, Қиролича-она ҳайкали ҳамда Лондоннинг Сент-Панкрас станциясидаги "Учрашув жойи" бронза ҳайкалини яратган машҳур англиялик ҳайкалтарош Пол Дэйни таклиф этдик. Унинг сўнгги санъат асари "Ироқ ва Афғонистондаги урушлар" мемориал ёдгорлиги 2017 йилнинг март ойида Буюк Британия Қироличаси Елизавета II томонидан тантанали очилган.

Москва шаҳридаги лойиҳа устида ишлар эканмиз, ушбу хиёбон кўп йиллардан кейин ҳам москваликлар ва туристлар учун ўз жозибасини сақлаб қолишига алоҳида урғу бердик.

For English see comments' section below⬇️ Ўзбек тилида қуйидаги шарҳда ўқинг⬇️ На фото: Лола Каримова-Тилляева и Татьяна Каримова, скульптор Пол Дэй и другие члены рабочей группы, созданной фондом И. Каримова, встречаются со стороной московских компетентных в этом вопросе органов. На следующих фото — работы скульптора Пола Дэя, выставленные в Лондоне. Мы находимся в Москве с моей творческой группой в рабочей поездке для того, чтобы представить Московским органам управления проект памятника Исламу Каримову и сквера, названного в его честь в ноябре прошлого года. Это огромная честь и ответственность для нас работать над этим проектом. Мы хотим, чтобы это место стало украшением города. Поэтому мы пригласили для работы над этим проектом культового английского скульптора Пола Дэя, создавшего такие работы, как монументальное сооружение «Битва за Британию», монумент Королеве-матери, знаменитую бронзовую статую «Место встречи» на станции Сент-Панкрас, считающиеся по праву украшением Лондона. Его последняя работа, мемориальный памятник «Войны в Ираке и Афганистане» был торжественно открыт в марте 2017 г. Королевой Великобритании Елизаветой II. Мы попытались разработать проект памятника и сквера в Москве так, чтобы через многие годы это место оставалось интересным для горожан и многочисленных туристов Москвы. Мы пока не разглашаем проект своих работ широкой общественности, так как считаем, что лучше все увидеть своими глазами тогда, когда это будет готово в следующем 2018 году. Хочу выразить огромную благодарность всем, кто участвует в этом процессе!⬇️

Публикация от Lola Karimova-Tillyaeva (@lola_tillyaeva) Май 25 2017 в 12:30 PDT

Биз вақтинча лойиҳамиз тафсилотлари ҳақида батафсил маълумот бермаяпмиз, сабаби, 2018 йилда лойиҳамиз амалга ошганидан кейингина, уни кенг омма эътиборига ҳавола этмоқчимиз.

Мазкур лойиҳада иштирок этаётган барча инсонларга ўз миннатдорчилигимни изҳор этаман", деб ёзади у.

1161
Тонированное стекло автомобиля

“Тонировка”дан давлат бюджетига қанча пул келиб тушди

118
(Янгиланган 15:29 19.01.2021)
Ўзбекистонда 2019 йил 5 августдан 2020 йил 31 декабрига қадар автомашиналарнинг “тонировка”сидан бюджетга 302,6 млрд сўмдан зиёд пул келиб тушган.

ТОШКЕНТ, 19 янв — Sputnik. Ўзбекистонда 2019 йил 5 августдан 2020 йил 31 декабрига қадар “тонировка” учун 82 125 та рухсатнома берилган. Жами 302 млрд 635 млн сўм пул маблағлари Ҳукумат қарорига асосан тўлов сифатида ундирилган.

ИИВ ДЙҲХХ органлари томонидан автотранспорт воситаларидан уларнинг ойнасини қорайтириш учун:

  • 2019 йил 5 августдан (646-сонли қарор кучга киргандан сўнг) 2019 йил 31 декабрь кунига қадар 31 367 та рухсатнома берилиб, жами 113 млрд 980 млн сўм пул маблағлари;
  • 2020 йил 1 январдан 31 декабрь кунига қадар 50 758 та рухсатнома берилиб, жами 188 млрд 395 млн сўм пул маблағлари;
  • 2020 йил 1 январдан 9 октябрь кунига қадар 28 326 та рухсатнома берилиб, жами 135 млрд 638 млн сўм пул маблағлари;
  • 2020 йил 10 октябрдан (635-сонли қарор кучга киргандан сўнг) 31 декабрь кунига қадар 22 432 та рухсатнома берилиб, жами 52 млрд 757 млн сўм пул маблағлари тўланган.

Эслатиб ўтамиз, Вазирлар Маҳкамасининг 2020 йил 9 октябрдаги 635-сонли қарори билан енгил шахсий автомобилларни орқа ён ойналарини тусини ўзгартириш (қорайтириш) нархи БҲМнинг 10 бараваридан — 2 млн 230 минг сўмдан БҲМнинг 5 бараварига, яъни 1 млн 115 минг сўмга туширилган.

Шу сабаб, фуқаролар томонидан автомобилларни орқа ён ойналарини қорайтиришга талаб ортиб кетган. Юқоридаги қарор кучга киргач, бир кунда ўртача 320 та рухсатнома берила бошланган (илгари бир кунда ўртача 120 та рухсатнома берилган).

118
Теглар:
Ўзбекистон янгиликлари, тонировка

Ўзбекистонда 2020 йилда ўлим ҳолати 13,5 фоизга ошди

71
Ўзбекистонда коронавирус пандемиясига тўғри келган 2020 йилда 175,6 минг киши вафот этди. Бу 2019 йилга қараганда 21 мингта (13,58 фоиз) кўпроқ ўлим дегани.

ТОШКЕНТ, 19 янв — Sputnik. Ўзбекистонда 2020 йилда 175,6 мигтта ўлим қайд этилган, ҳар 1000 аҳолига ўлим коэффициенти 5,1 промиллени ташкил этган. Бундан Давлат статистика қўмитасининг 2020 йил якунлари бўйича демографик рақамлари дарак бермоқда.

Бу 2017 йилги ўлимлар сонидан 14,7 мингтага (9,27 фоизга), 2018 йилги ўлимлар сонидан 20,7 мингтага (13,36 фоизга), 2019 йилги ўлимлар сонидан 21 мингтага (13,58 фоизга) кўп.

Ўзбекистонда йиллик умумий ўлимлар сони
Ўзбекистонда йиллик умумий ўлимлар сони

2020 йилда қайд этилган ўлим ҳолатларининг 60,0 фоизи қон айланиш тизими касалликларидан, 8,0 фоизи ўсимталардан, 7,2 фоизи нафас олиш аъзолари касалликларидан, 4,4 фоизи овқат ҳзм қилиш аъзолари касалликларидан, 4,4 фоизи бахтсиз ҳодиса, заҳарланиш ва жароҳатланишлардан, 4,4 фоизи юқумли ва паразитар касалликлардан ҳамда 11,6 фоизи бошқа касалликлардан вафот этган.

Вилоятлар кесими бўйича энг кўп ўлим ҳолатлари Тошкент шаҳрига (21,2 минг), Фарғона (18,5 минг), Тошкент (18,4 минг) ва Самарқанд (18,4 минг) вилоятларига тўғри келган. Энг кам ўлим ҳолати эса Навоий (5 минг) ва Сирдарё (4 минг) вилоятларида кузатилган.

Ўзбекистонда 2020 йилда қайд этилган ўлимлар сони ҳудудлар кесимда
Ўзбекистонда 2020 йилда қайд этилган ўлимлар сони ҳудудлар кесимда
71
Теглар:
Ўзбекистон янгиликлари, ўлим, Ўзбекистон
Президент Узбекистана Шавкат Мирзиёев озвучил послание Олий Мажлису

Мирзиёев: янги Ўзбекистонни барпо этиш устунларидан бири - кучли маънавиятдир

88
Президент раҳбарлигидаги йиғилишда Республика Маънавият ва маърифат маркази ишини танқидий ўрганиб чиқиб, фаолиятини тубдан такомиллаштириш зарурлиги айтилди.

ТОШКЕНТ, 19 янв - Sputnik. Ўзбекистон президенти Шавкат Мирзиёев раислигида 19 январь куни маънавий-маърифий ишлар тизимини тубдан такомиллаштириш, бу борада давлат ва жамоат ташкилотларининг ҳамкорлигини кучайтириш масалалари бўйича видеоселектор йиғилиши ўтказилди.

"Агар жамият ҳаётининг танаси иқтисодиёт бўлса, унинг жони ва руҳи маънавиятдир, – деди Шавкат Мирзиёев йиғилишда. – Биз янги Ўзбекистонни барпо этишга қарор қилган эканмиз, иккита мустаҳкам устунга таянамиз. Биринчиси – бозор тамойилларига асосланган кучли иқтисодиёт. Иккинчиси – аждодларимизнинг бой мероси ва миллий қадриятларга асосланган кучли маънавият. Биз яратаётган янги Ўзбекистоннинг мафкураси эзгулик, одамийлик, гуманизм ғояси бўлади. Биз мафкура деганда, аввало, фикр тарбиясини, миллий ва умуминсоний қадриятлар тарбиясини тушунамиз. Улар халқимизнинг неча минг йиллик ҳаётий тушунча ва қадриятларига асосланган", – деди Мирзиёев.

Маълумки, бугун дунёда кескин кураш ва рақобат ҳукм сурмоқда, манфаатлар тўқнашуви кучаймоқда. Глобаллашув жараёнлари инсоният учун беқиёс янги имкониятлар билан бирга кутилмаган муаммоларни ҳам келтириб чиқармоқда. Миллий ўзлик ва маънавий қадриятларга қарши таҳдид ва хатарлар тобора ортмоқда. Фақат ўзини ўйлаш, меҳнатга, оилага енгил қараш, истеъмолчилик кайфияти турли йўллар билан одамлар, айниқса, ёшлар онгига устамонлик билан сингдириляпти.

Терроризм, экстремизм, трансмиллий ва кибер-жиноятчилик, одам савдоси, наркотрафик каби таҳдидлар хавфи ошиб бормоқда. Баъзи ҳудудларда атайин беқарорлик юзага келтирилиб, норозилик кайфияти авж олдирилмоқда.

Бундай таҳликали вазиятда ҳушёр ва огоҳ бўлиб, халқ тинчлиги, мамлакат манфаатларини ўйлаб яшаш зарур.

Давлат раҳбари лоқайдлик ва бепарволик энг катта хавф эканини, бугун учраётган ижтимоий муаммоларни камайтириш учун нуронийлар тарбияси, жамоатчилик назорати етишмаётганини таъкидлади.

Йиғилишда қайд этилганидек, ижтимоий-маънавий муҳитни илмий асосда таҳлил қилишни даврнинг ўзи талаб этмоқда. Жамиятда маънавий-маърифий ишлар шундай асосда йўлга қўйилмагани учун ҳам кутилган натижани бермаяпти.

Шунинг учун Республика Маънавият ва маърифат маркази ишини танқидий ўрганиб чиқиб, фаолиятини тубдан такомиллаштириш зарурлиги айтилди.

Президент ушбу марказнинг "Маънавият тарғиботчиси" ўқув муассасаси негизида Ижтимоий-маънавий тадқиқотлар институтини ташкил этиш таклифини билдирди.

Йиғилишда маънавий-маърифий ишларни сифат ва мазмун жиҳатидан янги босқичга кўтариш чора-тадбирлари белгиланди.

 

88