АҚШ доллари

Божхона вакили: хориждан валюта олиб киришга ҳеч қандай чеклов йўқ

898
(Янгиланган 15:27 05.07.2017)

ТОШКЕНТ, 5 июл — Sputnik. Ўзбекистон ташқи ишлар вазири Абдулазиз Камилов билан ўтказилаётган бевосита мулоқот чоғида хорижлик фуқаронинг Ўзбекистонга кириш чоғида ёнида бўлган дори воситалари олиб қўйилганлиги ва бу қанчалик қонуний эканлиги ҳақида савол келиб тушди.

Камилов ушбу саволга жавоб бераркан, бошқа мамлакатга сафарга чиқаётган инсон аввало ўша мамлакатнинг урф-одати, қонун-қоидалари билан озгина бўлса-да танишиб чиқиши лозимлигини айтди ва Ўзбекистон Божхона қўмитаси вакили вазирнинг ушбу фикрига қўшилган ҳолда қуйидагича қўшимча қилди:

Ўзбекистон ҳудудига кириб келаётган ҳар бир шахс божхона декларациясини тўлдириши ва ўзи билан олиб кираётган буюм ва валюталар ҳақида маълумотни кўрсатиши шарт.

Олиб кириш миқдори қонунан чекланган дори воситалари декларацияда кўрсатилмаган бўлса улар олиб қўйилади.

“Афсуски, аксарият фуқароларимиз ўзлари билан олиб келаётган валюта миқдорини божхона декларациясида кўрсатишдан қўрқишади. Ёнингизда қанча пул бўлса ҳам қўрқмай декларацияда кўрсатишингиз мумкин. Ўзбекистон ҳудудига валюта олиб киришда ҳеч қандай чеклов йўқ. Истаганингизча пул билан киришингиз мумкин”, деди божхона вакили.

898
Мавзу:
Ўзбекистон ташқи ишлар вазирининг халқ билан мулоқоти (12)
Аллея на Ганге

Оқилов болалар орасида ҳам коронавирус билан касалланиш кўпаётганини маълум қилди

33
Коронавирусга қарши кураш штаби аъзосининг сўзларига кўра, ҳозирда педиатрик койкалар захираси тайёрланмоқда.

ТОШКЕНТ, 20 сен — Sputnik. Коронавирусга қарши кураш штаби аъзоси Ҳабибулла Оқилов Ўзбекистонда ҳам болалар орасида коронавирус билан касалланиш ортаётганини маълум қилди.

“Мана, мактаблар ишлашни бошлади. Табиийки, касалланиш сони бугунга келиб ошиб бормоқда. Минг афсус, Ўзбекистонда олдин болалар деярли касал бўлмаётганди, ҳозир болалар контингентининг ичида ҳам касалланиш бор. Шунинг учун биз педиатрик койкалар захирасини ҳам тайёрлаяпмиз ва педиатр кадрларни ҳам тайёрлаш режалаштирилган”, - деди у “Ўзбекистон 24” телеканалига берган интервьюсида.

Аввалроқ 17 сентябрь куни Ўзбекистонда коронавирус пандемияси бошланган буён биринчи марта 11 ёшли бола вафот этгани маълум бўлганди.

Бўстонлиқ тумани Ғазалкент шаҳрида истиқомат қилган 11 ёшли фуқаро 5 сентябрь куни туман тиббиёт бирлашмаси қабул бўлимига тез тиббий ёрдам машинасида олиб келинган. Болада ўша вақтда бурундан қон кетиши, тана ҳароратининг 38 даражага кўтарилиши, нафас сиқиши кузатилган. Кўкрак қафаси ренгени қилинганда 50 фоиз зарарланиш аниқланган.

Бола 2012 йилдан буён сурункали гломерулонефрит, нефротик шакли, сурункали буйрак етишмовчилиги, камқонлик ва семизликнинг учинчи даражаси ташхиси билан диспансер назоратида турган ва ногиронлик нафақаси олиб келган.

Кўрилган даво чораларига қарамасдан, бемор сурункалн гломерулонефрит, буйрак етишмовчилининг терминал босқичи, семизлик ва анемиянинг учинчи даражаси,  икки томонлама пневмониянинг оғир шакли натижасида вафот этган.

33
Теглар:
Ўзбекистон, коронавирус
Мавзу:
COVID-19 умумжаҳон пандемияси
Скончался ветеран узбекского футбола Наримон Джалолов

Ўзбек футболи фахрийси Наримон Жалолов вафот этди

25
(Янгиланган 12:14 20.09.2020)
Наримон Жалолов ўзбек футболи ривожига қўшган ҳиссаси учун “Ўзбекистон Республикасида хизмат кўрсатган мураббий” фахрий унвони ва “Шуҳрат” медали билан билан тақдирланган.

ТОШКЕНТ, 20 сен — Sputnik. Бугун, 20 сентябрь ЎФА Фахрийлар кенгаши раиси Наримов Жалолов 88 ёшида оламдан кўз юмди. Бу ҳақда Ўзбекистон Миллий олимпия қўмитаси матбуот хизмати хабар қилмоқда.

Наримон Жалолов 1931 йил 23 сентябрь куни туғилган. Унинг ташаббуси билан Тошкент шаҳри ва вилоятларида кўплаб стадионлар қад ростлаган.

1968 йилда “Пахтакор” клуби раҳбари сифатида ишлаган ва ўша даврда жамоа Собиқ Иттифоқ кубогининг финалига қадар етиб борган эди. Мустақилликнинг илк йилларида ЎФФ вице-президенти лавозимида ишлаган.

Наримон Жалолов ўзбек футболи ривожига қўшган ҳиссаси учун ҳукумат томонидан “Ўзбекистон Республикасида хизмат кўрсатган мураббий” фахрий унвони ва “Шуҳрат” медали билан билан тақдирланган.

25