Беспорядки в тульском поселке Плеханово

Газ ва светни узиш тартиби тасдиқланди

3778
(Янгиланган 18:27 21.07.2017)
Қарздорлар рўйхати "Ўзбекэнерго" ва "Ўзтрансгаз" корхоналари томонидан тайёрланади

ТОШКЕНТ, 20 июл — Sputnik. Ўзбекистон ҳукумати қарздорларни электр ва газ тармоқларидан узиш тартибини тасдиқлади, деб хабар қилди Подробно.уз.

Янги тартибга кўра, "Ўзбекэнерго" ва "Ўзтрансгаз" корхоналари томонидан электр ва газдан фойдаланганлик учун қарздорлар рўйхати тайёрланади.

Ушбу рўйхат ҳар ойнинг 11-санасидан бошлаб ҳар куни Бош прокуратура ҳузуридаги Мажбурий ижро бюро (МИБ)га ягона идоралараро ахборот тизими орқали юборилади.

МИБ ушбу рўйхатлар асосида қарзни 5 кун муддат ичида тўлаб қўйиш ҳақида истеъмолчиларни огоҳлантиради. Огоҳлантириш хати юборилгандан сўнг 5 кун ўтган кунда МИБ томонидан қарздорликни мажбурий ундириш чоралари, яъни истеъмолчилар электр ва газ тармоқларидан узиш чоралари кўрилади.

Электр энергия ва табиий газдан фойдаланиш қоидаларининг бузган ёки тармоққа ноқонуний уланган истеъмолчиларга нисбатан чоралар зудлик билан кўрилади.

Электр ва газ тармоқларидан истеъмолчиларни узиш нуқталари МИБ ходимлари томонидан муҳрланиши орқали қатъий назоратга олинади.
Тармоқлардан узишда давлат инспектори томонидан икки нусхада далолатнома тузилади ва бир нусхаси истеъмолчига тақдим этилади.

Истеъмолчи далолатномани имзолашни истамаса, бу ҳақда тегишли ёзув қайд этилади. Бу икки гувоҳ томонидан тасдиқланиши зарур. Шу вақтнинг ўзида  истеъмолчи далолатномада ўз тушунтириш ва эътирозларини ҳамда қўл қўйишни рад этиш важларини кўрсатиш ҳуқуқига эга.

Электр ва газ тармоқлардан узилган исътемолчилар тўғрисида маълумотлар давлат инспектори томонидан ягона идоралараро электрон ахборот тизимига киритилади.

Электр ва газ тармоқларига қайта уланиш шартлари қуйидагича:
— электр энергияси ва табиий газдан фойдаланишда қоидабузарликлар бартараф этилганда;
— электр энергияси ва табиий газ истеъмоли учун қарздорлик тўлиқ тўланганда;
— электр ва газ тармоқларига қайта улаш учун тўлов тўланган ҳолларда. Тўлов миқдори жисмоний шахс учун энг кам иш ҳақининг 2 баравари, юридик шахси учун энг кам иш ҳақининг 10 бараварни ташкил қилади.

Тармоққа қайта улаш МИБ ҳудудий бўлинмаларига мурожаат қилиш орқали амалга оширилади. Интернет орқали ҳам амалга ошириш мумкин.  Аниқланган камчиликлар бартараф этилгач, эртаси кун тармоққа қайта уланиш мумкин.

Бунда МИБ инспекторлари қоидабузарликлар ҳолатлари тўлиқ бартараф этилганини аниқлаш мақсадида уй жойни кўздан кечирадилар.

Тармоққа қайта улангач, икки нусхада далолатнома тузилади ва бир нусхаси истеъмолчига берилади.

Эслатиб ўтамиз, 2017 йил 1 июл санасидан Ўзбекистонда ҳар ойнинг 10—санасига қадар ўтган ойда истеъмол қилинган энергия ресурслари учун тўлиқ ҳисоб-китоб қилишлари шартлиги тўғрисида янги тартиб-қоидалари жорий этилган эди.@

3778

Ўзбекистонда коронавирус: 3 июнь асосий хабарлари

375
(Янгиланган 23:42 03.06.2020)
Бугуннинг ўзида 106 нафар бемор тузалиб, реабилитацияга кузатилди. Республика бўйлаб жами соғайганлар сони 3 014 нафарга етди.

ТОШКЕНТ, 3 июн — Sputnik. Sputnik Ўзбекистон республикада коронавирус билан боғлиқ бўлган асосий хабарларни тўплади.

Бир сутка давомида 46 кишида коронавирус аниқланди, охирги маълумотларга кўра, Ўзбекистонда коронавирус инфекцияси қайд этилганлар сони 3 815  нафарни ташкил қилмоқда.

Янги касалланиш ҳолатларининг 45 нафари - Карантин марказидаги фуқаролар орасида, 1 нафари - Андижон вилоятида халқаро юк ташувчи автомашина ҳайдовчисида аниқланган.

Даволаниш кўрсаткичи

Бугуннинг ўзида 106 нафар бемор тузалиб, реабилитацияга кузатилди. Жами соғайганлар сони 3014 нафар.

Айни пайтда 786 нафар беморга белгиланган стандартлар бўйича даво чоралари кўрилмоқда.

Навоийда махсус гуруҳ иши

Соғлиқни сақлаш вазирлиги Навоийда яна 42 нафар бемор соғайгани тўғрисида маълумот берди. Ушбу вилоятда сўнгги икки кунда жами 84 бемор соғайиб чиққан.

Тузалганларнинг барчаси ушбу вилоятдан (32 нафари Зарафшон шаҳридан, 4 нафари Хатирчи туманидан, 3 нафари Томди туманидан, 2 нафари Конимех туманидан, 1 нафари эса Навоий шаҳридан) бўлиб, 26 нафари эркак, 16 нафари аёл. Уларнинг ёши каттаси 71 ёшли онахон, ёши кичиги 2018 йил туғилган. 

Яна бир вирусдан холи ҳудуд

Наманган — коронавирусдан холи ҳудуд бўлишга яқин. Бугун Наманганда 4 нафар бемор соғайди. Наманган вилоятида касалликка чалинган жами 260 нафар бўлиб, эндиликда шундан 251 нафари тузалди.

Пандемия вақтида тезлиги ошган интернет

Ўзбекистонда интернет тезлиги 6 фоизга, мобил интернет тезлиги 18 фоизга кўтарилди.  Ookla компаниясининг Speedtest.net сервиси коронавирус интернет глобал суръатига таъсир қилганини эълон қилди: Ўзбекистонда интернет тезлиги 6 фоизга (Fixed Speed Change), мобил интернет тезлиги эса 18 фоизга (Mobile Speed Change) кўтарилди.

2020 йил апрель ҳолатига интернет тезлиги бўйича рейтингида Ўзбекистон 94-поғонани эгаллади. Яъни, бир йил давомида 37 поғонага кўтарилиб 131-ўриндан 94-поғонадан жой олди. Ўзбекистонда охирги йил натижаларига кўра интернет тезлиги қарийб 2,3 баробарга ўсди.

Дунё саломатлиги

COVID-19 дунёнинг деярли барча давлатига етиб борди. БССТнинг сўнгги маълумотларига кўра, дунёда янги коронавирус инфекциясини юқтириб олган кишиларнинг сони 6,4 миллиондан ошди, 381 минг киши вафот этди.

375
Бахадыр Исмаилов, начальник научно-образовательного центра противодействии коррупции Академии Генпрокуратуры РУз

Порахўрлик ва мол-мулкни мусодара қилиш - эксперт фикри

201
(Янгиланган 00:47 04.06.2020)
Бош прокуратура Академиясининг Коррупцияга қарши курашиш илмий-таълим маркази раҳбари Баҳодир Исмоиловнинг фикрига кўра, қонунчиликни такомиллаштириш ва уни халқаро стандартларга мослаштириш зарур, аммо муаммони бирданига ҳал қилиш имконсиз ва самарасиз.

Коррупцияга қарши янада самарали курашиш учун бир неча бор пора олувчиларнинг мулкини мусодара қилиш чорасини Жиноят кодексига қайтариш ғояси илгари сурилган.

Бош прокуроратура вакилининг сўзларига кўра, хорижий тажриба ва халқаро конвенциялар ҳам шунга ўхшаш чораларни кўришни талаб қилади, аммо унинг амалга оширилиши маълум хавфлар билан боғлиқ.

"Ўзбекистонда 2001 йилгача бундай меъёр бор эди, аммо кейин хусусий ва ўрта бизнесни мулкини ноқонуний тортиб олинишидан ҳимоя қилиш учун ундан воз кечишга қарор қилинди. Унда мусодара қилишнинг афзалликларидан кўра кўпроқ хавф-хатарларга дуч келишини кўришди. Энди эса бу масалага мунтазам равишда қайтишмоқда, аммо бунда кўплаб зиддиятлар бор. Масалан, ноқонуний равишда сотиб олинган мол-мулк деб нимага қаралиши мумкин? Топилган мулклар жиноий йўл билан топилганидан бехабар қариндошлари бу мулкларнинг мусодара қилиниши оқибатида азият чекиб нима бўлишади", - дея тушунтиради Исмоилов.

Бундан ташқари, унинг қўшимча килишича, ўзига хос бир бошланғич нуқта бўлиши керак - қонун тескари талқинга эга бўлмаслиги учун қайси муддатдан ҳисоб-китобни амалга ошириб, даромад ва ҳаражатлар декларациясини жорий қилиш керак.

Ноқонуний сотиб олинган хорижий активларни қайтариш амалиётига келсак, унда ўз механизми мавжуд.

"Ҳозирда давлатлар ўртасида ҳуқуқий кўмак анча ривожланган, ҳар бир ҳолат алоҳида кўриб чиқилмоқда. Масалан, агар ҳуқуқни муҳофаза қилиш идоралари чет элда мулкни ноқонуний сотиб олиниши ҳолатини исботлай олса ва суд тегишли ҳукм чиқарган бўлса, у ҳолда сўровга асосан хорижий давлат бу активларни, асосан пул шаклида қайтариши мумкин", - дея таъкидлайди мутахассис.

Ҳуқуқни қўллаш амалиёти ва мулкни мусодара қилиш каби чоралар ҳақида батафсил изоҳ Sputnik Ўзбекистон радио подкастида тингланг.

Эксперт: почему конфискация — спорная мера против коррупционеров
201