"Инсон бўл" #озорберма ижтимоий тадбири бошланди

© "Меҳр ва оқибат" ОСЖ#Озорберма социальная акция
#Озорберма социальная акция - Sputnik Ўзбекистон
Oбуна бўлиш
Севара Назархон, Насиба Абдуллаева, Муножатхон Йулчиева, Муниса Ризаева, Асал Шодиева, Амира Алибекова, Лейли, Бобур Исмаилов, Руслан Нурудинов, Саида Амирлар ҳайвонларни ҳимоя қилишга қаратилган тадбирда иштирок этишга розилик беришган.

ТОШКЕНТ, 28 авг — Sputnik. "Меҳр ва оқибат" ҳайвонларни ҳимоя қилиш жамияти янги ижтимоий лойиҳани бошлади. "Эзгуликни танла" деб номланган ушбу лойиҳани Ўзбекистоннинг кўплаб маданият, санъат ва спорт юлдузлари қўллаб қувватлашди.

Янги лойиҳа жамоатчилик эътиборини бугунги кунда ҳайвонларга нисбатан юз бераётган шафқатсизликка қарши қаратилган бўлиб, унинг асосий шиори "Озорберма" деган ибора бўлди.

© "Меҳр ва оқибат"Социальная акция #Озорберма
Социальная акция #Озорберма - Sputnik Ўзбекистон
Социальная акция #Озорберма
Сентябрь ойида Тошкентнинг барча реклама майдонларида, автобус бекатларида ушбу ижтимоий реклама платкатлари пайдо бўлади. Уларда Ўзбекистоннинг маданият, санъат ва спорт юлдузлари ҳайвонлар билан суратга тушиб аҳолидан ҳайвонларга нисбатан раҳм-шафқатли бўлишни сўрайди.

Хабарда айтилишига кўра, айни дамда ушбу тадбирда Севара Назархон, Насиба Абдуллаева, Муножатхон Йулчиева, Муниса Ризаева, Асал Шодиева, Амира Алибекова, Лейли, Бобур Исмаилов, Руслан Нурудинов, Саида Амирлар суратга тушишга розилик беришган.

Плакатларда "Инсон бўл", "Озор берма" каби иборалар ёзилган. Ижтимоий тармоқларда ушбу тадбир #ozorberma хештеги ёрдамида кузатиб борилади.

"Мамлакатимизнинг ҳурматга сазовор инсонларни жалб қилиб катта тадбир ташкил қилишни анчадан бери режалаштириб юрган эдик. Биринчи фотосессиямиз 2017 йилнинг январ ойида бўлиб ўтган", — дейди "Меҳр ва Оқибат" нодавлат нотижорат ташкилоти раҳбари Тимур Арипов.

Биз 7 йилдан бери инсонга ҳамроҳ ҳайвонларни ҳимоя қилиш учун фаолият юритиб келмоқдамиз.

Арипов айтишига қараганда, "Меҳр ва оқибат" ташкилоти фаолияти асосан уч йўналишда олиб борилади:

— Аҳоли ва ёшлар орасида биздан кўрса кучсизроқ бўлган ҳайвонларга раҳм-шафқатли бўлиш ҳақида тушунтириш ишлари олиб бориш;

— Ҳайвонларга нисбатан шафқатсиз муносабатда бўлиш ҳолатлари ҳақида ҳуқуқни сақлаш органларига мурожаат қилганларни қўллаб-қувватлаш, ушбу мақсадда ҳуқуқшунос хизматини таклиф қилиш;

— Ҳайвонларга нисбатан шафқатсиз муносабатда бўлиш ҳолатлари учун қонуний жазо чораларини кучайтиришга қаратилган фаолият;   

"Биз ушбу лойиҳани қўллаб-қувватлаган ва иштирок этган барчага: шаҳар маъмурияти, реклама майдонлари ажратиб берган компаниялар, журналистларга, дизайнер ва босмахона ишчиларига ҳамда лойиҳада бевосита иштирок этган юлдузларга беҳад миннатдорлигимизни билдирамиз. Улар ўз мисолида кшиларни ҳайвонларга ёрдам беришга уларга нисбатан раҳмли бўлишга чақиради билан", — дейди Меҳр ва Оқибат" раҳбари.

"Эзгуликни танла" ижтимоий тадбири бир йил давом этади ва МДҲ ҳудудида ушбу мавзудаги биринчии кенг кўламли лойиҳага айланади.

© "Меҳр ва оқибат" ОСЖ#Озорберма социальная акция
#Озорберма социальная акция - Sputnik Ўзбекистон
#Озорберма социальная акция
Эслатиб ўтамиз, "Меҳр ва оқибат" ҳайвонларни ҳимоя қилиш жамияти 2010 йилда бир гуруҳ кўнгиллилар томонидан ташкил қилинган эди. Бугунги кунда жамият аъзолари қаровсиз қолган ҳайвонларга ёрдам бериш, уларни стерилизация қилиш ва бошқа ишлар билан шуғулланади.

Янгиликлар лентаси
0