Президент Кыргызстана Алмазбек Атамбаев и Президент Узбекистана Шавкат Мирзиёев

Атамбаев Мирзиёев ташрифи ҳақида: бу ташриф - халқларимиз учун тарихий воқеа

785
(Янгиланган 20:23 05.09.2017)
5-6 сентябр кунлари Ўзбекистон президенти Шавкат Мирзиёевнинг Қирғизистонга давлат ташрифи бўлиб ўтади

ТОШКЕНТ, 5 сен — Sputnik. Ташриф доирасида "Ала-Арча" давлат қароргоҳида Ўзбекистон раҳбарининг Қирғизистон президенти Алмазбек Атамбаев билан учрашуви бўлиб ўтди.

Биринчи бўлиб Атамбаев сўзга чиқди. У мазкур ташрифни икки мамлакат аҳли 25 йил кутганлигини айтди.

"Ишончим комил ва сохта камтарликларсиз эътироф этишни истардим, бу ташриф — халқларимиз учун тарихий воқеа. Ўйлайманки, бугунги ташриф кўплаб муаммоларга барҳам беради ва икки қардош халқ муносабатларида янги даврни очиб беради", — деди Атамбаев.

Ўзбекистон президенти "ушбу тарихий кун тезроқ келиши учун имкон борича ҳаракат қилинганлигини" билдирди.

"Ўтган 20-25 йил давомида етарлича ҳал қилинмаган кўплаб муаммолар мавжуд эди. Самарқанддаги учрашувимиз руҳи янги ўзаро муносабатларимизга асос солди, биз ҳамкорлик қилишни, суҳбатлашишни бошладик ", — деди Мирзиёев.

У Ўш ва Андижон вилоятлари делегацияларининг ташриф алмашувлари ўзбекистонликлар учун ўзига хос байрам сифатида қарши олинганлигини эътироф этди.

"Барчасини жой-жойига қўймасак, тарих бизни кечирмасди. Чингиз Айтматов айтганидек, биз бир тилда гаплашамиз ва қонимиз ҳам бир, шу боис бу ишни амалга оширишимиз даркор. Бизнинг стратегиямиз қўшнилар билан яқин бўлишдир. Қирғизистон бизнинг стратегик ҳамкоримиз ҳисобланади. Шундай иш қилайликки, тарих олдида муносиб жавоб бера олайлик", — қайд этди Мирзиёев.

Президент ҳали ҳеч қачон Ўзбекистон делегацияси бундай таркиб, хусусан, тўрт нафар ҳоким билан ташриф буюрмаганлигини айтди.

"Мен ўзаро учрашиш масаласини ҳокимлар ўзлари ҳал қилишларини, учрашайликми-йўқми дея марказдан сўрамасликларини чин дилдан истайман. Шунингдек, халқ дипломатияси ҳам муҳим аҳамиятга эга — парламентлар учрашишлари лозим. Шундай қилмасак, қатор йўналишлар бўйича соатларни тўғрилаш вақти келганида кеч қоламиз", — деди Мирзиёев.

Ўзбекистон раҳбари Бишкекда бўлиб ўтган бизнес-форум давомида ҳар икки мамлакат тадбиркорлари ҳамкорлик қилиш истагини билдиришганини, уларга тўсиқ қўймаслик кераклигини қайд этди.

"Бизга баҳони фақатгина халқ беради. Мен аждодларимиз бошлаб берган тарих бўйича яшай бошлашимизни истайман. Бир-биримизсиз халқларимиз олдимизга қўйган марраларни эгаллай олмаймиз. Биргаликда, тинч ва ўзаро ҳурмат билан ҳаётдаги мақсадларга эришиш керак", — деди Ўзбекистон президенти, деб ёзади Sputnik Қирғизистон.

785
Мавзу:
Шавкат Мирзиёевнинг Қирғизистонга давлат ташрифи (14)
узбекский региональный аэропорт

Эрон авиакомпанияси Самарқанд ва Бухорога парвозларни йўлга қўймоқчи

108
Транспорт вазирлигида Эроннинг “Zagros Airlines” авиакомпанияси вакиллари билан учрашув бўлиб ўтди.

ТОШКЕНТ, 22 янв — Sputnik. Zagros Airlines Самарқанд ва Бухорога авиақатновларни йўлга қўймоқчи.

Бугун Транспорт вазирлигида Эроннинг “Zagros Airlines” авиакомпанияси вакиллари билан учрашув бўлиб ўтди.

Транспорт вазири ўринбосари Жасурбек Чориев ва “Zagros Airlines” авиакомпаниясининг Ўзбекистондаги бош вакили Мортеза Шейхассани билан бўлиб ўтган мулоқотда икки давлат ўртасида мунтазам ҳаво қатновларини қайта тиклаш масаласи муҳокама қилинди.

Шунингдек, авиакомпания вакиллари йўналишлар географиясини кенгайтириш, транзит салоҳиятини ривожлантириш ва парвозлар сонини ошириш бўйича қатор таклифларни билдирди. Хусусан, “Zagros Airlines” авиакомпанияси Эроннинг турли шаҳарларидан Самарқанд ва Бухорога авиарейслар қўйиш истагида эканлигини маълум қилди. 

108
Разметка выделенной полосы для движения общественного транспорта

Тошкент кўчаларида “А” махсус ажратилган йўлаклар ташкил этилади - рўйхат

107
Автобус, йўналишли такси, тез тиббий ёрдам, ўт ўчирувчи машиналар ҳаракати учун Тошкент шаҳридаги 10 та кўчаларда алоҳида ажратилган йўлаклар ташкил этиш режалаштирилмоқда.

ТОШКЕНТ, 22 янв — Sputnik. Автобус, йўналишли такси, тез тиббий ёрдам, ўт ўчирувчи машиналар ҳаракати учун Тошкент шаҳридаги 10 та кўчаларда алоҳида ажратилган йўлаклар ташкил этиш режалаштирилмоқда.

Тошкент шаҳридаги 10та кўча:

1. Бобур кўчаси (Халқаро аэропорт бекатидан Сеул кўчаси кесишмаси);

2. Фурқат кўчаси (Сеул кўчасидан Ислом Каримов кўчаси кесишмаси);

3. Кичик ҳалқа айланма йўли (Шота Руставели кўчасидан Фарход кўчаси кесишмаси);

4. Фарход кўчаси (Кичик ҳалқа айланма йўлидан Лутфий кўчаси кесишмаси);

5. Лутфий кўчаси (Фарход кўчасидан Муқимий кўчаси кесишмаси);

6. Муқимий кўчаси (Лутфий кўчасидан Шота Руставели кўчаси кесишмаси);

7. Фарғона йўли кўчаси (Қўшкўприк кўчасидан Қўйлиқ ота кўчаси кесишмаси);

8. Истиқбол кўчаси (Нукус кўчасидан Шаҳрисабз кўчаси кесишмаси);

9. Ахмад Дониш кўчаси (Тошкент ҳалқа айланма йўлидан Нурафшон кўчаси кесишмаси);

10. Себзор кўчаси (Нурафшон кўчасидан Абдулла Қодирий кўчаси кесишмаси)га қадар алоҳида йўлаклар ажратиш кўзда тутилмоқда.

107
Теглар:
ИИВ, Тошкент, Ўзбекистон
Шавкат Абдукамилов, начальник управления науки, инновации и подготовки кадров агенства УзАтом

Абдукамилов: битирувчи-атомчилар дарҳол ўзбек АЭСи пультига яқинлаштирилмайди

82
"Ўзатом" агентлигининг Илм-фан, инновациялар ва кадрлар тайёрлаш бўлими бошлиғи Шавкат Aбдукамилов атом энергетикаси бошқаруви тизимига тўлиқ кириш имкониятига эга бўлишидан олдин атом соҳасидаги ёш мутахассисларни нималар кутиши ҳақида гапирди

Ўзбекистонда 2028 йилга қадар Марказий Осиёда биринчи атом электр станциясини барпо этиш режалаштирилган. Бироқ, кадрларни тайёрлаш жараёни анча олдин бошлаб юборилган. Хусусан, кадрлар нафақат Тошкентдаги НИЯУ МИФИ томонидан, балки республика олийгоҳларидаги алоҳида мухсус факультетлар томонидан ҳам тайёрланмоқда.

Шавкат Абдукамиловнинг сўзларига кўра, атом энергетикаси сингари энг муҳим соҳада мутахассисларни тайёрлаш олий таълим муассасасида олинган таълим билан чегараланмайди - бу тайёргарликнинг биринчи пиллапоясидир, холос.

"Бу, зинҳор, атомчи-битирувчилар дипломларини олганларидан сўнг дарҳол AЭС энергия блокларини бошқариш имкониятига эга бўлишларини англатмайди. Кадрларни тайёрлаш - узлуксиз жараёндир. Шу тарзда, ёш мутахассислар қурилиш жараёнида ва ишга тушириш босқичларида фаол иштирок этишади ва иш моҳиятини ўрганадилар. Бундан ташқари, Россиядаги шунга ўхшаш АЭСларда, хусусан, Нововоронеждаги АЭСда мажбурий стажировкалар режалаштирилган. Булардан ташқари, биринчи блок ишга туширилгандан сўнг, қурилаётган иккинчи блокнинг мутахассислари ўқув машғулотлари мақсадида ишлаётган реакторда ҳамкасблари билан биргаликда барча ҳаракатларни машқ қиладилар", - дея изоҳ берди "Ўзатом" вакили.

Aйтганча, Ўзбекистондаги бўлажак АЭСнинг биринчи объекти бошқарув панелининг тўлиқ ўлчамдаги моделига эга ўқув мажмуаси бўлади. Aйнан ушбу тренажерда станциянинг бўлажак операторлари тажрибали ҳамкасблари ва муҳандислар раҳбарлигида ҳар қандай фавқулодда вазиятларда ўз ҳаракатларини машқ қилиб, маҳоратларини оширишади.

Мамлакат атом саноати фаолияти учун кадрлар тайёрлаш методикаси ҳақида Sputnik Ўзбекистон радиоподкастида рус тилида тингланг.

Абдукамилов: выпускников-атомщиков никто сразу не допустит к пульту АЭС
82
Теглар:
АЭС