Первый день работы с пассажирами

Тошкентда 350 та газда юрувчи MAN автобуслари пайдо бўлади

499
(Янгиланган 14:27 18.10.2017)
2017-2019 йилларда Тошкентда 350 та газда юрувчи MAN Auto Uzbekistan қўшма корхонасида ишлаб чиқарилган MAN A22 CNG автобуслари ишга тушади.

ТОШКЕНТ, 18 окт — Sputnik. Тошкент шаҳар ҳокимияти 2017-2019 йилларда 350та MAN русумли сиқилган газда ҳаракатланувчи автобуслар харид қилишни режалаштирган, деб хабар қилмоқда Sputnik мухбири.

Бу "Тошшаҳартрансхизмат" автопаркини янгилаш режасига кўра амалга оширилиши керак. Пойтахт автопаркларига ўрта ва катта сиғимдаги маҳаллий автобуслар билан жиҳозланиши режалаштирилган.

2017 йилнинг январ ойидан бошлаб MAN Auto Uzbekistan қўшма корхонасида сиқилган газда юрувчи паст полли MAN A22 CNG автобусларини сотиб олиш режалаштирилган. Ушбу автобуслар СПГ-3 турдаги газ баллонлари билан жиҳозланган.

Эслатиб ўтамиз, 2015 йилнинг сентябрь ойидан буён ушбу турдаги йўловчи автобус синов тариқасида йўловчиларга хизмат кўрсатиб келаётган эди. Бугунги кунда у 130 минг километр масофа босиб ўтди. Бугунги кунда унинг барча асосий агрегатлари соз ишламоқда, автобус салони барча замонавий қулайлик ва хавфсизлик  талабларига жавоб беради.  

Самарқанддага MAN Truck and Bus AG Ўзбекистон-Германия қўшма корхонасида  MAN A22 CNG паст полли шаҳар йўловчи автобуслари ишлаб чиқаришни йўлга қўйиш 2014 йилда бошланган эди.

Автобус кузови алюмин металлидан ясалган бўлиб, унинг томига СПГ-3 турдаги газ баллонлари ўрнатиш режалаштирилган. Бундай баллонлар СПГ-1 турдаги баллонларга нисбатан 70%га енгил бўлиб, автобуслар тежамкорлигини оширади.

Эслатиб ўтвмиз, Ўзбекистон ҳукумати 2018 йилнинг 1 февралидан бошлаб сиқилган газда юрувчи транспорт воситалари учун СПГ-2, СПГ-3, СПГ-4 турдаги газ баллонларидан фойдаланишни таъқиқлаб қўйган. Фақат MAN А22 CNG автобусларига нисбатан ушбу қоида амал қилмайди. Уларда СПГ-3 турдаги британиянинг Luxfer Group компаниясида ишлаб чиқарилган баллонлар ўрнатилган.

Умумий ҳисобда Ўзбекистонда 2019 йил охирига қадар 800 мингдан ортиқ автомобилларни газга ўтказиш режалаштирилган. Улардан 712 мингтаси хусусий автомобиллар.

499

“Ўрикзор” бозоридаги сотувчининг икки фарзандида ҳам коронавирус аниқланди

38
Таъкидланишича, касалланиш кўрсаткичлари шу суръатда ўсиб борса, эпидемия авж олиш хавфи янада кучаяди.

ТОШКЕНТ, 31 май — Sputnik. “Ўрикзор” савдо мажмуаси сотувчисининг ўғли ва қизида ҳам коронавирус аниқланди. Бу ҳақда Соғлиқни сақлаш вазирлиги хабар қилди.

Маълум қилинишича, сўнгги кунларда Самарқанд, Навоий, Тошкент вилоятлари қатори Тошкент шаҳрида ҳам аҳоли орасида коронавирусга чалинганлар сони кун сайин ошиб бормоқда.

“Касалланиш кўрсаткичлари шу суръатда ўсиб борса, эпидемия авж олиш хавфи янада кучаяди. Бу эса аҳолидан янада ҳушёр бўлиб, ўзи ва яқинлари саломатлигига ўта масъулият билан ёндашишларини талаб этмоқда”, - дейилган хабарда.

Эслатиб ўтамиз, Тошкентдаги “Ўрикзор” бозоридаги сотувчиларнинг бирида коронавирус аниқланганини хабар қилинган эди. Шундан сўнг бозор ўша куннинг ўзида вақтинча фаолиятини тўхтатган эди.

38
Санитарная обработка на улицах Ташкента

Ўзбекистонда 1 июндан нималарга рухсат берилади?

1026
(Янгиланган 13:03 30.05.2020)
Масалан, яшил ҳудудларда санаторийлар, пансионатлар, болалар оромгоҳлари, меҳмон уйлари, бошқа дам олиш масканлари ва жойлаштириш воситалари фаолиятига рухсат терилади. Батафсил материалимизда ўқинг

ТОШКЕНТ, 30 май - Sputnik. Ўзбекистонда амалдаги карантин талаблари 2020 йил 15 июнга қадар узайтирилди. Бу ҳақда Республика махсус комиссияси ахбороти эълон қилинди.

Шу билан бирга 2020 йил 1 июндан бошлаб қуйидаги фаолият турларига ҳам рухсат берилмоқда:

"қизил" ҳудудларда: риэлторлик фаолияти; реклама ва маркетинг фаолияти; 

"сариқ" ҳудудларда "қизил" ҳудудларга қўшимча равишда:

➖ автомототранспорт воситалари ҳайдовчиларини тайёрлаш ва қайта тайёрлаш билан шуғулланувчи ташкилотлар фаолияти (бунда, назарий машғулотлар масофадан туриб (онлайн) ўқитиш орқали амалга оширилиши, амалий машғулотлар эса санитария талабларига қатъий риоя қилган, шу жумладан, тиббий ниқоб, тиббий қўлқопдан фойдаланган ҳамда автотранспорт воситаларини дезинфекция қилган ҳолда ташкил қилиниши лозим);

➖ давлат ташкилотларида аутсорсинг асосида овқатланиш хизматларини кўрсатувчи тадбиркорлик субъектлари фаолияти;

"яшил" ҳудудларда "сариқ" ҳудудларга қўшимча равишда:

➖ санаторийлар, пансионатлар, болалар оромгоҳлари, меҳмон уйлари, бошқа дам олиш масканлари ва жойлаштириш воситалари фаолияти (хостеллар бундан мустасно);

➖ спорт секциялари, тўгараклари, спорт заллари ва фитнес клублар фаолияти;

➖ оилавий тантана, тўй, маърака ва маросимларни ўтказиш.

Бунда оилавий тантана, тўй, маърака ва маросимларни фуқароларнинг уй-жойи ва ҳовлисининг ўзида 30 кишидан кўп бўлмаган (фақат яқин қариндошлар ва ушбу туман ҳудудида истиқомат қилувчи бошқа қариндошлар) ҳамда санитария ва гигиена талабларига қатъий риоя этган ҳолда ўтказишга рухсат берилади.

Ўз навбатида карантин даврида оилавий тантана, тўй, маърака ва маросимларни ўтказишнинг белгиланган талабларини бузган шахслар эпидемияларга қарши кураш қоидаларини бузганлик учун маъмурий жавобгарликка тортилади.

Барча ҳудудларда уларнинг тоифасидан қатъи назар қуйидаги карантин талаблари сақлаб қолиниши белгиланди:

☑️жамоат жойларида ижтимоий масофа (2 метр)ни сақлаш;

☑️уч кишидан ортиқ йиғилмаслик, фуқароларнинг тиббий ниқобдан ҳамда антисептик воситаларидан фойдаланиши;

☑️таълим ташкилотлари (боғча, мактаб, лицей, коллеж, техникум, институт, университет ва бошқалар), ўқув курслари фаолиятини йўлга қўймаслик;

☑️кўнгилочар объектлар – тунги клублар, дискотека, ресторан, кафе, ошхона, чойхона, спа ва массаж салонлар, караоке, бильярд заллари, чилим (кальян) ва компьютер ўйинлари марказлари фаолиятига йўл қўймаслик;

☑️концерт, театр, кинотеатр ва спорт тадбирларини (профессионал футбол клублари ўқув машғулотлари ва Ўзбекистон профессионал футбол лигаси чемпионатлари бундан мустасно) ўтказмаслик;

☑️жамоат транспорти ҳаракатига рухсат бермаслик;

☑️буюм бозорлари фаолиятига рухсат бермаслик;

☑️деҳқон, қурилиш бозорлари, озиқ-овқат ва ноозиқ-овқат савдо нуқталари (супермаркет ва бошқа йирик дўконлар) кириш-чиқиш жойларини пирометрлар ва антисептик воситалар билан жиҳозлаш ҳамда ҳар бир фуқаронинг тана ҳароратини ўлчаб, 37 °С ва ундан юқори бўлган ҳолатда, ушбу мажмуаларга киритмаслик чораларини кўриш;

☑️барча ташкилотлар кириш-чиқиш жойларини пирометрлар, антисептик воситалар ва дезинфекцион “тўшак”лар билан таъминлаш ҳамда ходимлар томонидан ижтимоий масофа (2 метр)ни сақлаган ҳолда фаолият юритишини таъминлаш;

☑️қурилиш-таъмирлаш ишларида объектларнинг ҳудуди тўлиқ карантинга олиниши ва ҳудудий санитария-эпидемиология осойишталик марказлари билан биргаликда объектларда санитария-гигиена тадбирларининг амалга оширилиб борилиши. Бунда, ушбу ташкилотларнинг фаолият олиб бориш даврида санитария ва гигиена қоидаларига тўлиқ риоя қилиш, ўз фаолиятини фақатгина тегишли объект ҳудуди доирасида ташкил этиш.

1026

Россиядаги биринчи коронавирусга қарши дори маъқулланди

30
Таъкидланишича “Авифавир”нинг оралиқ клиник тадқиқотлари маълумотлари дори COVID-19 беморларини даволаш учун юқори самардорлигини тасдиқлаган.

ТОШКЕНТ, 31 май — Sputnik. Россиядаги биринчи COVID-19 коронавирус инфекциясига қарши дори “Авифавир” мамлакат Соғлиқни сақлаш вазирлиги томонидан маъқулланди.

Таъкидланишича “Авифавир”нинг оралиқ клиник тадқиқотлари маълумотлари дори COVID-19 беморларини даволаш учун юқори самардорлигини тасдиқлаган. Ҳозирда унинг якуний клиник тадқиқотлари 330 нафар бемор иштирокида давом эттирилмоқда.

“Авифавир” нафақат Россияда коронавирусга қарши биринчи рўйхатга олинган вирусга қарши дори, балки, эҳтимол, дунёда COVID-19га энг катта истиқболга эга дори ҳамдир. У Россияда рекорд муҳлатда клиник тадқиқотлар давомида ишлаб чиқарилган ва синовдан ўтказилган. Бу унга дунёда “Фавипиравира” негизида биринчи рўйхатдан ўтган дори бўлишига имкон берди”, - дейди РФПП раҳбари Кирилл Дмитриев.

Эслатиб ўтамиз, аввалроқ Россияда COVID-19га қарши самарали дори  “Авифавир” пайдо бўлгани хабар қилинган эди.

30
Мавзу:
COVID-19 умумжаҳон пандемияси