Флаги стран-участниц конференции по обеспечению безопасности и устойчивого развития в Центральной Азии

Марказий Осиёнинг келажаги аҳиллик ва ўзаро ҳамкорликка боғлиқ

505
(Янгиланган 12:43 10.11.2017)
Минтақадаги мамлакатлар савдо-иқтисодий, транспорт-коммуникация, маданий-гуманитар соҳаларда хавфсизлик ва барқарорлик масалаларида ўз салоҳиятини фақатгина ўзаро ҳурмат, ишонч ва манфаатдорликка асосланган ҳамкорлик орқалигина ҳаётга самарали татбиқ эта оладилар,деб таъкидлади Мирзиёев

ТОШКЕНТ, 10 ноя – Sputnik. Ўзбекистон президенти Шавкат Мирзиёев Самарқанд шаҳрида бўлиб ўтаётган "Марказий Осиё: ягона тарих ва умумий келажак, барқарор ривожланиш ва тараққиёт йўлидаги ҳамкорлик" мавзуидаги халқаро конференцияда сўзлаган нутқида минтақа келажаги хусусида тўхталиб ўтди, деб хабар берди Sputnik мухбири.

Президент БМТга ва шахсан ташкилот бош котиби Антониу Гутеррешга мазкур форумни ўтказишга ёрдам бергани ва Ўзбекистон ташаббусини қўллаб-қувватлагани учун алоҳида миннатдорлик изҳор этди.

Мирзиёв ушбу залда Марказий Осиё мамлакатлари ташқи ишлар вазирларини кўриб турганидан мамнунлигини билдирди ва бу каби воқеа ҳамиша ҳам бўлавермаслигини қайд этди.

Ўзбекистон президенти Россия, Хитой, Америка Қўшма Штатлари, Европа мамлакатлари, Япония, Туркия, Эрон, Ҳиндистон, Покистон, Афғонистондан ташриф буюрган олий даражадаги меҳмонларни ҳамда МДҲ мамлакатлари, ШҲТ, ЕХҲТ вакиллари ҳамда бошқа ҳамкорлик ташкилотлари вакилларини самимий қутлади.

Шавкат Мирзиёев ушбу конференциянинг аҳамияти ва долзарблиги унинг номида ўз аксини топганлигини таъкидлади.

"Минтақамиз халқлари минг йилликлардан буён мавжуд қардошлик ва аҳил қўшничилик ришталари билан боғланган. Бизни ягона дин, тарих, маданият ва анъаналар бирлаштириб туради.

Евроосиё юрагида жойлашган бу минтақа Европа ва Яқин Шарқ, Жанубий ва Шарқий Осиёнини бирлаштириб тургувчи кўприк вазифасини ўтайди. Россия ва Хитой сингари йирик давлатлар билан чегарадош.

Минтақа табиий ресурсларга бой. Бу ерда кўплаб давлатлар ва бутун бошли минтақалар ривожланишига ўз таъсирини кўрсатган ўта ноёб маданий-цивилизацияга оид салоҳият тўпланган", деди Ўзбекистон президенти.

Мирзиёев шу билан бирга Марказий Осиёда дунёдаги буюк давлатлар манфаатлари кесишишини ҳам таъкидлади.

"Минтақа нобарқарор ва можаролар ўчоқларига туташ. Яқин ва олис давлатларда рўй бераётган можаролар салбий таъсирини ўзида ҳис этади.

Шундай экан, минтақада вазият қай тарзда ривожланади, деган ҳақли савол туғилади.

Можаролар ва қарама-қаршиликлар сценарийси бўйичами? Ёхуд ҳамкорлик ва ривожланиш йўлидан борадими?", дея фикр билдирди Ўзбекистон раҳбари.

Шавкат Мирзиёев умумий сони 70 миллион нафардан ортиқ ушбу минтақа келажаги Марказий Осиёдаги ҳар бир давлат томонидан шакллантирилишини қайд этди.

"Бизнинг қатъий ишончимизга кўра, минтақа ривожланиши ва тараққиёти ҳамкорлик қилишга бўлган астойдил хоҳиш ва ҳаракатга, шунингдек, Марказий Осиёдаги барча мамлакатларнинг умумий тарихга нисбатан бўлган масъулият ҳиссига боғлиқ.

Ўзбекистон мавжуд келишмовчиликлар ниҳоятда қисқа вақтда ҳал этилиши тарафдоридир. Ўзбекистон ўзаро ишончга асосланган муносабатлар янада мустаҳкамланишини хоҳлайди.

Минтақадаги мамлакатлар савдо-иқтисодий, транспорт-коммуникация, маданий-гуманитар соҳаларда хавфсизлик ва барқарорлик масалаларида ўз салоҳиятини фақатгина ўзаро ҳурмат, ишонч ва манфаатдорликка асосланган ҳамкорлик орқалигина ҳаётга самарали татбиқ эта оладилар.

Ишончим комилки, бундан ҳамма — Марказий Осиё давлатлари қаторида бошқа давлатлар ҳам фақат ютади", деб таъкидлади Мирзиёев.

Эслатиб ўтамиз, Бирлашган Миллатлар Ташкилоти шафелигида ўтказилаётган мазкур форум Марказий Осиёда хавфсизлик ва барқарор ривожланишни таъминлаш масалаларига қаратилган.

Анжуманда минтақа давлатларининг ташқи ишлар вазирлари, БМТ, Европа Иттифоқи, ЕХҲТ, ШҲТ, МДҲ, ЕТТБ каби нуфузли халқаро ташкилотлар раҳбарлари, дипломатик корпус вакиллари, таниқли экспертлар, оммавий ахборот воситалари ходимлари, жами 500 дан ортиқ иштирокчи қатнашмоқда.

Икки кун давом этадиган форумда Марказий Осиё давлатлари ўртасида сиёсий, савдо-иқтисодий, сармоявий, транспорт-коммуникация, сув-энергетика, экология ва маданий-гуманитар соҳалардаги ҳамкорлик суръатини оширишнинг аниқ йўналишлари, шунингдек, замонавий хатар ва таҳдидларга қарши биргаликда курашиш масалалари муҳокама қилинади.

505
Мавзу:
Самарқанддаги Марказий Осиё минтақасига бағишланган халқаро анжуман (19)
Тонированное стекло автомобиля

“Тонировка”дан давлат бюджетига қанча пул келиб тушди

123
(Янгиланган 15:29 19.01.2021)
Ўзбекистонда 2019 йил 5 августдан 2020 йил 31 декабрига қадар автомашиналарнинг “тонировка”сидан бюджетга 302,6 млрд сўмдан зиёд пул келиб тушган.

ТОШКЕНТ, 19 янв — Sputnik. Ўзбекистонда 2019 йил 5 августдан 2020 йил 31 декабрига қадар “тонировка” учун 82 125 та рухсатнома берилган. Жами 302 млрд 635 млн сўм пул маблағлари Ҳукумат қарорига асосан тўлов сифатида ундирилган.

ИИВ ДЙҲХХ органлари томонидан автотранспорт воситаларидан уларнинг ойнасини қорайтириш учун:

  • 2019 йил 5 августдан (646-сонли қарор кучга киргандан сўнг) 2019 йил 31 декабрь кунига қадар 31 367 та рухсатнома берилиб, жами 113 млрд 980 млн сўм пул маблағлари;
  • 2020 йил 1 январдан 31 декабрь кунига қадар 50 758 та рухсатнома берилиб, жами 188 млрд 395 млн сўм пул маблағлари;
  • 2020 йил 1 январдан 9 октябрь кунига қадар 28 326 та рухсатнома берилиб, жами 135 млрд 638 млн сўм пул маблағлари;
  • 2020 йил 10 октябрдан (635-сонли қарор кучга киргандан сўнг) 31 декабрь кунига қадар 22 432 та рухсатнома берилиб, жами 52 млрд 757 млн сўм пул маблағлари тўланган.

Эслатиб ўтамиз, Вазирлар Маҳкамасининг 2020 йил 9 октябрдаги 635-сонли қарори билан енгил шахсий автомобилларни орқа ён ойналарини тусини ўзгартириш (қорайтириш) нархи БҲМнинг 10 бараваридан — 2 млн 230 минг сўмдан БҲМнинг 5 бараварига, яъни 1 млн 115 минг сўмга туширилган.

Шу сабаб, фуқаролар томонидан автомобилларни орқа ён ойналарини қорайтиришга талаб ортиб кетган. Юқоридаги қарор кучга киргач, бир кунда ўртача 320 та рухсатнома берила бошланган (илгари бир кунда ўртача 120 та рухсатнома берилган).

123
Теглар:
Ўзбекистон янгиликлари, тонировка

Ўзбекистонда 2020 йилда ўлим ҳолати 13,5 фоизга ошди

73
Ўзбекистонда коронавирус пандемиясига тўғри келган 2020 йилда 175,6 минг киши вафот этди. Бу 2019 йилга қараганда 21 мингта (13,58 фоиз) кўпроқ ўлим дегани.

ТОШКЕНТ, 19 янв — Sputnik. Ўзбекистонда 2020 йилда 175,6 мигтта ўлим қайд этилган, ҳар 1000 аҳолига ўлим коэффициенти 5,1 промиллени ташкил этган. Бундан Давлат статистика қўмитасининг 2020 йил якунлари бўйича демографик рақамлари дарак бермоқда.

Бу 2017 йилги ўлимлар сонидан 14,7 мингтага (9,27 фоизга), 2018 йилги ўлимлар сонидан 20,7 мингтага (13,36 фоизга), 2019 йилги ўлимлар сонидан 21 мингтага (13,58 фоизга) кўп.

Ўзбекистонда йиллик умумий ўлимлар сони
Ўзбекистонда йиллик умумий ўлимлар сони

2020 йилда қайд этилган ўлим ҳолатларининг 60,0 фоизи қон айланиш тизими касалликларидан, 8,0 фоизи ўсимталардан, 7,2 фоизи нафас олиш аъзолари касалликларидан, 4,4 фоизи овқат ҳзм қилиш аъзолари касалликларидан, 4,4 фоизи бахтсиз ҳодиса, заҳарланиш ва жароҳатланишлардан, 4,4 фоизи юқумли ва паразитар касалликлардан ҳамда 11,6 фоизи бошқа касалликлардан вафот этган.

Вилоятлар кесими бўйича энг кўп ўлим ҳолатлари Тошкент шаҳрига (21,2 минг), Фарғона (18,5 минг), Тошкент (18,4 минг) ва Самарқанд (18,4 минг) вилоятларига тўғри келган. Энг кам ўлим ҳолати эса Навоий (5 минг) ва Сирдарё (4 минг) вилоятларида кузатилган.

Ўзбекистонда 2020 йилда қайд этилган ўлимлар сони ҳудудлар кесимда
Ўзбекистонда 2020 йилда қайд этилган ўлимлар сони ҳудудлар кесимда
73
Теглар:
Ўзбекистон янгиликлари, ўлим, Ўзбекистон
Президент Узбекистана Шавкат Мирзиёев озвучил послание Олий Мажлису

Мирзиёев: янги Ўзбекистонни барпо этиш устунларидан бири - кучли маънавиятдир

97
Президент раҳбарлигидаги йиғилишда Республика Маънавият ва маърифат маркази ишини танқидий ўрганиб чиқиб, фаолиятини тубдан такомиллаштириш зарурлиги айтилди.

ТОШКЕНТ, 19 янв - Sputnik. Ўзбекистон президенти Шавкат Мирзиёев раислигида 19 январь куни маънавий-маърифий ишлар тизимини тубдан такомиллаштириш, бу борада давлат ва жамоат ташкилотларининг ҳамкорлигини кучайтириш масалалари бўйича видеоселектор йиғилиши ўтказилди.

"Агар жамият ҳаётининг танаси иқтисодиёт бўлса, унинг жони ва руҳи маънавиятдир, – деди Шавкат Мирзиёев йиғилишда. – Биз янги Ўзбекистонни барпо этишга қарор қилган эканмиз, иккита мустаҳкам устунга таянамиз. Биринчиси – бозор тамойилларига асосланган кучли иқтисодиёт. Иккинчиси – аждодларимизнинг бой мероси ва миллий қадриятларга асосланган кучли маънавият. Биз яратаётган янги Ўзбекистоннинг мафкураси эзгулик, одамийлик, гуманизм ғояси бўлади. Биз мафкура деганда, аввало, фикр тарбиясини, миллий ва умуминсоний қадриятлар тарбиясини тушунамиз. Улар халқимизнинг неча минг йиллик ҳаётий тушунча ва қадриятларига асосланган", – деди Мирзиёев.

Маълумки, бугун дунёда кескин кураш ва рақобат ҳукм сурмоқда, манфаатлар тўқнашуви кучаймоқда. Глобаллашув жараёнлари инсоният учун беқиёс янги имкониятлар билан бирга кутилмаган муаммоларни ҳам келтириб чиқармоқда. Миллий ўзлик ва маънавий қадриятларга қарши таҳдид ва хатарлар тобора ортмоқда. Фақат ўзини ўйлаш, меҳнатга, оилага енгил қараш, истеъмолчилик кайфияти турли йўллар билан одамлар, айниқса, ёшлар онгига устамонлик билан сингдириляпти.

Терроризм, экстремизм, трансмиллий ва кибер-жиноятчилик, одам савдоси, наркотрафик каби таҳдидлар хавфи ошиб бормоқда. Баъзи ҳудудларда атайин беқарорлик юзага келтирилиб, норозилик кайфияти авж олдирилмоқда.

Бундай таҳликали вазиятда ҳушёр ва огоҳ бўлиб, халқ тинчлиги, мамлакат манфаатларини ўйлаб яшаш зарур.

Давлат раҳбари лоқайдлик ва бепарволик энг катта хавф эканини, бугун учраётган ижтимоий муаммоларни камайтириш учун нуронийлар тарбияси, жамоатчилик назорати етишмаётганини таъкидлади.

Йиғилишда қайд этилганидек, ижтимоий-маънавий муҳитни илмий асосда таҳлил қилишни даврнинг ўзи талаб этмоқда. Жамиятда маънавий-маърифий ишлар шундай асосда йўлга қўйилмагани учун ҳам кутилган натижани бермаяпти.

Шунинг учун Республика Маънавият ва маърифат маркази ишини танқидий ўрганиб чиқиб, фаолиятини тубдан такомиллаштириш зарурлиги айтилди.

Президент ушбу марказнинг "Маънавият тарғиботчиси" ўқув муассасаси негизида Ижтимоий-маънавий тадқиқотлар институтини ташкил этиш таклифини билдирди.

Йиғилишда маънавий-маърифий ишларни сифат ва мазмун жиҳатидан янги босқичга кўтариш чора-тадбирлари белгиланди.

 

97