Директор института Демократии и прав человека Сайёра Ходжаева

Замонавий ўзбек аёли бизнес-леди бўлиши керак - Сайёра Ходжаева

1182
(Янгиланган 08:32 08.02.2018)
Уй бекаси бўлишни ҳозир ҳам кўплаб аёллар орзу қиладилар, шундай ҳаётга интилишади, аммо агар эр ёки оила таъминотчиси бўлган киши оиладан кетишни хоҳлаб қолса, эски тоғора олдида қолиш эҳтимоли мавжуд, деган фикрда ҳуқуқшунос

ТОШКЕНТ, 8 фев — Sputnik. Замонавий аёл — бу ўзининг репродуктив функцияларини ҳаётга татбиқ этаётган, оила қўриқчисигина эмас, балки бизнес-леди, кучли ва мустақил, аниқ мақсадли, шу билан бирга аёллик латофатини йўқотмаган шахсдир, деди Спутник Ўзбекистон мухбирининг "Замонавий аёл қандай бўлиши керак?", деган саволига жавобан Демократия ва инсон ҳуқуқлари институти раҳбари Сайёра Ходжаева.

"21 аср ўз шартларини қўймоқда. Замонавий оила — бу инсон ўз вақтининг аксарият қисмини ўтказадиган ижтимоий институт, айнан оила шунчалар социал функцияларни бажарадики, бу инсон ривожланишида ўчмас из қолдиради. У шунингдек, ижтимоий муносабатларнинг кўплаб шаклларида ўз ифодасини топиб, инсоннинг турфа хилдаги эҳтиёжларини қондиради. Оила аъзоларини — муштарак турмуш, ўзаро қўллаб-қувватлаш ва ахлоқий масъулият боғлаб туради", — деди Ходжаева.

Ҳуқуқшунос сўзларига кўра, замонавий ўзбек оиласи — ўтган асрлардаги оилалардан, энг аввало, ҳис-туйғу ва руҳий функциялари билан тубдан фарқ қилади. Таъкидланишича, ота-оналар ва болалар ўртасидаги муносабатлар тобора ҳиссиётли бўлиб бормоқда, бу бир-бирига чуқур муҳаббат билан ифодаланмоқда, нега деганда, аксарият одамлар учун фарзанд — ҳаётнинг энг муҳим бойлигига айланмоқда.
"Албатта, катта мегаполисдаги оила ва унинг сарҳадидаги оила — бу мутлақо бошқа-бошқа тушунчалар. Шарқона менталитет туфайли, вилоятларда анъанавий оилалар устунлик қилади — бунда ота етакчи, она эса рўзғор ишлари билан банд.

Ҳеч кимга сир эмаски, замонавий стандартлар аёл гарданига кўп нарсани юклайди. Аёл ишга боради, рўзғор юмушларини бажаришга улгуради, фарзандлар тарбияси билан шуғулланади ва ҳоказо. Шундан келиб чиқиб айтиш мумкинки, замонавий аёл — бу ўзининг репродуктив функцияларини ҳаётга татбиқ этаётган, оиладек муқаддас масканнинг қўриқчисигина эмас, балки бизнес-леди, кучли ва мустақил, аниқ мақсадли, шу билан бирга аёллик латофатини йўқотмаган шахсдир.

Дунё ўзгарди, шу жумладан одамлар ҳам, шу боис ҳотиржам ва ҳамма нарсани қабул қиладиган аёллар ўзгардилар. Яхши ёки ёмон томонга эмас, шунчаки ўзгардилар. Бугунги кунда устуворлик ўзгаргани туфайли, ушбу ҳолат бугунги аёлда из қолдирмай қолмади. Аёл оила учун яралган деган назария, асотирлар ҳақида кўплаб эшитганмиз. Аёлнинг жойи уйда, у фарзандни дунёга келтириши ва уни тарбия қилиши, турмуш ўртоғи ҳақида ғамхўрлик қилиши, рўзғор юмушлари билан шуғулланиши керак ва ҳоказолар… дейишади

Айнан шундай модель кўплаб йиллар "иш берганди", хўш, унда бугун нима ўзгарди? Уй бекаси бўлишни ҳозир ҳам кўплаб аёллар орзу қиладилар, шундай ҳаётга интилишади, аммо агар эр ёки оила таъминотчиси бўлган киши оиладан кетишни хоҳлаб қолса, эски тоғора олдида қолиш эҳтимоли мавжуд. Ва шундай тенденция бугун кенг тарқалган, чунки бугун оила институти — хавф остида.
Республикадаги сони фақат ортаётган ажримлар миқдори ҳам шундан далолат бермоқда.

Айнан шу туфайли Ўзбекистон президенти ўзининг охирги фармонларидан бирида "Оила" илмий-амалий тадқиқот маркази фаолиятини такомиллаштиришга урғу берди.

Марказ олдига эса оила институтини мустаҳкамлаш, "Соғлом оила — соғлом жамият" концептуал ғоясини ҳаётга татбиқ этишга йўналтирилган ягона давлат сиёсатини олиб бориш, замонавий оилани ривожлантириш, оиланинг ички муносабатлари, шахслараро муносабатларни, бой маданий тарихий мерос ва анъанавий оилавий қадриятлар муаммолари бўйича фундаментал, амалий ва инновацион тадқиқотларни ўтказиш, улар асосида оила институтини мустаҳкамлаш, ёшларни оилавий ҳаётга тайёрлаш ва оилавий ажрашишларнинг олдини олиш бўйича таклифларни ишлаб чиқиш ва амалга ошириш вазифалари қўйилган", — деди Ходжаева.

1182
Пробирки с биоматериалом

Ўзбекистонда COVID-19 билан касалланганлар 51 мингдан ошди

29
(Янгиланган 10:08 20.09.2020)
Ҳозирда мамлакатда 3535 нафар бемор даволанмоқда. Улардан 495 нафари оғир, 267 нафари эса ўта оғир аҳволда.

ТОШКЕНТ, 20 сен — Sputnik. Ўтган тун давомида Ўзбекистонда яна 243 кишида коронавирус аниқланди. Жами касалланганлар сони 51 235 нафарга етди. Бу ҳақда Соғлиқни сақлаш вазирлиги хабар қилмоқда.

Янги касалланганларнинг 228 нафари Тошкент шаҳрида, 15 нафари Тошкент вилоятида фуқаролар орасида аниқланган.

Шу билан бирга, Яшнобод туманида яшаган 53 ёшли С.М. (эркак) ҳамда Қуйичирчиқ туманида яшаган 57 ёшли Р.Э. (эркак), жами 2 нафар коронавирусга чалинган бемор вафот этди. Қурбонлар сони 429 нафарга етди.

Шу пайтга қадар 47 271 нафар коронавирус инфекциясига чалинган фуқаролар (92 фоиз) соғайган.

Ҳозирда мамлакатда 3535 нафар бемор даволанмоқда. Улардан 495 нафари оғир, 267 нафари эса ўта оғир аҳволда.

29
Теглар:
Ўзбекистон, коронавирус
Мавзу:
COVID-19 умумжаҳон пандемияси

Ўзбекистонда коронавирусдан соғайиш кўрсаткичи пастлади

677
(Янгиланган 10:41 19.09.2020)
Янги касалланиш ҳолатларининг 158 нафари Тошкент шаҳрида аниқланган. Қурбонлар сони 423 нафарга етди

ТОШКЕНТ, 19 сен - Sputnik. Ўзбекистонда соат 10.00 ҳолатига кўра коронавирус инфекцияси қайд этилганлар сони 50 634 нафарни ташкил қилмоқда, деб хабар қилди Соғлиқни сақлаш вазирлиги матбуот-хизмати.

Янги касалланиш ҳолатларининг 158 нафари Тошкент шаҳрида аниқланган.

Шунингдек, Андижон вилоятида -21, Хоразм вилоятида - 16, Жиззах вилоятида - 15, Тошкент вилоятида - 13, Самарқанд вилоятида -10, Қашқадарё вилоятида - 8, Сурхондарё вилоятида - 7, Қорақалпоғистон Республикасида - 5 ҳамда Фарғона вилоятида 3 нафар коронавирусга чалиниш ҳолатлари қайд этилган.

Ўртачирчиқ туманида 60 ёшли аёл ҳамда Юнусобод туманида 63 ёшли аёл коронавирус оқибатида вафот этишган. Қурбонлар сони 423 нафарга етди.

Айни пайтда Ўзбекистонда 46 645 (92 фоиз) коронавирус инфекциясига чалинган фуқаролар соғайган.

677

Путин Россия нега гипертовушли қурол яратишга мажбур бўлганини айтди

10
Россия президенти Владимир Путин Россиянинг гипертовушли қурол яратиш сабабларини маълум қилди. Бунга АҚШнинг ракетага қарши мудофаа бўйича шартномадан чиқиб кетиши туртки бўлган.

ТОШКЕНТ, 20 сен — Sputnik. Россия президенти Владимир Путин Россиянинг гипертовушли қурол яратиш сабабларини маълум қилди. Бу ҳақда у “ВПК “НПО машиностроения” ОАЖ фахрий бош қурувчиси, бош директори Герберт Ефремов билан видеоконференция вақтида маълум қилди.

Путиннинг сўзларига кўра, АҚШ ракетага қарши мудофаа бўйича шартномадан чиқиб кетганидан сўнг Москва ушбу қуролни яратишга мажбур бўлган.

“Америка Қўшма Штатларининг 2002 йилда Ракетага қарши мудофаа бўйича шартномадан чиқиши Россияни гипертовушли қурол ишлаб чиқаришга киришишга мажбур қилди. Келгусида бутун ядро потенциалимизни амалда йўқ қилиш хусусиятига эга бўлиши мумкин бўлган АҚШнинг Ракетага қарши мудофаа стратегик тизимини кенгайтиришига жавобан бу қуролни яратишимиз шарт эди”, - деди Путин.

Путин ҳозир Россия илк бор энг янги тарихда энг замонавий қурол турларига эга эканлигини таъкидлади. Ҳозирда бундай қурол ҳеч кимда йўқ.

Ракетный комплекс Авангард
Министерство обороны РФ
Ракетный комплекс "Авангард"

“Ўнлаб йиллар давомида биз доим қувувчи ролида бўлишимизга тўғри келди, сиз буни яхши биласиз. Бу атом, ядро қуроллари, сўнгра стратегик авиация, ундан кейин қитъалараро ракета техникаси соҳаларида. Мана энди, янги тарихимизда илк бор Россия энг замонавий қурол турларига эга, улар бугунги кунда мавжуд барча қуроллардан кучи, тезлиги, аниқлиги бўйича бир неча баравар устун, бундай қурол ҳеч кимда йўқ, ҳар ҳолда, ҳозирча йўқ", - деди у.

© Sputnik / Михаил Климентьев
Герберт Ефремов — почетный генеральный директор, почетный генеральный конструктор НПО Машиностроения, советник главы корпорации по науке

Россия етакчиси суҳбат давомида “Авангард” гипертовушли мажмуасини айнан Герберт Ефремов яратганини маълум қилди.

10