Ситуация после выборов президента в Республике Узбекистан

Ўзбекистонга аёллар билан ишлайдиган янги қўмита керак - Сайёра Ходжаева

761
(Янгиланган 09:27 08.02.2018)
Демократия ва инсон ҳуқуқлари Институти раҳбари Сайёра Ходжаеванинг фикрича, бугун аёллар етакчилари олдида тамомила бошқа масалалар турибди ва ҳозирги қўмиталар уларга ечим топа олмайди

ТОШКЕНТ, 8 фев — Sputnik. Демократия ва инсон ҳуқуқлари институти раҳбари Сайёра Ходжаева Спутник Ўзбекистон мухбирининг "Нега хотин-қизлар қўмиталари раислари жойларда аёллар тақдирига таъсир кўрсата олмаяпти, уларни фаол позицияни эгаллашга илҳомлантира олмаяпти?" деган саволига жавоб берар экан, барча хотин-қизлар раисларини бир қолипга солмаслик кераклигини таъкидлади.

"Барча хотин-қизлар қўмиталари раисларини бир қолипга солиш мумкин эмас. Улар орасида ўз вазифасини виждонан, масъулият ила бажараётганлар, ўз ортидан эргаштира оладиган, кўплаб яхши ишларни амалга ошираётганлари ва имкони борича аёлларнинг ҳаммасига ёрдам қўлини чўзаётганлари бор. Аммо ўзингиз тушунасиз, дактилоскопияда бир хил бармоқ излари учрамайдигандек, раҳбарлар ҳам турли калибрли бўлишади", — деди Ходжаева.

Ҳуқуқшунос шунингдек, бу соҳада захира кадрлар тайёрлаш бўйича тизим фаолияти йўлга қўйилмаганини, хотин-қизлар қўмиталарига раҳбарларни тайёрлайдиган махсус мактаблар Ўзбекистонда йўқлигини қўшимча қилди.

"Президент Бошқаруви аппаратида тайинланган раисларни қайта тайёрлаш курсларигина мавжуд. Соҳа мутахассислари асосан ўқитувчилар, шифокорлар ва бошқа соҳа вакиллари орасидан танлаб олинади. Уларнинг малакаси ва даражаси ҳам, табиийки турлича бўлади. Оддий ўқитувчи ёки шифокорнинг яхши раҳбар бўлиши, аёллар билан ишлаш соҳасида етук мутахассисга айланиши учун йиллар талаб этилади", — қўшимча қилди у.

Ходжаевага кўра, хизмат лавозимида ўсиш йўқлиги, менталитетдан келиб чиққан ҳолда шаклланиб бўлган муносабат ҳам жойларда Хотин-қизлар раисларини "тепадан буйруқ кутишга" ўргатиб қўйган. Шу туфайли улар ташаббус кўрсатмайдилар.

"Фикримча, уларнинг ўзларида айнан мотивациянинг йўқлиги шунга олиб келдики, айрим хотин-қизлар қўмиталари раислари аёллар тақдирига таъсир кўрсата олмадилар", — деди Ходжаева.

"Ҳақиқий етакчи аёл қандай бўлиши керак наздингизда? Ижтимоий тармоқларда хотин-қизлар фаолияти ҳақида кўплаб салбий фикрларни учратиш мумкин, Ўзбекистонга бундай қўмиталар керакми ўзи?", — деган саволга ҳам жавоб берди.

"Менинг наздимда етакчи аёл, умуман ҳар қандай етакчи — бу ортидан одамларни эргаштира оладиган, энг яхши фазилатларга ва кўникмаларга эга, янгиликни ҳис қила оладиган, ўз сўзи билан кўндира оладиган, ўзини тутиши ва фаолияти орқали бошқаларга намуна бўла оладиган инсондир. Назаримда, бизнинг хотин-қизлар қўмиталаримиз, жойларда уларни мунтазам равишда фаолияти билан боғлиқ бўлмаган ишларга жалб қилиб келишгани билан, мамлакат мустақиллиги, ўтиш даври йилларида яхши хизматни адо этдилар. 90-йиллардаги аёллар билан ҳозирги аёллар ўртасидаги фарқ — осмон билан ерча.

Шу билан бирга, улар олдида бугун тамомила бошқа масалалар турибди ва ҳозирги қўмиталар уларга ечим топа олмайди. Мамлакат президенти ташаббуси билан жамиятда юз бераётган ўзгаришларни ҳисобга олган ҳолда, шунингдек, биз 1995 йилдаёқ ратификация қилган БМТнинг "Аёлларга нисбатан ҳар қандай шаклдаги камситишларни йўқ қилиш" Конвенцияси талабларидан келиб чиққан ҳолда, аёллар билан мутлақо янгича услубларда иш олиб бориш ва янги тузилмаларни ташкил қилиш талаб этилади. Дейлик, бу вазирлик ёки аёллар масалалари бўйича Давлат қўмитаси бўлиши мумкин, бунга ёшларни ҳам жалб қилиш мумкин.

Хотин-қизлар қўмитаси фаолияти ҳақида билдирилаётган ўта салбий фикрларга келадиган бўлсак, танқиддан осони йўқ. Уларни танқид қилаётганлар бир неча кун бўлса ҳам бу ишда ишлаб кўришлари керак. Мен ўзим олти йил хотин-қизлар қўмитаси раиси — Тошкент вилояти ҳоким-ўринбосари бўлиб ишлаганман, ва кечирасизу, бу ишнинг қанчалик мураккаблигини ўз тажрибамдан биламан", — хотима қилди Ходжаева.

761
Аллея на Ганге

Оқилов болалар орасида ҳам коронавирус билан касалланиш кўпаётганини маълум қилди

44
Коронавирусга қарши кураш штаби аъзосининг сўзларига кўра, ҳозирда педиатрик койкалар захираси тайёрланмоқда.

ТОШКЕНТ, 20 сен — Sputnik. Коронавирусга қарши кураш штаби аъзоси Ҳабибулла Оқилов Ўзбекистонда ҳам болалар орасида коронавирус билан касалланиш ортаётганини маълум қилди.

“Мана, мактаблар ишлашни бошлади. Табиийки, касалланиш сони бугунга келиб ошиб бормоқда. Минг афсус, Ўзбекистонда олдин болалар деярли касал бўлмаётганди, ҳозир болалар контингентининг ичида ҳам касалланиш бор. Шунинг учун биз педиатрик койкалар захирасини ҳам тайёрлаяпмиз ва педиатр кадрларни ҳам тайёрлаш режалаштирилган”, - деди у “Ўзбекистон 24” телеканалига берган интервьюсида.

Аввалроқ 17 сентябрь куни Ўзбекистонда коронавирус пандемияси бошланган буён биринчи марта 11 ёшли бола вафот этгани маълум бўлганди.

Бўстонлиқ тумани Ғазалкент шаҳрида истиқомат қилган 11 ёшли фуқаро 5 сентябрь куни туман тиббиёт бирлашмаси қабул бўлимига тез тиббий ёрдам машинасида олиб келинган. Болада ўша вақтда бурундан қон кетиши, тана ҳароратининг 38 даражага кўтарилиши, нафас сиқиши кузатилган. Кўкрак қафаси ренгени қилинганда 50 фоиз зарарланиш аниқланган.

Бола 2012 йилдан буён сурункали гломерулонефрит, нефротик шакли, сурункали буйрак етишмовчилиги, камқонлик ва семизликнинг учинчи даражаси ташхиси билан диспансер назоратида турган ва ногиронлик нафақаси олиб келган.

Кўрилган даво чораларига қарамасдан, бемор сурункалн гломерулонефрит, буйрак етишмовчилининг терминал босқичи, семизлик ва анемиянинг учинчи даражаси,  икки томонлама пневмониянинг оғир шакли натижасида вафот этган.

44
Теглар:
Ўзбекистон, коронавирус
Мавзу:
COVID-19 умумжаҳон пандемияси
Скончался ветеран узбекского футбола Наримон Джалолов

Ўзбек футболи фахрийси Наримон Жалолов вафот этди

28
(Янгиланган 12:14 20.09.2020)
Наримон Жалолов ўзбек футболи ривожига қўшган ҳиссаси учун “Ўзбекистон Республикасида хизмат кўрсатган мураббий” фахрий унвони ва “Шуҳрат” медали билан билан тақдирланган.

ТОШКЕНТ, 20 сен — Sputnik. Бугун, 20 сентябрь ЎФА Фахрийлар кенгаши раиси Наримов Жалолов 88 ёшида оламдан кўз юмди. Бу ҳақда Ўзбекистон Миллий олимпия қўмитаси матбуот хизмати хабар қилмоқда.

Наримон Жалолов 1931 йил 23 сентябрь куни туғилган. Унинг ташаббуси билан Тошкент шаҳри ва вилоятларида кўплаб стадионлар қад ростлаган.

1968 йилда “Пахтакор” клуби раҳбари сифатида ишлаган ва ўша даврда жамоа Собиқ Иттифоқ кубогининг финалига қадар етиб борган эди. Мустақилликнинг илк йилларида ЎФФ вице-президенти лавозимида ишлаган.

Наримон Жалолов ўзбек футболи ривожига қўшган ҳиссаси учун ҳукумат томонидан “Ўзбекистон Республикасида хизмат кўрсатган мураббий” фахрий унвони ва “Шуҳрат” медали билан билан тақдирланган.

28
Бомбардировщик-ракетоносец Ту-160 Владимир Судец Военно-космических сил России

Россия Ту-160 самолётлари янги жаҳон рекордини ўрнатди

4
Ту-160 бомбардимончи самолётлари парвози йўналиши Шимолий Муз океани, Тинч океани, Карск денгизи, Лаптевлар, Шарий-Сибирь, Чукотка, Баренцево денгизларининг нейтрал ҳудудлари бўйлаб ўтган.

ТОШКЕНТ, 20 сен — Sputnik. Россиянинг Ту-160 стратегик бомбардимончи самолётлари 19 сентябрь куни янги жаҳон рекордини ўрнатди. Бу ҳақда РИА Новости хабар қилди.

“Бугун узоқ парвозлар икки экипажи Ту-160 стратегик ракета ташувчиларида узоққа парвоз қилиш ва парвоз давомийлиги бўйича янги рекорд ўрнатишди. Россия ҲКК учувчилари 25 соатдан кўпроқ вақт ҳавода бўлиб, 20 минг километрдан ортиқ масофани учиб ўтишди”, - Россия Ҳаво-космик кучлари узоқ парвозлар қўмондони, генерал-лейтенант Сергей Кобилаш.  

Кобилаш ушбу тоифа самолётларда ҳали ҳеч ким бундан узоққа учмаганлигини қўшимча қилди.

2010 йилдаги аввалги рекордни ҳам Ту-160 ўрнатган. Ўшанда парвоз 24 соату 24 дақиқа давом этган.

Ту-160 бомбардимончи самолётлари парвози  йўналиши Шимолий Муз океани, Тинч океани, Карск денгизи, Лаптевлар, Шарий-Сибирь, Чукотка, Баренцево денгизларининг нейтрал ҳудудлари бўйлаб ўтган.

Америка журнали Россиянинг энг хавфли жанговар самолётини айтди

Парвоз ва қўниш Саратов вилоятидаги Энгельс аэродромида содир бўлди. Тўхтовсиз парвоз пайтида Ту-160 самолёти олти ва Ил-78 самолёти уч маротаба ҳавода ёнилғи қуйишни амалга оширди. Маршрутнинг айрим босқичларида ракета ташувчиларга Су-35 қирувчилари, шунингдек, хорижий давлатларнинг самолётлари ҳамроҳлик қилди. Россия бомбардимончиларининг парвози ҳаво ҳудудидан фойдаланиш бўйича халқаро қоидаларга қатъий риоя қилинган ҳолда амалга оширилган.

4