Спортсмены олимпийской сборной Узбекистана

Ўзбекистонда Жисмоний тарбия ва спорт вазирлиги ташкил этилди

837
Ўзбекистон давлат жисмоний тарбия институти қошидаги Жисмоний тарбия ва спорт бўйича мутахассисларни илмий-методик таъминлаш, қайта тайёрлаш ва малакасини ошириш маркази вазирлик тасарруфига берилади

ТОШКЕНТ, 6 мар — Sputnik Ўзбекистонда Жисмоний тарбия ва спорт вазирлиги ташкил этилди, деб хабар берди Sputnik мухбири Ўзбекистон президентининг бу ҳақдаги фармонига асосланиб.

Вазирлик Жисмоний тарбия ва спорт давлат қўмитаси ва унинг ҳудудий бўлинмалари негизида ташкил қилинди.

Янги вазирлик тузилмасида Жисмоний тарбия ва спорт соҳасида мониторинг бошқармаси ташкил этилади. Бошқарма жисмоний тарбия ва спортни ривожлантиришга ажратилган давлат молиявий маблағларидан оқилона фойдаланилишини таҳлил қилиш, аҳолининг спорт хизматларидан қониқиш даражаси ва спорт хизматларидан фойдалана олиш шарт-шароитларини баҳолаш, шунингдек, коррупция ва бошқа суиистеъмолчилик ҳолатларини аниқлаш учун масъул бўлади.

Ҳужжатга мувофиқ, Ўзбекистон давлат жисмоний тарбия институти қошидаги Жисмоний тарбия ва спорт бўйича мутахассисларни илмий-методик таъминлаш, қайта тайёрлаш ва малакасини ошириш маркази вазирлик тасарруфига берилади.

Бундан ташқари, Жисмоний тарбия ва спорт давлат қўмитаси ҳузуридаги Болалар спортини ривожлантириш жамғармаси ва унинг ҳудудий бўлинмалари негизида Жисмоний тарбия ва спорт вазирлиги ҳузуридаги Жисмоний тарбия ва спортни ривожлантириш жамғармаси ва унинг ҳудудий бўлинмалари ташкил этилади.

Фармонда вазирлик 2018 йил 1 майга қадар Ўзбекистон Республикасида жисмоний тарбия ва спортни узоқ муддатли истиқболга ривожлантириш концепцияси лойиҳасини халқаро мутахассисларни жалб қилган ҳолда ишлаб чиқиши ва киритиши белгилаб қўйилди.

837
м

ТИВ: фуқароларнинг Ўзбекистонга кириши билан боғлиқ муаммо тез муддатда ҳал қилинади

9
Қайд этилишича, техник сабабларга кўра сўнгги кунларда ватандошларнинг давлатлараро чегарадан ўтишлари чекланган миқдорда амалга оширилган.

ТОШКЕНТ, 8 июл — Sputnik. Ташқи ишлар вазирлиги Қозоғистон билан чегарадаги “Жибек жоли” – “Ғишт-Кўприк” назорат-ўтказиш пункти яқинида тўпланган Ўзбекистон фуқароларига мурожаат қилди.

Қайд этилишича, техник сабабларга кўра сўнгги кунларда ватандошларнинг давлатлараро чегарадан ўтишлари чекланган миқдорда амалга оширилган.

“Жибек жоли” ўтказиш пункти орқали республика фуқароларининг Ўзбекистон ҳудудига чекланган ҳолда кириши билан боғлиқ барча муаммолар тез муддатда ҳал қилинади”, - дейилган хабарда.

Хабарда ёзилишича, бош консулхона ходимлари назорат-ўтказиш пунктида бўлиб туришибди, ватандошлар билан доимий алоқа ўрнатилган. Диаспора вакиллари билан биргаликда иссиқ овқат ва бошқа ёрдам ташкил қилинмоқда ва вазият умумий назоратга олинган.

ТИВ 1 июлдан буён 2700 дан ошиқ ватандошлар, асосан касаллар, қариялар, ҳомиладорлар ва ёш болали аёллар Ўзбекистон-Қозоғистон чегарасини кесиб ўтишганини қўшимча қилган.

Эслатиб ўтамиз, аввалроқ Қозоғистоннинг Туркистон вилоятидаги “Жибек жоли” чегара пункти яқинида уч минг нафар Ўзбекистон ва Тожикистон фуқаролари тўплангани хабар қилинган эди.

9
Теглар:
мигрантлар, чегара, Қозоғистон, Ўзбекистон

Кириш имтиҳонлари онлайн бўлмайди ДТМ

24
ОТМларга кириш имтиҳонлари онлайн тартибда ўтказилмайди, имтиҳон кунини эса Давлат комиссияси белгилайди - ДТМ.

ТОШКЕНТ, 8 июл - Sputnik. Бу йилги олий ўқув юртларига кириш имтиҳонлари одатдаги тартибда бўлиб ўтади, деб хабар қилди Sputnik мухбирига Давлат Тест марказининг маъсул ходими.

Бироз олдин ижтимоий тармоқларда имтиҳонлар онлайн тартибда бўлармиш, тест куни 10 августга кечиктирилиши мумкин экан, деган хабарлар тарқалган эди.

“Кириш имтиҳонлари онлайн эмас, одатдаги тартибда бўлиб ўтади. Имтиҳон кунини Махсус комиссияси белгилайди. ДТМ одатдаги тартибда имтиҳонларга тайёргарлик кўрмоқда”, - деди ДТМ маъсул ходими Sputnik мухбирига.

ДТМ ходимининг сўзларига кўра, имтиҳонлар кечиктирилиши мумкинлиги ҳақидаги хабарлар ҳам тасдиқланмаган. Имтиҳон кунини Давлат комиссияси белгилайди ва ҳозирча бу борада аниқ маълумот йўқ. ЖТМ одатдаги тартибда имтиҳонларга тайёргарлик кўраяпти.

24