Всенародный хашар в Узбекистане. (Бухара)

Марҳума Диана Еникееванинг отаси кўпчиликни қизиқтирган саволларга жавоб берди

2095
(Янгиланган 22:24 30.03.2018)
Диана Еникееванинг отаси ўз қизи вафотидан кейин ОАВларда тарқалган хабарлар юзасидан жамоатчиликка мурожаат этди. Александр Еникеев Ўзбекистонда яшар экан, шу юрт анъаналарига садоқатли бўлишини маълум қилган

ТОШКЕНТ, 29 мар — Sputnik. Sputnik Ўзбекистон мухбири почтасига яқинда ЙТҲ оқибатида ҳалок бўлган ўқитувчи Диана Еникееванинг отасидан интервью олингани акс этган видеоформатдаги файл келиб тушди.

Интервью марҳум Диана Еникееванинг отаси Александр Еникеевдан унинг яқин дўсти Обид Омонов томонидан олинган ва суҳбатда Александр Еникеевнинг маслакдоши, биродари Самарқанд вилоятида Каттақўрғон шаҳридаги "Афғонлар уюшмаси" раиси Николай Сорокин ҳам иштирок этган. Омонов бошқа вилоятда яшаб турган журналист томонидан берилган саволлар билан Еникеевга мурожаат қилган.

Обид Омонов: Александр Марсович (Еникеев), сўнгги вақтларда ижтимоий тармоқларда сизнинг қизингиз Диана "мажбурий меҳнат" натижасида ҳалок бўлганлиги, у прокурор, ҳоким, РайОНО мудири босими остида "мажбурий меҳнат" қилгани чиққанлиги ҳақида шов-шувли хабарлар тарқалди. Сизнинг бу хабарларга изоҳингиз қандай бўлади?

Александр Еникеев: Бу оддий субботник, ҳашар эди. Биз тоза мамлакатда яшаймиз. "Наврўз" байрами — бу "Янги йил". Биз ҳаммамиз бир-биримизга ёрдам беришимиз керак. Бу ҳодиса… Тақдир экан… Мен билмайман бунинг боисини… Бу шунчаки ёрдам эди. Диананинг — халққа ёрдами — ҳашардаги иштироки. Ҳамма жойни тартибга келтириш керак. Ахир баҳор — борлиқ гуллайди. Атроф ҳам шунга монанд бўлиш керак!

О.О: Александр Марсович, бу тушунтиришларни ўз хоҳишингиз билан бераяпсизми? Ёки мен сизга босим ўтказдимми, мажбур қилдимми? Ёки "Афғонлар уюшмаси" жамоати илтимоси билан бераяпсизми?

А.Е: Бу тушунтиришларни ўз хоҳишим билан беряпман. Ҳеч ким мени мажбур қилмаган. Бу ахир ўрнини тўлдириб бўлмас йўқотиш. Мени ва менинг оиламни тинч қўйинг! Нега инсоннинг юрагини тимдалайсиз?

О.О: Ижтимоий тармоқларда журналист Каримберди Тўрамурод "мажбурий меҳнат" ҳақидаги "ҳақиқатни" фош эта туриб, сизнинг қизингизни "мажбурий меҳнатдан ҳимоя қила туриб ҳуқуқни муҳофаза қилиш органлари томонидан "йўқ қилиш объекти"га айланган экан. Сиз бунга нима дейсиз?

А.Е: Бу одам (Каримберди Тўрамурод) Диана қандай яшагани, қандай катта бўлгани ҳақида интервью олди. Бизни расмга туширди, видеотасвир бор. Бўлди. Мен у билан бошқа ҳеч қандай мавзуда гаплашмаганман! Мен буни сизга расман маълум қилаяпман!

О.О: Балки қизингиз, мажбурий меҳнатга чиққандир? Шундай бўлиши мумкинми?

А.Е: Менинг қизим шанбаликка чиққан! Бўлди, тамом!

Шу вақт суҳбатга "Афғонлар уюшмаси" раиси Николай Сорокин аралашган.

— Менинг Александрга саволим йўқ, лекин бошқаларга айтар гапларим бор. Тармоқлардаги одамлар ўзларига сохта обрў орттиришни хоҳлайдилар. Ўзганинг бошига тушган кулфатдан ҳам ўзингизга обрў орттиришда фойдаланманг! Бизнинг умримиз шу мамлакатда кечган! Биз ўзимизнинг урф-одатларимизга амал қилган ҳолда яшаймиз! Наврўзда биз ҳаммаёқни тартибга келтирамиз. Биз бу мамлакатда бир миллат ва бир менталитет бўлиб яшаймиз! Шундай экан диверсия қилишни бас қилинг! Мана шуларни ёзаётган одамларнинг ўзлари давлат учун нимадир қилдими? Сариқ чақалиқ бўлса ҳам? Бу одамга савол беришни бас қилингизлар! Унга шундоғам оғир, у ҳар куни дори ичади! Етар!

Суҳбат якунида Александр Еникеев ўз қизининг ўлими президентга ҳеч қандай дахли йўқлигини айтган ва президентни яхши кўришларини таъкидлаб ўтган. "Биз оиламиз билан шу президентга овоз берганмиз, бизни тинч қўйинглар!", — деб якунлаган ота ўз мурожаатини.

Александр Еникеев: гибель дочери не связана с визитом Мирзиёева в Самарканд
2095
Теглар:
Диана Еникеева
Автобус

Шаҳарлараро автобуслар ҳаракати чекланди

6
(Янгиланган 12:14 25.02.2021)
Тошкентдан шаҳарлараро автобуслар қатнови ва "Қамчиқ" довони орқали юк машиналар қатнови вақтинча чекланди.

ТОШКЕНТ, 25 фев - Sputnik. Об-ҳаво шароитлари туфайли вилоятлар билан автобус қатнови вақтинча тўхтилди, деб хабар қилмоқда Тошкент автовокзали.

"Ноқулай об-ҳаво шароити сабабли 25-февраль санасидаги барча рейслар бекор қилинганлигини маълум қиламиз", - дейилган хабарда.

Автобуслар ҳаракати борасида қўшимча маълумотларни ушбу телефон рақами орқали олиш мумкин: (71) 207-87-00.

Ўтган тунда Қамчик довони орқали юк машиналар ҳаракати ҳам вақтинча тўхтатилган эди. Бу ҳақида ФВВнинг "Қамчиқ" қутқарув Бошқармаси бошлиғи хабарқ қилган эди.

"Қамчиқ довонида кучли шамол эсиб қор ёғаётгани ва ҳаво ҳарорати -12 даражага етгани туфайли юк автомобиллари ҳаракати вақтинча тўхтатилган", - дейилган хабарда. 

Довонда айни дамда 15та механизациялашган отряд томонидан 24 соат узулуксиз навбатчилик ташкил этилган. 

6
Автомобильное движение в городе

Тошкентда йўл-транспорт тизимини яхшилаш учун қандай ишлар режалаштирилган

40
(Янгиланган 11:08 25.02.2021)
Пойтахтда йўл-транспорт тизимини яхшилаш уч босқичда амалга оширилади. Биринчи босқичда шаҳардаги 3 та кўчаларда янги ўтиш жойлари очилади ва йўл кенгайтирилади.

ТОШКЕНТ, 25 фев — Sputnik. Тошкент шаҳрида йўл-транспорт тизимини яхшилаш юзасидан амалга ошириладиган лойиҳалар уч босқичда амалга оширилади. Бу ҳақда Транспорт вазирлиги матбуот хизмати хабар қилмоқда.

Қайд этилишича, президент Шавкат Мирзиёевнинг Тошкент шаҳрида йўл-транспорт инфратузилмасини такомиллаштириш ва янги йўллар қуришга оид топшириғига асосан Транспорт вазирлиги, Тошкент шаҳар ҳокимлиги, ИИВ Йўл ҳаракати хавфсизлиги Бош бошқармаси ва “Kalyon ulastirma” компанияси билан ҳамкорликда қуйидаги уч босқичда ишлар амалга оширилиши кўзда тутилган.

Биринчи босқич. 3 та кўчаларда тез муддатда янги ўтиш жойларини очиш ва йўлни кенгайтириш ишлари амалга оширилади:

  • Себзор кўчаси бўйлаб Абдулла Қодирий кўчаси кесишмасидаги йўл ўтказгичдан тушгандан сўнг, Зулфияхоним кўчасига ўтиш учун асосий қатнов қисмидан маҳаллий йўлга янги ўтиш жойини очиш;
  • Тошкент халқа автомобил йўлининг 11-километрида (Тўсин бозор қаршисида) 250 метр масофада йўлни кенгайтириш;
  • Ал-Хоразмий – Катта Қаъни кўчалари чорраҳасида айланма ҳаракатни ташкил этиш;

Иккинчи босқич. 3 та кўчаларнинг транспорт ўтказиш қобилиятини ошириш бўйича тадбирларни ҳаётга татбиқ этиш режалаштирилган:

  • Чоштепа - Янги Сергели кўчалари кесишмасида ўтказувчанликни ошириш мақсадида, кесишмани кенгайтириш (параметрларини ўзгартириш);
  • Тошкент халқа автомобил йўли – Самарбону кўчалари кесишмасида маҳаллий йўлни кенгайтириш ҳисобига ўтказувчанликни ошириш;
  • Мустақиллик – Паркент кўчалари кесишмасида яшил худуд хисобидан янги йўл очиш режалаштирилган.

Учинчи босқич. 6 та кўчаларда транспорт оқими ўрганилиб, таҳлил натижаларидан келиб чиққан ҳолда бир қатор тадбирларни амалга ошириш режалаштирилган.

Булар:

- Юнусобод туманидаги Қорақамиш кўчасини Тошкент халқа автомобил йўли билан боғлаш учун янги йўл қуриш;

- Муқумий – Лутфий - Сеул - Нурафшон кўчалари кесишмаси параметрларини ўзгартириш йўли билан ўтказувчанликни ошириш;

- Тошкент ҳалқа автомобил йўли - Амир Темур кўчалари кесишмасида айланма ҳаракатли чорраҳани оддий чорраҳа турига ўтказиш йўли билан ўтказувчанликни ошириш;

- Шота Руставели – Миробод - Шаҳрисабз кўчалари кесишмасида айланма ҳаракатли чорраҳани оддий чорраҳа турига ўтказиш йўли билан ўтказувчанликни ошириш.

- Кичик халқа автомобил йўли бўйлаб “CRAFERS” корхонаси қаршисида янги қайрилиб олиш жойини очиш;

- Сеул – Новза – Бунёдкор кўчалари кесишмасида канал устидаги кўприкни кенгайтириш хисобига кесишма ўтказувчанлигини ошириш режалаштирилган.

  • Cписок улиц и перекрёстков Ташкента, где будет пересмотрена организация движения
    Пресс-служба Минтраса Узбекистана
  • Cписок улиц и перекрёстков Ташкента, где будет пересмотрена организация движения
    Пресс-служба Минтраса Узбекистана
  • Cписок улиц и перекрёстков Ташкента, где будет пересмотрена организация движения
    Пресс-служба Минтраса Узбекистана
1 / 3
Пресс-служба Минтраса Узбекистана
Cписок улиц и перекрёстков Ташкента, где будет пересмотрена организация движения

Эслатиб ўтамиз, аввалроқ президент Шавкат Мирзиёев мутасаддиларга тирбандликлар юзага келаётган ўндан ортиқ кўчада қисқа муддатларда қўшимча ҳаракат йўналишларини очиш бўйича топшириқ берган эди.

40
Теглар:
йўллар, Тошкент