Работа с бумагами

Ўзбекистонлик бизнесмен Ғофур Раҳимов қидирувидаги шахслар рўйхатидан ўчирилди

504
Ғофур Раҳимов товламачилик, жиноий фаолиятдан олинган даромадларни легаллаштириш, ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш назарда тутилган жиноятларни содир этганликда гумонланиб қидирилганди.

ТОШКЕНТ, 13 июл — Sputnik. Ўзбекистон Ички ишлар вазирлиги ишбилармон, Халқаро бокс федерацияси — AIBA президенти вазифасини бажараётган Ғофур Раҳимовни қидирувдаги шахслар рўйхатидан олиб ташлади, деб хабар қилди РИА Новости мамлакат ҳуқуқ тартибот органларидаги манбаасига асосан.

Шу йил июн ойларида маҳаллий ОАВлар ИИВнинг расмий сайтида "қидирувдаги шахслар" бўлимида Раҳимов тўғрисида маълумот ва унинг сурати жойлаштирилганлиги ҳақида хабар берилганди. ИИВ расмий вакиллари бу хабарларга изоҳ беришмади.

Ички ишлар вазирлиги расмий сайтининг янгиланган маълумотида 1951 йилнинг 22 июлида таваллуд топган Ғофур-Арслонбек Аҳмедович Раҳимов ва унинг турмуш ўртоғи, 1967 йил 24 июнда туғилган Лола Раҳимова қидирувдаги шахслар рўйхатидан топилмади.

 “Раҳимов халқаро қидирувдаги шахслар рўйхатидан чиқариб ташланди. Қамоқ тарзидаги эҳтиёт чораси муносиб ҳулқ-атворда бўлиш тўғрисидаги тилхатга алмаштирилди”, - деб таъкидлади суҳбатдош.

Ғофур Раҳимов товламачилик, жиноий фаолиятдан олинган даромадларни легаллаштириш, ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш назарда тутилган жиноятларни содир этганликда гумонланиб қидирилганди.

“Айбланувчи тергов билан ҳамкорлик қилаётганлигини ҳисобга олиб, у томонидан иш бўйича ҳақиқатни аниқлашга тўсқинлик қилинмаётганлиги, айбига иқрор бўлганлиги, етказилган зарарни қопланаётганлиги туфайли эҳтиёт чораси бошқасига алмаштирилди”, - деб қўшимча қилди суҳбатдош.

Эслатиб ўтамиз, Ўзбекистонлик бизнесмен ва Халқаро ҳаваскор бокс ассоциациясининг вақтинчалик президенти Ғофур Раҳимов АҚШ санкциялар рўйхатидан номи олиб ташлаш бўйича баёноти эълон қилинганди.

Унда билдирилишича, Ғофур Раҳимов Вашингтон ва Лондондаги адвокатларига АҚШ Ғазнасининг хорижий активларни бошқариш бўйича идорасига (ОFAC) "Махсус белгиланган фуқаролар рўйхати"дан ўз номини олдириб ташлаш учун мурожаатнома юбориш тўғрисида кўрсатма берган.

Раҳимов баёнотида уюшган жиноий гуруҳлар билан ҳеч қачон алоқада бўлмаганини билдирди.

Ғофур Раҳимов январ ойида AIBA вақтинчалик президенти этиб тайинланган. Ташкилот президенти Чинг-Куо Ву ўтган йилнинг ноябрида истеъфога чиққанди.

Раҳимов 1998 йилдан буён AIBA ижроқўми аъзоси ҳисобланади. 2002 йилда ушбу ташкилот вице-президенти, 2006 йилдан ижрочи вице-президенти лавозимида фаолият олиб борган. 2010 йилда у Осиё бокс конфедерацияси президенти этиб сайланган.

504
Инсталляция с изображением мозга

Альцгеймер даф бўл: тўғри овқатланиш касалликнинг олдини олишга ёрдам берадими?

16
Альцгеймер касаллиги деменциянинг энг кенг тарқалган шакли бўлиб, унга барча ҳолатларнинг 80 фоизи тўғри келади.

Кирилл Бакеев. Кўпинча ОАВларда Альцгеймер касаллиги ривожланишидан бирон бир маҳсулот сақлаб қолиш мумкинлиги ҳақида хабарлар тарқатилади. Аммо бу ерда гап нафақат овқатланишда.

© Sputnik / Дильшода Рахматова.

Альцгеймер касаллиги деменциянинг энг кенг тарқалган шакли бўлиб, унга барча ҳолатларнинг 80 фоизи тўғри келади. БССТ маълумотларига кўра, бугунги кунда дунёда ушбу касалликдан 50 миллионга яқин одам азият чекмоқда. Ташкилот прогнозларига кўра, 2050 йилга келиб бу кўрсаткич уч баравар кўпаяди.

Касаллик ҳеч кимни аямайди. АҚШ собиқ президенти Роналд Рейган ва Буюк Британиянинг собиқ бош вазири Маргарет Тетчер ҳам турли вақтларда Альцгеймердан азият чекишган.

Кенг тарқалганлигига қарамай, Альцгеймер касаллиги кам ўрганилган. Унинг пайдо бўлиш сабаблари бўйича ягона бир фикр ҳамон шаклланмаган. Тўртта бир-бирига рақобатдош назария мавжуд бўлиб, уларнинг ҳар бирининг ўз тарафдорлари ва қаршилари ҳам бор. Бугунги кунда шуниси маълумки уни даволаб бўлмайди. Мавжуд даволаш усуллари фақатгина баъзи аломатларини енгиллаштириши мумкин. Бундан ташқари, унга олдинроқ ташҳис қўйиш ҳам қийин. Шундан келиб чиққан ҳолда, профилактика усуллари ҳам жуда оз, уларнинг барчаси асосан қариликда касалликнинг ривожланиш хавфини камайтиришга қаратилган.

Аксарият олимлар турмуш тарзининг айрим хусусиятлари ушбу хавфни ошириши ёки камайтириши мумкинлиги фикрига қўшилишади. Улар орасида етарлича жисмоний ва ақлий фаолият даражаси, етарли уйқу ва овқатланиш. Овқатланиш омили, айниқса кўп мунозаралар мавзусига айланмоқда. Шунга қарамай, овқатланиш ва Альцгеймер касаллигини ривожланиши хавфини камайтириш ўртасида боғлиқлик аниқ мавжуд.

Масалан, АҚШдаги Кек тиббиёт мактабининг олимлари Альцгеймер билан касалланган сичқонлар яшил чой ва сабзи истеъмол қилганида когнитив тестлари кўрсаткичлари яхшиланганини аниқлашди (шундай тестлар одамларда касалликни аниқлаш учун ишлатилади). Албатта, кемирувчиларга ҳеч ким сабзи билан бир пиёла кўк чой узатмаган. Уларга ушбу маҳсулотларнинг экстрактлари берилган. Олимлар яшил чойдан эпигаллокатехин галлати деб номланган моддани ва сабзидан ферул кислотасини ажратиб олишди. Ушбу бирикмаларнинг комбинацияси хотирани яхшилаш самарасини берди. Аммо бу сичқонларда, инсонларда синовлар ҳали ўтказилмади.

Агар одамлар ҳақида гапирадиган бўлсак, ҳозирги кунга овқатланиш ва Альцгеймер касаллиги ривожланиши хавфини камайтириш ўртасидаги энг қизиқ боғлиқликни MIND диетаси деб аталмиш - Ўрта ер денгизи парҳез ва гипертонияни олдини олиш ва даволашда тавсия этиладиган парҳезни бирикмаси қўрсатди. Муаллифларнинг таъкидлашича, парҳезнинг кўрсатмаларига қатъий риоя қилганлар касалланиш хавфини 53% га камайтиришга муваффақ бўлишган.

Албатта, бундай тадқиқотларни кўпроқ кўришни истардик, аммо улар ҳали мавжуд эмас. Қандай бўлмасин, парҳез шартлари соғлом овқатланиш овқатланишнинг умумий қоидаларига мос келади - етарли миқдордаги мева ва сабзавотларни истеъмол қилиш, қизил гўшт ва қайта ишланган маҳсулотлар истеъмолини камайтириш, шунингдек шакарни назорат қилиш.

16
Узбекские военные прибыли в Москву на АрМИ-2020

АрМИ-2020: ўзбек ҳарбийлари Москвага етиб келди

91
Мудофаа вазири генерал-майор Баҳодир Қурбонов кузатиш вақтида ҳар бир жамоа билан алоҳида суҳбатлашган ва йўл-йўриқлар кўрсатган.

ТОШКЕНТ, 10 авг — Sputnik. Ўзбекистон Мудофаа вазирлиги ҳарбийлари “Халқаро армия ўйинлари – 2020”да иштирок этиш учун Москва шаҳрига етиб келди. Бу ҳақда вазирлик матбуот хизмати хабар қилмоқда.

Узбекские военные прибыли в Москву на АрМИ-2020
© Министерство обороны Узбекистана.
Узбекские военные прибыли в Москву на АрМИ-2020

Таъкидланишича, мудофаа вазири генерал-майор Баҳодир Қурбонов ҳар бир жамоа билан алоҳида суҳбатлашган ва йўл-йўриқлар кўрсатган. Шунингдек, вазир ҳарбийларга омад тилаган.

Узбекские военные прибыли в Москву на АрМИ-2020
© Министерство обороны Узбекистана.
Узбекские военные прибыли в Москву на АрМИ-2020

Ҳарбий хизматчилар Москва шаҳрига етиб келган ва белгиланган ҳудудларга тақсимланган.

Эслатиб ўтамиз, аввалроқ ҳзбекистонлик ҳарбий хизматчилар 23 августдан 5 сентябрга қадар бўлиб ўтадиган Халқаро армия ўйинларида иштирок этиши хабар қилинган эди. АрМИ-2020 да улар Россия ҳудудида бўлиб ўтадиган 12 та мусобақаларда иштирок этишади.

91
Нож в руке. Иллюстративное фото

Қорақалпоғистонда фуқаро жаҳл устида танишини пичоқлаб қўйди

4
Танишини учратиб қолган фуқаро бир кун олдинги воқеани ёдга олган. Сўнгра жаҳл устида уйидан пичоқ олиб чиқиб, танишини қўрқитмоқчи бўлган.

ТОШКЕНТ, 10 авг — Sputnik. Қорақалпоғистонда жаҳл устида танишини пичоқлаб қўйган фуқарога нисбатан жиноий иш очилди. Бу ҳақда ИИВ ҳузуридаги Тергов департаменти хабар қилмоқда.

Маълум бўлишича, ҳодиса 3 август куни Хўжайли тумани Дўстлик кўчасида содир бўлган. У ерда 34 ёшли М.П. таниши 29 ёшли Д.Е.ни учратиб қолган.  Бир кун олдин бўлиб ўтган воқеа туфайли юзига ургандан жаҳли чиқиб, уйидан пичоқ олиб чиққан. Кейин қўрқитиб қўйиш мақсадида силтаган пайтида Д.Е.нинг қорин соҳасига тиқиб олган. Натижада унга ҳаёт учун хавфли бўлган оғир тан жароҳати етказган.  

Д.Е. олган тан жароҳати билан тиббиёт муассасага ётқизилган.  

Ҳодиса жойидан 1 дона ошхона пичоғи ашёвий далил тариқасида расмийлаштириб олинган.

Ҳолат юзасидан Ўзбекистон Жиноят Кодексининг 104-моддаси 1-қисми (қасддан баданга оғир шикаст етказиш) билан жиноят иши қўзғатилган.

Ҳозирда тергов ҳаракатлари давом этмоқда.

4