Миср билан туризм, ислом маданияти ва спорт соҳаларида ҳамкорлик йўлга қўйилади

© Пресс-служба президентаПрезидент Египта Абудулфаттах ас-Сиси
Президент Египта Абудулфаттах ас-Сиси - Sputnik Ўзбекистон
Oбуна бўлиш
Миср ва Ўзбекистон туризм, ислом маданияти, ислом тадқиқотлари соҳаларда муваффақиятли ҳамкорлик қилиши мумкин.  

ТОШКЕНТ, 5 сен – Sputnik. Кўксаройда бўлиб ўтган Миср ва Ўзбекистон президентларининг кенг доирадаги учрашувида икки мамлакат қайси соҳаларда муваффақиятли ҳамкорликни йўлга қўйиши мумкинлиги айтилди, деб хабар қилмоқда Sputnik мухбири.

Туризм соҳасида алоқалар

Миср туризм соҳасида катта салоҳият ва тажрибага эга мамлакат. Бугунги кунда Ўзбекистонда ҳам ушбу тармоқ жадал ривожланмоқда. Музокараларда бу соҳадаги алоқаларни кенгайтириш, Ўзбекистондаги қадимий шаҳарлар ва муқаддас қадамжоларни зиёрат қилиш учун Мисрдан келадиган сайёҳларни кўпайтириш мумкинлиги қайд этилди. Тошкент, Қоҳира ва Хургада ўртасида авиақатновларни йўлга қўйиш масаласи муҳокама қилинди.

Маданий-гуманитар алоқалар

Маданий-гуманитар соҳадаги ҳамкорлик бўйича ҳам ижобий натижаларга эришилди. Мисрнинг Ал-Азҳар университети ва бошқа илмий-тадқиқот муассасалари билан Ўзбекистон халқаро Ислом академияси, Имом Бухорий халқаро илмий-тадқиқотлар маркази ва Ислом цивилизацияси маркази ўртасида фаол ҳамкорлик ўрнатишга келишиб олинди.

Музокараларда, шунингдек, қишлоқ хўжалаги, таълим, маданият, спорт ва бошқа соҳадардаги ҳамкорлик масалалари муҳокама қилинди.

Янгиликлар лентаси
0