Ўзбекистон ИИВ республикада жиноятчилик кескин камайгани ҳақида баёнот берди

195
Энг кўп содир этиладиган жиноят тури бўлмиш ўғирликнинг очилиш даражаси бугун Ўзбекистонда 82 фоизни ташкил қилмоқда, деди ИИВ вакили

ТОШКЕНТ, 30 ноя - Sputnik, Дилшода Раҳматова. 2018 йил давомида Ўзбекистонда жиноятчилик ўтган йилгига нисбатан 35,7%га пасайди, деб баёнот қилди жума куни ОАВ вакиллари учун ўтказилган матбуот-анжумани давомида Ўзбекистон ИИВ жамоатчилик ва ОАВ билан алоқалар бош бошқармаси раҳбари Қутбиддин Бурхонов.

"2018 йилнинг 10 ойи давомида бизнинг мамлакатимизда 38 минг 445та жиноят қайд этилган бўлиб, бу ўтган йил содир қилинган жиноятларга нисбатан 21 минг 355тага кам бўлиб, 35,7 %га пасайишига эришилди. Бу жуда катта кўрсаткич, албатта", - деди Бурхонов.

ИИВ вакили сўзларига кўра, бу ички ишлар органларининг маҳалла институти, "Ёшлар иттифоқи", хотин-қизлар қўмиталари, барча жамоат ташкилотлари, ҳаттоки, диний идоралар билан ҳамкорликда олиб бораётган ҳамкорлиги самарасидир.

"Ўзбекистон президенти ташаббуси билан амалга оширилган бу ислоҳотлар натижасида, республикамиздаги 9015та маҳалланинг 2789тасида бирорта ҳам жиноят содир этилмади", - деб қайд этди Бурхонов.

Ўзбекистон ИИВ ахборотига кўра, 2017 йил 10 ой давомида республикада 10 минг 85та ўғирлик жинояти содир этилган бўлса, 2018 йилда бу кўрсаткич 6 минг 270тани ташкил қилди.

Ўғирлик жиноятининг бугун республикада очилиши 2018 йилда 82%ни ташкил этди. 2017 йилда бу кўрсаткич 76% бўлган.

195

Ўзбекистонда коронавирус беморлари учун шифохоналарда ётоқ ўринлари қолмади Оқилов

59
(Янгиланган 16:49 08.07.2020)
Ҳабибулла Оқиловнинг таъкидлашича, агар ҳар куни 1000 та коронавирус касаллиги аниқланса, Ўзбекистон соғлиқни сақлаш тизими тўлиқ қулаши мумкин.

ТОШКЕНТ, 8 июл — Sputnik. Ўзбекистонда шифохоналарда COVID-19 билан касалланган беморлар учун мўлжалланган ётоқ-жойлар қолмади. Бу ҳақда коронавирусга қарши курашиш штаби вакили Ҳабибулла Оқилов АОКАдаги брифингда маълум қилди.

“Соғлиқни сақлаш тизимидаги ресурслар бугунги кунга келиб поёнига етди, десак муболаға бўлмайди. Бугун шифохоналарда койка ўринлари тўлган. Барча шифокорлар жалб этилган. Шу боис махсус комиссия билан келишган ҳолда симптомсиз беморларни уйда даволанишларига рухсат бердик”, - деди у.

Оқилов бошқа сурункали касаллиги бор беморларнинг қанчаси даволана олмагани, қанчаси вафот этаётгани ҳақидаги статистика йўқлигини айтди.

Ҳабибулла Оқиловнинг таъкидлашича, агар ҳар куни 1000 та коронавирус касаллиги аниқланса, Ўзбекистон соғлиқни сақлаш тизими тўлиқ қулаши мумкин.

Унинг сўзларига кўра, 20 кунлик карантиннинг жорий этилиши нафақат касаллик занжирининг узилишига, балки шифокорларнинг ҳам озгина дам олишига шароит яратади.

“Чунки шифокорларимиз нафақат жисмоний, балки руҳий томондан ҳам чарчадилар. Улар қандай масъулият билан ишлаётганини ҳамма яхши билади. Буларнинг ҳаммаси ана шу 20 кунлик қатъий карантин режасидан ўрин олган”,  - деди коронавирусга қарши кураш штаб аъзоси.

59
Теглар:
Ўзбекистон, карантин, коронавирус
Дорожный знак с надписью Карантин

Барча ҳудудлар “қизил” ҳудудга айлантирилади - Шоҳрух Ғиёсов

156
(Янгиланган 16:28 08.07.2020)
ИИВ ахборот хизмати раҳбарининг сўзларига кўра, энди Тошкент вилоятидан Тошкент шаҳрига ишловчиларнинг кириб-чиқишига ҳам рухсат берилмайди.

ТОШКЕНТ, 8 июл — Sputnik. АОКАда Ўзбекистонга коронавируснинг кириб келиши ва тарқалишининг олдини олиш юзасидан чора-тадбирлар дастурини тайёрлаш бўйича Республика махсус комиссиясининг ахборот юзасидан матбуот анжумани ўтказилмоқда.

“Энди Тошкент вилоятидан Тошкент шаҳрига ишловчиларнинг кириб-чиқишига ҳам рухсат берилмайди. Барча ҳудудлар “қизил ҳудуд”га айлантирилди”, — деди ИИВ ахборот хизмати раҳбари Шоҳрух Ғиёсов.

Унинг сўзларига кўра, стикерга эга автотранспорт воситаларининг ҳаракатланишига рухсат этилади.

“Бироқ ушбу масалани бугун яхшилаб ўрганиб, эртага ўтказиладиган брифингда аниқ жавобни айтишим мумкин”, - дея қўшимча қилди Ғиёсов.

Эслатиб ўтамиз, Ўзбекистонда 10 июлдан 1 августга қадар карантин чоралари кескин кучайтирилмоқда. Жумладан, автотранспорт воситаларининг ҳаракати чекланмоқда, ҳудудлар ўртасида автотранспорт воситалари қатнови тақиқланмоқда. Шунингдек, тўй ҳамда бошқа оилавий маросимларни ўтказиш тақиқланмоқда.

156
Теглар:
Ўзбекистон, карантин, коронавирус

Қозоғистон чегара пунктида 3 мингга яқин Ўзбекистон ва Тожикистон фуқаролари тўпланди

96
(Янгиланган 17:18 08.07.2020)
Қозоғистоннинг Туркистон вилоятидаги “Жибек жоли” чегара пункти яқинида уч минг нафар Ўзбекистон ва Тожикистон фуқаролари тўпланди.

ТОШКЕНТ, 8 июл — Sputnik. Қозоғистоннинг Туркистон вилоятидаги “Жибек жоли” чегара пункти яқинида уч минг нафар Ўзбекистон ва Тожикистон фуқаролари тўпланди.

Туман ҳокимияти, ҳомийлар ва кўнгиллилар ватанига қайтмоқчи бўлган хорижликларни озиқ-овқат билан таъминлашга ёрдам бермоқда. Бу ҳақда Sputnik Қозоғистонга туман ҳокими ўринбосарини Сакен Калкаманов маълум қилди.

“Автотурагоҳда уч мингга яқин фуқаро тўпланди, улардан кўпчилиги – Ўзбекистон фуқаролари. Периметр бўйлаб чодирлар қўйилди. Сариагаш ҳокимияти, ҳомийлар ва кўнгиллиларнинг кучи билан бир кунда бир махал тушлик ташкил қилинмоқда, сув олиб келинмоқда” – деди Калкаманов.

Унинг сўзларига кўра, ўтган ҳафтада Ўзбекистон томон 200-300 кишидан чегарадан ўтказди.

“Қўлимиздан келган ишни қиляпмиз. Ҳар куни ҳудуд тозаланади. Тасаввур қилинг, бир жойда уч минг киши. Улар кетишмаяпти, чунки улар чегарадан ўтиши керак. Март ойи, карантин жорий қилингандан бери чегарадан 41 минг ўзбекистонлик ўтди. Ҳокимият ҳаммасини озиқ-овқат билан таъминлади. Қолган масъулият – Ўзбекистон томонида”, - деб қўшимча қилди Калкаманов.

Посмотреть эту публикацию в Instagram

Публикация от @kris_p_kz +21 | 🇰🇿Kz (@kris_p_kz)

Эслатиб ўтамиз, бундан аввал Ўзбекистон ТИВ Ўзбекистон Ташқи ишлар вазирлиги Россиядаги фуқароларга мурожаат қилганди.

Фуқароларга Россия, Ўзбекистон ва Қозоғистонда жорий қилинган карантин чоралари, шу жумладан мамлакатларга кириш бўйича чекловлар ўз кучида қолаётгани яна бир бор эслатилди.

Россия ҳудудидаги ватандошлардан турли ёлғон хабарлар ва миш-мишларга ишонмаслик, Россия-Қозоғистон давлатлараро чегара пунктларига боришга уринмаслик, ҳозирги яшаш жойларида қолиб, карантин чораларига қатъий риоя қилишларини сўралган.

96
Мавзу:
COVID-19 умумжаҳон пандемияси