Ўзбекистон ва Тожикистон чегарани белгилашга доир ҳуқуқий ҳужжат имзолашди
ТОШКЕНТ, 27 янв – Sputnik. Ўзбекистон ва Тожикистон делегациялари давлат чегарасини демаркация қилишга доир ҳуқуқий ҳужжатларни тайёрлашди, деб хабар қилди, Ўзбекистон ТИВ матбуот хизмати.
Хабарда айтилишига кўра, ушбу ҳужжутлар 2019-йилнинг 21-27-январ кунлари Душанбе шаҳрида бўлиб ўтган учрашувида муҳокама қилинган. Учрашув анъанавий дўстлик ва ўзаро тушуниш муҳитида ўтди. Тадбир якунига кўра Баённома имзоланди.
“Музокаралар доирасида бир қатор норматив-техник ҳужжатлар лойиҳалари таёрланди. Ушбу ҳужжатлар асосида демаркация ишларини ўтказиш учун ҳудудларда давлат чегараси чизиғини аниқлаш бўйича музокаралар бошланади. ”, - дейилган хабарда.
Ўзбекистон ва Тожикистон давлат чегараси узунлиги 1,330 километрдан ортиқ. Бугунги кун ҳолатида ушбу чегара чизиғининг 20% демаркация қилинмаган ҳолда қолмоқда.
Ўзбекистонда коронавирус: 23 сентябрь асосий хабарлари
ТОШКЕНТ, 23 сен — Sputnik. Sputnik Ўзбекистон республикадаги эпидемиологик вазият тўғрисида асосий хабарларни тўплади.
Бир сутка давомида 396 кишида коронавирус аниқланди, Ўзбекистонда коронавирус инфекцияси қайд этилганлар сони 53 275 нафарни ташкил қилмоқда.
Янги касалланиш ҳолатларининг 167 нафари Тошкент шаҳрида, 20 нафари Наманган вилоятида ҳамда 7 нафари Тошкент вилоятида тана ҳарорати кўтарилганлиги ҳамда коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.
Соғайиш кўрсаткичи
Бугуннинг ўзида 425 нафар бемор тузалиб, ўз уйларига кузатилди. Республика бўйлаб жами соғайганлар сони 49 649 нафарга етди. Соғайиш кўрсаткичи 93 фоиз.
©
Sputnik / Владимир Песня
Айни пайтда 3 182 нафар беморга белгиланган стандартлар бўйича даво чоралари кўрилмоқда.
Ўлим ҳолатлари
Кун давомида коронавирусга чалинган 2 нафар бемор вафот этди.
Ўзбекистонда жами 444 киши пандемия қурбони бўлди.
Дубайга парвозлар
5 октябрдан бошлаб Тошкентдан Дубайга қатновлар сони оширилади. Қатновлар ҳафтасига 2 маротаба амалга оширилади.
Шота Арвеладзеда коронавирус аниқланди
“Пахтакор” бош мураббийи Шота Арвеладзеда тест натижаси мусбат чиқди. Шу сабабли у ОФК протоколига мос тарзда изоляцияга олинди.
Дунё саломатлиги
Дунё бўйлаб инфекцияни юқтириб олган кишиларнинг сони 31,6 миллиондан ошди, 971 минг киши вафот этди, 21,8 миллион киши тузалди. Энг кўп ҳолатлар АҚШда (6,9 млн), Ҳиндистонда (5,6 млн), Бразилияда (4,6 млн).
Мирзиёев пандемияда давлатлар мажбуриятлари тўғрисида кодексни ишлаб чиқишни таклиф қилди
ТОШКЕНТ, 23 сен — Sputnik. Ўзбекистон президенти Шавкат Мирзиёев Бирлашган Миллатлар Ташкилоти шафелигида Пандемиялар даврида давлатларнинг ихтиёрий мажбуриятлари тўғрисидаги халқаро кодексни ишлаб чиқишни таклиф этди.
Президент ушбу ташаббусни БМТ Бош Ассамблеясининг 75-сессиясидаги чиқишида илгари сурди.
“Мақсадимиз – ҳар бир инсоннинг асосий ҳуқуқ ва эркинликларини, саломатлиги ва фаровонлигини таъминлайдиган адолатли глобал тизимни биргаликда яратишдир. Бу борада биз Бирлашган Миллатлар Ташкилоти шафелигида Пандемиялар даврида давлатларнинг ихтиёрий мажбуриятлари тўғрисидаги халқаро кодексни ишлаб чиқишни таклиф этамиз. Ушбу ҳужжатда ҳар бир давлатнинг ўз фуқаролари ва халқаро ҳамкорлари олдидаги мажбуриятлари акс этиши лозим”, - деди Мирзиёев.
ЮНЕСКО бош директори Шавкат Мирзиёевнинг ташаббусини қўллаб-қувватлади
(Янгиланган 09:48 24.09.2020)
Одри Азуле Шавкат Мирзиёевнинг 2021 йилда Хивада халқаро маданий форум ўтказиш ташаббусини қўллаб-қувватлади. ТОШКЕНТ, 24 сен - Sputnik. ЮНЕСКО Ўзбекистон президенти Шавкат Мирзиёевнинг Хивада халқаро маданий форум ўтказиш ташаббусини қўллаб-қувватлади.
Шавкат Мирзиёевнинг БМТдаги чиқишидан сўнг ташкилот бош директори Одри Азуле ўз твиттерида Ўзбекистон президенти ташаббусини қўллаб-қувватлашини маълум қилди.
"Мен Президент Мирзиёевнинг 2021 йилда Хивада Марказий Осиё бўйича халқаро маданий форум ўтказиш ташаббусини мамнуният билан қабул қиламан", - деб ёзди Одри Азуле.
Эслатиб ўтамиз, Ўзбекистон президенти Шавкат Мирзиёев 22-23 сентябр кунлари бўлиб ўтган БМТ Бош Ассамблеясининг 75-сессиясида сўзлаган нутқида дунё ҳамжамияти эътиборини Оролбўйи ҳудудидаги экологик фалокатга қаратган эди.
Хусусан Ўзбекистон президенти Оролбўйи минтақасини экологик инновация ва технологиялар ҳудуди, деб эълон қилишни ҳамда 2021 йилда ЮНЕСКО билан ҳамкорликда қадимий Хива шаҳрида “Марказий Осиё жаҳон цивилизациялари чорраҳасида” деган мавзуда халқаро форумни ўтказишга тайёр эканлигини билдирган эди.
I welcome Pr Mirziyoyev’s initiative on hosting International Cultural Forum on Central Asia in Khiva in 2021. #culture https://t.co/Ke0QYHpwBi
— Audrey Azoulay (@AAzoulay) September 23, 2020