Автомобиль скорой медицинской помощи.

ССВ Ўзбекистонда менингит авж олгани ҳақидаги хабарларни рад этди

430
Сўнгги вақтларда турли ижтимоий тармоқларда мамлакатимизда аҳоли ўртасида менингит касаллиги кенг тарқалганлиги ҳақида хабарлар пайдо бўлмоқда. Ушбу ҳолат бўйича Соғлиқни сақлаш вазирлиги томонидан жойлардаги вазият юзасидан ўрганиш ишлари олиб борилди

ТОШКЕНТ, 14 мар - Sputnik. Ўзбекистон Соғлиқни сақлаш вазирлиги ижтимоий тармоқларда Ўзбекистонда менингит эпидемияси авж олгани ҳақида тарқалган хабарлар юзасидан расмий муносабатини билдирди, деб хабар қилмрқда Sputnik Ўзбекистон мухбири.

Сал олдин ижтимоий тармоқларда 21 ёшли фуқаро менингит хасталигидан вафот этгани ҳақида хабар тарқалган эди. Сабаби эса тиббий ёрдамга кеч мурожаат этганлиги билан боғлиқ.

"Бу касаллик мавсумий бўлиб, республикада учраб туради ва ҳар йили 5 тадан 10 тагача қайд этилиши мумкин. Жорий йилнинг ўтган даврида ҳаммаси бўлиб, 17 нафар фуқаро ушбу касалликда гумон қилинган. Уларнинг 6 нафарида лаборатория текшируви орқали касаллик тасдиқланган. Айни пайтда ўткир респиратор касалликлар яъни, фарингит, назофарингит каби хасталикларга чалинган фуқаролар орасида касалликни эрта аниқлаш бўйича тиббиёт ходимларининг хушёрлиги оширилган. Олиб борилган саъй-ҳаракатлар туфайли ушбу ҳолат  Соғлиқни сақлаш вазирлигининг тўлиқ назорати остида. Энг муҳими, менингит аҳоли ўртасида кенг тарқалмаган, эпидемик вазият барқарор", - дейилади вазирлик хабарида.

Аслида ушбу хасталикнинг эрта баҳор мавсумида учраб туриши табиий жараён бўлиб, шу кунларда аксарият Европа ва Ўзбекистонга қўшни бўлган давлатларда бир неча юзлаб одамларда ушбу касаллик қайд этилмоқда.

"Маълумки, кўпгина касалликлар қиш фасли тугаб, баҳор мавсуми кириб келиши билан авж олади. Шу боис Соғлиқни сақлаш вазирлиги касалликларнинг мавсумий кўтарилиш даври эканлигини ҳисобга олган ҳолда, аҳолидан ўз соғлиғига эътиборли бўлишларини, менингит ва шу каби касалликлар белгилари, яъни, тана ҳароратининг кўтарилиши, кучли бош оғриғи, қайт қилиш, томоқда ачишиш сингари клиник белгилар кузатилган ҳолатларда дарҳол тиббиёт ходимларига мурожаат этишларини сўраб қолади", – дейди вазирлик бош эпидемиологи, Республика эпидемиология, микробиология ва юқумли касалликлар илмий текшириш институти директори Нурмат Атабеков.

Шу ўринда у менингит хавфли касаллик эмаслигини қўшимча қилади. Агар у илк босқичларда аниқланса, ушбу хасталикдан осон фориғ бўлинади. Шунинг учун аҳолининг бундан хавотирга тушишига хожат йўқ.

Менингит хасталиги кузатилганда, биринчи навбатда, қандай чораларни кўриши керак?

Менингитнинг клиник белгилари кузатилганда, аввало, тезкорлик билан шифокорга мурожаат қилиши зарур. Асло ўзича даволанишга ҳаракат қилмаслиги, ўтиб кетар дея бефарқ бўлмаслиги лозим, дейди Соғлиқни сақлаш бош инфекционисти, Республика вирусология илмий-текшириш инситутити директори Эркин Мусабоев.

Шифокор профилактика мақсадида тавсия этган антибактериал дори воситаларини белгиланган миқдорда ва ўз вақтида истеъмол қилишга қатъий риоя этиши талаб қилинади.

Имкон қадар стационар шароитда даволаниш тавсия этилади. Ёки бўлмаса, беморни шифокор тавсияси билан алоҳида хонага ўтказиш, ишга, мактабга, умуман олганда, жамоат жойларига бормаслиги, жамоат транспортидан фойдаланмаслиги керак. Бу чоралар касалликнинг соғлом одамга юқушининг олдини олишда жуда муҳим. Чунки, менингит бир одамдан бошқа одам юққани сари кучайиб боради. Шу боис имкон қадар юқуш эҳтимоли бўлган ҳар бир ҳолатнинг олдини олишга ҳаракат қилишимиз талаб этилади. Яна бир муҳим жиҳат, яшаш жойларнинг ҳавосини мунтазам алмаштириш, хонани тез-тез артиб-тозалаш минингит касаллигининг олдини олишда жуда муҳим ўрин тутади.

430

Ўзбекистонда коронавирус: сўнгги хабарлар

738
(Янгиланган 22:58 01.06.2020)
Бугуннинг ўзида 22 нафар бемор тузалиб, реабилитацияга кузатилди. Республика бўйлаб жами соғайганлар сони 2 859 нафарга етди.

ТОШКЕНТ, 1 июн — Sputnik. Sputnik Ўзбекистон республикада коронавирус билан боғлиқ бўлган асосий хабарларни тўплади.
Бир сутка давомида 50 кишида коронавирус аниқланди, охирги маълумотларга кўра, Ўзбекистонда коронавирус инфекцияси қайд этилганлар сони 3 673 нафарни ташкил қилмоқда.

Даволаниш кўрсаткичи

Бугуннинг ўзида 22 нафар бемор тузалиб, реабилитацияга кузатилди. Жами соғайганлар сони 2 859 нафар.

Айни пайтда 799 нафар беморга белгиланган стандартлар бўйича даво чоралари кўрилмоқда. Аҳволи оғир —  8 нафар. Ўта оғир — 1 нафар.

Бозордаги янги ҳолат

“Ўрикзор"даги яна бир сотувчи ва Юнусободдаги дўкон сотувчиси, уларнинг оила аъзоларида коронавирус аниқланган. Жумладан, "Ўрикзор" савдо мажмуасида дўкон сотувчиси ва унинг қизида, шунингдек, сотиш учун маҳсулотларни ушбу савдо мажмуасидан олиб, Юнусобод туманида жойлашган дўконида фаолият кўрсатувчи сотувчи ва унинг турмуш ўртоғида ҳам  коронавирус тасдиқланган.

Хорижий давлатлардан ёрдам

Хитой Ўзбекистонга навбатдаги умумий оғирлиги 21,5 тоннадан (тиббий комбинезонлар, КН95 ниқоблари ва қўлқоплар) иборат бўлган инсонпарварлик ёрдамини юборди.  

Шунингдек, Ўзбекистоннинг Сеулдаги элчихонаси томонидан жалб этилган 97 минг 240 доллар миқдоридаги инсонпарварлик ёрдами Тошкентга етиб боради.

Ёрдам рўйхатидан замонавий шприцли насослар, 15 минг қадоқда антисептик воситалар, 12 дона тиббий кровать ва автоматик механизмга эга бўлган кўп функцияли кўрпалар жой олган.

Стикерсиз ҳаракатланиш

Бугундан бошлаб Самарқанд шаҳри ҳудуди бўйлаб стикерсиз ҳаракатланишга рухсат берилади. 

Қайд этилишича, автотранспорт воситаларининг махсус рухсатномасиз (стикерсиз) ҳаракатланишига фақатгина куннинг муайян вақтида (07:00 дан – 10:00 гача, 17:00 дан – 20:00 гача) рухсат берилади.

Фуқаролар автотранспортда иш жойига бориб-келиши, тиббий буюмлар, дори воситалари, озиқ-овқат ва биринчи галдаги маҳсулотларни харид қилиш учун ҳаракатланиши керак.

Дунё саломатлиги

COVID-19 дунёнинг деярли барча давлатга етиб борди. БССТнинг сўнгги маълумотларига кўра, дунёда янги коронавирус инфекциясини юқтириб олган кишиларнинг сони 5,9 миллиондан ошди, 367 минг киши вафот этди.

738
Новый детский сад открыли в Сергелийском районе Ташкента.

“Замин” фонди эшитиш қобилияти заиф болалар учун янги дастур тақдим этди

30
Лойиҳанинг мақсади — ўқитишнинг янги усулларини жорий этиш, мактаб-интернатлар инфратузилмасини такомиллаштириш.

ТОШКЕНТ, 1 июн — Sputnik. Халқаро болаларни ҳимоя қилиш кунида “Zamin” фонди мамлакатнинг ихтисослаштирилган муассасаларидаги беш минг нафарга яқин эшитиш қобилияти заиф ўқувчилар учун таълимни ривожлантириш дастурини тақдим этди.

Лойиҳанинг мақсади — ўқитишнинг янги усулларини жорий этиш, мактаб-интернатлар инфратузилмасини такомиллаштириш.

“Лойиҳа доирасида жарроҳлик амалиёти йўли билан ўқувчиларнинг эшитиш қобилиятини тиклаш устида иш олиб борилади. Бу дегани, соғлиғида муаммоси бўлган болалар меҳрибон онажониси, ғамхўр отасининг овозларини, атроф-борлиқдаги товушларни, мусиқа оҳангларини эшита олади, тўлақонли ҳаёт кечиради”, — деди Фонд васийлик кенгаши раиси Зироат Мирзиёева.

Дастур уч босқичдан иборат:

1. Ихтисослаштирилган мактаб-интернатларни замонавий ассистив ускуналар билан жиҳозлаш

Мактаблар халқаро стандартларга жавоб берадиган замонавий ассистив (қўшимча) ускуналар, жумладан, гуруҳ машғулотлари учун аудио-синфлар, индивидуал машғулотлар учун нутқ симуляторлари, келгуси таълим жараёнида фойдаланиладиган аудиометрлар ва стационар овоз кучайтиргичлари билан жиҳозланади.

2. Ўқитиш усулларини такомиллаштириш

Эшитиш қобилияти заиф болалар махсус мактабларидаги жорий ўқув дастурларини ҳар томонлама таҳлил қилиш режалаштирилган. Бунинг учун лойиҳа ташкилотчилари Ўзбекистон Халқ таълими вазирлиги билан ҳамкорликда етакчи халқаро экспертлик институтлари ва уларнинг мутахассисларини жалб қиладилар. Ихтисослаштирилган мактабларда замонавий ёрдамчи технологиялардан фойдаланган ҳолда таълим методикалари жорий этилади.

3. Мактаб ёшидаги болалар учун кохлеар имплантация

Дастурнинг муҳим қисми ҳар йили 30 нафар мактаб ёшидаги болаларга кохлеар имплантация жарроҳлик амалиётини бепул ўтказиш бўлади. Шунингдек, ушбу босқич кейинги реабилитацияни ўз ичига олади.

30