Пассажиры выходят из самолета узбекских авиалиний

Ўзбекистон ҳаво йўллари халқаро парвозлар вақти ўзгаришига изоҳ берди

186
Ҳиндистон, Малайзия ва Сингапурдан парвозларини давом эттиришни режалаштираётган йўловчиларга туташ парвозлар вақтини олдиндан мувофиқлаштириш кераклигини эслатилди.  

ТОШКЕНТ, 9 апр – Sputnik. Ўзбекистон ҳаво йўллари Ҳиндистон, Малайзия ва Сингапур йўналишида парвозлар вақти узайтирилишига изоҳ берди.

2019 йилнинг 27 февралида Покистон ҳаво ҳудудининг ёпилиши муносабати билан Ўзбекистон ҳаво йўллари ўзининг Амритсар, Дели, Мумбаи, Куала-Лумпур, Сингапур ва Бангкокга амалга оширилаётган доимий парвозлар йўналишини ўзгартиришга мажбур бўлди.

Одатда Афғонистон, Покистон ва Ҳиндистон ҳаво ҳудуди орқали учиб ўтадиган парвозлар Туркманистон, Эрон ва Оман устидан айланиб учишга мажбур бўлмоқда. Бу парвозлар нормал  вақтига 2-3 соат вақт қўшмоқда, - дейилган хабарда.

Айни дамда Амритсар, Дели ва Мумбаи йўналишидаги парвозлар Туркманистон, Эрон ва Оман ҳаво ҳудуди орқали ўтмоқда.

Куала-Лумпур, Бангкок ва Сингапурга амалга оширилаётган парвозлар эса Лаос, Хитой ва Қозоғистон ҳаво ҳудуди орқали ўтмоқда. Бу парвоз вақтини 1,5-2 соатга узайтирмоқда.

Ўзбекистон ҳаво йўллари ушбу вазият туфайли етказилган ноқулайликлар учун йўловчилардан узр сўрайди ва шундай ҳолат одатий жадвал тиклангунича сақланиб қолишини хабар қилади.

Шу билан бирга МАК, юқоридаги манзиллардан парвозларини давом эттиришни режалаштираётган йўловчилардан туташ парвозлар вақтини олдиндан мувофиқлаштириш кераклигини эслатиб қўяди.  

186
Девушка в защитной маске со смартфоном в руках - архивное фото

Коронавирусдан тузалганлардан ҳам ниқоб тақиб юриш талаб этилади штаб аъзоси

18
Ўзбекистонда коронавирусни бошдан кечирганларга ҳам карантин қоидаларига риоя қилган ҳолда ниқоб тақиб юришлари керак.

ТОШКЕНТ, 9 авг — Sputnik. Ўзбекистонда карантин қоидаларига риоя қилиш учун коронавирусдан тузалганлардан ҳам ниқоб тақиб юриши керак. Бу ҳақда АОКАдаги брифингда Коронавирусга қарши кураш штаби аъзоси Севара Убайдуллаева маълум қилди.

Штаб аъзосига касалликни енгил даражада ўтказган фуқаро энди кўчага тиббий ниқобсиз ҳам чиқсам бўлади деган савол билан юзланди. У шифокорлар даволангандан сўнг касалликка иммунитет ҳосил бўлишини айтишганини маълум қилган.

“Касалланиб тузалгандан сўнг иммунитет ҳосил бўлади, лекин бугунги кунда бизда карантин қоидалари бўйича ниқобсиз юриш мумкин эмас. Шунингдек, касалликдан тузалган бўлсангиз ҳам, ҳали организмингиз тикланмаган, тиббий ниқобсиз юриб бошқа юқумли касалликларга чалиниш имкониятингиз кучаяди ва сиз бошқа касаллик билан касалланишингиз мумкин”, - деди Убайдуллаева.

Шу боис тиббий ниқобни карантин қоидаларига риоя қилган ҳолда тақиб юриш талаб этилади.

Эслатиб ўтамиз, мамлакатда 25 мартдан жамоат жойларида ниқобсиз юриш тақиқланган. Ушбу ҳаракатни содир этган шахс 1 млн 115 минг сўм миқдорда жаримага тортилиши мумкин.

18
Студенты в аудитории

Энди контракт тўлай олмаган талаба ўқишдан четлатилмаслиги мумкин

61
Эндиликда контрактни тўлай олмамаган талаба ўқишдан четлатилмайди, балки курсдан-курсга қолдирилиши мумкин.

ТОШКЕНТ, 9 авг — Sputnik. Ўзбекистонда энди контракт тўлай олмаган талаба ўқишдан четлатилмаслиги мумкин. Бу ҳақда АОКАдаги матбуот анжуманида олий ва ўрта махсус таълим вазири Иномжон Мажидов маълум қилди.

Вазирнинг сўзларига кўра, агар талабанинг контрактни тўлашга қурби етмаса, олий ўқув юрти вазиятни ўрганиб чиқади. Кейин шу талабага ёрдам бериб, контрактни қоплаш чорасини кўради.

“Талаба эндиликда контрактни тўлай олмаса, у четлатилмайди, балки курсдан-курсга қолдирилиши масаласи кўриб чиқилади", - деди у.

Мажидов бунда ОТМ томонидан вазият тўлиқ ўрганилгач, қарор қабул қилишини қўшимча қилди.

Шунингдек, вазир 2020-2021-ўқув йилида контракт тўлови миқдори ўзгаришсиз қолишини маълум қилди.

61