"Саводхонлик байрами": Тошкентда ўтказилган "Оммавий диктант" акциясидан репортаж

348
Буюк, қудратли ва жуда мураккаб! Рус тилидан қай даражада билимга эга эканликларини бугун дунё бўйлаб икки юз мингдан зиёд одамлар синаб кўрдилар. Ўзбекистон пойтахти Тошкент шаҳрининг ўзида ушбу акцияда иштирок этишни истаганлар сони мингдан ошди ва хоҳловчилар учун 7та майдон ҳозирланди

ТОШКЕНТ, 13 апр - Sputnik, Дилшода Раҳматова. Бу йилги "оммавий диктант" тадбири - Россия тарихидаги энг кенг кўламли тадбирга айланди, десак муболаға бўлмайди. Чунки акция бепоён ўлка - Россия сарҳадларидан ташқарида ҳам катта қизиқиш қозона олди. Олтита континент, 79та давлатдан 200 мингдан ортиқ иштирокчилар бугун рус тилидан билимларини синаб кўрдилар.

Дунё бўйлаб жами 2,6 минг майдон тайёр ҳолатга келтирилган бўлса, Ўзбекистонда эса Тошкент, Наманган ва Нукус шаҳарларида ҳозирланган махсус майдонларда ушбу акцияда бевосита иштирок этиш мумкин эди.

Sputnik Ўзбекистон мухбирлари Тошкент шаҳридаги тайёр ҳолатга келтирилган 7та майдоннинг бири - Алишер Навоий номидаги ўзбек тили ва адабиёти университетида бўлиб, ушбу акцияда бевосита иштирок этдилар ҳамда бевосита тадбир иштирокчилари билан суҳбатда бўлдилар.

Рамиз Бахтияров
Акция "Тотальный диктант" прошла в Ташкенте

Диктант ёзиш учун университетга ташриф буюрганлар орасида мактаб ўқувчиларидан тортиб, пенсионерларгача бор эди.

Рамиз Бахтияров
Акция "Тотальный диктант" прошла в Ташкенте

Мендан олдинда рўйхатдан ўтиш учун навбатда турган кексароқ ёшдаги аёлдан қизиқиб сўрайман: "Сиз ҳам диктант ёзишга келдингизми?". "Албатта, ўтган йиллари ҳам иштирок этишни хоҳлаган эдим, бироқ насиб қилмаган эди. Бу йилдан нафақадаман, энди вақт топа оламан, шу учун бугун университетга келдим. Саводимни синаб кўрмоқчиман", деди табассум билан суҳбатдошим.

Рамиз Бахтияров
В "Тотальном диктанте" прошедшем в Ташкенте участвовали и молодежь и пенсионеры

Оператор Рамиз Бахтияров билан Университетда ҳозирланган икки аудиториянинг каттароғига, 150 иштирокчи тўпланган залга йўл оламиз. Тошкент вақти билан 13.00да муаллиф Павел Басинскийнинг бу йилги оммавий диктант учун махсус ёзилган матнини рус тили бўйича мутахассис, филолог Эльвина Алиева ўқиб эшиттиради.

Басинский томонидан ёзилган матн, бир қарашда осон туюлгани билан, аслида пунктуация жиҳатидан айёрона тузилган, қолаверса, рус тилини иккинчи тил сифатида ўрганаётган чет элликлар учун матнда нотаниш сўзлар ҳам учрайди.

Тошкентлик Антон Ракитский "Оммавий диктант" акциясида 4 йилдан бери қатнашиб келар экан.

"Албатта, бу вақт ичида диктант технологияси менга таниш бўлиб қолган. Шу боис, анъанага кўра, апрель ойи келиши билан, навбатдаги бор ўз саводхонлигимизни синаб кўриш учун, "Оммавий диктант" ўтказиладиган сана эълон қилинишини интиқлик билан кутамиз", - дейди у.

Рамиз Бахтияров
Житель Ташкента Антон Ракитский уже червертый год подряд участвует в акции "Тотальный диктант".

Антон бу йилги диктант матни борасида фикр билдирар экан, ҳар сафар матн эшитилганда, осон туюлишини, аммо ёзаётганда турли шубҳалар юзага келишини яширмайди.

"Аслида диктант матнини тузадиган муаллифнинг вазифаси ҳам шунда, яъни шундай мураккабликларни юзага келтириш ва матнга киритишда, токи ёзадиган одам фикрлаб, албатта у қўйган масалага жавоб топа олсин", - дейди у.

Яна бир иштирокчи - Юлдузнинг айтишича, ушбу саводхонлик акциясида икки йилдан буён иштирок этиб келади.

Рамиз Бахтияров
Юлдуз уже второй год подряд участвует в акции "Тотальный диктант"

"Менга бу лойиҳанинг ўзи жуда ёқади. Атрофга қаранг - турфа ёшдаги одамлар битта аудиторияга жамланган. Бу ниҳоятда таъсирли ва ажойиб! Қолаверса, ҳар сафар бу гал неччи олар эканман, деган қизиқиш устун келади. Ҳаётим давомида ҳеч бўлмаганда битта "2"ни олишга улгуришим керак-ку", - дея кулади суҳбат якунида суҳбатдош. Юлдузнинг айтишича, бу йилги матн ўтган йилгидан осонроқ бўлган, суҳбатдошим ўтган йилги диктант учун олган баҳосини айтишни хоҳламади.

Дарвоқе, бу йилги "Оммавий диктант" тадбири Ўзбекистонда мингдан зиёд иштирокчиларни жалб эта олди. Ташкилотчиларнинг айтишича, аҳоли томонидан рус тилига бўлган қизиқишнинг тобора ортаётгани уларни жуда хурсанд қилди.

Рамиз Бахтияров
Тошкентда диктант матнини ўқиб эшиттирган Эльвина Алиеванинг айтишича, ушбу акцияга Ўзбекистонда қизиқиш тобора ортмоқда

Ушбу акция якуни тахминан бир ойдан сўнг эълон қилинади, ғолиблар эсдалик совғалари билан тақдирланадилар.

348

Ўзбекистонда коронавирус: 2 июль асосий хабарлари

372
(Янгиланган 20:43 02.07.2020)
Бугуннинг ўзида 119 нафар бемор тузалиб, реабилитацияга кузатилди. Республика бўйлаб жами соғайганлар сони 5847 нафарга етди.

ТОШКЕНТ, 2 июл — Sputnik. Sputnik Ўзбекистон республикадаги эпидемиологик вазият тўғрисида асосий хабарларни тўплади.

Бир сутка давомида 325 кишида коронавирус аниқланди, Ўзбекистонда коронавирус инфекцияси қайд этилганлар сони 8996 нафарни ташкил қилмоқда.

Янги касалланиш ҳолатлари: 77 нафари Тошкент шаҳрида (шундан 30 нафари коронавирусга чалинганлар билан мулоқотда бўлиб, карантинга олинган фуқаролар орасида, 47 нафари аҳоли орасида), 4 нафари Тошкент вилоятида (барчаси аҳоли орасида), 8 нафари Сирдарё вилоятида (шундан 6 нафари коронавирусга чалинганлар билан мулоқотда бўлиб, карантинга олинган фуқаролар орасида, 2 нафари аҳоли орасида), 3 нафари Қашқадарё вилоятида (барчаси карантинга олинган фуқаролар орасида) аниқланган.

Даволаниш кўрсаткичи

Бугуннинг ўзида 119 нафар бемор тузалиб, реабилитацияга кузатилди. Республика  бўйлаб жами соғайганлар сони 5847 нафарга етди.

Айни пайтда 3122 нафар беморга белгиланган стандартлар бўйича даво чоралари кўрилмоқда. 18 нафар оғир, 7 нафар ўта оғир аҳволда.

РНК тест

Ўзбекистонда коронавирус РНКсини аниқлайдиган тест ишлаб чиқилди.

COVID-19 РНКсини ажратишга мўлжалланган диагностик тўплам ЎзР ФА Ўсимлик моддалари кимёси институти ходимлари томонидан ишлаб чиқилган. Таъкидланишича, унинг клиник синовлари Соғлиқни сақлаш вазирлиги лабораторияларида, шу жумладан, Санитария-эпидемиологик осойишталик агентлигининг махсус лабораториясида ўтказилган ва ижобий натижаларни кўрсатди.

Чегарада қолган фуқаролар

ТИВ Қозоғистон чегарасида тўпланган ўзбекистонликлар ҳақида баёнот берди. Қозоғистон чегарасида тўпланган ўзбекистонликлар масаласи Ўзбекистоннинг Москва ва Нур-Султон шаҳарларидаги элчихоналари, Қозон ва Ақтау шаҳарларидаги бош консулхоналари томонидан назоратга олинган.

Ўзбекистон Ташқи ишлар вазирлиги Оператив штаби ахборотига кўра, Россия-Қозоғистон чегараси “Маштаково” ва “Сагарчин” назорат-ўтказиш пунктлари яқинида Ўзбекистон фуқаролари тўплангани кузатилмоқда.

"Мазкур масала мамлакатимизнинг Москва ва Нур-Султон шаҳарларидаги элчихоналари, Қозон ва Ақтау шаҳарларидаги бош консулхоналари томонидан назоратга олинган, Россия ва Қозоғистоннинг ваколатли органлари билан музокаралар олиб борилмоқда", - дейилади хабарда.

ТИВ Оператив штаби ушбу вазият тўғрисида маълумотни Республика махсус комиссиясига киритди.

Шошилинч чоралар

“Жаҳон банки иштирокида “Ўзбекистонда коронавирус COVID-19 инфекциясига қарши шошилинч чоралар кўриш” лойиҳасини амалга ошириш чора-тадбирлари тўғрисида” президент қарори қабул қилинди. Қарор билан “Ўзбекистонда коронавирус COVID-19 инфекциясига қарши шошилинч чоралар кўриш” лойиҳаси параметрлари тасдиқланди.

Лойиҳанинг мақсади Ўзбекистонда коронавирус инфекциясига қарши шошилинч чоралар кўриш учун соғлиқни сақлаш тизимини мустаҳкамлаш, карантин тадбирлари амал қилиши даврида кам таъминланган оилалар ва ишсизларга вақтинчалик нафақалар бериш тизимини кенгайтиришдан иборат.

Лойиҳанинг умумий қиймати 106 757,1 минг долларни ташкил этади.

Дунё саломатлиги

Сўнгги маълумотларга кўра, инфекцияни юқтириб олган кишиларнинг сони 10,7 миллиондан ошди, 516 минг киши вафот этди. Энг кўп ҳолатлар АҚШда (2,6 млн), Бразилияда (1,4 млн), Россияда (653 минг).

372
Мавзу:
COVID-19 умумжаҳон пандемияси
Григорий Лукьянов

“Нозик ўйин”: эксперт АҚШнинг Ўзбекистон ва ЕОИИ ўртасидаги ҳамкорлигига муносабати ҳақида

337
(Янгиланган 20:06 02.07.2020)
Илгари Қўшма Штатлар Евроосиё интеграциясининг истиқболлари бўйича бир неча бор ишончсиз муносабат билдирган, ҳозир эса улар кутмоқда ва вазиятни кузатмоқда, деб ҳисоблайди сиёсат ва бошқарув департаменти (НИУ ВШЭ) катта ўқитувчиси Григорий Лукьянов.

"КоммерсантЪ" нашри ёзишича, АҚШ Давлат котиби Майкл Помпео ва Марказий Осиёнинг беш давлатидаги ҳамкасблари ўртасидаги музокаралардан сўнг, АҚШ Давлат департаменти АҚШнинг Марказий Осиё республикаларига таъсир ўтказиш учун Москва билан рақобат қилмаслигини кўрсатди. Хусусан, АҚШ Давлат департаменти Ўзбекистон ва Евроосиё иқтисодий иттифоқи ўртасидаги ҳамкорликка қарши эмас.

Сиёсат ва бошқарув департаменти (НИУ ВШЭ) катта ўқитувчиси Григорий Лукьянов АҚШ Давлат департаменти томонидан бир неча бор Евросиё интеграциясининг истиқболлари ва айрим давлатларининг, шу жумладан Марказий Осиёнинг ЕОИИдаги иштирокига шубҳа билан қараганини эслатди.

“Менимча, ҳозирги шароитда позиция тубдан ўзгармади. Ўзбекистон ЕОИИда кузатувчи давлат сифатида иштирок этмоқда. Ўйлайманки, АҚШ аввалгидек, ҳозирги пайтда авж олиб бораётган постсовет ҳудудидаги интеграция субъектлари билан яқинлашиш жараёни яқин орада сусайишини кутмоқда. Бу шароитда АҚШ яна бир бор "Биз айтгандик-ку", дея айтиши мумкин. Шунинг учун улар одатда кутилганидан ҳам нозикроқ ўйин олиб боришади. Улар расмий сиёсий мунозараларда Ўзбекистон раҳбариятига жиддий маънавий босим ўтказмайдилар. Кутишади ва вазиятни кузатиб боришади”, - деди эксперт.

Мутахассиснинг батафсил изоҳини Sputnik подкастида тинглашингиз мумкин.

"Тонкая игра": эксперт об отношении США к сотрудничеству Узбекистана и ЕАЭС
337
Мавзу:
Ўзбекистон ва ЕОИИ – интеграция истиқболлари