Для Узбекистана увеличена квота на обучение в магистратуре МИФИ

Ўзатом абтуриентлар учун муҳим хабар эълон қилди

383
(Янгиланган 11:57 28.05.2019)
Ўзатом МИФИнинг Тошкентдаги филиалига ҳужжатлар ва имтиҳонлар қачон топиширилишини хабар қилди.

ТОШКЕНТ, 28 май – Sputnik. “Ўзатом” агентлиги “Москва инженерлик-физика институти” (МИФИ) шу йили ёзда Тошкентда очилиши кутилаётган филиалига биринчи абитуриентлардан ҳужжатлар  қабул қилиш санасини эълон қилди, деб хабар берди муассаса матбуот хизмати.

Бакалавриатга қабул қуйидаги тўртта йўналиш бўйича амалга оширилади:

  • Ядро энергетикаси ва иссиқлик физикаси;
  • Ядро физикаси ва технологиялари;
  • Иссиқлик энергетикаси ва иссиқлик техникаси;
  • Электр энергетикаси ва электр техникаси.

Қабул комиссияси ишини 17 июнь куни Мирзо Улуғбек номидаги Ўзбекистон миллий университетининг “Физика факультети” биносида бошлайди. Ҳужжатлар 2 июлга қадар қабул қилинади.

Имтиҳонлар 3 июлдан 9 июлга қадар физика, математика ва рус тили бўйича ўтказилади. Имтиҳонлар россиялик мутахассислар томонидан ўтказилади. Жавоблар 12 июль куни эълон қилинади.

Энг юқори бал тўплаган 100 нафар талаба давлат гранти асосида ўқишга қабул қилиниб, бепул таълим олиш имкониятига эга бўладилар.

“Таълим жараёни Россия стандартларига асосан олиб борилади. Битирувчиларга Ўзбекистонда амал қиладиган, Россия намунасидаги дипломлар берилади. Барча битирувчилар “Ўзатом” агентлиги томонидан иш билан таъминланади”, - дейилган хабарда.

Янада батафсилроқ, маълумот олиш учун абитуриентлар МИФИнинг Ўзбекистондаги филиали сайтигга мурожаат қилишлари мумкин.

Эслатиб ўтамиз, Москва муҳандислик-физика институти филиали Мирзо Улуғбек посёлкасида, Хуросон 1 кўчасида жойлашган. Филиал 11та энг замонавий лабораториялар, ётоқхона, спорт мажмуаси  ҳамда библиотека билан жиҳозланади.

383
Санитарная обработка на улицах Ташкента

Ўзбекистонда 1 июндан нималарга рухсат берилади?

996
(Янгиланган 13:03 30.05.2020)
Масалан, яшил ҳудудларда санаторийлар, пансионатлар, болалар оромгоҳлари, меҳмон уйлари, бошқа дам олиш масканлари ва жойлаштириш воситалари фаолиятига рухсат терилади. Батафсил материалимизда ўқинг

ТОШКЕНТ, 30 май - Sputnik. Ўзбекистонда амалдаги карантин талаблари 2020 йил 15 июнга қадар узайтирилди. Бу ҳақда Республика махсус комиссияси ахбороти эълон қилинди.

Шу билан бирга 2020 йил 1 июндан бошлаб қуйидаги фаолият турларига ҳам рухсат берилмоқда:

"қизил" ҳудудларда: риэлторлик фаолияти; реклама ва маркетинг фаолияти; 

"сариқ" ҳудудларда "қизил" ҳудудларга қўшимча равишда:

➖ автомототранспорт воситалари ҳайдовчиларини тайёрлаш ва қайта тайёрлаш билан шуғулланувчи ташкилотлар фаолияти (бунда, назарий машғулотлар масофадан туриб (онлайн) ўқитиш орқали амалга оширилиши, амалий машғулотлар эса санитария талабларига қатъий риоя қилган, шу жумладан, тиббий ниқоб, тиббий қўлқопдан фойдаланган ҳамда автотранспорт воситаларини дезинфекция қилган ҳолда ташкил қилиниши лозим);

➖ давлат ташкилотларида аутсорсинг асосида овқатланиш хизматларини кўрсатувчи тадбиркорлик субъектлари фаолияти;

"яшил" ҳудудларда "сариқ" ҳудудларга қўшимча равишда:

➖ санаторийлар, пансионатлар, болалар оромгоҳлари, меҳмон уйлари, бошқа дам олиш масканлари ва жойлаштириш воситалари фаолияти (хостеллар бундан мустасно);

➖ спорт секциялари, тўгараклари, спорт заллари ва фитнес клублар фаолияти;

➖ оилавий тантана, тўй, маърака ва маросимларни ўтказиш.

Бунда оилавий тантана, тўй, маърака ва маросимларни фуқароларнинг уй-жойи ва ҳовлисининг ўзида 30 кишидан кўп бўлмаган (фақат яқин қариндошлар ва ушбу туман ҳудудида истиқомат қилувчи бошқа қариндошлар) ҳамда санитария ва гигиена талабларига қатъий риоя этган ҳолда ўтказишга рухсат берилади.

Ўз навбатида карантин даврида оилавий тантана, тўй, маърака ва маросимларни ўтказишнинг белгиланган талабларини бузган шахслар эпидемияларга қарши кураш қоидаларини бузганлик учун маъмурий жавобгарликка тортилади.

Барча ҳудудларда уларнинг тоифасидан қатъи назар қуйидаги карантин талаблари сақлаб қолиниши белгиланди:

☑️жамоат жойларида ижтимоий масофа (2 метр)ни сақлаш;

☑️уч кишидан ортиқ йиғилмаслик, фуқароларнинг тиббий ниқобдан ҳамда антисептик воситаларидан фойдаланиши;

☑️таълим ташкилотлари (боғча, мактаб, лицей, коллеж, техникум, институт, университет ва бошқалар), ўқув курслари фаолиятини йўлга қўймаслик;

☑️кўнгилочар объектлар – тунги клублар, дискотека, ресторан, кафе, ошхона, чойхона, спа ва массаж салонлар, караоке, бильярд заллари, чилим (кальян) ва компьютер ўйинлари марказлари фаолиятига йўл қўймаслик;

☑️концерт, театр, кинотеатр ва спорт тадбирларини (профессионал футбол клублари ўқув машғулотлари ва Ўзбекистон профессионал футбол лигаси чемпионатлари бундан мустасно) ўтказмаслик;

☑️жамоат транспорти ҳаракатига рухсат бермаслик;

☑️буюм бозорлари фаолиятига рухсат бермаслик;

☑️деҳқон, қурилиш бозорлари, озиқ-овқат ва ноозиқ-овқат савдо нуқталари (супермаркет ва бошқа йирик дўконлар) кириш-чиқиш жойларини пирометрлар ва антисептик воситалар билан жиҳозлаш ҳамда ҳар бир фуқаронинг тана ҳароратини ўлчаб, 37 °С ва ундан юқори бўлган ҳолатда, ушбу мажмуаларга киритмаслик чораларини кўриш;

☑️барча ташкилотлар кириш-чиқиш жойларини пирометрлар, антисептик воситалар ва дезинфекцион “тўшак”лар билан таъминлаш ҳамда ходимлар томонидан ижтимоий масофа (2 метр)ни сақлаган ҳолда фаолият юритишини таъминлаш;

☑️қурилиш-таъмирлаш ишларида объектларнинг ҳудуди тўлиқ карантинга олиниши ва ҳудудий санитария-эпидемиология осойишталик марказлари билан биргаликда объектларда санитария-гигиена тадбирларининг амалга оширилиб борилиши. Бунда, ушбу ташкилотларнинг фаолият олиб бориш даврида санитария ва гигиена қоидаларига тўлиқ риоя қилиш, ўз фаолиятини фақатгина тегишли объект ҳудуди доирасида ташкил этиш.

996

Ўзбекистонда коронавирус: 29 май асосий хабарлари

801
Бугуннинг ўзида 34 нафар бемор тузалиб, реабилитацияга кузатилди. Республика бўйлаб жами соғайганлар сони 2 728 нафарга етди.

ТОШКЕНТ, 29 май — Sputnik. Sputnik Ўзбекистон республикада коронавирус билан боғлиқ бўлган асосий хабарларни тўплади.

Бир сутка давомида 31 кишида коронавирус аниқланди, охирги маълумотларга кўра, Ўзбекистонда коронавирус инфекцияси қайд этилганлар сони 3 468  нафарни ташкил қилмоқда.

Даволаниш кўрсаткичи

Бугуннинг ўзида 34 нафар бемор тузалиб, реабилитацияга кузатилди. Жами соғайганлар сони  2 728 нафар.

Айни пайтда 731 нафар беморга белгиланган стандартлар бўйича даво чоралари кўрилмоқда.

Навоий – кучли карантинда

Навоийда карантин қоидалари кучайтирилди. Юқори малакали шифокор-олимлар, эпидемиолог, инфекционист, оториноларинголог, реаниматолог, пульмонолог, хирург ҳамда врач-лаборант каби қатор  мутахассислардан иборат махсус гуруҳ вилоятга юборилди.

Ҳудудда карантин қоидаларини янада  кучайтириш мақсадида Давлат хавфсизлик хизмати, Миллий гвардия, Ички ишлар, прокуратура  ходимлари билан биргаликда коронавирус инфекцияси тарқалишининг олдини олиш, беморларни даволаш ҳамда карантиндаги фуқароларни тиббий кузатувга олишни янада самарали йўлга қўйиш борасида изчил фаолият олиб борилмоқда. Эпидемик вазиятдан келиб чиқиб, асосий учоқ бўлмиш, Зарафшон шаҳри “қизил” ҳудуд тоифасига киритилган.

Вилоятнинг яна қатор туман ва шаҳарларида ҳам юзлаб фуқаролар уй ва стационар карантинга олиниб, қатъий тиббий кузатувга олинган.

Яна бир “қизил” туман

Бухоро вилоятининг Шофиркон тумани "қизил" ҳудудга киритилди ва 28 майдан ушбу ҳудудга кириб-чиқиш тўхтатилди.

27 май куни Шофиркон туманида битта оилага мансуб 7 нафар фуқарода короновирус инфекцияси аниқланганди. Беморлар билан мулоқотда бўлганлардан дастлабки тест намуналари олинмоқда.

Ички туризм

Ўзбекистонда 1 июндан ички туризм фаолияти қайта тикланишни бошлайди. Белгиланган санитария-гигиена меъёрлари ва талабларига қатъий риоя этган ҳолда 2020 йилнинг 1 июнидан “яшил” ва “сариқ” тоифадаги ҳудудларда ички туризмни қайта йўлга қўйиш билан биргаликда ёндош ташкилотларнинг (туроператорлар, турагентликлар, жойлаштириш воситалари, маданият ва маданий мерос объектлари ҳамда бошқалар) фаолиятини бошланади.

Дунё саломатлиги

COVID-19 дунёнинг деярли барча давлатга етиб борди. БССТнинг сўнгги маълумотларига кўра, дунёда янги коронавирус инфекциясини юқтириб олган кишиларнинг сони 5,59 миллиондан ошди, 353 минг киши вафот этди. Жонс Хопкинс университети маълумотларига кўра, 5,81 миллион киши коронавирус инфекциясини юқтириб олди, вафот этган сони эса 360 минг киши.

801
Председатель Госсовета Корейской Народно-Демократической Республики Ким Чен Ын

Ким Чен Ин эрта ёшдаги интим алоқаларни давлатга хиёнатга тенглаштирди

370
КХДР етакчисига кўра, мактаб ўқувчилари таъқиқланган материаллар ёки кераксиз сайтларга киришмаётганини назорат қилиш учун уларнинг телефонлари ёки бошқа қурилмаларини текшириб бориш зарур

ТОШКЕНТ, 30 май - Sputnik. Шимолий Корея етакчиси Ким Чен Ин ўсмирлар ўртасидаги интим алоқалар туфайли "маънавиятсизлик тобора ўсиб бораётгани" ҳақида гапирди. Бу ҳақда argumenti.ru хабар берган.

Бундан ташқари, у, эрта содир бўладиган жинсий алоқаларни давлатга хиёнатга тенглаштирди. Ёш йигит-қизларнинг бу сингари ўзини тутиши "душманларга жамиятимизни пораканда қилишда қўл келмоқда", дейди КХДР етакчиси.

New York Post нашрида ёзилишича, Ким Чен Ин буларнинг барчасида капитализм ва порнография айбдорлигини, айнан шу туфайли ўсмирлар бузилиб кетганини қайд этган.

"Сўнгги вақтларда катта синф ўқувчилари ахлоқсиз сексуал оғишларда тобора кўпроқ иштирок этмоқда ва Корея ишчи партияси Марказий қўмитаси уларга қарши қатъий чоралар кўриш бўйича директива нашр этди", - деб баёнот қилган Шимолий Корея етакчиси.

Ҳужжатга кўра, ота-оналар ва мактаб раҳбарияти "тарбиясиз ёшлар учун" жавобгар бўладилар.

Ким Чен Ин "жинсий ахлоқсизлик" ўсишини тўхтатиш йўли ҳақида ҳам фикр билдирган. КХДР етакчисига кўра, мактаб ўқувчилари таъқиқланган материаллар ёки ножоиз сайтларга кирмаётганини назорат қилиш учун уларнинг телефонлари ёки бошқа қурилмаларини мунтазам текшириб бориш зарур.

370