Молодые люди целуются

Энг бахтли одамлар тоифасига кимлар киради - британиялик олим тадқиқоти

511
(Янгиланган 13:48 30.05.2019)
Турмушга чиқмаган ва фарзандсиз аёллар жамиятда энг бахтли одамлар - профессори Пол Долан.

ТОШКЕНТ, 29 май – Sputnik. Турмушга чиқмаган ва фарзандсиз аёллар жамиятда энг бахтли одамлар экан, буни Лондон иқтисодиёт ва сиёсий фанлар мактаби профессори Пол Долан маълум қилди. "Известия" хабарига асосан.

Британиялик олим АҚШда ўтказилган ижтимоий сўров натижаларига асосан ушбу хулосага келган.

Тадқиқотда маълум бўлишича, турмушга чиққан аёлларнинг кўпчилиги турмуш ўртоғи ёнида бўлган пайтда, бахтли эканини айтишади.

Агар улар ёлғиз қолиб саволларга жавоб берганда, биринчи навбатда турмуш ва ўзаро муносабатлардаги қийинчиликлардан шикоят қилишди.

Олим фикрига кўра, турмушга чиқмаган ва фарзандсиз аёллар айнан шунга ўхшаган муаммолар бўлмаганлиги туфайли улар бахтли.

Аммо оила қуриш - муваффақият белгиси ҳисобланган жамиятда унинг босими остида ёлғиз аёлларда бахтли бўлиш ҳиссини камайтиради.

Таъкидланишича, асосан оила қуришдан кўпроқ эркаклар фойда кўради, улар тўғри ҳаёт, камроқ хавф-хатарга тушиш ва кўпроқ пул топишга ҳаракат қилади.

Аёллар эрга тегишдан камроқ фойда кўради, чунки уларда турли ташвишлар кўпаяди. Шу сабабли, олим ёлғиз аёллар турмушга чиққан аёлларга қараганда кўпроқ умр кўради деб ҳисоблайди.

511

Бир неча соат ичида иккинчи пойтахтлик коронавирусдан вафот этди

537
(Янгиланган 18:50 05.07.2020)
Ўзбекистонда 33-бемор коронавирус қурбонига айланди. Бу кун давомида кузатилган иккинчи ўлим ҳисобланади.

ТОШКЕНТ, 5 июл — Sputnik. Ўзбекистонда коронавирус қурбонлари сони 33 нафарга етди.

ССВ хабарига кўра, Тошкентда 45 ёшли эркак коронавирусдан вафот этди. Унда бир неча кун давомида коронавирус аломатлари сезилиб, тана ҳароратининг кўтарилиши, томоғида оғриқ ва ҳолсизлик кузатилган.

Аммо шундай  бўлишига қарамасдан у шифокорга ўз вақтида мурожаат қилмай, уй шароитида даволаниб юрган.

Натижада шу йилнинг  30 июнь куни  Тошкент шаҳар тез тиббий ёрдам шифохонасига ўта оғир ҳолатда, ўткир нафас етишмовчилиги билан олиб келиниб, жонлантириш бўлимига ётқизилган.

Беморга юрак ишемик касаллиги, ўткир юрак ва нафас  етишмовчилиги, икки томонлама пневмония дастлабки ташхиси қўйилган.

Бироқ шифокорларнинг муолажаларига қарамасдан бемор ўткир юрак-қон томир ва ўпка етишмовчилигидан вафот этди.

Эслатиб ўтамиз, бироз аввал пойтахтлик 71 ёшли онахон коронавирусдан вафот этгани хабар қилинган эди.

537
Теглар:
карантин, беморлар, Тошкент, коронавирус
Контрольно-пропускной пункт на границе Казахстана

ТИВ: рус-қозоқ чегараси ёпиқ, фирибгарларга ишонманг!

250
(Янгиланган 18:51 05.07.2020)
Сўнгги вақтларда ижтимоий тармоқларда Россия ва Қозоғистон ўртасидаги чегара очилгани ҳамда Россиядаги Ўзбекистон фуқаролари Қозоғистон ҳудуди орқали ватанга қайтишлари мумкинлиги ҳақидаги ёлғон хабарлар тарқалмоқда.

ТОШКЕНТ, 5 июл — Sputnik. Ўзбекистон Ташқи ишлар вазирлиги Россиядаги фуқароларга мурожаат қилди.

Вазирлик матбуот хизмати хабарига кўра, сўнгги вақтларда ижтимоий тармоқлар ва мессенжерларда чегара очилгани ва ватанга қайтиш мумкинлиги ҳақидаги ёлғон хабарлар тарқалмоқда.

“Бундан ташқари, йўловчи ташиш билан шуғулланадиган айрим шахслар Россия-Қозоғистон чегарасига одамларни етказиб қўйиш ва чегарани кесиб ўтишда “ёрдам бериш”ни ваъда қилиб турли эълонлар тарқатмоқдалар. Элчихона ватандошларимиздан бу каби ёлғон хабарларга ишонмасликларини сўраб қолади”, - дейилган хабарда.

Фуқароларга Россия, Ўзбекистон ва Қозоғистонда жорий қилинган карантин чоралари, шу жумладан мамлакатларга кириш бўйича чекловлар ўз кучида қолаётгани яна бир бор эслатилган.

Шу кунларда Самара вилоятидаги Болшая Черниговка қишлоғи, Оренбург вилоятидаги Бузулук тумани ва Сол-Илецк шаҳрида Ўзбекистон фуқароларининг яна тўпланиши кузатилмоқда. Уларнинг кўпчилиги, ёлғон хабарларга ишониб, Россиянинг турли ҳудуларидан келган ва Қозоғистон орқали Ватанимизга қайтиш истагинини билдирмоқда.

Коронавирус инфекцияси пандемияси тарқалаётган бир пайтда фуқалорнинг бир жойда тўпланиши уларнинг вирус билан касалланиш эҳтимолини кескин оширади.

Россия ҳудудидаги ватандошлардан турли ёлғон хабарлар ва миш-мишларга ишонмаслик, Россия-Қозоғистон давлатлараро чегара пунктларига боришга уринмаслик, ҳозирги яшаш жойларида қолиб, карантин чораларига қатъий риоя қилишларини сўралган.

Эслатиб ўтамиз, жорий йилнинг 6 июлдан 19 июль кунлари давомида хориждаги фуқаролар 19 та рейс орқали ватанга қайтарилади. Навбатдаги чартер рейслариинг жадвали қуйида.

250
Теглар:
ТИВ, карантин, коронавирус, мигрантлар, чегара, Ўзбекистон, Қозоғистон, Россия
Двое задержаны при приготовлении наркотическо средства

Қабристон ёнида гиёҳванд моддасини тайёрлаган икки йигит қўлга тушди

261
Икки йигит Юқори Чирчиқ туманидаги қабристон ёнида наша ўсимлигига ўхшаш гиёҳвандлик моддасини қозонда қовураётган вақтда ушланди.

ТОШКЕНТ, 5 июл — Sputnik. Тошкент вилоятида гиёҳванд моддасини тайёрлаган икки йигит қўлга тушди.

ИИВ ҳузуридаги Тергов департаменти хабарига кўра, 27 июнь куни Юқори Чирчиқ тумани ИИБ ходимлари “Қора дори-2020” тадбирини ўтказган. Унда 22 ёшли Б.Ш. ва С.И.лар Юқори Чирчиқ тумани Балиқчи маҳалласидаги қабристон ёнида жойлашган дала майдонида наша ўсимлигига ўхшаш гиёҳвандлик моддасини қозонда қовураётгани аниқланган.

Судга оид кимёвий экспертизаси хулосасига кўра, олинган  модда гиёҳвандлик воситаси. У вазни 1506 грамм бўлган марихуана. 

Тергов ҳаракатлари давомида Б.Ш. ва С.И.лар ушбу  гиёҳвандлик воситасини ўзлари бир ҳафта давомида истеъмол қилишлари учун тайёрлаётганликлари аниқланган.

Жиноят кодексининг 276-моддаси 2-қисми “а” банди билан жиноят иши қўзғатилган.

Тергов ҳаракатлари олиб борилмоқда.

261
Теглар:
гиёҳванд моддалар, Тошкент вилояти