Келгусида иш ҳафтаси тўрт кун бўлиши мумкин Медведев

841
(Янгиланган 18:51 11.06.2019)
Россия бош вазири Дмитрий Медведев тўрт кунлик иш ҳафтаси истиқболлари ҳақида сўзлади.

ТОШКЕНТ, 11 июн – Sputnik. Россия бош вазири Дмитрий Медведев Халқаро меҳнат конференциясида нутқ сўзлади. Бу ҳақда РИА Новости хабар қилди.

Унинг сўзларига кўра, иш ҳафтаси тўрт кун бўлиши мумкин.

“Технологик жараён нафақат иш ўринларни, балки иш вақтини ҳам қисқартирилишига олиб келмоқда. Ҳордиқ учун вақт кўпайишига олиб келмоқда. Эҳтимол, келажакда тўрт кунлик иш ҳафтаси ижтимоий-меҳнат шартномасининг асоси бўлади”, - деди Медведев.

Бош вазир, юз йил аввал Генри Форд иш ҳафтасини 48 соатдан 40 соатга қисқартиришга қарор қилгани ва бу меҳнат унумдорлигининг сезиларли даражада кўпайишига олиб келганини эслатди.

Медведев яна бир янги мисолни келтирди: Янги Зеландияда компания ўз ходимлари учун тўрт кунлик иш ҳафта ва уч кун тўланадиган дам олиш кунлари тартибини жорий этди. Натижада ишлаб чиқариш самарадорлиги бир соат вақтга ҳисобланганда 20 фоизга кўпайди, ходимларнинг стресс даражаси анча камайди.

Бош вазирнинг ўринбосари Татьяна Голикова конференция журналистларга бу масала бўйича изоҳ берди.

Унинг сўзларига кўра, тўрт кунлик иш ҳафтасига ўтиш меҳнат қонунчилигида жиддий ўзгартириш киритиш талаб қилади. Шунингдек, ижтимоий кафолат масаласини таҳлил қилиш керак.

841
Логотип Всемирной организации здравоохранения (ВОЗ). Архивное фото

ЖССТ: кўп давлатлар COVID га қарши курашда нотўғри йўлдан кетишмоқда

158
Халқаро ташкилот раҳбари Тедрос Адҳаном Гебрейесуснинг яқин келажакда дунё нормал ҳаётга қайтмаслигига ишончи комил.

ТОШКЕНТ, 14 июл - Sputnik. Жаҳон соғлиқни сақлаш ташкилоти (ЖССТ) раҳбари Тедрос Адҳаном Гебрейесус коронавирус пандемиясига қарши курашда жуда кўп мамлакатлар “нотўғри йўлни” танлаганини маълум қилди.

Бироқ у гап қайси мамлакатлар ҳақида бораётганига ойдинлик киритмаган. ЖССТ раҳбари яқин келажакда дунё нормал ҳолатга қайтолмайди деб ҳисоблайди.

“Агар миллий ҳукуматлар фуқароларга инфекцияга чалинишлар сонини камайтириш ва одамларнинг ҳаётини сақлаб қолиш учун қандай стратегияга амал қилиш кераклигини аниқ тушунтирмасликни давом этса, агар аҳоли вирусга қарши курашнинг асосий қоидаларига (қўлларни ювиш, ниқоб тақиш) риоя қилмаса, бизни пандемия бўйича биттагина сценарий кутмоқда - вазият ёмонлашади”, - деди Гебрейесус.

Янада кўпроқ давлатлар ва минтақалар янги COVID-19 авж олишини қайд этиб, илгари бекор қилинган карантин чораларини қайта жорий этмоқда. Бироқ, ЖССТ раҳбари ҳамма ҳам навбатдаги ўзини ўзи яккалашга тайёр эмаслигини таъкидлади.

Эслатиб ўтамиз, куни кеча ЖССТ бир сутка давомида 230 мингта коронавирус билан касалланиш ҳолатини қайд этди. Бу навбатдаги антирекорд саналади.

158
Грузовики на границе

Тожик-ўзбек чегарасида юзлаб юк машиналари тўхтаб қолди

118
(Янгиланган 16:55 14.07.2020)
Ҳайдовчиларни коронавирусга текшириш амалиёти жорий этилиши Ўзбекистон - Тожикистон чегарасида бир неча километрли тирбандликка олиб келди - ОАВ.

ТОШКЕНТ, 14 июл - Sputnik. Ўзбекистон Тожикистон чегарасида коронавируснинг тарқалиши туфайли юзлаб юк машиналари тўхтаб қолди, дея хабар беради Pars Today ахборот агентлиги.

Хусусан, "Ойбек" назорат-ўтказиш пунктида жиддий вазият юзага келди. Таъкидланишича, транспортнинг тўхтатилиши ҳайдовчиларни коронавирусга текширилиши билан боғлиқ - ҳайдовчилар натижа эълон қилинишини бир неча кун кутишларига тўҳри келмоқда.

“Ҳар куни ҳар бир ҳайдовчи озиқ-овқатга 100 минг сўм (тахминан 10 АҚШ доллари) атрофида сарфлайди. Натижада сафарга рухсат олганларнинг кейинчаликка шахсий эҳтиёжлари учун пуллари қолмай қоляпти. Бундан ташқари, чегара постида юк машиналари туриши учун ва дам олиш жойлари йўқ. шу сабабли, ҳайдовчилар машина ичида ухлашларига тўғри келяпти, бу эса чидаб бўлмас иссиқлик туфайли мураккаблашмоқда”, - дея тушунтирди манба.

Оғир юк машиналари ҳайдовчилари сўзларига кўра, шифокорлар бир неча кундан бери коронавирус тестлари маълумотларини беролмаяпти. Куни кеча беш кун олдин текширувдан ўтган 30 кишининг таҳлиллари натижалари ҳақида маълум бўлди. Шу билан бирга, баъзи ҳайдовчиларда инфекция тасдиқланди.

“Улар бизга ниқоб тақишни ва ижтимоий масофани сақлашни маслаҳат беришади, аммо бундай навбатларда биз ҳаммамиз коронавирусни юқтириб олишимиз мумкин”, - дея хулоса қилди тожик-ўзбек чегарасида қолиб кетган ҳайдовчилардан бири.

118
Строительство Амурского газоперерабатывающего завода

Амур вилоятида ишчилар маошидан 14 миллион ушлаб қолингани аниқланди

7
(Янгиланган 18:58 14.07.2020)
Амур вилояти прокуратураси 13 май куни бўлиб ўтган тартибсизликларни текшириш давомида иш берувчи томонидан ишчилар маошидан катта матбағ ушлаб қолинганини аниқлади.

ТОШКЕНТ, 14 июл - Sputnik. Амур газни қайта ишлаш заводи қурилишида содир бўлган тартибсизликлар юзасидан прокуратура текширувлари давом этмоқда. Корхонаги вилоят прокурори Руслан Медведев етиб келган ва ишчилар ҳуқуқи бузилиши ҳолатини ўрганмоқда, деб хабар қилмоқда Вилоят прокуратураси. 

Текширув натижасида аниқланишига кўра, Газни қайта ишлаш заводининг пудратчиси бўлган ва ишчиларни ёллаган "Ренейсанс Хэви Индастрис" МЧЖ томонидан бир қатор қонунбузарликларга йўл қўйилгани аниқланган: 

  • Хусусан, корхона бир томонлама тартибда 2 ойлик патент тўловларини тўлаш мақсадида ишчилар маошидан жами 14,4 миллион рубл ушлаб қолган. 
  • Иккинчидан, "Ренейсанс Хэви Индастрис" таклиф қилинган хорижий ишчилар учун моддий ва маиший шароит яратмагани ва Россияда бўлиш тартиб-қоидалари бузилишга йўл қўйган. 
  • Ундан ташқари, Свободненск шаҳар прокуратураси қурилиш объектида иштирок этаётган пудратчи ташкилотлар раҳбарларига нисбатан меҳнат ва миграция қонунларини бузишда айблов билан чиқди.

Шунингдек, оммавий тартибсизликларда иштирок этган ишчиларга нисбатан Россия ЖКнинг "Безорилик" ва "Оммавий тартибсизликларда иштирок этиш" бандларига мувофиқ жиноят ишлари ҳам прокуратура назорати остига олинган.

Эслатиб ўтамиз, Амур вилоятидаги Газни қайта ишлаш заводи қурилишида ишлаётган меҳнат мигрантлари 13 май куни оммавий тартибсизликлар уюштиришган эди. Хусусан улар иш берувчининг бир неча автомобилларини ағдариб ташлаган ва офисларини вайрон қилгани ҳақида видеолар ижтимоий тармоқларда тарқалган эди. 

Бугун Россиядаги Ўзбекистон бош консули вазиятни ўрганиш ҳамда Ўзбекистон фуқароларининг манфаатларини ҳимоя қилиш мақсадида воқеа жойига етиб борганини хабар қилган эдик. 

 

7