Председатель Творческого Союза Журналистов Узбекистана Саъдулла Хакимов

“Замон ўзгармоқда” - Саъдулла Ҳакимов блогерлар ва миллий ОАВ муаммолари ҳақида

199
(Янгиланган 15:12 17.06.2019)
Ўзбекистон журналистлар ижодий уюшмаси раиси Саъдулла Ҳакимов ОАВнинг бош вазифаси, блогерлар ҳамда глобаллашув жараёнида журналистлар касбий биродарлиги аҳамияти ҳақида гапирди.

ТОШКЕНТ, 17 июн – Sputnik. Глобаллашув жараёнлари тобора кучаяётган ҳозирги жараёнда оммавий ахборот воситалари, жумладан, журналистларнинг яқин ҳамкорлиги, касбий биродарлиги, холислиги янада муҳим аҳамият касб этмоқда. Журналистлар қўлни қўлга берса, эзгу ғоялар атрофида бирлашса, дунё бирлашади, деди бугун ўтказилган “Миллатлараро муносабатларни мустаҳкамлашда ОАВ роли” анжуманида Ўзбекистон журналистлар ижодий уюшмаси раиси Саъдулла Ҳакимов.

Sputnik Ўзбекистон мухбири хабари асосида.

Ҳакимовнинг айтишича, бугун оммавий ахборот воситалари замонга мос шиддат билан ривожланиб бормоқда.

“Ҳатто бўлиб ўтаётган жараёнларни еткизиб улгуролмаяпмиз, айрим хабарлар ҳали журналистнинг оғзидаёқ эскириб қоляпти”, - дейди у.

Фуқаролик журналистикаси деган бир тушунчалар пайдо бўлаётгани, хусусан блогерлар фаолияти ҳақида тўхталди.

“…Электрон оммавий ахборот воситалари тармоғи тобора кенгайиб бормоқда. Журналистларнинг янги замон тарбиясини олаётган беҳаловат авлоди майдонга кириб келаяпти. Блогерлар ўзларини кўрсатаяпти. Қачон бор эди блогер дегани? Блогерлик – эркинликнинг дастлабки ифодаси. Лекин буни маданияти, маънавияти (бўлиши керак эмасми), жамиятга қандай сўз айтиш керагу, қандай сўзни айтмаслик керак? Ҳатто энг оддий оилада ҳам айтиладиган ва айтилмайдиган сўз бор. Ўша айтиладиган сўз фарзанд тарбиясига ижобий таъсир вилади, айтилмайдиган сўз, уни ёмон йўллардан, бало-қазодан асрайди”, - дейди Ҳакимов.

Журналистлар уюшмаси раиси ўз нутқи якунида журналист биринчи бўлиб хабар етказишнигина эмас, балки ўзи билдираётган хулосанинг қонунга қанчалик мос эканлигига ҳам эътибор қаратиши лозимлигини эслатиб ўтди ва дунёга неча-неча буюк сиймоларни берган халқнинг ўз журналистикаси бўлиши кераклигига эътибор қаратди.

199
Пожилой узбек в Самарканде. Узбекская ССР

Кексалар муаммолари билан Нуронийлар кенгашлари шуғулланади

13
(Янгиланган 13:01 28.05.2020)
Кексаларни қўллаб-қувватлаш, пенсионерлар, ногиронлар ва бошқаларга тааллуқли муаммолар бўйича таклифлар ишлаб чиқиш - Нуронийлар жамоатчилик кенгашларининг асосий вазифалари ҳисобланади.

ТОШКЕНТ, 28 май - Sputnik. Кексалар муаммолари билан Нуронийлар жамоатчилик кенгашлари шуғулланади. Norma.uz хабарига асосан.

Вазирлар Маҳкамасининг 23 май куни қабул қилинган “Қорақалпоғистон Республикаси, вилоятлар, Тошкент шаҳар ҳамда туман ва шаҳарларда нуронийлар жамоатчилик кенгашларини ташкил этиш чора-тадбирлари тўғрисида” 326-сон қарорига кўра: 

  • Қорақалпоғистон Республикаси, вилоятлар, Тошкент шаҳар ҳамда туман ва шаҳарларда Нуронийлар жамоатчилик кенгашлари ташкил этилади. Кексаларни қўллаб-қувватлаш соҳасига оид қонун ҳужжатларининг ижросини таъминлашга кўмаклашиш, муаммоларни мониторинг ва таҳлил қилиш, ёлғиз кексалар, пенсионерлар, ногиронлар ва бошқаларга тааллуқли муаммолар бўйича таклифлар ишлаб чиқиш уларнинг асосий вазифалари ҳисобланади;
  • Маҳалла ва оилани қўллаб-қувватлаш вазирлигининг ҳудудий бўлинмалари раҳбарлари ўринбосарлари Нуронийлар жамоатчилик кенгашлари раислари томонидан тайинланади;

Вазирлар Маҳкамаси қарорида, шунингдек, Нуронийлар жамоатчилик кенгашлари тўғрисидаги намунавий низом тасдиқланган. Янги норматив-ҳуқуқий ҳужжат Қонун ҳужжатлари маълумотлари миллий базасида эълон қилинган ва 25.05.2020 йилдан кучга кирган.

 

13
В Узбекистан отправлена гуманитарная помощь из Республики Корея

Жанубий Корея Ўзбекистонга навбатдаги инсонпарварлик ёрдами жўнатди

38
Жўнатилган инсонпарварлик ёрдами 20 та ярим автоматик механизмли ва кўп функцияли тиббий кроватдан иборат.

ТОШКЕНТ, 28 май — Sputnik. “Uzbekistan Airways” АЖнинг юк ташиш чартер рейс билан Жанубий Кореядан навбатдаги инсонпарварлик ёрдами олиб келинди.

“Дунё” АА хабарига кўра, 20 та ярим автоматик механизмли ва кўп функцияли тиббий кроватдан  иборат инсонпарварлик ёрдами Жанубий Кореянинг “Myung Sung Placon Co., Ltd” компанияси кўмагида ташкиллаштирилган.

Ўзбекистоннинг Сеулдаги элчихонаси Соғлиқни сақлаш вазирлиги эҳтиёжлари учун коронавирус инфекциясига қарши курашишга йўналтирилган инсонпарварлик ёрдами, биринчи навбатда, юқори технологияга эга тиббий асбоб-ускуналар (кўтариб юришга қулай кўчма рентген ускуналари, шприц насослари ва бошқа қўшимча жиҳозлар)ни кенг кўламда жалб қилишни изчил давом эттирмоқда.

Таъкидланишича, умумий оғирлиги тахминан 15 тонна бўлган 126 минг долларлик инсонпарварлик ёрдамининг қолган қисми навбатдаги юк ташиш чартер рейси билан жўнатилади.

Агентлик хабарида 23 май куни ҳам Ўзбекистонга Жанубий Кореянинг “Suwan TPL” компанияси томонидан ишлаб чиқарилган 20 та ярим автоматик механизмли ва кўп функцияли тиббий кроват етказиб берилгани қайд этилган.

38
Врачи в центральной клинической больнице РЖД-Медицина в Москве, где проходят лечение больные с COVID-19.

Коронавирус Марказий Осиёда: Тожикистон ўлим, Қозоғистон аниқланган ҳолат бўйича етакчи

38
(Янгиланган 13:29 28.05.2020)
Марказий Осиёда Қозоғистон аниқланган ҳолатлар, Тожикистон эса қурбонлар сони бўйича етакчи. Ўзбекистонда эса энг паст ўлим кўрсаткичи кузатилмоқда.

ТОШКЕНТ, 28 май — Sputnik. Сўнгги тақдим этилган маълумотларга кўра, Марказий Осиё давлатларида жами 17 988 та коронавирус билан боғлиқ ҳолат қайд этилган.

Қозоғистон аниқланган ҳолатлар бўйича етакчилик қилмоқда. Мамлакатда ўтган кун давомида 272 та янги ҳолат тасдиқланган. Касалланганларнинг умумий сони 9575 нафарга етган. Шулардан 4768 нафари тузалиб кетган. 37 та ўлим ҳолати кузатилган.

Май ойи бошида мамлакатда коронавирус аниқланганини эълон қилган Тожикистон бугунги кунга келиб ҳолатлар бўйича Ўзбекистон ва Қирғизистонни ортда қолдириб, минтақада иккинчи ўринга чиқиб олган. Тожикистонда ўтган кун давомида 158 кишида коронавирус аниқланган. Шу тариқа, COVID-19 юқтириб олганлар сони 3424 нафарга етган. Шулардан 1557 нафари тузалиб кетишга муваффақ бўлган. Қурбонлар сони эса 47 кишини ташкил этмоқда.

Ўзбекистонда ўтган кун давомида 79 та янги ҳолат аниқланди. 28 май соат 10:00 ҳолатига кўра, мамлакатда коронавирус беморлари сони 3396 нафарни ташкил этмоқда. Шулардан 2668 нафари бутунлай соғайган. Вирусдан 14 та ўлим ҳолати кузатилган. Бу бошқа давлатларга қараганда энг паст кўрсаткич.

Қирғизистонда ўтган кун давомида 74 та янги коронавирус ҳолати тасдиқланган. Мамлакатда жами 1592 киши ушбу касалликни юқтириб олган. 1066 киши COVID-19ни енгган. 16 нафар бемор вафот этган.

Бутун дунё бўйлаб 5,6 миллиондан зиёд киши коронавирусни юқтириб олган. 2,3 миллиондан ортиқ киши шифо топган. Қурбонлар сони 355,6 мингдан ошган.

38
Мавзу:
COVID-19 умумжаҳон пандемияси