Нукус гарнизонида дала ўқув машғулотлари бўлиб ўтмоқда

© Пресс-служба МОВоенные учения в Нукусе
Военные учения в Нукусе - Sputnik Ўзбекистон
Oбуна бўлиш
Нукус гарнизонида ҳарбий хизматчилар 40 км марш юриш ва тунгги ҳамда кундузги ўқ отиш машқларини бажаришди

ТОШКЕНТ, 24 июн – Sputnik. Нукус гарнизонидаги ҳарбий қисмларнинг бирида режалаштирилган амалий дала ўқув йиғинлари ўтказилмоқда, - деб хабар қилди шимоли – ғарбий  ҳарбий округ матбуот хизмати.

© Пресс-служба МОШахсий таркибнинг марш юриши
Нукус гарнизонида дала ўқув машғулотлари бўлиб ўтмоқда - Sputnik Ўзбекистон
Шахсий таркибнинг марш юриши

Машғулотлар ҳарбий хизматчиларнинг 40 километрлик марш юришидан бошланди. Ушбу масофасининг ярмини шахсий таркиб пиёда тарзда босиб ўтди. Дала ўқув майдонидаги амалий машқлар тунгги шароитда ўқ отиш машғулотларидан бошланди.

"Пиёда босиб ўтилган узоқ масофа ҳарбий хизматчиларнинг жисмоний ва ахлоқий-руҳий ҳолатига таъсир кўрсатмади. Нишонлар тунда ҳам, кундузи ҳам бирдек яксон этилди", - дейилган хабарда. 

Қурол ва ҳарбий техникалардан фойдаланиш бўйича кўникмалар кундузи ҳам давом этди. Чўл ҳудудида жойлашган полигоннинг иссиқ ва қуруқ ҳавоси юрт посбонларини яна синовга чорларди. Полигон бўйлаб ташкил этилган ўқув жойларида ҳарбий хизматчиларга қуролни ўқ отишга ҳозирлаш, мўлжалга олиш бўйича машғулотлар олиб борилди.

Ўқув йиғини давомида аскарлар биринчи маротаба миномётлардан амалда ўқ узиб, нишонларни йўқ қилишди. Дала-ўқув машғулотлари давом этмоқда. 

Янгиликлар лентаси
0