Президент мактабларига имтиҳон икки босқичда ўтказилади

© Пресс-служба президента УзбекистанаШавкат Мирзиёев посетил школу "Темурбеклар мактаби" в Фергане
Шавкат Мирзиёев посетил школу Темурбеклар мактаби в Фергане - Sputnik Ўзбекистон
Oбуна бўлиш
Президент мактаблари тўғрисидаги низом тасдиқланди.

ТОШКЕНТ, 26 июн – Sputnik. Ҳукумат қарори билан Президент мактаблари тўғрисидаги низом тасдиқланди.

Министр народного образования Узбекистана Шерзод Шерматов - Sputnik Ўзбекистон
Ҳар бир бола ўз микроҳудудига бириктирилиши керак – Халқ таълими вазирлиги

Низом билан Президент мактабларининг мақсади ва асосий вазифалари, ҳуқуқ ва мажбуриятлари белгилаб берилди.

Хусусан, ушбу мактабларнинг асосий мақсади маънан етук ва интеллектуал баркамол авлодни шакллантиришдан иборат.

Президент мактабларининг 11-синф битирувчилари танланган фанлар асосида халқаро малака имтиҳонларини (International Baccalaureate, Advanced Placement ёки International Advanced Levels) топшириш ҳуқуқига эга бўлади.

Мазкур имтиҳонлардан муваффақиятли ўтганларга етакчи хорижий олий таълим муассасаларига кириш имконини берадиган халқаро диплом берилади.

Президент мактабларига 4-синф (биринчи ўқув йилида 4–9-синфлар) битирувчилари орасидан қобилиятли ва иқтидорли (баҳолар табели асосида тегишли STEAM фанлари – математика, биология (табиатшунослик), информатика ва ахборот технологиялари, физика, алгебра, геометрия, кимё – бўйича аъло баҳога тугатган)   ўқувчилар танлов асосида қабул қилинади.

Шавкат Мирзиёев посетил школу имени Мухаммада Юсуфа в Андижане - Sputnik Ўзбекистон
Шерматов: муҳокамаларга сабаб бўлган қарор Конституцияга зид эмас

Қабул бошланишидан камида 10 кун олдин эълон қилинади.

Ҳужжатлар бевосита қабул комиссиясига ёки электрон шаклда ҳам топширилиши мумкин.

Имтиҳонлар икки босқичда ўтказилади:

- 1-босқич – математика фанидан 30 та тест;

 - 2-босқич – ахборотни таҳлил ва солиштириш қобилиятини аниқлаш бўйича – 16 та масала;

- мантиқ элементлари бўлган математика фанидан – 24 та масала;

- инглиз тилидан – 55 та тест.

Имтиҳон натижалари Халқ таълими вазирлигининг ва Президент мактабларининг расмий веб-сайтига имтиҳондан сўнг 30 кун мобайнида жойлаштирилади.

Шунингдек, низом билан Президент мактабларига ходимларни қабул қилиш, уларнинг меҳнатига ҳақ тўлаш тартиблари белгиланди.

Янгиликлар лентаси
0