Уфада беморга ёрдам беришдан воз кечган фельдшер иши текширилмоқда

116
Беморга ёрдам беришдан воз кечган тез ёрдам фельдшерининг ҳатти-ҳаракатларига Россия Тергов Қўмитаси баҳо беради.

ТОШКЕНТ, 27 июн — Sputnik. Бироз олдин интернетда беморга ёрдам беришдан воз кечган тез ёрдам фельдшери акс этган видео тарқалган эди. Ушбу воқеа бир зумда Россия ОАВлари ва ҳуқуқни сақлаш органлари диққатини тортди, Биринчи канал хабарига асосан.

Воқеа Бошқирдистон ўлкасининг Уфа шаҳри яқинида содир бўлган. Шаурма сотадиган дўконда ишлайдиган ўзбекистонлик меҳнат мигранти ўзини ёмон ҳис қилиб қолган. Шу яқин атрофда бўлганлар дарҳол тез ёрдам чақиришган, лекин у ҳа деганда келавермаган.

Шунда ёрдам чақираётганлардан бири парковкада турган тез ёрдам машинасини кўриб қолади, ва унинг олдига югуриб бориб машина ичида ўтирган фельдшердан ёрдам сўрайди. Қиз боланинг ҳарчанд уринишига қарамасдан фельдшер қўпол равишда унга рад жавобини беради.

Оғир аҳволга тушиб қолган (тахминан микроинсульт) меҳнат миггрантига шу атрофдаги магазинда ишлайдиган сотувчи ёрдамга келади. Кейин маълум бўлишича у олдин 20 йил ҳамшира бўлиб ишлаган экан. Сотувчи ва яна бир неча мигрантлар фаол ёрдамида беъморнинг ҳаёти сақлаб қолинади. Айни дамда у касалхонага жойлаштирилган ва даволанмоқда.

Ушбу воқеа ОАВда ёритилганидан сўнг, Россия Тергов қўмитаси ўз текширувни бошлади. Тез ёрдами машинаси қайси шифохонага тегишли бўлгани аниқланган ва айни дамда судгача текширув ишлари олиб борилмоқда. Шифокорнинг ҳатти-ҳаракатига ҳуқуқий баҳо берилади, деди Россия Тергов қўмитасининг Бошқирдистон бўйича вакили Евгений Каневский.

116
Дезинфекционная обработка в подъезде жилого дома

Эътиборсиз ҳайдовчилар туфайли 100 нафарга яқин фуқаро карантинга олинди

77
(Янгиланган 16:21 28.05.2020)
Россиядан келган ҳайдовчилар белгиланган санитария қоидаларига риоя қилмасдан, чегара-назорат пости автотураргоҳидан уйига чиқиб кетишган.

ТОШКЕНТ, 28 май — Sputnik. Андижонда коронавирусга чалинган ҳайдовчиларнинг эътиборсизлиги  100 нафарга яқин фуқаронинг карантинга олинишига сабаб бўлди. Бу ҳақда Соғлиқни сақлаш вазирлиги хабар қилмоқда.

Маълум бўлишича, 22 май куни Балиқчи туманида яшовчи 50 ёшли Р.Р. Избоскан туманида яшовчи 32 ёшли шериги Б.Қ. билан  биргаликда халқаро юк ташиш автомашинасида Россиядан Тошкент вилояти Қибрай тумани ҳудудидаги чегара-назорат постига етиб келган.

Шу куннинг ўзида ўрнатилган тартиб бўйича постдаги СЭОМ ходимлари томонидан ҳар икки ҳайдовчидан коронавирус инфекциясига суртма олинган. Эртасига, 23 май куни Б.Қ. да гумон натижа қайд этилганлиги учун такроран таҳлил топширган, Р.Р.да эса касаллик аниқланмаган.

Лекин ҳайдовчилар белгиланган санитария қоидаларига риоя қилмасдан, чегара-назорат пости автотураргоҳидан уйига  чиқиб кетишган.

Шундан сўнг ҳуқуқни муҳофаза қилувчи орган вакиллари билан ўтказилган тезкор қидирув ва эпидемиологик суриштирув натижасида ҳар икки ҳайдовчининг ҳам ўз уйларидан топилган.

Шу орада дастлаб таҳлил натижалари гумон қилинган Б.Қ.да ҳам, у билан доимий мулоқотда бўлган иккинчи ҳайдовчи Р.Р.да ҳам  коронавирус инфекцияси тасдиқланган.

Эпидемиологик суруштирув натижасида Избоскан ва Балиқчи туманида Р.Р. ва Б.Қ. билан мулоқотда бўлган барча 100 нафарга яқин фуқаролар 14 кунлик тиббий кузатувга олинган.

Вазирлик яна бир бор барчадан уй карантини қоидаларига қатъий амал қилишни, жамоат жойларида бўлганда ёки коронавирус инфекцияси аломатларини ўзида сезганда дарҳол ўзини яккалаб, шифокорга мурожаат қилишни сўраган.

77
Строители

Самарқандда коронавирус беморлари даволанадиган шифохона қуриляпти

56
(Янгиланган 16:26 28.05.2020)
Ушбу мажмуада турли касалликлар, шу жумладан юқумли касаллик даволанади. У ерда даволаш ва жонлантириш бўлимларини ташкил қилиш кўзда тутилган.

ТОШКЕНТ, 28 май — Sputnik. Самарқандда ҳарбий шаҳарча ҳудудида 100 кишилик карантин шифохона қуриляпти. Қурилишни бир ой муддат ичида якунлаш режалаштирилган. УзА. хабарига асосан.

“Янги мажмуада турли касалликлар, шу жумладан юқумли касалликлар даволанади. Даволаш ва жонлантириш бўлимларини ташкил қилиш кўзда тутилган”, - дейилган хабарда.

Шунингдек, мазкур ҳудуднинг ўзида тиббиёт ходимлари учун уй-жой қурилмоқда.

Ҳарбий шаҳарча ёндош ҳудудида 1000 кишилик карантин мажмуа қурилиши бошланган. 

Самарқанд вилояти ҳокими Эркин Турдимов қурилиш вазирлигининг масъул раҳбарлари билан биргаликда объект ва қурилиш лойиҳаси билан танишиб, тегишли кўрсатма ва тавсиялар берди. Келгусида бу тиббиёт муассасаларини Ўзбекистон Мудофаа вазирлигига топшириш режалаштирилмоқда.

56
Мавзу:
COVID-19 умумжаҳон пандемияси
Кобра

Пулсиз қолишдан қўрққан эркак рафиқасини илонга чақтириб ўлдирди

24
Ҳиндистоннинг Керала штатида истиқомат қилувчи 27 ёшли Сураж исмли эркак рафиқасини илон ёрдамида ўлдирди.

ТОШКЕНТ, 27 май — Sputnik. Ҳиндистоннинг Керала штатида истиқомат қилувчи эркак рафиқасини илон ёрдамида ўлдирди. Бу ҳақда India Today хабар қилди.

27 ёшли Сураж исмли эркак икки марта рафиқасининг жонига қасд қилишга ҳаракат қилди.

Биринчи марта - 2 март куни у ётоқхонасига заҳарли илонни қўйиб юборганди. Илон чақиши оқибатида аёл сал кам икки ой шифохонада даволанди.  

Кейинчалик шифохонадан чиққан аёл ота-онасининг уйига олиб келинди.

7 май куни Сураж унинг хонасида қолиб, ухлаб ётган хотинининг олдига кобрани қўйиб юборди. Бу сафар аёл омон қолмади.

Кўп ўтмай, эркак ўз хотинининг мулкига эгалик қилишга ҳаракат қилади ва марҳуманинг ота-онаси бу тергов учун сабаб деб ҳисобладилар.

Фожиа олдидан Сураж заҳарли илонлар эгаларига қўнғироқ қилгани, шунингдек, интернет орқали илонларнинг ҳатти-ҳаракатини ўрганиб чиққани маълум бўлди.

Полиция маълумотларига кўра, Сураж ажрашган тақдирда мулксиз қолишдан қўрқган.

24