Полицейские выявили в Уссурийске факт фиктивной постановки на миграционный учет иностранных граждан

Москвада мигрантларни алдаб катта пул топаётган фирибгарлар қўлга олинди

642
(Янгиланган 09:57 03.07.2019)
Москвада мигрантларни қалбаки регистрация қилиш орқали 10 миллион рубл даромад олган фирибгарлар гуруҳи қўлга олинди.

ТОШКЕНТ, 3 июл – Sputnik. Москвада мигрантлар учун қалбаки регистрация тайёрлаш билан шуғулланаётган 12 киши қўлга олинди, деб хабар қилмоқда Россия ИИВнинг расмий вакили Ирина Волк.

Унинг сўзларига кўра, фирибгарлар сохта интернет сайтлар орқали миграция маркази ходимлари номидан жисмоний ва юридик шахсларнинг аризаларини қабул қилишган. 

“Қалбаки билдириш бланкалари ёрдамида хорижий фуқароларнинг кириб келганини рўйхатга олиб, пул эвазига уларга миграция ҳисоботга қўйилгани ҳақида сохта ҳужжатлар (регистрация) беришган”, - деди Ирина Волк.

Маълум бўлишича, жиноятчилар кунига 150 минг рублгача, бир йилда улар 10 миллион рублгача даромад олишган.

Москва шаҳар полицияси ушбу жиноятла гумон қилинаётган фуқароларнинг турар жойлари ва офисларида тинтув ўтказиб 3 миллионга яқин пул, 30 та банк карталари, қалбаки муҳр ва штамплар, 50та мобил телефон топишган.

Айни дамда ушбу гуруҳни ташкил қилган 2 киши ва гуруҳнинг 5 нафар фаол аъзоси қўлга олинган. Уларга нисбатан Россия Федерацияси Жиноят кодексининг 159 моддаси (Фирибгарлик) бўйича жиноят иши очилган. Яна беш нафар жиноятчи Россия ҳудудини тарк этмаслиш шарти билан қўйиб юборилган.

Миграция қонунчилиги қаттиққўллаштирили муносабати билан, Россияда мигрантларни оммавий рўйхатдан ўтказувчи ташкилотлар мутлақ йўқ бўлиб кетмоқда. Шу сабабли қонуний равишда рўйхатдан ўтишга имкони бўлмаган меҳнат мигрантлари регистрация қилишнинг бошқа йўлларини ахтариб, фирибгарлар “қармоғиға илинмоқда”.

Россияга янги келаётган Ўзбекистон фуқаролари шуни унутмасликлари керак-ки, бугунги кунда регистрация фақат туман полициясининг миграция бўлимларида ёки “Мои документы” ҳужжатлар расмийлаштириш марказларида ёки “Россия почтаси” бўлимлари орқали амалга оширилиши мумкин. Бошқа ҳеч қандай ташкилот қонуний регистрация расмийлаштира олмайди.

Билиб ёки билмаган ҳолда қалбаки регистрация расмийлаштирган хорижий фуқаролар қонун бузувчи ҳисобланади. Уларга нисбатан қонуний чоралар қўлланилиши мумкин. Иккинчидан улар  Россия ҳудудини тарк этишга мажбур бўлади. Айрим ҳолларда уларнинг қайта кириши учун таъқиқ ҳам қўйилиши мумкин.

642
Медицинский работник подключает пациента к аппарату ИВЛ

Ўзбекистонда коронавирус: 28 май асосий хабарлари

219
Бугуннинг ўзида 35 нафар бемор тузалиб, реабилитацияга кузатилди. Республика бўйлаб жами соғайганлар сони 2 694 нафарга етди.

ТОШКЕНТ, 28 май — Sputnik. Sputnik Ўзбекистон республикада коронавирус билан боғлиқ бўлган асосий хабарларни тўплади.

Бир сутка давомида 82 кишида коронавирус аниқланди, охирги маълумотларга кўра, Ўзбекистонда коронавирус инфекцияси қайд этилганлар сони 3 437  нафарни ташкил қилмоқда.

Даволаниш кўрсаткичи

Бугуннинг ўзида 32 нафар бемор тузалиб, реабилитацияга кузатилди. Жами соғайганлар сони  2 668 нафар.

Айни пайтда 729 нафар беморга белгиланган стандартлар бўйича даво чоралари кўрилмоқда.

Кореядан ёрдам

“Uzbekistan Airways” АЖнинг юк ташиш чартер рейс билан Жанубий Кореядан навбатдаги инсонпарварлик ёрдами олиб келинди. Ўзбекистонга 20 та ярим автоматик механизмли ва кўп функцияли тиббий кроват Жанубий Кореянинг “Myung Sung Placon Co., Ltd” компанияси кўмагида олиб келинди.

Мактабга қабул

Бу йил Ўзбекистонда биринчи синфга қабул жараёни июль ойидан бошланади. Бу ҳақда қуйидаги ҳаволада батафсил ўқишингиз мумкин.

Самарқандда катта қурилиш

Самарқандда ҳарбий шаҳарча ҳудудида 100 кишилик шифохона қуриляпти. Янги мажмуада турли касалликлар, шу жумладан юқумли касалликлар - коронавирус даволанади. Шифохонада даволаш ва жонлантириш бўлимларини ташкил қилиш кўзда тутилган.

Ҳарбий шаҳарчанинг ёндош ҳудудида 1000 кишилик карантин мажмуа қурилиши бошланди.

Юз киши карантинга олинди

Коронавирусга чалинган икки ҳайдовчи сабабли 100 га яқин киши карантинга олинди.

22 май куни Андижон вилояти Балиқчи туманида яшовчи 50 ёшли Р.Р. Избоскан туманида яшовчи шериги, 32 ёшли Б.Қ. билан  биргаликда халқаро юк ташиш автомашинасида Россиядан Тошкент вилояти Қибрай тумани ҳудудидаги чегара-назорат постига етиб келган. Шу куннинг ўзида ҳар икки ҳайдовчидан коронавирус инфекциясига суртма олинган. Эртасига, 23 май куни Б.Қ. да гумон натижа қайд этилганлиги учун такроран таҳлил топширган, Р.Р.да эса касаллик аниқланмаган.

Лекин ҳайдовчилар белгиланган санитария қоидаларига риоя қилмасдан, чегара-назорат пости автотураргоҳидан уйига чиқиб кетишган.

Эпидемиологик суруштирув натижасида Избоскан ва Балиқчи туманида Р.Р. ва Б.Қ. билан мулоқотда бўлган барча 100 нафарга яқин фуқаро 14 кунлик тиббий кузатувга олинган.

Дунё саломатлиги

COVID-19 дунёнинг деярли барча давлатга етиб борди. БССТнинг сўнгги маълумотларига кўра, дунёда янги коронавирус инфекциясини юқтириб олган кишиларнинг сони 5,69 миллиондан ошди, 356 минг киши вафот этди. 2,35 миллион киши соғайди.

219
Педиатр, иммунолог-аллерголог, соведущий программы Жить Здорово  Андрей Продеус

Машҳур педиатр болаларга ниқоб тақиш нима учун хавфли эканини тушунтириб берди

180
Япония педиатрлари уюшмаси ота-оналарни коронавирус инфекциясининг тарқалишига қарамай, икки ёшгача бўлган болалар учун ниқоб кийиш хавфли эканлиги ҳақида огоҳлантирди.

ТОШКЕНТ, 28 май - Sputnik. Педиатр, иммунолог-аллерголог, "Жить здорово" дастурининг бошловчиларидан бири, профессор, медицина фанлари доктори Андрей Продеус ёш болаларга ҳимоя ниқобларини тақиш қанчалик мақсадга мувофиқ эканлиги ҳақида гапирди.

Япония педиатрлари уюшмаси ота-оналарни коронавирус инфекциясининг тарқалишига қарамай, икки ёшгача бўлган болалар учун ниқоб кийиш хавфли эканлиги ҳақида огоҳлантирди.

Машҳур педиатр Андрей Продеус сўзларига кўра, бу фикр нафақат япон мутахассислари, балки бутун дунё педиатрлари томонидан ҳам қўллаб-қувватланмоқда.

Гап шундаки, ниқоб тақиш нафас олиш муаммоларига олиб келиши мумкин. Ҳатто катталар ҳам бу каби муаммоларни бошидан кечиришади, болаларни эса гапирмаса ҳам бўлади, дейди мутахассис.

"Шунга кўра, бу тавсия жуда оқилона. Болаларда вирусга сезувчанлик камроқ, чунки коронавирус илашадиган ва кўприк орқали ўтиб ҳужайраларга кириб борадиган рецепторлар болада катталарга қараганда камроқ бўлади, айниқса бу рецепторлар гипертония, ошиқча вазн билан оғриган кекса одамларда кўп бўлади", - деди педиатр Sputnik радиосига.

Шу билан бирга Продеус, ниқоб одамни вирусдан ҳимоя қилишига шубҳа қилди. Унинг сўзларига кўра, ҳаммаси аксинча - шахсий ҳимоя воситаларини айнан касаллик ташувчиси тақиши керак.

Бундай ҳолда, ниқоб тақиш атрофдаги одамларни ҳимоя қилишга ёрдам беради, деб ҳисоблайди мутаҳассис.

Агар 5 ёшдан 7 ёшгача бўлган ёши каттароқ бола ҳақида гапирадиган бўлсак, у инфекция манбаи бўлса, гавжум жойларда ниқоб тақиш тавсия этилади.

Мутахассиснинг тўлиқ шарҳини радиоподкастда тингланг.

Известный педиатр объяснил, почему малышам опасно носить защитные маски от COVID-19
180

Мирзиёев Ўзбекистонда монополияга барҳам бериш пайти келганини айтди

50
(Янгиланган 23:29 28.05.2020)
Давлат раҳбари Ўзбекистон бозор иқтисодиётига қатъий ўтиши жараёнида рақобат масаласи принципиал аҳамиятга эга эканини таъкидлади.

ТОШКЕНТ, 28 май - Sputnik. Ўзбекистонда монопол корхоналарга қатъий чоралар кўриш вақти келди, деб таъкидлади мамлакат президенти Шавкат Мирзиёев бугун иқтисодиётда рақобат муҳитини таъминлаш мавзусига бағишлаб ўтказилган йиғилишда.

Йиғилишда таъкидландики , Ўзбекистоннинг жаҳон иқтисодиёти билан алоқалари тобора ривожланиб бормоқда. Бу эса ички бозорда рақобат муҳитини таъминлаш, маҳаллий ишлаб чиқарувчиларнинг рақобатдошлигини оширишни талаб этади.

Давлат раҳбари Ўзбекистон бозор иқтисодиётига қатъий ўтиши жараёнида рақобат масаласи принципиал аҳамиятга эга эканини таъкидлади.

"Мени ташвишлантирадиган масала шуки, корхоналаримиз ташқи рақобатга бардош бера оладими? Четдан товар кириб келса, юртимизда ишлаб чиқарилган худди шундай маҳсулот унга рақобатчи бўла оладими? Маҳаллий маҳсулотларнинг таннархини пасайтирсак, хориждан ўзлари олиб кетишади", – деди президент.

Бугунги кунда 31 та товарлар гуруҳи ва 82 турдаги хизматлар бозорида 245 та корхона монопол ҳолатда сақланиб қолмоқда. Лекин бир қатор йўналишларда рақобат муҳити шаклланиб бўлган 19 хил маҳсулот ва хизматлар бўйича 70 та корхонани монополистлар реестрдан чиқариш мумкин.

"Рақобат бўлмаса, сифат бўлмайди, нарх тушмайди. Замон ўзгаряпти, лекин монопол корхоналар ўзгара олмаяпти. Қатъий чоралар кўриш вақти-соати келди. Иқтисодиётда бу ҳаёт-мамотимиз. Агар раҳбарлар шунга муносиб бўлса, ишлайди, бўлмаса – кетади", – деди Мирзиёев.

Йиғилишда корхоналарнинг бозордаги монопол мавқеини аниқлаш бўйича ёндашувларни қайта кўриб чиқиш, монопол товарлар рўйхатини кескин қисқартиришга қаратилган “йўл харитаси” тасдиқлаш вазифаси белгиланди.

– Дунё тажрибасини ўрганиб, ўз йўлимизни топишимиз зарур. Монополиядан чиқариш, рақобатни таъминлаш, истеъмолчилар ҳуқуқларини ҳимоя қилиш бўйича якдил йўналишимиз бўлиши керак, – дея таъкидлади Шавкат Мирзиёев.

Рақобатни ривожлантириш ва монополияга қарши курашиш борасида мутлақо янги тизим яратиш лозимлиги таъкидланди. Олий таълим тизимида рақобатни ривожлантириш йўналиши бўйича алоҳида факультет, кундузги ва сиртқи ўқиш шаклини очиш, янги фан жорий қилиш ва ушбу мақсадлар учун академик соатлар ажратиш бўйича кўрсатма берилди.

Монополияга қарши курашиш қўмитаси ҳузуридаги Истеъмолчилар ҳуқуқларини ҳимоя қилиш агентлигининг ваколатларини кенгайтириш муҳимлиги таъкидланди.

Йиғилишда белгиланган вазифалардан келиб чиқиб, Ўзбекистон Монополияга қарши курашиш қўмитаси фаолиятини тубдан такомиллаштиришга доир қарор лойиҳаси тайёрлаш вазифаси қўйилди.

Қўмитани истеъмолчиларнинг манфаатларини тўғридан-тўғри ҳимоя қиладиган халқ вакиллик органи – Олий Мажлисга ҳисобдор этиб белгилаш масаласини кўриб чиқиш топшириғи берилди.

50