Филиал МИСиС в Алмалыке

“МИСиС” филиалига абитуриентлардан ҳужжатлар қабули бошланди

485
“МИСиС” Олмалиқ филиалига 2019/2020 ўқув йили учун квота 250 нафар талаба, 40 фоиз талаба Ўзбекистон Республикасининг давлат буюртмаси (бюджети) ҳисобидан таҳсил олади.

ТОШКЕНТ, 8 июл – Sputnik. 2019 йил 1 июлдан Россия Федерал давлат автоном олий таълим муассасаси “Миллий технологик тадқиқотлар университети “МИСиС” Олмалиқ филиалида 2019/2020 ўқув йили учун ҳисоб бўйича иккинчи Қабул комиссияси иш бошлади. Ҳужжатларни қабул қилиш филиалнинг ўз манзилида амалга оширилмоқда: Тошкент вилояти, Олмалиқ шаҳри, Амир Темур кўчаси, 55. Ҳужжатлар жорий йилнинг 31 июлигача қабул қилинади.

“МИСиС” Миллий технологик тадқиқотлар университети Олмалиқ филиалига 2019/2020 ўқув йили учун квота 250 нафар талаба, 40 фоиз талаба Ўзбекистон Республикасининг давлат буюртмаси (бюджети) ҳисобидан таҳсил олади.

Ҳужжатларни қабул қилиш қуйидаги таълим йўналишлари бўйича амалга оширилмоқда: “Металлургия (Металлар технологияси)” - 100 нафар талаба, “Технологик жараёнлар ва ишлаб чиқаришларни автоматлаштириш ва бошқариш” - 50 нафар талаба, “Тоғ-кон иши” мутахассислиги бўйича - 100 киши.

Абитуриентлар учун бир нечта олий ўқув юртларига ҳужжатлар топширишда шарт-шароит яратиш мақсадида, Филиалда абитуриентдан ҳужжатлар нусхалари нотариал тасдиқланган рус тилидаги таржимаси билан қабул қилиняпти.

Кириш имтиҳонлари: 03.08.2019 - математика бўйича, 05.08.2019 - физика бўйича, 07.08.2019 - рус тили бўйича. Етарли балл тўплаган талабалар “МИСиС”га қабул қилинади ва ОТМнинг Олмалиқ филиалида таълим олади. “МИСиС” дипломлари халқаро миқёсда тан олинган.

“МИСиС” Миллий технологик тадқиқотлар университети Олмалиқ филиали Ўзбекистон Республикаси президенти Шавкат Мирзиёев ва Россия Федерацияси президенти Владимир Путиннинг ташаббуси билан 2018 йил октябрь ойида ташкил этилган.

Бугунги кунга келиб, филиалда турли соҳалар бўйича 150 нафар талаба таҳсил олмоқда. Таъкидлаш жоизки, “МИСиС” Олмалиқ филиали таниқли тадбиркорлар Алишер Усмонов ва Қобул Шодиевнинг ҳомийлигида ташкил этилган, бутун МДҲ ҳудудидаги энг инновацион ва технологик жиҳатдан ривожланган ўқув-лаборатория базаси билан жиҳозланган. Бундан ташқари, Россия ва бошқа хорижий давлатлардан бўлган профессор-ўқитувчилар таркибининг илмий салоҳияти республикадаги энг юқори кўрсаткич бўлиб қолмоқда - 77%.

485
Девушка в защитной маске со смартфоном в руках - архивное фото

Коронавирусдан тузалганлардан ҳам ниқоб тақиб юриш талаб этилади штаб аъзоси

96
Ўзбекистонда коронавирусни бошдан кечирганларга ҳам карантин қоидаларига риоя қилган ҳолда ниқоб тақиб юришлари керак.

ТОШКЕНТ, 9 авг — Sputnik. Ўзбекистонда карантин қоидаларига риоя қилиш учун коронавирусдан тузалганлардан ҳам ниқоб тақиб юриши керак. Бу ҳақда АОКАдаги брифингда Коронавирусга қарши кураш штаби аъзоси Севара Убайдуллаева маълум қилди.

Штаб аъзосига касалликни енгил даражада ўтказган фуқаро энди кўчага тиббий ниқобсиз ҳам чиқсам бўлади деган савол билан юзланди. У шифокорлар даволангандан сўнг касалликка иммунитет ҳосил бўлишини айтишганини маълум қилган.

“Касалланиб тузалгандан сўнг иммунитет ҳосил бўлади, лекин бугунги кунда бизда карантин қоидалари бўйича ниқобсиз юриш мумкин эмас. Шунингдек, касалликдан тузалган бўлсангиз ҳам, ҳали организмингиз тикланмаган, тиббий ниқобсиз юриб бошқа юқумли касалликларга чалиниш имкониятингиз кучаяди ва сиз бошқа касаллик билан касалланишингиз мумкин”, - деди Убайдуллаева.

Шу боис тиббий ниқобни карантин қоидаларига риоя қилган ҳолда тақиб юриш талаб этилади.

Эслатиб ўтамиз, мамлакатда 25 мартдан жамоат жойларида ниқобсиз юриш тақиқланган. Ушбу ҳаракатни содир этган шахс 1 млн 115 минг сўм миқдорда жаримага тортилиши мумкин.

96
Студенты в аудитории

Энди контракт тўлай олмаган талаба ўқишдан четлатилмаслиги мумкин

222
Эндиликда контрактни тўлай олмамаган талаба ўқишдан четлатилмайди, балки курсдан-курсга қолдирилиши мумкин.

ТОШКЕНТ, 9 авг — Sputnik. Ўзбекистонда энди контракт тўлай олмаган талаба ўқишдан четлатилмаслиги мумкин. Бу ҳақда АОКАдаги матбуот анжуманида олий ва ўрта махсус таълим вазири Иномжон Мажидов маълум қилди.

Вазирнинг сўзларига кўра, агар талабанинг контрактни тўлашга қурби етмаса, олий ўқув юрти вазиятни ўрганиб чиқади. Кейин шу талабага ёрдам бериб, контрактни қоплаш чорасини кўради.

“Талаба эндиликда контрактни тўлай олмаса, у четлатилмайди, балки курсдан-курсга қолдирилиши масаласи кўриб чиқилади", - деди у.

Мажидов бунда ОТМ томонидан вазият тўлиқ ўрганилгач, қарор қабул қилишини қўшимча қилди.

Шунингдек, вазир 2020-2021-ўқув йилида контракт тўлови миқдори ўзгаришсиз қолишини маълум қилди.

222

Сўх аҳолиси учун Фарғонанинг беш туманида ер ажратилади

300
Сўхликлар учун Фарғона вилоятининг Ёзёвон, Қўштепа, Бағдод, Риштон ва Бувайда туманлари ҳудудида деҳқончилик қилиш учун экин ер майдони ва ипотека кредитлари асосида квартиралар ажратилади.

ТОШКЕНТ, 9 авг — Sputnik. Сўх тумани аҳолиси учун Фарғона вилоятининг 5 та туманлари ҳудудида деҳқончилик қилиш учун экин ер майдони ва ипотека кредитлари асосида квартиралар ажратилади. Бу президент қарорида кўзда тутилган.

Ер вилоятнинг Ёзёвон, Қўштепа, Бағдод, Риштон ва Бувайда туманлари ҳудудида ажратилади.

Сўх тумани ҳокимига Фарғона вилояти ҳокимлиги билан келишган ҳолда 2022 йил 1 январга қадар туманни ижтимоий-иқтисодий ривожлантириш дастурига киритилган лойиҳалар учун, истисно тариқасида, суғориладиган ер майдонларидан ташқари ер участкаларини тўғридан-тўғри ажратиш ҳуқуқи берилади.

Фарғона вилояти ҳудудида марказлаштирилган маблағлар ҳисобидан амалга оширилаётган қурилиш-таъмирлаш ишларига, шунингдек, саноат корхоналарида янги ташкил этилаётган иш ўринларига Сўх тумани аҳолисини кенг жалб қилиш белгиланган.

Фарғонадан Сўхга кичик авиация транспортида қатнов йўлга қўйилади

Шунингдек, президент туманнинг иш билан бандлиги таъминланмаган аҳолисининг бир қисмини Тошкент шаҳрида йирик объектларда амалга оширилаётган қурилиш-таъмирлаш ишларига тизимли равишда жалб қилиш вазифасини топширди.

300