Олий Суд Самандар Қўқоновни тўлиқ оқламади

© UznewsСамандар Куканов
Самандар Куканов - Sputnik Ўзбекистон
Oбуна бўлиш
Ўзбекистон Олий Суди 1994 йилда қамалиб 2016 йилда озод қилинган Самандар Қўқоновни тўлиқ оқламади.  

ТОШКЕНТ, 11 июл – Sputnik. Ўзбекистон Олий Суди собиқ депутати Самандар Қўқоновнинг аризасига биноан уни тўлиқ реабилитация (оқлаш) қилиш ҳақидаги аризасини кўриб чиқди, деб хабар қилмоқда Олий Суд матбуот хизмати.

СИЗО - Sputnik Ўзбекистон
"Ҳақиқат қамоқдан чиқди" - Ўзбекистонда Самандар Қўқонов озод қилинди

Ушбу йилнинг 12 июнь куни Ўзбекистон Олий судининг Жиноят ишлари бўйича коллегияси собиқ ЎзССР Олий Кенгаши депутати Самандар Қўқоновнинг 22 апрель куни топширилган кассацион аризасини кўриб чиқди. Суд коллегияси қарорига кўра, Жиноят ишлари бўйича Ўзбекистон Олий судининг 1994 йилнинг 23 августидаги қарорига ўзгартириш киритилди.

Суд коллегияси ўз қарори билан С. Қўқоновга қўйилган айрим айбловларни олиб ташлади, баъзи моддалар бўйича қўйилган айбловлар ўз кучида қолдирилди. Ўзбекистон Республикаси ЖКнинг 1994 йилдаги таҳририга биноан С.Қўқоновга 20 йил қамоқ жазоси белгиланди.

“С.Қўқонов қамоқ жазосини тўлиқ ўтаб бўлганлигини ҳисобга олиб, суд қарорининг қолган қисми ўзгаришсиз қолдирилди”, - дейилган хабарда.

Эслатиб ўтамиз, 74 ёшли Самандар Қўқонов 1994 йилда 20 йил қамоқ жазосига маҳкум қилинган эди. 2016 йилнинг октябрь ойида С. Қўқонов озодликка чиқарилди.

Янгиликлар лентаси
0