СМИ на пресс-конференции

Журналистнинг фаолиятига тўсқинлик қилганлик учун жавобгарлик киритилиши мумкин

129
(Янгиланган 13:08 04.08.2019)
Ўзбекистонда журналистнинг профессионал фаолиятига тўсқинлик қилганлик учун маъмурий жавобгарлик киритилиш таклиф қилинди. Шунингдек, блогерларга журналистлар каби ҳуқуқларни бериш режалаштирилмоқда.

ТОШКЕНТ, 4 авг - Sputnik. Ўзбекистон президенти Администрацияси ҳузуридаги Ахборот ва оммавий коммуникациялар агентлиги (АОКА) журналистнинг профессионал фаолиятига тўсқинлик қилганлик учун жавобгарлик киритиш ва блогерларга журналистлар каби ҳуқуқларни бериш кўзда тутилган қонун лойиҳасини жамоатчилик муҳокамасига қўйди.

Журналистнинг профессионал фаолиятига тўсқинлик қилиш, унинг сўрови асосида ахборотни (ҳужжатларни) тақдим этмаслик, ўз вақтида тақдим этмаслик ёхуд била туриб ёлғон ёки нотўғри ахборот тақдим этишда ифодаланади. Шунингдек, журналистга босим ўтказиш, унинг журналистлик фаолиятига аралашганлик учун жавобгарлик киритиш режалаштирилмоқда.

АОКА бундай ҳуқуқбузарликни содир этганларга нисбатан ЭКИҲнинг 1 бараваридан 3 бараваригача, мансабдор шахсларга эса — 5 бараваридан 10 бараваригача миқдорда жарима солишни таклиф қилмоқда.

Бетарафлик ва ишончлилик - журналистлар касб этикаси кодекси эълон қилинди

Худди шу қонун лойиҳаси билан АОКА  блогерларга журналистлар каби ҳуқуқларни беришни таклиф қилмоқда.

“Блогер — хабар ва материалларни тўплаш, таҳлил қилиш, таҳрирлаш, тайёрлаш ва тарқатиш билан шуғулланувчи ҳамда уларни ахборотдан фойдаланувчилар томонидан, шу жумладан, муҳокама қилиши учун Интернет жаҳон ахборот тармоғидаги ўз веб-сайтига ва (ёки) веб-сайт саҳифасига жойлаштирувчи жисмоний шахс”, - дейилади қонун лойиҳаси матнида.

Блогерлар ҳуқуқи“Ахборотлаштириш тўғрисида”ги қонуннинг 12.1-моддасида (“Эркин фойдаланиши мумкин бўлган ахборотни Интернет жаҳон ахборот тармоғида тарқатиш”)  белгиланиши мумкин ва улар ўз фаолиятини амалга оширишда қуйидаги ҳуқуқларга эга:

- маълумотларни тўплаш, таҳлил қилиш, таҳрирлаш, тайёрлаш ва тарқатиш;

- ахборотни тўплаш, таҳлил этиш, таҳрир қилиш, тайёрлаш ва тарқатиш;

- ахборот олиш учун давлат органлари, фуқароларнинг ўзини ўзи бошқариш органлари, жамоат бирлашмалари, корхоналар, муассасалар ва ташкилотларга мурожаат этиш;

- давлат сирларини ёки қонун билан қўриқланадиган бошқа сирни истисно этган ҳолда ҳужжатлар, материаллар ва ахборотдан фойдалана олиш;

- журналист суриштируви ўтказиш;

- ўзи тайёрлаган хабарлар ва материалларни оммавий ахборот воситалари орқали имзосини ёки тахаллусини қўйиб тарқатиш, уларда ўз фикр-мулоҳазасини ифодалаш;

- давлат органларининг очиқ ҳайъат мажлисларида ва оммавий тадбирларида иштирок этиш;

- фаолиятини амалга ошириш юзасидан мансабдор шахс қабулида бўлиш;

- маълумотларни белгиланган тартибда ёзиб олиш, шу жумладан зарур техника воситаларидан фойдаланган ҳолда ёзиб олиш;

- судларнинг очиқ мажлисларида, ҳарбий ҳаракатлар майдонларида, табиий офат юз берган ҳудудларда, оммавий тадбирларда ҳозир бўлиш;

- эълон қилишга тайёрланган маълумотларни текшириш учун мутахассисларга мурожаат қилиш;

- ахборот манбаи ёки муаллифнинг номи сир сақланишини талаб қилиш;

- блогер тақдим этган хабарнинг мазмуни жисмоний ва юридик шахслар томонидан бузиб эълон қилиш оқибатида, ўзига етказилган маънавий зарар ва моддий зиён қопланишини суд орқали талаб қилиш.

Блогер қонун ҳужжатлари билан журналистларга берилган бошқа ҳуқуқлардан ҳам фойдаланади.

Ўзбекистонда этика нормаларини бузган журналистлар жавобгарликка тортилади

АОКА директори ўринбосари Саида Мирзиёева Facebook᾽даги саҳифасида фуқароларни ушбу лойиҳа бўйича таклиф ва мулоҳазалар билдиришга чақирган. Таъкидланишича, таклиф ва мулоҳазалар ҳужжат лойиҳасини такомиллаштириш жараёнида ўрганиб чиқилади ва инобатга олинади.

129

Ўзбекистонда коронавирус беморлари учун шифохоналарда ётоқ ўринлари қолмади Оқилов

60
(Янгиланган 16:49 08.07.2020)
Ҳабибулла Оқиловнинг таъкидлашича, агар ҳар куни 1000 та коронавирус касаллиги аниқланса, Ўзбекистон соғлиқни сақлаш тизими тўлиқ қулаши мумкин.

ТОШКЕНТ, 8 июл — Sputnik. Ўзбекистонда шифохоналарда COVID-19 билан касалланган беморлар учун мўлжалланган ётоқ-жойлар қолмади. Бу ҳақда коронавирусга қарши курашиш штаби вакили Ҳабибулла Оқилов АОКАдаги брифингда маълум қилди.

“Соғлиқни сақлаш тизимидаги ресурслар бугунги кунга келиб поёнига етди, десак муболаға бўлмайди. Бугун шифохоналарда койка ўринлари тўлган. Барча шифокорлар жалб этилган. Шу боис махсус комиссия билан келишган ҳолда симптомсиз беморларни уйда даволанишларига рухсат бердик”, - деди у.

Оқилов бошқа сурункали касаллиги бор беморларнинг қанчаси даволана олмагани, қанчаси вафот этаётгани ҳақидаги статистика йўқлигини айтди.

Ҳабибулла Оқиловнинг таъкидлашича, агар ҳар куни 1000 та коронавирус касаллиги аниқланса, Ўзбекистон соғлиқни сақлаш тизими тўлиқ қулаши мумкин.

Унинг сўзларига кўра, 20 кунлик карантиннинг жорий этилиши нафақат касаллик занжирининг узилишига, балки шифокорларнинг ҳам озгина дам олишига шароит яратади.

“Чунки шифокорларимиз нафақат жисмоний, балки руҳий томондан ҳам чарчадилар. Улар қандай масъулият билан ишлаётганини ҳамма яхши билади. Буларнинг ҳаммаси ана шу 20 кунлик қатъий карантин режасидан ўрин олган”,  - деди коронавирусга қарши кураш штаб аъзоси.

60
Теглар:
Ўзбекистон, карантин, коронавирус
Дорожный знак с надписью Карантин

Барча ҳудудлар “қизил” ҳудудга айлантирилади - Шоҳрух Ғиёсов

157
(Янгиланган 16:28 08.07.2020)
ИИВ ахборот хизмати раҳбарининг сўзларига кўра, энди Тошкент вилоятидан Тошкент шаҳрига ишловчиларнинг кириб-чиқишига ҳам рухсат берилмайди.

ТОШКЕНТ, 8 июл — Sputnik. АОКАда Ўзбекистонга коронавируснинг кириб келиши ва тарқалишининг олдини олиш юзасидан чора-тадбирлар дастурини тайёрлаш бўйича Республика махсус комиссиясининг ахборот юзасидан матбуот анжумани ўтказилмоқда.

“Энди Тошкент вилоятидан Тошкент шаҳрига ишловчиларнинг кириб-чиқишига ҳам рухсат берилмайди. Барча ҳудудлар “қизил ҳудуд”га айлантирилди”, — деди ИИВ ахборот хизмати раҳбари Шоҳрух Ғиёсов.

Унинг сўзларига кўра, стикерга эга автотранспорт воситаларининг ҳаракатланишига рухсат этилади.

“Бироқ ушбу масалани бугун яхшилаб ўрганиб, эртага ўтказиладиган брифингда аниқ жавобни айтишим мумкин”, - дея қўшимча қилди Ғиёсов.

Эслатиб ўтамиз, Ўзбекистонда 10 июлдан 1 августга қадар карантин чоралари кескин кучайтирилмоқда. Жумладан, автотранспорт воситаларининг ҳаракати чекланмоқда, ҳудудлар ўртасида автотранспорт воситалари қатнови тақиқланмоқда. Шунингдек, тўй ҳамда бошқа оилавий маросимларни ўтказиш тақиқланмоқда.

157
Теглар:
Ўзбекистон, карантин, коронавирус
Аппарат для ИВЛ

Қозоғистоннинг Жамбил вилояти Ўзбекистондан ёрдам сўради

0
Қозоғистоннинг Жамбил вилоятида сунъий нафас олдириш аппарати етишмайди. Вилоят Россия ва Ўзбекистон билан ушбу тиббиёт ускуналарини етказиб беришга оид музокаралар ўтказмоқда.

ТОШКЕНТ, 8 июл — Sputnik. Қозоғистоннинг Жамбил вилоятида сунъий нафас олдириш аппарати етишмайди. Вилоят ҳокими Бердибек Сапарбаев Россия ва Ўзбекистон билан ушбу тиббиёт ускуналарини етказиб беришга оид музокаралар ўтказаётганини маълум қилди.

“Вилоятда 148 дона сунъий нафас олдириш аппарати бор. Бу етарли эмас. Ҳозир биз Россия, Ўзбекистон билан ишламоқдамиз. Яқин кунларда яна 50 дона шунақа аппаратларни олишимиз режалаштирилмоқда”, - деди Сапарбаев. Унинг сўзларидан Sputnik Қозоғистон нашри иқтибос келтирган.

Қозоғистоннинг Жамбил вилоятида коронавирус пандемияси бошлангандан буён 1866 та касалланиш ҳолати аниқланган. Беморларнинг 598 нафари тузалиб кетган. Уч киши вирус қурбонига айланган.

Россия хорижга 600 та сунъий нафас олдириш аппаратини, жумладан, Ўзбекистонга етказиб берди

Эслатиб ўтамиз, аввалроқ Фарғона вилояти Қирғизистоннинг Боткен шаҳрига инсонпарварлик ёрдами жўнатгани хабар қилинган эди.

0
Теглар:
коронавирус, Қозоғистон, Ўзбекистон