Председатель комитета женщин Самаркандской области Гавхар Алимова.

Янги қонун аёлларни тазйиқ ва зўравонликдан қандай ҳимоя қилади?

402
(Янгиланган 17:57 23.08.2019)
Янги қабул қилинган қонун аёлларни тазйиқ ва зўравонликдан қандай ҳимоя қилади, деган саволга Самарқанд вилояти хотин-қизлар раиси Гавҳар Алимова Sputnik Ўзбекистон мухбирига изоҳ берди.

ТОШКЕНТ, 23 авг – Sputnik. Ўзбекистон Олий Мажлиси Сенатининг йигирма биринчи ялпи мажлисида “Хотин-қизларни тазйиқлар ва зўравонликдан ҳимоя қилиш тўғрисида”ги қонун маъқулланди. Бу қонун аёлларни тазйиқ ва зўравонликдан қандай ҳимоя қилади ва қонуннинг эътиборга молик жиҳатлари нимадан иборатлиги хусусида Самарқанд вилояти хотин-қизлар раиси Гавҳар Алимова Sputnik Ўзбекистон мухбирига берган интервьюсида сўзлаб берди.

Алимова қонунга кўра, тазйиқ ва зўравонликдан жабрланувчи таҳдид ҳақида тегишли органларга ёхуд судга мурожаат этиш, бепул ҳуқуқий маслаҳат, ижтимоий, психологик, тиббий ва бошқа ёрдам олиш каби ҳуқуқларга эга эканлигини таъкидлади ва бунда жабрланувчи етказилган моддий ҳамда маънавий зарарни қоплаш тўғрисида ариза билан судга мурожаат этганида давлат божи тўлашдан озод қилинишига эътибор қаратди.

Шунингдек, тазйиқ ва зўравонлик жабрланувчиси махсус марказга жойлаштирилган тақдирда унинг иш жойи ва маоши сақлаб қолишига алоҳида урғу бериб ўтди.

Гавҳар Алимова суҳбат давомида биргина Самарқанд вилоятининг ўзида 600 нафардан ортиқ ичкиликка ружу қўйган ва аёлига, фарзандларига тазйиқ ўтказувчи эркаклар рўйхатга олинганини қайд этди. Баъзи жойларда аёллар муаммони очишдан ва эрига чора кўришни сўраб, мурожаат қилишдан чўчишларини афсус билан тилга олди.

Самарқанд вилояти хотин-қизлар раисининг сўзларига кўра, 8 ой ичида Самарқанддаги марказларга 500 яқин хотин-қизлар аёллар мурожаат қилган. Улардан 111 нафарига психологик ёрдам, 94 нафарига ҳуқуқий ёрдам кўрсатилган 80 нафардан ортиғи иш билан таъминланган ва уларга кредитлар ажратилган.

“Бу ўша оиладаги тазйиқ ва зўравонлик оқибатлари. Биргина мисол келтираман, илгарилари статистикани кўпроқ айтмас эдик, яширашдик. Бугунги кунда биз муаммони очиқ айтиб, уни илдизлари билан ишлаяпмиз. Масалан, 8 ой ичида Самарқанд вилоятида 109 та ўз жонига қасд қилиш ҳолати кузатилган. Шундан 20 тасига оилавий масала сабаб бўлган, яъни 25 фоизи бевосита тазйиқ ва зўравонлик оқибатида. Мисол тариқасида Каттақўрғон туманидаги ҳолатни келтириш мумкин. Эри қаттиқ уриши оқибатида аёл ўз жонига қасд қилди. Лекин у эркакка чора кўрилмади. Уни ўз жонингга қасд қилгин деб урмаган-ку, деган гап халқ орасида ва ҳуқуқ-тартибот органлари ичида бор масала. Мана бундан кейин қонунчиликда аниқ белгиланиб, уларга чоралар кўрилади”, - дейди Гавҳар Алимова.

Алимова оилалар учинчи шахс қайнона, қайнисингил ҳаттоки хола ва аммалар аралашиши оқибатида оилалар бузилаётганини ва уларга бошқа кишилар тарафидан руҳий зарбалар берилаётганини айтиб, буни тазйиқ, жабр кўрсатишнинг шикаст олди, деган тушунчада олиш мумкинлигини таъкидлади.

“Эркаклар ҳам оиладаги учинчи шахслар ҳам бундан кейин ўйлаб муомила қилишади деб ўйлайман. Бунинг учун биз ҳуқуқий тарғиботни кучайтиришимиз керак. Бундай фуқаролар билан ишлаб, маънавий савиясини оширишга жуда катта эътибор қаратишимиз керак”,  - дея сўзларига якун ясади Гавҳар Алимова.

“Ишонч телефони”га хотин-қизлардан 15 мингдан зиёд мурожаатлар келиб тушди

402
Рабочие на стройплощадке

Қурилиш ва “яширин иқтисодиёт”: ҳуқумат қарори лойиҳаси тайёрланди

148
“Қурилиш соҳасида “яширин иқтисодиёт”ни қисқартириш бўйича қўшимча чора-тадбирлар тўғрисида”ги ҳукумат қарори лойиҳаси тайёрланди.

ТОШКЕНТ, 29 окт — Sputnik. “Қурилиш соҳасида “яширин иқтисодиёт”ни қисқартириш бўйича қўшимча чора-тадбирлар тўғрисида”ги ҳукумат қарори лойиҳаси умумий муҳокамага қўйилди.

Қурилиш ташкилотлари томонидан ўз яширин фаолиятини ихтиёрий равишда қонунийлаштириши учун 2020 йил 1 декабрдан қуйидаги рағбатлантириш механизмлари жорий қилиш таклиф этилмоқда:

а) норасмий бандлик ҳолатлари кузатилмаган ёки яширин фаолиятни тўлиқ бартараф этган қурилиш ташкилотлари реестри юритилади.

Реестрга кирган қурилиш ташкилотларга қурилиш объектларида бажарилган ишлар учун буюртмачи томонидан маблағ ажратилгунга қадар даромад ва иш ҳақидан бўлган солиқларни тўлаш муддатини мутаносиб равишда узайтиришга рухсат этилади.

б) ўрганиш жараёнида нолегал ходимларни расмийлаштирган қурилиш ташкилотига уларнинг касбий малакасини ошириш, меҳнат муҳофазаси қоидаларига ўргатиш ва шахсий ҳимоялаш воситаларини харид қилиш учун Бандликка кўмаклашиш давлат жамғармаси маблағлари ҳисобидан субсидия берилади. Бунда:

субсидия касбий малакани ошириш учун ҳар бир ходим учун 6 ой муддатгача ҳар ойда базавий ҳисоблаш миқдорининг 4 баравари миқдоригача, меҳнат муҳофазаси қоидаларига ўргатиш ва шахсий ҳимоялаш воситаларини харид қилиш учун бир марта базавий ҳисоблаш миқдорининг 10 баравари миқдоригача берилади;

ишчи гуруҳлар томонидан аниқланган норасмий ишлаётган ходимларга уларни касбга ўқитиш, қайта ўқитиш, малакасини ошириш учун касб-ҳунарга ўқитиш марказларига йўлланма берилади, бунда иш берувчи томонидан ушбу ходимларни ўқишдан кейин расмий равишда ишга олиш бўйича кафолати олинади.

в) қурилиш ташқилотлари томонидан 2020 йил 1 декабрга қадар ишчиларга норасмий иш ҳақи тўланган холатлар юзасидан ҳуқуқий чоралар қўлланилмайди ва юзага келиб чиқиши мумкин бўлган ҳар қандай солиқ ва мажбурий тўловлардан воз кечилади, бир йил ичида ишчиларига норасмий иш ҳақи тўланган холатлар аниқланган қурилиш ташкилотлар бундан мустасно.

Қурилиш ташкилотларига айрим қурилиш ишлари турлари бўйича ўзини ўзи банд қилган шахсларни хизмат кўрсатиш шартномаси асосида жалб этишга рухсат бериш кўрсатилмоқда.

Бандлик ва меҳнат муносабатлари вазирлиги ва суғурта компаниялари томонидан иш берувчилар, шу жумладан қурилиш ташкилотлари ўз фуқаролик жавобгарликларини мажбурий суғурта қилганлигини биргаликда мониторинг қилиш тажрибаси жорий этиш таклиф қилинмоқда.

Бандлик ва меҳнат муносабатлари вазирлиги Давлат солиқ қўмитаси билан биргаликда икки ой муддатда фаолиятида ходимлар сонини яшириш аниқланган ҳолатлари бўйича мансабдор шахсларга базавий ҳисоблаш миқдорининг йигирма беш бараваридан эллик бараваригача, худди шундай ҳуқуқбузарлик маъмурий жазо чораси қўлланилганидан кейин бир йил давомида такрор содир этилган бўлса, мансабдор шахсларга эллик бараваридан юз бараваригача миқдорда жарима солинишини назарда тутувчи таклифлар ишлаб чиқиш режалаштирилган.

148
Двери СИЗО

Фарғонада тилла тақинчоқларни ўғирлаган аёллар жиноий уюшмаси қўлга олинди

182
(Янгиланган 19:13 29.10.2020)
Кундуз куни уч аёл бировнинг хонадонига кириб, 56 миллион 100 минг сўмлик тилла тақинчоқларини ўғирлаб кетишган

ТОШКЕНТ, 29 окт - Sputnik. Учкўприк туманида хонадондан 56,1 миллион сўмлик тилла-тақинчоқларни ўғирлаган аёллар аниқланди, деб хабар беради Фарғона вилояти ИИБ ахборот хизмати.

Хабарда айтилишича, Фарғона вилояти Учкўприк туманидаги қишлоқларнинг бирида яшовчи фуқаро ИИБга мурожаат қилиб, 17 октябрь куни кундузи номаълум шахс уйига кириб, ётоқхонасидаги жавондан қиймати 56 миллион 100 минг сўмлик тилла тақинчоқларини ўғирлаб кетганини маълум қилган.

Мазкур ҳолат юзасидан Учкўприк тумани ИИБ ҳузуридаги тергов бўлими томонидан Жиноят кодексининг 169-моддаси 2-қисми "б,г" банди (ўғирлик) билан жиноят иши қўзғатилган.

Олиб борилган тезкор қидирув ҳаракатлари давомида ушбу жиноятни Қ.Ш., Ҳ.Н., ва М.М. исмли аёллар содир этганлиги аниқланган, тергов ҳаракатлари олиб борилмоқда.

Жиноят кодексининг 169-моддаси 2-қисмида кўрсатилган жиноятни содир этган шахс беш йилгача озодликдан маҳрум қилиш билан жазоланади

182