Стадион

Миллий терма жамоалар учун янги база барпо этилади

374
(Янгиланган 13:17 03.09.2019)
Миллий ва олимпия терма жамоалари базасида машуғлотлар ўтказиш, ҳордиқ чиқариш ва тикланиш учун барча шароитлар мавжуд бўлади.

ТОШКЕНТ, 3 сен – Sputnik. Ўзбекистон Футбол ассоциацияси томонидан терма жамоалар учун янги машғулотлар базаси барпо этилади. Бу ҳақида ЎФА президенти Абдусалом Азизов хабар қилди.

Миллий ҳамда олимпия терма жамоалари билан бўлиб ўтган учрашувда Азизов Ўзбекистон терма жамоаси мусобақаларга тайёрланиш учун ҳар йил меҳмонхоналарда истиқомат қилиб, ҳар хил базалардан фойдаланиб келаётганини ва ушбу ҳолат бугунги кун талабларига жавоб бермаслигини айтиб ўтди. 

Хабарда айтилишига кўра, ушбу вазиятдан келиб чиқиб, ассоциация томонидан терма жамоалар учун янги база барпо этиш режаси ишлаб чиқилган ва бу борадаги дастлабки қадамлар ташланган. Шунингдек, лойиҳа Ўзбекистон ҳукумати ва халқаро футбол ташкилотлари томонидан қўллаб-қувватланган.

"Бу база асосий жамоаларимизнинг йиғин ўтказиши, машғулотлар, тикланиш, ҳордиқ  чиқариш ва жисмоний ҳолатни яхшилаш учун барча шароитларга эга бўлади. Қароргоҳ баҳаво ҳудудда, сув бўйида жойлашади. Замонавий техника билан жиҳозланади", - деди ЎФА президенти. 

Азизов ушбу лойиҳа миллий футболнинг, айниқса турли ёшдаги терма жамоаларимизнинг янги босқичга чиқишида ва муҳим мусобақаларга сифатли тайёргарлик олиб боришида катта хисса қўшишига ишонч билдирди. 

374

Россиялик мутахассислар COVID-19га қарши курашда ёрдам бериш учун Ўзбекистонга келади

212
Уларнинг барчаси COVID-19 ташхисли беморларни даволаш тажрибасига эга. Шифокорлар гуруҳида анестизиолог-реаниматологлар, инфекционистлар, эпидемиологлар ва терапевт шифокорлар бор.

ТОШКЕНТ, 15 авг - Sputnik. Бир гуруҳ россиялик мутахассислар Ўзбекистонга келишга тайёрланишмоқда. Бу ҳақда АОКА ҳузуридаги штабда бўлиб ўтган брифингда Коронавирусга қарши курашиш штаби аъзоси Барно Абдусаматова маълум қилди 

Россия дунёда биринчи бўлиб COVID 19 га вакцинани рўйхатга олди
Ruptly / РФПИ / WHO / Дмитрий Куракин/Пресс-служба Минздрава России

"16 август куни 40 нафар мутахассис коронавирусга қарши курашда кўмаклашиш учун келишлари кутилмоқда. Бир ой давомида улар коронавирусга қарши курашиш доирасида ўзбекистонлик мутахассислар билан ҳамкорликда ишлашади, амалий-услубий ёрдам беришади", - деди Абдусаматова.

Уларнинг барчаси COVID-19 ташхисли беморларни даволаш тажрибасига эга. Шифокорлар гуруҳида анестизиолог-реаниматологлар, инфекционистлар, эпидемиологлар ва терапевт шифокорлар бор.

Таъкидлаш керакки, россиялик мутахассислар яқинда Қозоғистон ва Қирғизистондан бўлиб, коронавирусга қарши курашдаги ўз вазифаларни амалга ошириб қайтишди.

212
Мавзу:
COVID-19 умумжаҳон пандемияси

107 ёшли Рухсат момодан узоқ яшашнинг олтин қоидаси

468
(Янгиланган 12:54 15.08.2020)
Ҳаммага яхши аёнки, камида саксондан ошиш учун соғлом турмуш тарзига амал қилиш керак. Аммо, қандай қилиб юздан ошса бўлади - ҳамон тиббиёт жумбоғи бўлиб қолмоқда. Sputnik нашри ушбу савол билан булунғурлик 100 ёшдан ошган Рухсат момога мурожаат қилди

ТОШКЕНТ, 15 авг - Sputnik. Самарқанд вилояти Булунғур туманида Ўзбекистоннинг энг кекса яшовчиларидан бири - 107 ёшли Рухсат момо Райимова истиқомат қилади. Момо 1913 йилнинг 1 июнида таваллуд топган. Бутун умр пиллачилик билан шуғулланган.

Остона хатлаб келган мухбирларни тетиклик билан кутиб олган момо анъанага кўра қўлини дуога очади: "Илоҳим, ҳамма соғ-саломат, ўйнаб кулиб юрсин! Тошкентдаги укам светларни ёқиб, пенсияларни бериб қўйибди, илоҳим боши ҳамиша омон бўлсин!".

Рихси момонинг ёнидаги жияни, бу гапдан сўнг, мухбирларга "Президентимизни "укам" дейдилар", - дея тушунтиради ва ўз навбатида момога қараб: "Амма, президент сўзини айтишга қийналсангиз, ҳеч бўлмаса, пошшомиз, денг", дейди ҳижолат тортиб. Аммо Рухсат момо: "Йўқ, укам, дейман", дея унамайди.

Момонинг турмуш ўртоғи вафот этган. Тўрт қизи борлигини, ҳаммаси пенсияга чиқиб кетганини айтади. 92 нафар невара-чеваралари, 18та невара келини, 10 нафар дувараси борлигини айтади. 

Момо "Узоқ яшаш сири нимада?", деб берилган саволга, "Умрим меҳнатда ўтган, тинмай меҳнат қилганмиз (бир пас жим қолиб, нимадир эсига тушгандек, чеҳраси ёришиб давом этади) мен ҳали ҳам иш қилиб тураман, билсангиз. Ўтинларни майдалаб ташлайман! Болтам, аррам, чўтим бор, ҳеч кимга бермайман. Келинларга ёрдам қилиб тураман. Ишламасам, касал бўлиб қоламан. Болалар ётинг, дам олинг, дейди, ётмайман, дейман", - дейди яна ўзига хос қайсарона оҳангда момо.

Коронавирус инфекциясидан қандай сақланаётганига тўхталар экан, уйдан деярли чиқмаслигини айтади.

Пресс-служба хокимията Булунгурского района
Долгожительница из Самаркандской области

"Невараларим, ҳаводан нимадир бурнингизга кириб, касал қилади. Уйдан чиқманг, дейишди. Яна нимадир (маска демоқчи - таҳр.) тақиб юриш кераклигини айтди. Уйдан чиқмаяпман. Ҳамма соғ-саломат бўлсин, дард яқин йўламасин, замонимиз тинч бўлсин", - дея дуо қилади яна суҳбат якунида Рухсат момо.

468

"Йиғлатаман": Чак Норрис Лукашенкога пўписали видеомурожаат ёзди

152
Америкалик артист қисқа видео ёзган ва унда "Саша ноль фоиз" ва "Жаноб Таракан" сифатида машҳур аллақандай Сашага мурожаат қилган.

ТОШКЕНТ, 15 авг - Sputnik. Дунёга машҳур актёр Чак Норрис Беларус президенти Александр Лукашенконикига ташриф уюштирмоқчи. Жангари фильмлар юлдузи урушга шай, у сиёсатчини йиғлашга мажбур этмоқчи, деб хабар қилади NEWS.ru.

Америкалик артист қисқа видео ёзган ва унда "Саша ноль фоиз" ва "Жаноб Таракан" сифатида машҳур аллақандай Сашага мурожаат қилган.

"Биласанми, пиёз тўғраганимда, мен йиғламайман. Пиёз йиғлайди. Шу учун, агар ҳозир қилаётган ишларингни тўхтатмасанг, у ҳолда қароргоҳларингнинг бирига бораманда, сени йиғлашга мажбур этаман", - деган Норрис.

Жангари фильмлар юлдузи бошқа ҳеч қандай аниқлик киритмаган. Айтган жумлаларини ҳам ойдинлаштирмаган. Норриснинг расмий аккаунтларида ушбу видеоролик йўқ. Ролик биринчи бўлиб Беларус мухолифати билан боғлиқ бўлган ижтимоий тармоқларда тарқатила бошланган.

Беларусьдаги норозилик акциялари, 9 август президент сайловларида амалдаги давлат раҳбари Александр Лукашенко ғолиб бўлганидан кейин бошланган эди. МСК маълумотларига кўра, у 80,1% овоз олган. Якшанба кунидан буён Минск ва республиканинг бошқа шаҳарларида санкцияланмаган оммавий норозилик намойишлари давом этмоқда, аммо куч тузилмалари намойишларни куч билан бостирмоқда. Норозилик акциялари иштирокчиларини тарқатиш учун ҳуқуқни муҳофаза қилиш идоралари кўз ёш келтирувчи газ, шовқин гранатаси, резина ўқлардан фойдаланмоқда. Расмий маълумотларга кўра, митинглар давомида 6,5 мингдан ортиқ одам ҳибсга олинган.

Беларусь ИИВ тартибсизликлар давомида юзлаб одамлар жабрлангани ҳақида маълум қилган. Бир нафар одам ҳалок бўлган, ИИВ маълумотларига кўра, у милиция ходимларига қўлбола портловчи қурилмани отишга уринаётиб, ҳалок бўлган.

152