Пул мукофоти ва қабул квотаси: кинологлар учун имтиёзлар белгиланди

© Sputnik / Павел Герасимов / Медиабанкка ўтишВоеннослужащие со своими собаками на открытии Всеармейского этапа конкурса кинологов ВС РФ "Верный друг"
Военнослужащие со своими собаками на открытии Всеармейского этапа конкурса кинологов ВС РФ Верный друг - Sputnik Ўзбекистон
Oбуна бўлиш
“Ички ишлар органларининг кинология хизматлари фаолиятини тубдан такомиллаштириш чора-тадбирлари тўғрисида”ги ҳукумат қарори қабул қилинди.

ТОШКЕНТ, 11 сен – Sputnik. “Ички ишлар органларининг кинология хизматлари фаолиятини тубдан такомиллаштириш чора-тадбирлари тўғрисида”ги ҳукумат қарори қабул қилинди.

Военнослужащий ВС РУз во время состязания кинологов на конкурсе Верный друг АрМИ-2018 - Sputnik Ўзбекистон
Москва вилоятида ўзбекистонлик ҳарбий кинологлар учинчи ўринни қўлга киритди

Қарорга мувофиқ, ички ишлар органларининг хизмат итлари наслчилик питомниги, кинология хизматлари фаолиятини мувофиқлаштириш бўлимлари ҳамда туманлараро кинология гуруҳлари ташкил этилди, уларнинг вазифалари белгиланди.

Қарорга кўра:

- оғир, ўта оғир, шахсга қарши жиноятларни хизмат итлари иштирокида фош этган кинология ходимига меҳнатга ҳақ тўлаш энг кам миқдорининг икки баравар миқдорида пул мукофоти берилади;

- кинология бўлинмалари ходимлари учун ҳар йили Ички ишлар вазирлиги Академиясида сиртқи таълим олишга қабул қилинадиган ходимлар умумий сонининг бир фоизи миқдорида қабул квотаси ажратилади.

Қарор билан Ички ишлар вазирлигининг алоҳида хизмат кўрсатган ходимлар учун “3 - тоифали кинолог”, “2 - тоифали кинолог” ва “1 - тоифали кинолог” идоравий кўкрак нишонлари таъсис этилди.

Шунингдек, қарор билан кинолог ходимларга қўшимча устама тўланадиган махсус малака тоифаси бериш тартиби тўғрисида низом тасдиқланди.

Низомга кўра, махсус малака тоифаси учун тўлов меҳнатга ҳақ тўлаш энг кам миқдорининг:

- “3 - тоифали кинолог” учун – бир баравари миқдорида;

- “2 - тоифали кинолог” учун – икки баравари миқдорида;

- “1 - тоифали кинолог” учун – уч баравари миқдорида белгиланди.

Янгиликлар лентаси
0