Девушка принимает ванну

Ҳар куни чўмилиш шартми шифокорлар жавоби

2796
Шифокорлар ҳар кун чўмилиш шарт эмаслигини маълум қилишди. Улар ўз фикрларининг тасдиғи сифатида қатор сабабларни санаб ўтишди.

ТОШКЕНТ, 19 сен – Sputnik. Дерматолог шифокорлар ҳар кун чўмилиш шарт эмаслигини маълум қилишди. Бу соғлиқ учун зарарли бўлиши мумкин. Улар ўз фикрларининг тасдиғи сифатида қатор сабабларни санаб ўтишди. Бу ҳақда GQ журналида мақола чоп этилди.

Уларнинг сўзларига кўра, ҳозирги замон кишиларининг ҳар кун чўмилишларига ҳожат йўқ, чунки улар оғир жисмоний ишларни бажаришмайди. Қолаверса, тез-тез душ қабул қилиш инфекция хавфини оширади. Иссиқ сув терини ўта қуритиб юборади ва ёрилишига олиб келади. Совун эса фойдали бактерияларни йўқ қилиши мумкин.

Ювинишни ният қилганларга 10 дақиқадан ортиқ ҳаммомда қолиб кетмаслик тавсия қилинади. Шифокорларнинг таъкидига кўра, иссиқ ванна юрак хуружини келтириб чиқариши мумкин.

Шифокорларнинг ишонтириб айтишича, танани тоза сақлаш учун ҳар куни либос ва ички кийимни алмаштириб туришнинг ўзи кифоя.

2796
Народная артистка Узбекистана Шафоат Рахматуллаева

Ўзбекистон халқ артисти Шафоат Раҳматуллаева соғлиғи ҳақида маълумот берилди

255
(Янгиланган 18:49 27.10.2020)
Аввалроқ ижтимоий тармоқларда актриса Шафоат Раҳматуллаева оғир аҳволда жонлантириш бўлимида ётганлиги ҳақидаги хабар тарқалган эди.

ТОШКЕНТ, 27 окт — Sputnik. Маданият вазирлиги Ўзбекистон халқ артисти Шафоат Раҳматуллаеванинг саломатлигидан хавотирланишга асос йўқлигини маълум қилди.

Вазирлик матбуот хизмати хабарига кўра, актричанинг аҳволи яхшиланган, ҳозир у Фарғона вилояти юқумли касалликлар шифохонасининг оддий палатасида муолажа олмоқда.

“Онахон актрисамиз Шафоатхон Раҳматуллаева тезроқ тузалиб кетишларига тилакдошмиз”, - дейилган хабарда.

Эслатиб ўтамиз, Шафоат Раҳматуллаева ўз ижодий фаолияти давомида 150 дан зиёд турли характердаги ранг-баранг, катта-кичик ва бетакрор ролларни ижро этган.

У меҳнат фаолиятини Сирдарё вилоят мусиқали драма театрида актёр сифатида бошлаган. 1971 йилдан Ҳамза номидаги Қўқон шаҳар ўзбек давлат мусиқали драма театрида фаолиятини давом эттирган.

1975 йилдан яна Олим Хўжаев номидаги Сирдарё вилоят мусиқали драма театрида ижодий фаолиятини давом эттириб, 30 дан зиёд бош ва етакчи ролларни маҳорат билан ижро этган.

2002 йилдан ҳозиргача Ҳамза номидаги Қўқон шаҳар мусиқали драма театрида фаолият кўрсатиб,  театр репертуаридаги қатор спектаклларда бош ва кичик роль образларини маромига етказиб ижро этган.

Раҳматуллаева театрдаги фаолияти билан бир қаторда кино ва видеофильмларда ҳам қатор роллар ижро этди. “Масхарабоз”, “Оқ бино оқшомлари”, “Орзу ортида”, “Ўзимдан-ўзимгача”, “Севгинатор”, “Йиғламагин” каби фильмларда ролларни маромига етказиб ижро этиб, кино ихлосмандлари орасида ҳам шуҳрат қозонган.

Бугунги кунда у 100 га яқин ёш ижодкорларни етиштириб, уларга ўз маслаҳатлари билан устозлик қилиб келмоқда.

255

Ўзбекистонда COVID: 27 октябрь асосий хабарлари

286
(Янгиланган 19:51 27.10.2020)
Сутка давомида 214 кишида коронавирус аниқланди, Ўзбекистонда коронавирус инфекцияси қайд этилганлар сони 65 881 нафарни ташкил қилмоқда.

ТОШКЕНТ, 27 окт — Sputnik. Sputnik Ўзбекистон республикадаги эпидемиологик вазият тўғрисида асосий хабарларни тўплади.

Бир сутка давомида 214 кишида коронавирус аниқланди, Ўзбекистонда коронавирус инфекцияси қайд этилганлар сони 65 881 нафарни ташкил қилмоқда.

Янги касалланиш ҳолатларининг: 99 нафари Тошкент шаҳрида, 11 нафари Жиззах вилоятида, 6 нафари Тошкент вилоятида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Соғайиш кўрсаткичи

Бугуннинг ўзида 168 нафар бемор тузалди. Республика бўйлаб жами соғайганлар сони 63 044 нафарга етди. Соғайиш кўрсаткичи 95 фоиз.

Айни пайтда 2 281 нафар беморга белгиланган стандартлар бўйича даво чоралари кўрилмоқда.

Ўлим ҳолатлари

Кун давомида коронавирусга чалинган 4 нафар бемор вафот этди.

Ўзбекистонда жами 556 киши пандемия қурбони бўлди.

3 та автобус

22 октябрь куни фуқароларни РФдан олиб келиш мақсадида “Uzautotrans service” корхонаси томонидан 3 та автобус Екатеринбург шаҳрига жўнаб кетган эди. Автобуслар манзилга етиб борди.

Екатеринбург, Челябинск, Тюмень шаҳарларидан жами 150 нафар фуқаролар Ўзбекистонга олиб келинмоқда. Айни дамда Қозоғистон ҳудудида бўлган автобуслар бир неча соатлардан сўнг Ўзбекистонга кириб келади.

Дунё саломатлиги

Дунё бўйлаб инфекцияни юқтириб олган кишиларнинг сони 43,8 миллиондан ошди, 1,2 миллион ортиқ киши вафот этди, 32,2 миллион киши тузалди. Энг кўп ҳолатлар АҚШда (9,0 млн), Ҳиндистонда (7,9 млн), Бразилияда (5,4 млн).

286
Мавзу:
COVID-19 умумжаҳон пандемияси

Эртага Ўзбекистонга Волгабўйидан совуқ антициклон киради

502
Илиқ ва совуқ ҳаво оқимларининг босимлари тафовути республика ҳудуди бўйича шамолнинг тезлиги секундига 17-22 метргача кучайишига олиб келади

ТОШКЕНТ, 27 окт - Sputnik. Эртага республика шимолига Россиянинг Европа қисми (Москва области)дан Волгабўйи орқали совуқ антициклон кира бошлайди, деб хабар бермоқда Ўзгидромет.

Эртага, 28 октябрда совуқ ҳаво бутун республика ҳудудига тарқалади, ҳарорат фони 8-10 даража пасаяди.

Аксарият вилоятларда кундузги ҳаво ҳарорати 10-13 даража атрофида бўлади. Кучсиз, асосан қор кўринишидаги ёғинлар мамлакатнинг тоғли ва баланд тоғли ҳудудларида кузатилиши мумкин.

Илиқ ва совуқ ҳаво оқимларининг босимлари тафовути республика ҳудуди бўйича шамолнинг тезлиги секундига 17-22 метргача кучайишига олиб келади.

Совуқ ҳаво оқимининг таъсири 29 октябрда ва 30 октябрда кечаси сақланиб туради, 30 октябрда кундузи антициклон шимоли-шарққа чекина бошлайди ва ҳаво аста-секин исийди.

29 ва 30 октябрь кунлари тунги ҳаво ҳарорати 0-3 даража илиққача тушади, айрим жойларда ҳавода биринчи аёз кузатилади — ҳарорат 1-2 даража совуқ бўлади. 29 октябрда кундузи 10-13 даража илиқ атрофида бўлади, 30 октябрда эса бироз — 13-16 даражагача исийди. Бу кунларнинг ҳарорати октябрь ойи учун хос бўлган меъёрий қийматлардан 7-9 даражага паст бўлади.

31 октябрда Ўзбекистон ҳудудига Эрон томондан иссиқ ҳаво кира бошлайди. Тунги аёз тўхтайди, кундузи эса ҳарорат 18 даража, айрим жойларда ундан ҳам юқори бўлади.

502