Национальный олимпийский комитет Узбекистана

Адлия вазирлиги спорт ташкилотларини танқид қилди

173
Спортчилар турли нохуш вазиятларга тушиб қолаётгани учун Адлия вазирлиги Жисмоний тарбия вазирлиги ва Олимпия қўмитасини танқид қилди.

ТОШКЕНТ, 25 сен – Sputnik. Адлия вазирлигида Жисмоний тарбия вазирлиги, Миллий олимпия қўмитаси ҳамда спорт соҳасида фаолият юритувчи ННТ вакиллари билан учрашув бўлиб ўтди.

Учрашувда спортчилар билан боғлиқ нохуш ҳодисалар ҳамда спорт федерациялари томонидан чет мамлакатларга спортчи бўлмаган фуқароларни олиб кетиб, уларни ноқонуний равишда уша давлатларга қолдириб келиш ҳолатлари ҳақида сўз юритилди.

Шунингдек, спортчилар томонидан содир этилган жиноятлар ва уларнинг оқибатлари ҳамда айрим спортчиларнинг ижтимоий тармоқларда амалга ошираётган ноқонуний ҳатти-харакатлари муаммоси муҳокама қилинди.

Ундан ташқари, тадбир давомида спорт федерациялари раҳбарлари ўзларини қизиқтирган саволларга жавоблар олишиб, мамлакатда жисмоний тарбия ва спортни ривожлантириш бўйича таклифларни билдиришди.

Эслатиб ўтамиз, ушбу йилнинг 4 сентябрида Шавкат Мирзиёев Республикада жисмоний тарбия ва спортни ривожлантириш, Олимпиада ўйинларидаги иштирокини кучайтириш, ёшларни оммавий спортга кенг жалб этиш ва бошқа масалалар бўйича йўриқномалалар берган эди.  

Шунингдек президент, соҳага масъул идоралар томонидан жисмоний тарбия ва спорт соҳасида кадрлар тайёрлаш ва уларнинг малакасини ошириш ҳамда аҳоли ўртасида соғлом турмуш тарзини кенг тарғиб қилиш ишлари тизимли йўлга қўйилмагани танқид қилган эди.

173

Навбатдаги инсонпарварлик ёрдами: Ўзбекистон Тожикистонга минг тонна ун жўнатди

37
Маълум бўлишича, бу галги ёрдам юки озиқ-овқат маҳсулотлари, дори-дармон, жумладан, 1 000 тонна ундан иборат.

ТОШКЕНТ, 31 май — Sputnik. Ўзбекистон Тожикистонга янги турдаги коронавирусга қарши курашиш учун навбатдаги инсонпарварлик ёрдамини жўнатди.

Ўзбекистоннинг Тожикистондаги элчихонаси матбуот хизматининг аниқлик киритишича, инсонпарварлик ёрдами Сурхондарё вилоятидан темир йўл орқали Душанбега олиб келинган.

Бу сафар Ўзбекистон Тожикистонга тиббиёт воситалари, озиқ-овқат маҳсулотлари, дори-дармонлар, жумладан, 1 000 тонна ун жўнатган.

Эслатиб ўтамиз, аввалроқ Ўзбекистон Тожикистонга 24 тонна дори-дармон юборгани хабар қилинган эди.

37
Мавзу:
COVID-19 умумжаҳон пандемияси

“Ўрикзор” бозоридаги сотувчининг икки фарзандида ҳам коронавирус аниқланди

70
Таъкидланишича, касалланиш кўрсаткичлари шу суръатда ўсиб борса, эпидемия авж олиш хавфи янада кучаяди.

ТОШКЕНТ, 31 май — Sputnik. “Ўрикзор” савдо мажмуаси сотувчисининг ўғли ва қизида ҳам коронавирус аниқланди. Бу ҳақда Соғлиқни сақлаш вазирлиги хабар қилди.

Маълум қилинишича, сўнгги кунларда Самарқанд, Навоий, Тошкент вилоятлари қатори Тошкент шаҳрида ҳам аҳоли орасида коронавирусга чалинганлар сони кун сайин ошиб бормоқда.

“Касалланиш кўрсаткичлари шу суръатда ўсиб борса, эпидемия авж олиш хавфи янада кучаяди. Бу эса аҳолидан янада ҳушёр бўлиб, ўзи ва яқинлари саломатлигига ўта масъулият билан ёндашишларини талаб этмоқда”, - дейилган хабарда.

Эслатиб ўтамиз, Тошкентдаги “Ўрикзор” бозоридаги сотувчиларнинг бирида коронавирус аниқланганини хабар қилинган эди. Шундан сўнг бозор ўша куннинг ўзида вақтинча фаолиятини тўхтатган эди.

70

Россияда аниқланган коронавирус ҳолати 400 мингтадан ошиб кетди

1
Россияда аниқланган коронавирус ҳолатининг умумий сони 405 843 тага етди. Шулардан 171,8 мингдан зиёди тузалиб кетган.

ТОШКЕНТ, 31 май — Sputnik. Россияда сўнгги сутка давомида коронавирус билан боғлиқ 9268 та янги ҳолат аниқланди. Аниқланган ҳолатларнинг умумий сони 405 843 тага етди. Бу ҳақда мамлакат тезкор штаби маълумотлари дарак бермоқда.

Энг кўп ҳолат Москвада (+2595) аниқланган. Москвада коронавирус билан касалланганларнинг умумий сони 180 791 нафарга етган.

Россияда коронавирусдан 171,8 мингдан зиёд киши тузалиб кетган. 4693 та ўлим ҳолати қайд этилган. Дунёда Россия коронавирус бўйча АҚШ ва Бразилиядан кейинги ўринда қайд этилган.

1
Мавзу:
COVID-19 умумжаҳон пандемияси