Узбекские авиалинии получили пятый Boeing 787-8 Dreamliner

Хорижий меҳмон Ўзбекистон ҳаво йўлларини танқид қилди

962
(Янгиланган 16:04 02.10.2019)
Қозоғистонлик сайёҳ Ўзбекистон Ҳаво йўллари ҳамда Самарқанд ва Тошкент аэропортларни кесин танқид қилди.

ТОШКЕНТ, 2 окт – Sputnik. Ўзбекистонга сайёҳлик мақсадида келган қозоғистонлик Шолпан Есмухамбетова исмли аёл Ўзбекистон ҳаво йўллари, Самарқанд ва Тошкент аэропортлари ҳамда Тошкент  аэропортидаги валюта айирбошлаш шахобчасини кескин танқид қилди.

Ҳаммаси Самарқандда бошланди. Тун соат 2да Тошкентга учиш учун аэропортга келган сайёҳ у ерда самолёт йўқлигидан хабар топади. Қандайдир сабабга кўра самолёт Туркияда ушланиб қолган. Шундан сўнг у Самарқанд аэропортида саросимага тушиб қолган бир гуруҳ хорижий туристларни ҳам кўради.

Бир илож билан аэропорт кассасидан 60 минг сўм товон пули олиб меҳмон таксилар стоянкасига боради ва Тошкентга етиб келади. Тошкент аэропортида бюмларини вақтинча сақлаш хонасига қўйиб ўз ишлари билан шаҳарга чиқмоқчи бўлганида, аэропортда умуман сақлаш хонаси йўқлигидан хабар топади.

Буюмларини аэропорт сменаси бошлиғи хонасига қолдириб пул алмаштирмоқчи бўлади. Лекин бу ерда ҳам меҳмонни “сьюрприз” кутаётган эди. 24 соат ишлаши керак бўлган валюта айирбошлаш шахобчасида ҳеч ким йўқ эди. Аёл бир гуруҳ туристлар билан кечикаётган Миллий банк ходимини кутиб туришига тўғри келади.

Ҳикоя охирида, Ўзбекистон ҳукумати туристларни жалб қилишга бор кучи билан ҳаракат қилаётган бир пайтда авиакомпания ва аэропортлар бундай ишлаши мутлақ аксинча натижага олиб келади, деб хулоса қилган қўшни давлатдан келган меҳмон.

Ўз навбатида Ўзбекистон ҳаво йўллари ҳам йўловчининг ушбу эътирозларига жавоб қайтарган. Авиакомпания ҳақиқатдан ҳам Истамбул – Самарқанд парвози техник сабабларга кўра ушлаб қолинганини ва шу сабабли Самарқанд – Тошкент парвози амалга оширилмаганини айтиб йўловчидан ўзр сўраган.

Шу билан бирга авиакомпания шундай вазиятларда йўловчига кўрсатилиши керак бўлган барча хизматлар кўрсатилганини ва таклиф қилинганини ҳам айтиб ўтган.

962

Минскдаги кўчалардан бири ўзбекистонлик СССР қаҳрамони шарафига номланди

55
Андижонда туғилган Ғулом Якубов шарафига Минскнинг Ленин туманида жойлашган кўчалардан бири номланди. У Беларусдаги жангларда қаҳрамонлик кўрсатган.

ТОШКЕНТ, 29 сен — Sputnik. Улуғ Ватан уруши иштирокчиси ва Совет Иттифоқи қаҳрамони Ғулом Якубов шарафига Минскнинг Ленин туманида жойлашган кўчалардан бири номланди. Бу ҳақда ушбу ташаббусни илгари сурган Ўзбек ҳарбий тарихий жамияти маълум қилди.

Ғулом Якубов 1915 йили 15 майда Ўзбекистонда Мирзаобод қишлоғида дунёга келган. Олтинчи синфни битирган. Совет-фин (1939-140 йиллар) ҳамда Улуғ Ватан уруши қатнашчиси.

1942 йилда фронтга келган, 1944 ёзига келиб автоматчилар ротасига қўмондонлик қилган.

“1944 йили 23 июнь куни Беларусь ҳужум амалиёти бошланди. Могилевшинада Лудчица қишлоғи яқинидаги 150,9 м баландлиги муҳим аҳамиятга эга эди. 1944 йил 24 июнга ўтар кечаси автоматчилар ротаси капитани Якубов учта душман ҳандақларидан кечиб, баландликни эгаллади”, - дейилган хабарда.

Герой Советского Союза Гулям Якубов

Немис душманлари жангчиларни қуршаб олган. Капитан Якубов унинг ўртоқлари пистирмага тушиб қолганини кўриб, мудофаани ташкиллаштириб раҳбарлик қилган. Жанг қарийб 20 соат давом этган, кучлар тенг бўлмаган, аммо совет аскарлари душманнинг барча 40 та ҳужумини қайтаришга муваффақ бўлган.

Бироқ Якубовнинг ўзи жангда ҳалок бўлган.

1945 йил 24 мартда капитан Ғулом Якубовга вафотидан кейин Совет Иттифоқи Қаҳрамони унвони берилган.

Шунингдек, у Ленин, Қизил Байроқ, Ватан уруши (иккинчи даражали), Қизил Юлдуз орданлари ва медаллари билан тақдирланган.

Якубовнинг бюсти Асака ва Андижонда ўрнатилган, унинг шарафига Асака, Биховдаги кўчалар ҳамда Асакадаги 24-мактаб номланган.

55

Ўзбекистонда коронавирус: 29 сентябрь асосий хабарлари

97
Сутка давомида 374 кишида коронавирус аниқланди, Ўзбекистонда коронавирус инфекцияси қайд этилганлар сони 56 252 нафарни ташкил қилмоқда.

ТОШКЕНТ, 29 сен — Sputnik. Sputnik Ўзбекистон республикадаги эпидемиологик вазият тўғрисида асосий хабарларни тўплади.

Бир сутка давомида 374 кишида коронавирус аниқланди, Ўзбекистонда коронавирус инфекцияси қайд этилганлар сони 56 252  нафарни ташкил қилмоқда.

Янги касалланиш ҳолатларининг 176 нафари Тошкент шаҳрида, 8 нафари Тошкент вилоятида тана ҳарорати кўтарилганлиги ҳамда коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Соғайиш кўрсаткичи

Бугуннинг ўзида 393 нафар бемор тузалди. Республика бўйлаб жами соғайганлар сони 52 859 нафарга етди. Соғайиш кўрсаткичи 94 фоиз.

Айни пайтда 2 928 нафар беморга белгиланган стандартлар бўйича даво чоралари кўрилмоқда.

Ўлим ҳолатлари

Кун давомида коронавирусга чалинган 4 нафар бемор вафот этди.

Ўзбекистонда жами 465 киши пандемия қурбони бўлди.

Ўзбекистонга Қозоғистон орқали қайтишни ҳозирча режалаштирманг – ТИВ

Ўзбекистон ТИВ сўнгги вақтларда ижтимоий тармоқлар ва мессенжерларда Россия-Қозоғистон давлатлараро чегараси 1 октябридан очилиши ҳақида тарқатилаётган хабарларга ишонмасликка чақирмоқда. Ҳозирда ватанга қайтишни истагидаги Ўзбекистон фуқаролари учун авиа, темир йўл ва автобус чартер қатновлари ташкил этилмоқда. Ушбу рейсларга чипталар онлайн тарзда сотилмоқда.

Чартер

Uzbekistan Airways Москва ва Санкт-Петербург шаҳарларидан Ўзбекистон фуқароларини олиб чиқиш мақсадида амалга оширилаётган чартер парвозлар янги жадвалини эълон қилди.

Шунингдек, Қозон шаҳридан Ўзбекистон фуқароларини ўз ватанига қайтариш бўйича чартер парвозларга билетлар сотиш бошланди.

Дунё саломатлиги

Дунё бўйлаб инфекцияни юқтириб олган кишиларнинг сони 33,6 миллиондан ошди, 1 миллиондан ортиқ  киши вафот этди, 24,9 миллион киши тузалди. Энг кўп ҳолатлар АҚШда (7,4 млн), Ҳиндистонда (6,1 млн), Бразилияда (4,7 млн).

97
Мавзу:
COVID-19 умумжаҳон пандемияси
Самолет F-16 ВВС Турции

Туркиянинг қирувчиси Арманистон Су-25 самолётини уриб туширди

42
Туркиянинг F-16 қирувчиси Арманистон ҲҲКга қарашли бўлган Су-25 самолётини уриб туширди – Арманистон мудофаа вазирлиги.

ТОШКЕНТ, 29 сен — Sputnik. Туркиянинг F-16 қирувчиси Арманистон ҲҲКга қарашли бўлган Су-25 самолётини уриб туширди. Бу ҳақда Арманистон Мудофаа вазирлиги матбуот котиби Шушун Степанян Facebook саҳифасида пост ёзди. РИА Новости хабарига асосан.

Тоғли Қорабоғ: Озарбайжон ва Арманистон ўқ отишни тўхтата оладими?
Sputnik/RUPTLY/ TV/Государственные учреждения Азербайджана и Армении

“Жанговар вазифани бажараётганда, Туркия ҳаво кучларининг кўп функцияли F-16 қирувчиси Арманистон ҳаво ҳудуди устида Арманистон ҲҲК қарашли бўлган Су-25 ҳужум самолётини уриб туширди. Учувчи қаҳрамонларча ҳалок бўлди ”, - дейилган постда.

Мудофаа вазирлиги вакилининг сўзларига кўра,  F-16 қирувчиси Озарбайжоннинг “Гянжа” аэродромидан учиб чиққан ва Варденис, Мец Масраа, Сотка яқинида жойлашган Арманистон ҳарбий бўлинма ва аҳоли пунктларига зарба берган

Степанян таъкидлашича, Туркиянинг F-16 қирувчиси  60 км масофага республиканинг ичкарига учиб кирган.

Озарбайжон мудофаа вазирлигининг матбуот котиби бу хабарларни ёлғон ва провокацион деб атади, Озарбайжон ҲҲКда  F-16 қирувчилар йўқлигини маълум қилди.

42